လံာ်မးသဲ 5:3 - Sgaw Karen Common Bible

³ “ပှၤလၢအဖှီၣ်လၢသူၣ်လၢသးတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, မူခိၣ်အဘီအမုၢ်မ့ၢ်ပှၤသ့ၣ်တဖၣ်န့ၣ် အတၢ်လီၤ.

လံာ်မးသဲ 5:3 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 33:12

လၢအဝဲအတၢ်တူၢ်ဘၣ်ခီၣ်ဘၣ်အပူၤန့ၣ်, အဝဲဆီၣ်လီၤက့ၤအသး, ဃၣ်ဃီၤက့ၤအသးဆူယွၤ, အကစၢ်ယွၤအအိၣ်, ဒီးဃ့ကညးအီၤလၢတၢ်မၤစၢၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:19

စီၤပၤအတၢ်ထုကဖၣ်ဒီးကစၢ်ယွၤအတၢ်စံးဆၢက့ၤအီၤ, ဒီးတၢ်ဂ့ၢ်ဘၣ်ထွဲဒီးတၢ်ဒဲးဘးတဖၣ်လၢအဝဲမၤတ့ၢ်တချုးလၢ အပီၢ်ယၢ်လီၤက့ၤအသး, တၢ်အၢတၢ်သီလၢအမၤတ့ၢ်ဝဲ, ပှၤတစူၢ်တနာ်ယွၤအတၢ်ဘူၣ်တၢ်ဘါအလီၢ်တဖၣ်ဒီးကစၢ်မုၣ်အၡ့ရၤ အတၢ်ပနီၣ်တဖၣ်လၢအမၤထီၣ်တ့ၢ်ဝဲဒီးတၢ်ဂီၤတၢ်ဖီၣ်တဖၣ်လၢအဝဲ ဘူၣ်ထီၣ်ဘါထီၣ်တ့ၢ်ဝဲ, ခဲလၢာ်န့ၣ်ဘၣ်တၢ်ကွဲးနီၣ်ကွဲးဃါအီၤလၢဝံတဖၣ်အတၢ်စံၣ်စိၤ တဲစိၤအလံာ်ပူၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 33:23

ဘၣ်ဆၣ်အဝဲတဆီၣ်လီၤအသးဒီးဃၣ်က့ၤအသးဆူယွၤအအိၣ်ဒ်အပၢ်မၤ တ့ၢ်ဝဲအသိးန့ၣ်ဘၣ်. အဝဲမၤတၢ်ဒဲးဘးဒိၣ်န့ၢ်ဒံးအပၢ်ဒၣ်လဲာ်တက့ၢ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 34:27

ဒီးနပီၢ်ယၢ်လီၤက့ၤတ့ၢ်နသးဒီးဆီၣ်လီၤတ့ၢ်နသးလၢယမဲာ်ညါ, နဖှီနကူနသိးတဖၣ်ဒီးဟီၣ်တၢ်ယၢၤတၢ်ဖဲနနၢ်ဟူတ့ၢ်ယတၢ်မၤ ပျံၤမၤဖုးလၢယကစံၣ်ညီၣ်ဝ့ၢ်ယရူၤၡလ့ၣ်ဒီးအပှၤဂီၢ်မုၢ်ဒ်လဲၣ် န့ၣ်လီၤ. ယနၢ်ဟူတ့ၢ်လံနတၢ်ထုကဖၣ်,

လံာ်ကွဲးနီၣ်တၢ်ခံဘ့ၣ်တဘ့ၣ် 7:14

အဝဲသ့ၣ်မ့ၢ်ဘါထုကဖၣ်တၢ်ဆူယအိၣ်ဒီးပီၢ်ယၢ်လီၤက့ၤအသးဒီး ဃၣ်က့ၤအသးလၢတၢ်မၤအအၢတဖၣ်လၢအမၤတ့ၢ်ဝဲန့ၣ်ဒီး, အန့ၣ်တစု, ယကဒိကနၣ်အီၤလၢမူခိၣ်ဒီးပျၢ်ကွံာ်အဝဲသ့ၣ်အတၢ် ဒဲးဘးတဖၣ်, ဒီးဒုးဘီၣ်ထီၣ်ညီထီၣ်အထံဧိၤကီၢ်ဧိၤတဘျီ ကဒီးန့ၣ်လီၤ.

လံာ်စီၤယိၤဘး 42:6

မၤသးဒ်န့ၣ်, ဒီးယမဲာ်ဆှးလၢကယဲၢ်တၢ်လၢယစံးတ့ၢ်ယဲ ဒီးပီၢ်ယၢ်လီၤက့ၤယသးလၢဟီၣ်ခိၣ်ကမူၣ်ဒီးဖၣ်ဆါအကျါလီၤ.

