လံာ်မးသဲ 5:6 - Sgaw Karen Common Bible

⁶ ပှၤလၢအတၢ်ဆၢမိၣ်န့ၢ်သးလီတၢ်အဒိၣ်ကတၢၢ် မ့ၢ်တၢ်တီတၢ်လိၤန့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, ကစၢ်ယွၤကမၤလၢပှဲၤအတၢ်မိၣ်န့ၢ် သးလီအံၤလၢလၢပှဲၤပှဲၤလီၤ.

လံာ်မးသဲ 5:6 Iomraidhean Croise

စံးထီၣ်ပတြၢၤ 107:9

အဂ့ၢ်ဒ်အံၤ ပှၤလၢတၢ်သူအသးလၢထံန့ၣ်ဒုးဘျဲးအီအီၤ, ဒီးပှၤလၢတၢ်သၣ်ဝံၤအသးန့ၣ် ဒုးဘျဲးအီၣ်အီၤလၢတၢ်အဂ့ၤလီၤ.

စံးထီၣ်ပတြၢၤ 145:19

အဝဲမၤလၢပှဲၤပှၤလၢအမၤလၤကပီၤအီၤတဖၣ် အတၢ်လိၣ်, အဝဲနၢ်ဟူအဝဲသ့ၣ်အတၢ်ကိးထီၣ်ဒီး အုၣ်က့ၤခီၣ်က့ၤအဝဲသ့ၣ်လီၤ.

စံးထီၣ်ပတြၢၤ 17:15

မ့မ့ၢ်ယဲဒၣ်အံၤယကထံၣ်ဘၣ်နၤ, မ့ၢ်လၢယတမၤကမၣ်တ့ၢ်တၢ်အဃိ, ဒီးဖဲယပၢၢ်ထီၣ်န့ၣ်ယကပှဲၤဒီးတၢ်သးခု မ့ၢ်လၢနအိၣ်ဒီးယၤအဃိလီၤ.

စံးထီၣ်ပတြၢၤ 63:5

ယသးကအီၣ်ဘျဲးအီၣ်တၢ်အီၣ်ဝံၣ်, ဒီးသိဧိၤချါဧိၤ, ဒီးယထးခိၣ်စံးထီၣ်ပတြၢၤနၤလၢ နိးဖံးလၢအသးခုန့ၣ်လီၤ.

စံးထီၣ်ပတြၢၤ 65:4

ပှၤလၢနဃုထၢအီၤ, ပှၤလၢနဟဲစိာ်အီၤဆူနလီၢ်စီဆှံအပူၤ ဒ်သိးကအိၣ်ကဆိးဘၣ်ဝဲအဂီၢ်တဖၣ်န့ၣ် ဘၣ်ဆိၣ်ဂ့ၤဝဲလီၤ. ပကသူၣ်မံသးမံလၢတၢ်ဂ့ၤတဖၣ်လၢနဟံၣ်ပူၤ, နတၢ်လုၢ်ဟံၣ်စီဆှံအတၢ်ဆိၣ်ဂ့ၤဆိၣ်ဝါတဖၣ်န့ၣ်လီၤ.

စံးထီၣ်ပတြၢၤ 84:2

ယသးဆၢလဲၤဘၣ်ဆူယွၤအဂၢၤတဖၣ်အပူၤ, တုၤယလီၤဘှါဝဲဒၣ်န့ၣ်လီၤ. ယသးဒီးယညၣ်သးဝံၣ်တၢ်လၢတၢ်သူၣ်ခုသးခု ဆူကစၢ်ယွၤလၢအမူဝဲတဂၤအအိၣ်န့ၣ်လီၤ.

တၢ်ကတိၤဒိ. 10:24

ပှၤတီပှၤလိၤမၤန့ၢ်တၢ်လၢအဆၢန့ၢ်ဘၣ်ဝဲလီၤ. မ့မ့ၢ်, ပှၤတတီတလိၤကဒိးန့ၢ်ဘၣ်တၢ်လၢအပျံၤဝဲအဒိၣ်ကတၢၢ်န့ၣ် လီၤ.

