လံာ်မးသဲ 6:13 - Sgaw Karen Common Bible

¹³ သုတဒုးလဲၤနုာ်ပှၤဆူတၢ်လ့ပစီအပူၤတဂ့ၤ. မ့မ့ၢ်ထုးထီၣ်ဖျဲးကွံာ်ပှၤလၢတၢ်အၢတၢ်သီအပူၤတက့ၢ်. (အဂ့ၢ်ဒ်အံၤ, ဘီမုၢ်, တၢ်စိတၢ်ကမီၤဒီး တၢ်လၤကပီၤန့ၣ်မ့ၢ်နတၢ်အစိၤစိၤအဃၣ်ဃၣ်လီၤ. အၤမ့ၣ်)’

လံာ်မးသဲ 6:13 Iomraidhean Croise

လံာ်တၢ်ကဲထီၣ်အခီၣ်ထံး 22:1

တၢ်န့ၣ်တဖၣ်ဝံၤအလီၢ်ခံကစၢ်ယွၤမၤကွၢ်စီၤအၤဘြၤဟၣ်န့ၣ်လီၤ. ဒီးကစၢ်ယွၤကိးထီၣ်အီၤ, “စီၤအၤဘြၤဟၣ်ဧၢ,” ဒီးစီၤအၤဘြၤဟၣ်စံးဆၢအီၤ, “ကစၢ်ဧၢ, မ့ၢ်ယၤလီၤ.”

လံာ်စီၤပၤအခီၣ်ထံးတဘ့ၣ် 1:36

ဒီးစီၤဘနါယၤစံးဆၢဝဲ, “မ်တၢ်ကမၤအသးဒ်န့ၣ်တက့ၢ်. ဒီးမ်ယွၤနကစၢ်ယွၤပာ်ဂၢၢ်ပာ်ကျၢၤတၢ်အံၤန့ၣ်တက့ၢ်.

လံာ်ကွဲးနီၣ်တၢ်အခီၣ်ထံးတဘ့ၣ် 16:36

စံးထီၣ်ပတြၢၤယွၤ, အံၣ်စရ့လးအကစၢ်ယွၤန့ၣ်တက့ၢ်. စံးထီၣ်ပတြၢၤအီၤခဲအံၤဒီးလီၤစိၤလီၤထီန့ၣ်တက့ၢ်. ဒီးပှၤဂီၢ်မုၢ်ခဲလၢာ်စံးဝဲ, “အၤမ့ၣ်” ဒီးစံးထီၣ်ပတြၢၤယွၤလီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:11

နမ့ၢ်တၢ်ဒိၣ်တၢ်မုၢ်ဒီးစိဒိၣ်ကမီၤထီ, လၤဒိၣ်ကပီၤအါ, ကပြုၢ်ကပြီၤဒီးလီၤကဟုကညီၢ်န့ၣ်လီၤ. ကယဲၢ်တၢ်ခဲလၢာ်လၢအအိၣ်ဝဲလၢမူခိၣ်ဒီးဟီၣ်ခိၣ်န့ၣ်မ့ၢ်နတၢ်, ဒီးနမ့ၢ်စီၤပၤ, ဒီးပှၤပၢတၢ်အဒိၣ်ကတၢၢ်လၢတၢ်ခဲလၢာ်အဖီခိၣ် န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 4:10

ဘၣ်ဆၣ်စီၤယၤဘ့းဘါထုကဖၣ်တၢ်ဆူအံၣ်စရ့လးအကစၢ် ယွၤဒီးစံးဝဲ, “ကစၢ်ယွၤဧၢ, ဆိၣ်ဂ့ၤယၤဒီးဟ့ၣ်လဲၢ်ထီၣ်ယအိၣ်ယဆိးအလီၢ်တ က့ၢ်. အိၣ်ဒီးယၤဒီးတြီဃာ်န့ၢ်ယၤလၢကယဲၢ်တၢ်အၢတၢ်သီ တမံၤလၢ်လၢ်လၢကမၤဆူးဆါယၤန့ၣ်တက့ၢ်.” ဒီးကစၢ်ယွၤဟ့ၣ်အီၤတၢ်လၢအဃ့ဝဲဒၣ်န့ၣ်လီၤ.

