လံာ်မးသဲ 5:33 - Sgaw Karen Common Bible

³³ လၢအပူၤကွံာ်န့ၣ်, သုနၢ်ဟူစ့ၢ်ကီးတၢ်စံးဘၣ်ပှၤ, ‘မၤဟးဂီၤနတၢ်အၢၣ်လီၤတဂ့ၤ. မၤလၢထီၣ်ပှဲၤထီၣ်တၢ်လၢနဆိၣ်လီၤနသးလၢယွၤလၢနကမၤ န့ၣ်တက့ၢ်.’

လံာ်မးသဲ 5:33 Iomraidhean Croise

စံးထီၣ်ပတြၢၤ 50:14

မ်တၢ်စံးဘျုးစံးဖှိၣ်အတၢ်ဟ့ၣ်န့ၣ် မ့ၢ်နတၢ်လုၢ်ထီၣ်ဆူကစၢ်ယွၤ, ဒီးဟ့ၣ်သ့တၢ်လၢာ်တဂၤလၢ ကယဲၢ်နတၢ်အၢၣ်လီၤခဲလၢာ်န့ၣ်တက့ၢ်.

စံးထီၣ်ပတြၢၤ 76:11

ဟ့ၣ်ယွၤသုကစၢ်ယွၤလၢတၢ်လၢသုအၢၣ်လီၤတ့ၢ်အီၤ, ပှၤကိးကလုာ်လၢအအိၣ်ဘူးဒီးအီၤသ့ၣ်ဧၢ, ဟဲစိာ်တၢ်ဟ့ၣ်တဖၣ်ဆူယွၤတဂၤ လၢအမ့ၢ်တၢ်ပျံၤအလီၢ်အအိၣ်န့ၣ်တက့ၢ်.

လံာ်တၢ်ဟးထီၣ်ကွံာ် 20:7

သူယမံၤလၢတၢ်တိာ်အအၢအသီတဖၣ်အဂီၢ်တဂ့ၤ. အဂ့ၢ်ဒ်အံၤယၤ, ယွၤ, သုကစၢ်ယွၤ, ကစံၣ်ညီၣ်ပှၤတဂၤလၢ်လၢ်လၢအသူကမၣ်ယမံၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 19:12

တၢ်အၢၣ်လီၤအီလီၤလၢသုမၤလၢပှဲၤအီၤတန့ၢ်န့ၣ်အၢၣ်လီၤအီ လီၤလၢယမံၤအပူၤတဂ့ၤ. တၢ်န့ၣ်မ့ၢ်တၢ်မၤမဲာ်ဆှးယမံၤန့ၣ်လီၤ. ယဲဒၣ်အံၤယမ့ၢ်ယွၤ, သုကစၢ်ယွၤန့ၣ်လီၤ.

လံာ်နၤဃူၣ် 1:15

ကွၢ်ကွၢ်, ပှၤစိာ်တၢ်ကစီၣ်ဟဲလၢကစၢၢ်ကလိအဒီခိၣ်အိၣ်ဒီးတၢ် ကစီၣ်အမုာ်န့ၣ်လီၤ. အဝဲဟဲဝဲလံဒ်သိးကဘိးဘၣ်သ့ၣ်ညါတၢ်မၤနၢၤအကစီၣ်န့ၣ်လီၤ. ကီၢ်ယူဒၤအပှၤဂီၢ်မုၢ်ဧၢ, မၤသုဘူၣ်တဖၣ်အမူးဖးဒိၣ်ဒီးဟ့ၣ်ကစၢ်ယွၤလၢတၢ်လၢသု အၢၣ်လီၤတ့ၢ်သညူးသပှၢ်ဒီးအီၤန့ၣ်တက့ၢ်. ပှၤအၢပှၤသီတနုာ်လီၤဒုးကဒီးသုထံသုကီၢ်နီတဘျီလၢၤဘၣ်. အဝဲသ့ၣ်ဘၣ်တၢ်မၤဟးဂီၤကွံာ်အီၤလၢာ်လၢာ်ဆ့ဆ့လံန့ၣ်လီၤ.