တၢ်ကတိၤဒိ. 21:21

အိၣ်ဒီးတၢ်သူၣ်ကညီၤသးကညီၤဒီးတၢ်သူၣ်လိၤသးဘျၢတက့ၢ်. ဒီးနသးသမူအမုၢ်နံၤကထီဝဲလီၤ. ပှၤဂုၤပှၤဂၤတဖၣ်ကပာ်ကဲ နၤဒီးမၤဘၣ်နၤဂ့ၤဂ့ၤဘၣ်ဘၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 5:1

ယတၢ်အဲၣ်သးဘိ, ယတလးမူးပိာ်မုၣ်ဧၢ, ယဟဲနုာ်လံလၢယတၤသၣ်ကရၢၢ်ပူၤလံန့ၣ်လီၤ. ယထၢဖှိၣ်ယသ့ၣ်နၢမူအထုးအစီတဖၣ်ဒီးမူရၣ်, ယအီၣ်ယကနဲစီဒီးကနဲခိၣ်ထံ, ယအီယစပံးထံဒီးတၢ်နုၢ်ထံန့ၣ်လီၤ. ပှၤလၢအအဲၣ်လိာ်အသးသ့ၣ်ဧၢ, အီၣ်တၢ်ဒီးအီတၢ် တုၤလီၤလၢသုမူၤလၢတၢ်အဲၣ်အဃိတက့ၢ်.

လံာ်ယၡါယၤ 25:6

ဖဲအံၤလၢကစၢၢ်စံယိၣ်အဖီခိၣ်န့ၣ်, ယွၤသ့တၢ်လၢာ်ကကတဲာ် ကတီၤတၢ်အီၣ်အမူးတမူးလၢကယဲၢ်ပှၤကလုာ်ခဲလၢာ်လၢ ဟီၣ်ခိၣ်ချၢအဂီၢ်လီၤ. မ့ၢ်တၢ်အီၣ်အဝံၣ်အဘဲကတၢၢ်ဒီး စပံးထံအဂ့ၤကတၢၢ်အမူးတမူးလီၤ.

လံာ်ယၡါယၤ 41:17

ဖဲယပှၤဂီၢ်မုၢ်လိၣ်ဘၣ်ဒီးဃုဝဲထံအဆၢကတီၢ် ဒီးဖဲအကိာ်ယူၢ်တဖၣ်ဃ့ထီဝဲလၢတၢ်သူအသးလၢထံအဃိန့ၣ်, ယၤ, ယွၤအံၤယကစံးဆၢအဝဲသ့ၣ်အတၢ်ထုကဖၣ်လီၤ. ယၤ, အံၣ်စရ့လးအကစၢ်ယွၤအံၤယတလဲၤသဒၣ်အဝဲသ့ၣ်နီတစုဘၣ်.

လံာ်ယၡါယၤ 44:3

ယကဟ့ၣ်လီၤထံဆူကီၢ်လၢအသးသူထံ, ဒီးဒုးယွၤလီၤထံကျိတဖၣ်လၢဟီၣ်ခိၣ်လၢအဃ့ထီအလိၤန့ၣ် လီၤ. ယကလူလီၤဂၢ်လီၤယသးလၢသုဖိတဖၣ်အဖီခိၣ်, ဒီးယတၢ်ဆိၣ်ဂ့ၤလၢသုစၢၤသုသွဲၣ်တဖၣ်အလိၤလီၤ.

လံာ်ယၡါယၤ 65:13

လၢတၢ်န့ၣ်အဃိ, ယစံးဘၣ်တဲဘၣ်သုလၢပှၤလၢအဘူၣ်ထီၣ် ဘါထီၣ်ဒီးစူၢ်ယၤန့ၣ်ကအိၣ်ဒီးတၢ်အီၣ်ကုးအီပှဲၤ, မ့မ့ၢ်, သုဝဲသုကသၣ်ဝံၤလီၤဒိန့ၣ်လီၤ. အဝဲသ့ၣ်ကသူၣ်ဖှံ သးညီဝဲ, မ့မ့ၢ်သုဝဲသုကဘၣ်တၢ်မၤမဲာ်ဆှးကွံာ်သုလီၤ.

လံာ်ယၡါယၤ 66:11

သုကမုာ်လၤသးခုဘၣ်လၢအတၢ်ဘီၣ်ထီၣ်ညီထီၣ်အဃိ, ဒ်ဖိသၣ်တဂၤလၢအအီအမိၢ်အနုၢ်ထံအသိးန့ၣ်လီၤ.

လံာ်ယံးရမံယၤ 31:25

ယကမၤဆူၣ်ထီၣ်က့ၤ ပှၤလၢသူၣ်လီၤဘှံးသးလီၤ တီၤတဖၣ်ဒီး ပှၤတဂၤလၢ်လၢ်လၢ အဂံၢ်အဘါစၢ်လီၤ ဝဲလၢ အသူၣ်ဝံၤသၣ်စ့ၤ အဃိန့ၣ်, ယကမၤသူၣ်မံသးမံ အဝဲသ့ၣ်ဒီး တၢ်အီၣ်တၢ်အီန့ၣ်လီၤ.