စံးထီၣ်ပတြၢၤ 10:16

ယွၤမ့ၢ်စီၤပၤအစိၤစိၤအဃၣ်ဃၣ်လီၤ. ပှၤလၢအဘူၣ်ထီၣ်ဘါထီၣ် ကစၢ်အဂၤတဖၣ်န့ၣ် ကလီၤမၢ်ကွံာ်လၢအကီၢ်ပူၤလီၤ.

စံးထီၣ်ပတြၢၤ 106:48

စံးထီၣ်ပတြၢၤယွၤ, အံၣ်စရ့လးအကစၢ်ယွၤတက့ၢ်. စံးထီၣ်ပတြၢၤအီၤခဲအံၤဒီးလီၤထူလီၤယိာ်တက့ၢ်. မ်ပှၤခဲလၢာ်စံးဝဲ, “အၤမ့ၣ်တက့ၢ်.” စံးထီၣ်ပတြၢၤယွၤတက့ၢ်.

စံးထီၣ်ပတြၢၤ 22:28

ယွၤမ့ၢ်စီၤပၤ ဒီးပၢပှၤကိးကလုာ်ဒဲးန့ၣ်လီၤ.

စံးထီၣ်ပတြၢၤ 41:13

မ်ယွၤအံၣ်စရ့လးအကစၢ်ယွၤ, ဘၣ်တၢ်စံးထီၣ်ပတြၢၤအီၤ အစိၤစိၤအဃၣ်ဃၣ်တက့ၢ်. အၤမ့ၣ်ဒီးအၤမ့ၣ်.

စံးထီၣ်ပတြၢၤ 47:2

ယွၤ, တၢ်ထီကတၢၢ်တဂၤအံၤကဘၣ်တၢ်ပျံၤအီၤလီၤ. အဝဲမ့ၢ်စီၤပၤဖးဒိၣ်တဂၤလၢ အပၢဟီၣ်ခိၣ်ဒီဘ့ၣ်န့ၣ်လီၤ.

စံးထီၣ်ပတြၢၤ 47:7

ကစၢ်ယွၤမ့ၢ်စီၤပၤလၢဟီၣ်ခိၣ်ဒီဘ့ၣ်ညါလီၤ. စံးထီၣ်ပတြၢၤအီၤလၢတၢ်သးဝံၣ်တဖၣ်န့ၣ်တက့ၢ်.

စံးထီၣ်ပတြၢၤ 72:19

အမံၤလၤသၣ်ကပီၤန့ၣ် မ်အဘၣ်တၢ်စံးထီၣ်ပတြၢၤ လီၤထူလီၤယိာ်တက့ၢ်. မ်ဟီၣ်ခိၣ်ဒီဘ့ၣ်ညါပှဲၤဝဲဒီးအလၤကပီၤတက့ၢ်. အၤမ့ၣ်, ဒီးအၤမ့ၣ်.

စံးထီၣ်ပတြၢၤ 89:52

မ်ယွၤဘၣ်တၢ်စံးထီၣ်ပတြၢၤလီၤထူလီၤယိာ်တက့ၢ်. အၤမ့ၣ်, ဒီးအၤမ့ၣ်.

လံာ်တၢ်ဟးထီၣ်ကွံာ် 15:18

နဲဒၣ်, ယွၤဧၢ, နကမ့ၢ်စီၤပၤအစိၤစိအဃၣ်ဃၣ်လီၤ.”

တၢ်ကတိၤဒိ. 30:8

တြီယၤလၢတၢ်လီတၢ်ဝ့ၤတက့ၢ်. ဒီးပျဲလၢယကထူးတီၤမ့ၢ်ဂ့ၤ, ယကဖှီၣ်ယာ်မ့ၢ်ဂ့ၤန့ၣ်တဂ့ၤ. အဃိဒီး, ဟ့ၣ်လီၤယၤတၢ်အီၣ်ထဲဒၣ်လၢယလိၣ်ဘၣ်အီၤအဂီၢ်န့ၣ်တက့ၢ်.

