လံာ်မးသဲ 5:9 - Sgaw Karen Common Bible

⁹ ပှၤလၢအမၤဃူမၤဖိးတၢ်တဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, ပှၤတဖၣ်န့ၣ် ကစၢ်ယွၤကကိးအီၤလၢအဖိတဖၣ်လီၤ.

လံာ်မးသဲ 5:9 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 12:17

စီၤဒၤဝံးလဲၤထီၣ်သဂၢၢ်အဝဲသ့ၣ်ဒီးစံးဝဲ, “သုမ့ၢ်ဟဲဒ်တံၤသကိးတဖၣ်လၢကမၤစၢၤယၤအဂီၢ်န့ၣ်ဒီးယတူၢ် လိာ်မုာ်သုဖဲအံၤလီၤ. အိၣ်သကိးဒီးပှၤတက့ၢ်. ဘၣ်ဆၣ်သုမ့ၢ်ဟဲဒ်သုကဟ့ၣ်လီၤယၤဆူယဒုၣ်ယဒါတဖၣ်အစုပူၤန့ၣ် ဒီးယမ့ၢ်တကျဲးစၢးမၤဆါသုဒၣ်လဲာ်န့ၣ်, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤကသ့ၣ်ညါဝဲဒီးကစံၣ်ညီၣ် သုန့ၣ်လီၤ.”

စံးထီၣ်ပတြၢၤ 120:6

ယအိၣ်ဆိးတ့ၢ်ယဲဃဲးဃဲး လၢပှၤဂီၢ်မုၢ်အသးဟ့တၢ်ဃူတၢ်ဖိးအကျါလီၤ.

စံးထီၣ်ပတြၢၤ 34:12

မ့ၢ်နအဲၣ်ဒိးမုာ်လၤသးခုလၢတၢ်အိၣ်မူအပူၤန့ၣ်ဧါ. မ့ၢ်နဆၢဒိးန့ၢ်ဘၣ်တၢ်အိၣ်ကၢအိၣ်ခိး ဒီးတၢ်သူၣ်ခုသးခုန့ၣ်ဧါ.

လံာ်မးသဲ 5:45

မၤတၢ်အံၤဒ်သိးဒီးသုကကဲထီၣ်သုပၢ်အိၣ်လၢမူခိၣ်အဖိတဖၣ် န့ၣ်တက့ၢ်. အဂ့ၢ်ဒ်အံၤ, အဝဲဒုးကပီၤထီၣ်အမုၢ်လၢပှၤအအၢဒီးပှၤအဂ့ၤတဖၣ်အဂီၢ်ဒီး ဒုးစူၤလီၤတၢ်လၢပှၤလၢအအိၣ်မူတီတီလိၤလိၤဒီးပှၤလၢ အအိၣ်မူတတီတလိၤဘၣ်တဖၣ်အဂီၢ်ဒ်သိးသိးလီၤ.

လံာ်မးသဲ 5:48

လၢတၢ်န့ၣ်အဃိ, ဒ်သုပၢ်လၢမူခိၣ်လၢပှဲၤဝဲအသိးန့ၣ် လၢထီၣ်ပှဲၤထီၣ်သုဝဲဒ်န့ၣ်အသိးတက့ၢ်.

လံာ်လူၤကၣ် 20:36

အဝဲသ့ၣ်လီၤဂာ်ဒီးကလူးတဖၣ်, ဒီးသံဝဲတသ့ဘၣ်. အဝဲသ့ၣ်မ့ၢ်ကစၢ်ယွၤအဖိတဖၣ်, အဂ့ၢ်မ့ၢ်လၢအဂဲၤဆၢထၢၣ်က့ၤလံဝဲလၢတၢ်သံအဃိန့ၣ်လီၤ.