လံာ်လူၤကၣ် 1:53

ပှၤလၢတၢ်သၣ်ဝံၤအသးတဖၣ်န့ၣ်, ဒုးဘျဲးအီၣ်ဘျဲးအီဝဲလၢတၢ်အဝံၣ်အဘဲ ဒီးပှၤအထူးအတီၤတဖၣ်န့ၣ် ဒုးက့ၤကလီကလီဝဲလီၤ.

လံာ်လူၤကၣ် 6:21

“သုဝဲလၢတၢ်သၣ်ဝံၤအသးခဲကနံၣ်အံၤတဖၣ်န့ၣ် သုဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, သုကဘျဲးအီၣ်ဘျဲးအီသုဝဲလီၤ. “သုဝဲလၢအဟီၣ်အယၢၤခဲကနံၣ်အံၤတဖၣ်န့ၣ် သုဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, သုကနံၤထီၣ်သုဝဲလီၤ.

လံာ်လူၤကၣ် 6:25

“သုဝဲလၢအအီၣ်ကုးအီပှဲၤခဲကနံၣ်အံၤတဖၣ် သုဘၣ်အဖှီၣ်ဆံးဒိၣ်လဲၣ်. အဂ့ၢ်ဒ်အံၤ, သုကသၣ်ဝံၤလီၤဒိလီၤ. “သုဝဲလၢအနံၤခဲကနံၣ်အံၤတဖၣ် သုဘၣ်အဖှီၣ်ဆံးဒိၣ်လဲၣ်. အဂ့ၢ်ဒ်အံၤ, သုကသူၣ်အုးသးအုးဒီး သုကဟီၣ်ကယၢၤလီၤ.

လံာ်ယိၤဟၣ် 4:14

မ့မ့ၢ်ပှၤတဂၤလၢ်လၢ်လၢအအီထံလၢယကဟ့ၣ်အီအီၤန့ၣ်, အသးတသူထံနီတဘျီလၢၤဘၣ်. ထံလၢယကဟ့ၣ်အီၤန့ၣ်, ကကဲထီၣ်ထံထီၣ်ပၢၢ်လၢအပူၤလၢကဟ့ၣ်ထီၣ်တၢ်မူ အထံဒီးတၢ်မူအထူအယိာ်န့ၣ်လီၤ.”

လံာ်ယိၤဟၣ် 6:27

တဘၣ်မၤတၢ်လၢတၢ်အီၣ်လၢအဟးဂီၤသ့အဂီၢ် တဂ့ၤ. မ့မ့ၢ်မၤတၢ်လၢတၢ်အီၣ်လၢအအိၣ်ဂၢၢ်ကျၢၤ လၢတၢ်မူအထူအယိာ်အဂီၢ်န့ၣ်တက့ၢ်. တၢ်အံၤမ့ၢ်တၢ်အီၣ်လၢပှၤကညီဖိခွါကဟ့ၣ်သု, မ့ၢ်လၢပၢ်ကစၢ်ယွၤစဲပနီၣ်ဃာ်အီၤလၢတၢ်ပနီၣ်လၢ အပာ်ဖျါအတၢ်ဘၣ်အသးလၢအီၤအဃိန့ၣ်လီၤ.”

လံာ်ယိၤဟၣ် 7:37

ဒီးလၢဘူၣ်လၢခံကတၢၢ်တနံၤ ဒီးအကါဒိၣ်ကတၢၢ်တနံၤ န့ၣ်, ယ့ၣ်ၡူးဆၢထၢၣ်ဒီးကတိၤတၢ်လၢအကလုၢ်ဖးဒိၣ်ဒီးစံးဝဲ, “ပှၤတဂၤလၢ်လၢ်လၢတၢ်သူအသးလၢထံန့ၣ်မ် အဟဲဆူယအိၣ်ဒီးအီထံတက့ၢ်.”

လံာ်လီၣ်ဖျါ 7:16

အဝဲသ့ၣ်တသၣ်ဝံၤသၣ်စ့ၤ, ဒီးတၢ်တသူစ့ၢ်ကီးအသးလၢထံနီ တစုလၢၤဘၣ်, မုၢ်မ့ၢ်ဂ့ၤ, တၢ်ကိၢ်ဆူၣ်မ့ၢ်ဂ့ၤတမၤဘၣ်ဒိ အဝဲသ့ၣ်ဘၣ်.