လံာ်ယံးရမံယၤ 15:21

ယကမၤပူၤမၤဖျဲးနၤလၢပှၤတတီတလိၤဒီးပှၤမၤတၢ်လၢတၢ်စုဆူၣ် ခီၣ်တကးတဖၣ်အတၢ်စိတၢ်ကမီၤအပူၤန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 28:6

“ဂ့ၤဒိၣ်မးလီၤ. ယမုၢ်လၢ်လၢယွၤ ကမၤတၢ်အံၤလီံၤ. ယမုၢ်လၢ်သပှၢ်ကတၢၢ်လၢ အဝဲကမၤလၢထီၣ်ပှဲၤထီၣ် နတၢ်ကတိၤ လၢဝံအကျိာ်ဒီး ကဟဲက့ၤစိာ်ကဒါက့ၤ ယွၤအတၢ်လုၢ်ဟံၣ် အတၢ်ထူးတၢ်တီၤခဲလၢာ်ဒီး ပှၤဂီၢ်မုၢ်ခဲလၢာ်လၢ အဘၣ်တၢ်စိာ်ကွံာ်အီၤဒ်ပှၤဘၣ် တၢ်မၢကဲကုၢ်အီၤ အသိးလၢကီၢ်ဘၤဘူၤလိၣ်တခီန့ၣ်လီၤ.

လံာ်ဒၤနံးယ့လး 4:25

နကဘၣ်တၢ်နီၣ်ထီၣ်ကွံာ်နၤလၢပှၤကညီအသိးအကျါဒီးနတၢ် အိၣ်တၢ်ဆိးအလီၢ်ကမ့ၢ်ဝဲလၢဆၣ်ဖိကီၢ်ဖိအမံၤတဖၣ်အသိး အကျါလီၤ. နကအီၣ်တပံၢ်တမါဒ်ဂီၤဖံးတဒုအသိးဒီးမံလီၤလၢတၢ် ပျီပူၤဖဲပစီၤထံကလီၤဘၣ်လၢနလိၤကယံာ်ဝဲနွံနံၣ်လီၤ. တုၤနုၤတစု, နကအၢၣ်လီၤက့ၤလၢတၢ်ထီကတၢၢ်ကစၢ်ယွၤတဂၤပၢတၢ်လၢ ပှၤဟီၣ်ခိၣ်ဖိအဘီအမုၢ်တဖၣ်အဖီခိၣ်ဒီးဟ့ၣ်လီၤဝဲတၢ်စိတၢ် ကမီၤဆူပှၤလၢအဃုထၢဝဲတဂၤလၢ်လၢ်ဒ်အတၢ်ဘၣ်အသး ဒၣ်ဝဲအသိးသ့ဝဲန့ၣ်လီၤ.

လံာ်ဒၤနံးယ့လး 7:18

ဒီးတၢ်ထီကတၢၢ်ကစၢ်ယွၤအပှၤဂီၢ်မုၢ်န့ၣ်ကဒိးန့ၢ်ဘၣ်စီၤလိၣ် စီၤပၤအစိကမီၤ, ဒီးဟံးဃာ်အီၤအစိၤစိၤအဃၣ်ဃၣ်န့ၣ်လီၤ.”

လံာ်တၢ်ဂံၢ် 5:22

မ်ထံအံၤလဲၤနုာ်ဆူနဟၢဖၢအပူၤဒီးဒုးညိးထီၣ်နဟၢဖၢဒီး ဒုးသံးကတူၢ်နဒၢလီၢ်အကျိၤန့ၣ်တက့ၢ်.” ပိာ်မုၣ်န့ၣ်ကဘၣ်စံးဆၢကဒါက့ၤဝဲ, “ယဘၣ်သူၣ်ဘၣ်သးလၢတၢ် အံၤဒီးမ်ယွၤမၤဝဲဒ်န့ၣ်အသိးတက့ၢ်.”

လံာ်မးသဲ 26:41

ဆိးသီဒီးဃ့ဘါထုကဖၣ်ယွၤ, ဒ်သိးသုသုတလီၤဃံၤလၢတၢ်လ့ပစီအဃိတဂ့ၤန့ၣ်တက့ၢ်. သးအဂံၢ်အဘါမ့ၢ်ဆူၣ်သနာ်က့, နီၢ်ခိအဂံၢ်အဘါစၢ်ဝဲလီၤ.”

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

လံာ်မးသဲ 5:37

တၢ်လၢနအၢၣ်လီၤအီလီၤအီၤမ်အကမ့ၢ်ဒၣ်ဝဲ, ‘မ့ၢ်’ မ့တမ့ၢ်ဘၣ်ဒီး ‘တမ့ၢ်ဘၣ်’ တက့ၢ်. အါန့ၢ်အန့ၣ်မ့ၢ်တၢ်ဟဲလၢတၢ်အၢတၢ်သီ တဂၤအအိၣ်လီၤ.