လံာ်လူၤကၣ် 6:35

တဘၣ်မ့ၢ်ဒ်န့ၣ်ဘၣ်. အဲၣ်သုဒုၣ်သုဒါတဖၣ်ဒီးမၤဂ့ၤအဝဲသ့ၣ်တက့ၢ်. ဟ့ၣ်လိၢ်တၢ်, ဒီးမုၢ်လၢ်က့ၤတၢ်နီတမံၤတဂ့ၤ. သုကဒိးန့ၢ်ဘၣ်ခိၣ်ဖးလၢအဒိၣ်, ဒီးသုကမ့ၢ်တၢ်ထီကတၢၢ်ကစၢ်ယွၤတဂၤအဖိခွါတဖၣ်လီၤ. အဂ့ၢ်ဒ်အံၤ, အဝဲဒၣ်ဂ့ၤလၢပှၤတသ့ၣ်ညါတၢ်ဘျုးတၢ်ဖှိၣ်, ဒီးပှၤအၢပှၤသီတဖၣ် အဖီခိၣ်လီၤ.

မၤတၢ် 7:26

လၢခံတနံၤအဝဲဒၣ်ထံၣ်ဘၣ်ပှၤအံၣ်စရ့လးဖိခံဂၤအ့ၣ်လိာ် အသး, ဒီးဂုာ်မၤဃူမၤဖိးက့ၤအဝဲသ့ၣ်န့ၣ်လီၤ. အဝဲဒၣ်စံးဝဲ, ‘တံၤသကိးသ့ၣ်ဧၢ, ကနၣ်တက့ၢ်. သုမ့ၢ်ဒီပုၢ်ဝဲၢ်တဖၣ်လီၤ. ဘၣ်မနုၤသုဘၣ်မၤဆူးမၤဆါလိာ်သုသးန့ၣ်လဲၣ်.’

ရိမ့ၤ 12:18

မ့မ့ၢ်သုဝဲတခီ, ဖဲသုသ့န့ၣ်အိၣ်ဃူလိာ်ဖိးလိာ်သုသး ဒီးပှၤခဲလၢာ်တက့ၢ်.

ရိမ့ၤ 8:14

ပှၤတဖၣ်လၢအဘၣ်တၢ်ပၢဆှၢအီၤလၢကစၢ်ယွၤအသး န့ၣ်မ့ၢ်ကစၢ်ယွၤအဖိတဖၣ်လီၤ.

ရိမ့ၤ 8:16

ကစၢ်ယွၤအသးအုၣ်ဃုာ်အသးဒီးပသးလၢပမ့ၢ်ကစၢ်ယွၤ အဖိတဖၣ်န့ၣ်လီၤ.

ရိမ့ၤ 8:19

လၢတၢ်သူၣ်ဆူၣ်သးဂဲၤအပူၤ, တၢ်ဘၣ်တ့ခဲလၢာ်အိၣ်ခိးကွၢ်လၢ်ကစၢ်ယွၤကလီၣ်ဖျါထီၣ် အဖိခွါတဖၣ်န့ၣ်လီၤ.

1 ကရံၣ်သူး 6:6

ဘၣ်ဆၣ်ဒီး, တမ့ၢ်ဒ်န့ၣ်ဘၣ်. မ့မ့ၢ်, ပှၤခရံာ်ဖိတဂၤလဲၤဆူကွီၢ်ဘျီၣ်ဒ်သိးအကထီဒါပှၤခရံာ်ဖိ အဂၤတဂၤဒီးပျဲပှၤတစူၢ်က့ၤနာ်က့ၤတၢ်တဖၣ်စံၣ်ညီၣ်တၢ်ဂ့ၢ် တၢ်ကျိၤလီၤ.

၂ ကရံၣ်သူး 13:11

ဒီးခဲကနံၣ်အံၤဒီပုၢ်ဝဲၢ်သ့ၣ်ဧၢ, ပလီၤဖးမုာ်မုာ်လီၤ. ဂဲၤပျုၢ်ဂဲၤဆှးလၢ တၢ်လၢတၢ်ပှဲၤအဂီၢ်တက့ၢ်. ဒိကနၣ်ယတၢ်သကွံၢ်ကညးတဖၣ်အိၣ်ဒီးတၢ်သူၣ်လီၤ ပလိာ်သးလီၤပလိာ်လၢတဂၤဒီးတဂၤအဘၢၣ်စၢၤဒီး အိၣ်မူလၢတၢ်ဃူတၢ်ဖိးအပူၤတက့ၢ်. ဒီးကစၢ်ယွၤလၢအဘၣ်ဃးဒီးတၢ်အဲၣ်တၢ်ကွံဒီး တၢ်ဃူတၢ်ဖိးတဂၤန့ၣ်ကအိၣ်ဒီးသုလီၤ.