လံာ်မးသဲ 5:21

သုသ့ၣ်ညါသုဝဲလၢပှၤယူဒၤဖိလၢပျၢၤတဖၣ်ဘၣ်တၢ်စံးပာ်တ့ၢ် အီၤ, ‘မၤသံပှၤကညီတဂ့ၤ. ဒီးပှၤတဂၤလၢ်လၢ်လၢအမၤသံပှၤကညီန့ၣ် ကဘၣ်တၢ်သမံသမိးအီၤလၢစံၣ်ညီၣ်ကွီၢ်လီၤ.’

လံာ်မးသဲ 5:27

သုနၢ်ဟူတ့ၢ်တၢ်စံးဝဲ, ‘အဲၣ်ဘၢမါအဲၣ်ဘၢဝၤတဂ့ၤ.’

လံာ်သိၣ်လီၤသီလီၤတၢ် 23:21

တုၤသုမၤတၢ်ဆိၣ်လီၤတမံၤဒီးယွၤသုကစၢ်ယွၤန့ၣ်, သုးဆၢသုးကတီၢ်လၢသုကမၤတၢ်လၢသုအၢၣ်လီၤအီၤန့ၣ်တဂ့ၤ. ယွၤကဟံးဃာ်သုဒ်သုတၢ်အၢၣ်လီၤအသိး, ဒီးသုမ့ၢ်တတိၢ်န့ၢ်ဖံးဃာ်အီၤဒီးကကဲထီၣ်တၢ်ဒဲးဘးလၢသု ဂီၢ်န့ၣ်လီၤ.

လံာ်သိၣ်လီၤသီလီၤတၢ် 23:23

ဘၣ်ဆၣ်ဒီးသုမ့ၢ်မၤတၢ်ဆိၣ်တမံၤဒ်သုတၢ်သးအိၣ်ဒၣ်ဝဲအသိး န့ၣ်မၤလီၤတံၢ်လၢသုကတိၢ်န့ၢ်ဖံးဃာ်အီၤတက့ၢ်.

လံာ်သိၣ်လီၤသီလီၤတၢ် 5:11

သူယမံၤလၢတၢ်အၢတၢ်သီအတၢ်တိာ်ပာ်တဖၣ်အဂီၢ်တဂ့ၤ. အဂ့ၢ်ဒ်အံၤ, ယၤယွၤ, သုကစၢ်ယွၤအံၤ, ကစံၣ်ညီၣ်ပှၤတဂၤလၢ်လၢ်လၢ အသူကမၣ်ယမံၤန့ၣ်လီၤ.

လံာ်သိၣ်လီၤသီလီၤတၢ် 6:13

ယူးယီၣ်ယွၤ, သုကစၢ်ယွၤ, ဘူၣ်ထီၣ်ဘါထီၣ်ထဲအဝဲဒၣ်ဧိၤ, ဒီးမၤသုတၢ်အၢၣ်လီၤတဖၣ်ထဲလၢအဝဲတဂၤဧိၤအမံၤအပူၤန့ၣ်တ က့ၢ်.

၁ တံၤမသ့း 1:10

ပှၤမၤကမၣ်မုၣ်ကမၣ်ခွါတဖၣ်, ပှၤအဲၣ်တလ့ၤအဲၣ်တဘီတၢ် တဖၣ်, ပှၤဟုၣ်ဖီၣ်န့ၢ်ပှၤကညီဝံၤဃ့စ့တဖၣ်, ပှၤလၢအလီတၢ်ဒီးအုၣ်အသးကဘျံးကဘျၣ်, မ့တမ့ၢ်မၤတၢ်တမံၤမံၤလၢအထီဒါလိာ်အသးဒီးတၢ်သိၣ်လိ သီလိအမ့ၢ်အတီတဖၣ်အဂီၢ်န့ၣ်လီၤ.