လံာ်မးသဲ 6:10

နဘီနမုၢ်န့ၣ်မ်အဟဲတက့ၢ်. မ်တၢ်ဘၣ်နသးန့ၣ်, ဘၣ်တၢ်မၤအီၤလၢဟီၣ်ခိၣ်ချၢ ဒ်အဘၣ်တၢ်မၤအီၤလၢမူခိၣ်အသိးန့ၣ်တက့ၢ်.

လံာ်ယိၤဟၣ် 17:15

ယတဃ့နၤဒ်သိးနကထုးထီၣ်ကွံာ်အဝဲသ့ၣ်လၢ ဟီၣ်ခိၣ်ချၢအဂီၢ်န့ၣ်ဘၣ်. မ့မ့ၢ်, ယဃ့နၤလၢနကအံးကွၢ်ကဟုကယာ်အဝဲသ့ၣ်ဒ်သိး အကပူၤဖျဲးဒီးတၢ်အၢတၢ်သီတဂၤအဂီၢ်န့ၣ်လီၤ.

1 ကရံၣ်သူး 10:13

ကယဲၢ်တၢ်မၤကွၢ်လၢသုလဲၤခီဖျိဘၣ်တ့ၢ်လံဝဲတဖၣ်န့ၣ် မ့ၢ်ဒၣ်တၢ်တကလုာ်ဃီလၢအတုၤအိၣ်ညီနုၢ်ပှၤဟီၣ်ခိၣ်ဖိ တဖၣ်န့ၣ်လီၤ. ဘၣ်ဆၣ်ဒီးကစၢ်ယွၤတီလၢအတၢ်အၢၣ်လီၤ, ဒီးအဝဲတပျဲသုဘၣ်တၢ်လ့ပစီသုအါန့ၢ်သုအိၣ်ဒီးတၢ်ဂံၢ် တၢ်ဘါလၢသုကဆၢထၢၣ်ကျၢၤကျၢၤအဂီၢ်ဘၣ်လီၤ. ဖဲအဆၢကတီၢ်လၢသုဘၣ်တၢ်လ့ပစီသုန့ၣ်အဝဲ ကဟ့ၣ်သုတၢ်ဂံၢ်တၢ်ဘါလၢသုကကွၢ်ဆၢၣ်မဲာ်အီၤဒီးဆၢထၢၣ် ကျၢၤကျၢၤအဂီၢ်ဒီးဒုးထူၣ်ဖျဲးထီၣ်ကွံာ်သုလၢကျဲဒ်န့ၣ်အပူၤလီၤ.

1 ကရံၣ်သူး 14:16

ဖဲနဟ့ၣ်တၢ်စံးထီၣ်ပတြၢၤဆူကစၢ်ယွၤအအိၣ်ထဲလၢနီၢ်သးန့ၣ်, ပှၤမုၢ်ဆ့ၣ်မုၢ်ဂီၤလၢအဘူၣ်သကိးဘါသကိးတၢ်တဂၤကစံး, “အၤမ့ၣ်” လၢနတၢ်ထုကဖၣ်စံးထီၣ်ပတြၢၤယွၤန့ၣ်ကသ့ဝဲဒ်လဲၣ်. အဝဲနၢ်ပၢၢ်နတၢ်စံးတၢ်ကတိၤတဖၣ်တသ့ဝဲလၢကျဲနီတဘိဘၣ်လီၤ.

၂ ကရံၣ်သူး 1:20

အဂ့ၢ်ဒ်အံၤ, အဝဲဒၣ်မ့ၢ်ဝဲ “မ့ၢ်” လၢယွၤတၢ်စံးပာ်ခဲလၢာ် အဂီၢ်လီၤ. လၢတၢ်တမံၤအံၤအဃိ, ခီဖျိယ့ၣ်ၡူးခရံာ်န့ၣ်ပ “အၤမ့ၣ်” ဘၣ်တၢ်ကတိၤထီၣ်ဖျဲးအီၤလၢကစၢ်ယွၤအလၤ ကပီၤအဂီၢ်လီၤ.

