လံာ်မးသဲ 5:35 - Sgaw Karen Common Bible

³⁵ တဘၣ်ဆိၣ်လီၤစ့ၢ်ကီးနသးခီဖျိဟီၣ်ခိၣ်တဂ့ၤ. အဂ့ၢ်ဒ်အံၤ, ဟီၣ်ခိၣ်မ့ၢ်ယွၤအခီၣ်ယီၢ်အလီၢ်လီၤ. တဘၣ်ဆိၣ်လီၤစ့ၢ်ကီးနသးခီဖျိယရူၤၡလ့ၣ်တဂ့ၤ. အဂ့ၢ်ဒ်အံၤ, ယရူၤၡလ့ၣ်မ့ၢ်စီၤပၤဖးဒိၣ်အဝ့ၢ်လီၤ.

လံာ်မးသဲ 5:35 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 6:6

ဘၣ်ဆၣ်ဒီး, ခဲကနံၣ်အံၤယဃုထၢလံဝ့ၢ်ယရူၤၡလ့ၣ်ဒ်တၢ်လီၢ်လၢ ယကဘၣ်တၢ်ဘူၣ်ထီၣ်ဘါထီၣ်ယၤအဂီၢ်, ဒီးနဲဒၣ်, စီၤဒၤဝံးဒ်ပှၤလၢကပၢယပှၤဂီၢ်မုၢ်န့ၣ်လီၤ.”

စံးထီၣ်ပတြၢၤ 48:2

စံယိၣ်, ကစၢ်ယွၤအကစၢၢ်အံၤထီဝဲဒီးဃံလၤဝဲန့ၣ်လီၤ. စီၤပၤဖးဒိၣ်အဝ့ၢ်ဟဲစိာ်န့ၢ်တၢ်သူၣ်ဖှံသးညီဆူ ဟီၣ်ခိၣ်ဒီဘ့ၣ်ညါန့ၣ်လီၤ.

စံးထီၣ်ပတြၢၤ 87:2

ကစၢ်ယွၤအဲၣ်ဝဲဝ့ၢ်ယရူၤၡလ့ၣ်အါန့ၢ်တၢ်လီၢ်အဂၤ လၢအအိၣ်လၢအံၣ်စရ့လးအပူၤတက့ၢ်လီၤ.

စံးထီၣ်ပတြၢၤ 99:5

စံးထီၣ်ပတြၢၤယွၤပကစၢ်ယွၤ, ဘူၣ်ထီၣ်ဘါထီၣ်အီၤလၢ အလီၢ်ပစိာ်အမဲာ်ညါတက့ၢ်. အဝဲဒၣ်န့ၣ်စီဆှံဝဲလီၤ.

လံာ်ယၡါယၤ 66:1

ယွၤစံးဝဲဒၣ်, “မူခိၣ်မ့ၢ်ယလီၢ်ပစိာ်, ဒီးဟီၣ်ခိၣ်မ့ၢ် ယခီၣ်ယီၢ်လီၤတၢ်အလီၢ်လီၤ. ဟံၣ်လၢသုသူၣ် ထီၣ်လၢယဂီၢ်ကသ့, ကမ့ၢ်ဟံၣ်ဒ်လဲၣ်တကလုာ်လဲၣ်. ကမ့ၢ်တၢ်လီၢ်ဒ်လဲၣ်တကလုာ်လၢယကအိၣ်ကဆိးလၢ အပူၤအဂီၢ်န့ၣ်လဲၣ်.

လံာ်မၤလကံ 1:14

ဒီးပှၤလၢအအၢၣ်လီၤအသးလၢကလုၢ်ထီၣ်ဆၣ်ဖိကီၢ်ဖိလၢ အဂ့ၤဘၣ်ဆၣ်လုၢ်ထီၣ်ဆၣ်ဖိကီၢ်ဖိလၢတဂိာ်တသီၣ်န့ၣ်မ့ၢ် ပှၤလီတၢ်ဒီးဘၣ်ဆိၣ်အၢဝဲလီၤ. အဂ့ၢ်ဒ်အံၤ, မ့ၢ်စီၤပၤဖးဒိၣ်ဒီး ပှၤကလုာ်ခဲလၢာ်ပျံၤယၤလီၤ.”

လံာ်မးသဲ 5:36

တဘၣ်ဆိၣ်လီၤနသးခီဖျိနခိၣ်ဒၣ်နဲတဂ့ၤ. အဂ့ၢ်ဒ်အံၤ, နခိၣ်သူဖိတဘိဒၣ်လဲာ်နမၤဝါအီၤမၤသူအီၤတသ့ဘၣ်.

မၤတၢ် 7:49

‘ကစၢ်ကစၢ်ယွၤစံးဝဲ, မူခိၣ်မ့ၢ်ယလီၢ်ပစိာ်, ဒီးဟီၣ်ခိၣ်မ့ၢ်ယခီၣ်ယီၢ်လီၤတၢ်အလီၢ်လီၤ. သုကဘှီထီၣ်န့ၢ်ယၤလၢဟံၣ်ဒ်လဲၣ်တကလုာ်လဲၣ်. တၢ်လီၢ်လၢယကအိၣ်ကဆိးအဂီၢ်အိၣ်ဖဲလဲၣ်.

လံာ်လီၣ်ဖျါ 21:10

ယွၤအသးပၢၤဃာ်ယၤ, ဒီးကလူးတဂၤန့ၣ်စိာ်ယၤဆူကစၢၢ်ဖးထီတဖျၢၣ်အဒီခိၣ်လီၤ. အဝဲဒုးနဲၣ်ယၤလၢဝ့ၢ်ယရူၤၡလ့ၣ်, ဝ့ၢ်စီဆှံတဖျၢၣ်, ဟဲလီၤလၢမူခိၣ်, လၢကစၢ်ယွၤအအိၣ်,

လံာ်လီၣ်ဖျါ 21:2

ဒီးယထံၣ်ဝ့ၢ်စီဆှံ, ဝ့ၢ်ယရူၤၡလ့ၣ်အသီတဖျၢၣ်န့ၣ်, ဟဲလီၤလၢမူခိၣ်လၢကစၢ်ယွၤအအိၣ်, ဘၣ်တၢ်ကတဲာ်ကတီၤအီၤဒီးအိၣ်ကတဲာ်ကတီၤပာ်အသး, ဒ်တလးမူးပိာ်မုၣ်တဂၤဘၣ်တၢ်ဒုးကူဒုးသိးပာ်အီၤလၢ အကသဂၢၢ်အဝၤအဂီၢ်အသိးန့ၣ်လီၤ.