၂ ကရံၣ်သူး 5:20

လၢတၢ်န့ၣ်အဃိ, ခဲကနံၣ်အံၤ, ပကတိၤတၢ်လၢခရံာ် အဂီၢ်, ဒ်ကစၢ်ယွၤအနီၢ်ကစၢ်ဒၣ်ဝဲသကွံၢ်ကညးတၢ်ခီဖျိပှၤ န့ၣ်လီၤ. ပဃ့ကညးပဝဲလၢခရံာ်အခၢၣ်စး, ပျဲကစၢ်ယွၤလဲလိာ်ကွံာ်သုလၢဒုၣ်ဒါတဖၣ်ဆူအဝဲအတံၤ သကိးတဖၣ်န့ၣ်တက့ၢ်.

ကလၤတံ 5:22

မ့မ့ၢ်ယွၤအသးန့ၣ်, ဒုးအိၣ်ထီၣ်တၢ်အဲၣ်တၢ်ကွံ, တၢ်သူၣ်ခုသးခု, တၢ်ဃူတၢ်ဖိး, တၢ်ဝံသးစူၤ, တၢ်သူၣ်ကညီၤသးကညီၤ, တၢ်မၤဂ့ၤတၢ်, တၢ်သးတီ,

အ့းဖ့းစူး 4:1

ယၤ, ပှၤလၢအလီၤဘၣ်ဃိာ်ပူၤလၢအမၤကစၢ်အတၢ်မၤအဃိ တဂၤအံၤ, ယသဆၣ်ထီၣ်သုခံဒ်သိးသုကအိၣ်မူထီၣ်ဘးတၢ်အိၣ်မူ အတီၤလၢကစၢ်ယွၤပာ်လီၤဝဲဖဲအကိးထီၣ်သုအကတီၢ်အဂီၢ် န့ၣ်လီၤ.

ဖံလံးပံၤ 4:2

နီၢ်အူၤအိဒံၤဒီးနီၢ်စူၣ်တူဃ့ၤသ့ၣ်ဧၢ, ယဃ့ကညးသုလၢသုကဝံသးစူၤအိၣ်ဃူအိၣ်ဖိးလိာ်သုသးဒ်ဒီ ပုၢ်ဝဲၢ်မုၣ်တဖၣ်အသိးလၢကစၢ်အပူၤန့ၣ်လီၤ.

ကလီးစဲ 3:13

ဝံသးစူၤလိာ်သုသးဒီးတၢ်ပာ်ဒ့ၣ်ပာ်ကမၣ်လိာ်သုသးအလီၢ်မ့ၢ် အိၣ်ဒီးပျၢ်လိာ်သုတၢ်ကမၣ်သကိးသကိးတက့ၢ်. ပျၢ်လိာ်သုတၢ် ကမၣ်တဂၤဒီးတဂၤဒ်ကစၢ်ပျၢ်တ့ၢ်လံသုတၢ်ကမၣ်အသိးန့ၣ်တက့ၢ်.

ဧ့ၤဘြံၤ 12:14

ဂုာ်ကျဲးစၢးဟံးဃာ်တၢ်အိၣ်ဃူအိၣ်ဖိးဒီးပှၤခဲလၢာ်တက့ၢ်. ဂုာ်ဟံးဃာ်စ့ၢ်ကီးတၢ်စီဆှံတက့ၢ်. တၢ်စီဆှံတအိၣ်ဘၣ်ဒီးပှၤတထံၣ်ဘၣ်ကစၢ်ယွၤနီတဂၤဘၣ်.