ကလၤတံ 1:4

ခရံာ်ဟ့ၣ်လီၤကွံာ်အသးလၢပတၢ်ဒဲးဘးတဖၣ်အဂီၢ်ဒ်သိး ကဒုးထူၣ်ဖျဲးထီၣ်ကွံာ်ပှၤလၢဆၢကတီၢ်အအၢအသီတကတီၢ် အံၤန့ၣ်လီၤ. မၤဝဲလၢတၢ်ဒိကနၣ်ပပၢ်ယွၤအတၢ်ဘၣ်အသး အပူၤန့ၣ်လီၤ.

လံာ်သိၣ်လီၤသီလီၤတၢ် 8:16

လၢပှၢ်မုၢ်ကနၢအပူၤန့ၣ်အဝဲဟ့ၣ်သုကိၣ်မၤနၤလၢသုကအီၣ်အီၤအ ဂီၢ်, ဒီးတၢ်အီၣ်လၢသုမိၢ်ပၢ်ဖံဖုလၢပျၢၤတဖၣ်တအီၣ်ဘၣ်တ့ၢ်နီတစု ဘၣ်န့ၣ်လီၤ. အဝဲဆှၢလီၤတၢ်ကီတၢ်ခဲတဖၣ်လၢသုဖီခိၣ်လၢကမၤကွၢ်သုအဂီၢ် ဒ်သိးလၢအကတၢၢ်န့ၣ်, အဝဲဆိၣ်ဂ့ၤသုလၢတၢ်အဂ့ၤတဖၣ်ကသ့ဝဲအဂီၢ်န့ၣ်လီၤ.

လံာ်သိၣ်လီၤသီလီၤတၢ် 8:2

သ့ၣ်နီၣ်ထီၣ်လၢယွၤ, သုကစၢ်ယွၤဆှၢတ့ၢ်သုဒ်လဲၣ်လၢတၢ်လဲၤကျဲ ဖးယံၤခီဖျိပှၢ်မုၢ်ကနၢလၢအပူၤကွံာ်အနံၣ်လွံၢ်ဆံ, ဒုးကွၢ်ဆၢၣ်မဲာ်သုတၢ်မၤကွၢ်အကီအခဲတဖၣ်ဒ်သိးအဝဲကသ့ၣ်ညါ ဘၣ်ဝဲလၢသုပာ်လီၤသုသးလၢသုကမၤတၢ်မနုၤ, ဒီးမ့ၢ်သုကစူၢ်အဝဲအတၢ်မၤလိာ်တဖၣ်ကစီဒါဧါ, အဂ့ၢ်န့ၣ်တက့ၢ်.

၁ သ့းစၤလနံ 1:10

ဒီးအိၣ်ခိးအဖိခွါအတၢ်ဟဲလီၤလၢမူခိၣ်, အဖိခွါယ့ၣ်ၡူးလၢအဝဲဒၣ်ဒုးဂဲၤဆၢထၢၣ်က့ၤအီၤလၢတၢ်သံတ ဂၤလၢအဒုးပူၤဖျဲးထီၣ်ပှၤလၢကစၢ်ယွၤအတၢ်သးဒိၣ်လၢ အကဟဲန့ၣ်လီၤ.

၂ သ့းစၤလနံ 3:3

ဘၣ်ဆၣ်ဒီးကစၢ်အကလုၢ်တီဝဲဒီးအဝဲဒၣ်ကမၤဆူၣ်ထီၣ်သုသး အဂံၢ်အဘါဒီးခိးတြီဃာ်တၢ်အၢတၢ်သီတဂၤလၢသု န့ၣ်လီၤ.

၁ တံၤမသ့း 1:17

စီၤပၤလၢအပၢတၢ်လီၤထူလီၤယိာ်လၢအသံတသ့ ဒီးတၢ်ထံၣ်အီၤတသ့, ကစၢ်ယွၤထဲတဂၤဧိၤအံၤ, မ်တၢ်ယူးယီၣ်ဒီးတၢ်လၤကပီၤအိၣ်ဒီးအီၤအစိၤစိၤ အဃၣ်ဃၣ်တက့ၢ်. အၤမ့ၣ်.

ဧ့ၤဘြံၤ 11:36

ပှၤတနီၤဘၣ်တၢ်ဒုၣ်ဒွဲၣ်ပယွဲအီၤဒီးဘၣ်တၢ်တီၢ်အီၤ, ဒီးအဂၤတနီၤဘၣ်တၢ်စၢဃာ်အီၤလၢထးသွဲဒီးလီၤဘၣ်ဒၣ် လဲာ်လၢဃိာ်ပူၤလီၤ.

၁ ပ့းတရူး 5:8

အိၣ်စီၣ်မဲာ်စီၣ်နါဒီးဆိးသီတက့ၢ်. သုဒုၣ်သုဒါမုၣ်ကီၤလံၢ်ဟးဝ့ၤဝီၤဒ်ခ့ယုၢ်ကညီၤရုၢ်ရုၢ် အသိးဒီးဃုပှၤလၢအကယူၢ်လီၤဝဲလီၤ.

၂ ပ့းတရူး 2:9

လၢတၢ်န့ၣ်အဃိ, ကစၢ်ယွၤသ့ၣ်ညါကျဲလၢအကမၤပူၤဖျဲးပှၤယူးယီၣ်ယွၤလၢ အတၢ်နးတၢ်ဖှီၣ်တဖၣ်အပူၤ, ဒီးကဟံးဃာ်ပှၤအအၢအသီတဖၣ်လၢတၢ်သိၣ်ဃီၣ် အပူၤတုၤလၢမုၢ်စံၣ်ညီၣ်အနံၤ,

၁ ယိၤဟၣ် 3:8

မတၤတဂၤဂ့ၤတဂၤဂ့ၤလၢအမၤဒံးတၢ်ဒဲးဘးန့ၣ်, ဘၣ်ဃးဒီးမုၣ်ကီၤလံၢ်, မ့ၢ်လၢမုၣ်ကီၤလံၢ်မၤတ့ၢ်တၢ်ဒဲးဘးလၢအခီၣ်ထံးလံၤလံၤ အဃိန့ၣ်လီၤ. ကစၢ်ယွၤအဖိခွါလီၣ်ဖျါထီၣ်အသးလၢ တၢ်ဂ့ၢ်အဝဲအံၤအဂီၢ်, ဒ်သိးအကမၤဟးဂီၤကွံာ်တၢ်လၢ မုၣ်ကီၤလံၢ်မၤတ့ၢ်ဝဲတဖၣ်အဂီၢ်န့ၣ်လီၤ.

လံာ်လီၣ်ဖျါ 1:18

ယမ့ၢ်ပှၤလၢအမူဝဲတဂၤလီၤ. ယသံတ့ၢ်ယဲ, ဘၣ်ဆၣ်ဒီးခဲကနံၣ်အံၤ, ယမူယဲအစိၤစိၤအဃၣ်ဃၣ်လီၤ. ယအိၣ်ဒီးတၢ်စိတၢ်ကမီၤလၢတၢ်သံ, ဒီးပျုၤပူၤအဖီခိၣ်လီၤ.

လံာ်လီၣ်ဖျါ 19:1

တၢ်အံၤဝံၤအလီၢ်ခံ, ယနၢ်ဟူတၢ်လၢအသီၣ်လီၤဂာ်ပှၤဂီၢ်မုၢ်အကလုၢ်ဖးဒိၣ်လၢမူခိၣ် စံးဝဲ, “စံးထီၣ်ပတြၢၤယွၤတက့ၢ်. တၢ်အုၣ်က့ၤခီၣ်က့ၤ, တၢ်လၤ ကပီၤ, ဒီးတၢ်စိတၢ်ကမီၤမ့ၢ်ပကစၢ်ယွၤအတၢ်လီၤ.

လံာ်လီၣ်ဖျါ 19:4

ပှၤသူၣ်က့သးပှၢ်ခံဆံလွံၢ်ဂၤဒီးတၢ်အသးသမူအိၣ်လွံၢ်ဒုန့ၣ် ထိၣ်လီၤပှီၤအသးဒီးဘူၣ်ထီၣ်ဘါထီၣ်ကစၢ်ယွၤလၢ အဆ့ၣ်နီၤအိၣ်လၢလီၢ်ပစိာ်အဖီခိၣ်န့ၣ်လီၤ. အဝဲသ့ၣ်စံးဝဲ, “အၤမ့ၣ်. စံးထီၣ်ပတြၢၤကစၢ်ယွၤတက့ၢ်.”

လံာ်လီၣ်ဖျါ 2:10

တၢ်လၢနကတူၢ်ဘၣ်အီၤခဲကနံၣ်အံၤန့ၣ်တဘၣ်ပျံၤအီၤနီ တမံၤတဂ့ၤ. ဒိကနၣ်တက့ၢ်. မုၣ်ကီၤလံၢ်ကမၤကွၢ်သုခီဖျိအဒုးဃာ်သုဝဲတနီၤလၢဃိာ်ပူၤ, ဒီးသုကဘၣ်ကီဘၣ်ခဲလၢအသီတဆံအတီၢ်ပူၤလီၤ. နမ့ၢ်ဘၣ်သံဒၣ်လဲာ်န့ၣ်, သးတီဒီးယၤတက့ၢ်, ဒီးယကဟ့ၣ်နၤလၢတၢ်မူဒ်နတၢ်မၤနၢၤအခိၣ်ဖးန့ၣ်လီၤ.

လံာ်လီၣ်ဖျါ 21:4

အဝဲဒၣ်ကထွါကွံာ်မဲာ်ထံခဲလၢာ်လၢအဝဲသ့ၣ်အမဲာ်ချံ အပူၤလီၤ. တၢ်သံတအိၣ်လၢၤဘၣ်, တၢ်သူၣ်အုးသး အုးမ့ၢ်ဂ့ၤ, တၢ်ဟီၣ်တၢ်ယၢၤမ့ၢ်ဂ့ၤ, တၢ်ဆူးတၢ်ဆါမ့ၢ်ဂ့ၤ တအိၣ်ဝဲဒၣ်လၢၤဘၣ်. တၢ်အလီၢ်လံၤတဖၣ်လဲၤပူၤကွံာ် ဝဲဒၣ်လံ.”

လံာ်လီၣ်ဖျါ 3:10

မ့ၢ်လၢသုတိၢ်န့ၢ်ဟံးဃာ်ယကလုၢ်လၢသုကတူၢ်တၢ်အိၣ်ဒီး တၢ်သူၣ်စူၤသးစူၤအဃိယကကဟုကယာ်စ့ၢ်ကီးသုလၢတၢ်ကီ တၢ်ခဲအဆၢကတီၢ်, လၢအကဟဲတုၤအိၣ်ဟီၣ်ခိၣ်ဒ်သိးအကမၤ ကွၢ်ပှၤအိၣ်လၢဟီၣ်ခိၣ်ချၢခဲလၢာ်န့ၣ်လီၤ.

လံာ်လီၣ်ဖျါ 3:14

ဆူဝ့ၢ်လီၤဒံၤကံတၢ်အိၣ်ဖှိၣ်အကလူးအအိၣ်န့ၣ်ကွဲးတၢ်ဒ်အံၤ တက့ၢ်. “အဝဲအံၤမ့ၢ်တၢ်ကစီၣ်ဟဲလၢတၢ်အၤမ့ၣ်, ပှၤလၢအသးတီဒီးအုၣ်အသးတီတီလိၤလိၤတဂၤ, ပှၤလၢအမ့ၢ်ကယဲၢ်ကစၢ်ယွၤအတၢ်ဘၣ်တ့ခဲလၢာ် အခီၣ်ထံးခီၣ်ဘိအအိၣ်န့ၣ်လီၤ.

လံာ်လီၣ်ဖျါ 5:13

ဒီးယနၢ်ဟူ, ကယဲၢ်တၢ်ဘၣ်တ့လၢမူခိၣ်ဟီၣ်ခိၣ်ဒီးလၢဟီၣ်ခိၣ် အဖီလာ်တဖၣ်ဒီးပီၣ်လဲၣ်ဒီဘ့ၣ်ညါတၢ်အိၣ်လၢအပူၤခဲလၢာ် သးဝံၣ်တၢ်ဒ်အံၤ, “မ်ပှၤလၢအဆ့ၣ်နီၤလၢလီၢ်ပစိာ်အလိၤ, ဒီးသိဖိတဒုန့ၣ်, ဒိးန့ၢ်ဘၣ်တၢ်စံးထီၣ်ပတြၢၤ, တၢ်မံၤလၤသၣ်ကပီၤ, တၢ်ယူးယီၣ်ဒီး တၢ်ဂံၢ်တၢ်ဘါ အစိၤစိၤဃၣ်ဃၣ်န့ၣ်တက့ၢ်.”