စံးထီၣ်ပတြၢၤ 1:1

ပှၤလၢအတတူၢ်လိာ်ပှၤတတီတလိၤသ့ၣ်တဖၣ် အတၢ်ဟ့ၣ်ကူၣ်ဟ့ၣ်ဖး, ပှၤလၢအတလူၤပိာ်ထွဲပှၤတၢ်ဒဲးဘးဖိသ့ၣ်တဖၣ် အတၢ်သိၣ်လိသီလိအခံ, ဒီးပှၤလၢအတမၤဘၣ်ထွဲလိာ်အသးဒီး ပှၤလၢအဒုၣ်ဒွဲၣ်ကစၢ်ယွၤတဖၣ်န့ၣ်, မ့ၢ်ပှၤဘၣ်ဆိၣ်ဂ့ၤနီၢ်နီၢ်လီၤ.

စံးထီၣ်ပတြၢၤ 112:1

စံးထီၣ်ပတြၢၤယွၤတက့ၢ်. ပှၤလၢအပျံၤယွၤ, ပှၤလၢအသးခုဒိၣ်ဒိၣ်ကလဲာ်လၢတၢ်စူၢ် အတၢ်မၤလိာ်အပူၤန့ၣ်ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 128:1

ကယဲၢ်ပှၤလၢအပျံၤယွၤ, ဒီးပိာ်အကျဲတဖၣ်န့ၣ်ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 146:5

ပှၤလၢစီၤယၤကိာ်အကစၢ်ယွၤမ့ၢ်အတၢ်မၤစၢၤအီၤ, ပှၤလၢအမုၢ်လၢ်တၢ်လၢယွၤ, အကစၢ်ယွၤန့ၣ် ဘၣ်ဆိၣ်ဂ့ၤဝဲလီၤ.

စံးထီၣ်ပတြၢၤ 2:12

ဒီးဆီၣ်လီၤသုသးလၢအဖီလာ်တက့ၢ်. မ့တမ့ၢ်ဘၣ်ဒီးအတၢ်သးထီၣ်ကထီၣ်ဝဲချ့သဒံး, ဒီးသုကသံသတူၢ်ကလာ်လီၤ. ပှၤလၢအအိၣ်ကဒုလၢယွၤအပူၤခဲလၢာ်န့ၣ် ဘၣ်ဆိၣ်ဂ့ၤဝဲနီၢ်နီၢ်လီၤ.

စံးထီၣ်ပတြၢၤ 34:18

ယွၤအိၣ်ဘူးဒီးပှၤလၢအသူၣ်ကၢ်အသးလီၤ ဒီးမၤပူၤဖျဲးပှၤလၢအတၢ်မုၢ်လၢ်လီၤမၢ်ကွံာ် ခဲလၢာ်သ့ၣ်တဖၣ်န့ၣ်လီၤ.

စံးထီၣ်ပတြၢၤ 41:1

ပှၤလၢအဆိကမိၣ်တၢ်လၢပှၤဖှီၣ်ဖိယာ်ဖိအဂီၢ်န့ၣ် ဘၣ်ဆိၣ်ဂ့ၤဝဲလီၤ. ယွၤကမၤပူၤမၤဖျဲးအီၤလၢတၢ်ကိၢ်တၢ်ဂီၤ အမုၢ်တနံၤန့ၣ်လီၤ.

စံးထီၣ်ပတြၢၤ 51:17

ကစၢ်ယွၤဧၢ, ယတၢ်လုၢ်န့ၣ်မ့ၢ်တၢ်သူၣ်ကၢ်သးလီၤလီၤ. ကစၢ်ယွၤဧၢ, တၢ်သူၣ်ကၢ်သးလီၤဒီး တၢ်ပီၢ်ယၢ်လီၤက့ၤသးန့ၣ် နတမၤအီၤတရီတပါဘၣ်.

စံးထီၣ်ပတြၢၤ 84:12

ယွၤ, သ့တၢ်လၢာ်ကစၢ်ဧၢ, ပှၤလၢအသန့ၤအသးလၢနၤန့ၣ် ဘၣ်ဆိၣ်ဂ့ၤဝဲလီၤ.

တၢ်ကတိၤဒိ. 16:19

တၢ်ဆီၣ်လီၤသးဒီးတၢ်အိၣ်ဖှီၣ်အိၣ်ယာ်န့ၣ်ဂ့ၤဒိၣ်န့ၢ်ဒံးတၢ် ကဲထီၣ်ပှၤပာ်ကဖိအသးတဖၣ်အကျါတဂၤဒီးမၤန့ၢ်တၢ်ဟ့ၣ်နီၤလၢ အဝဲသ့ၣ်အတၢ်ဂုာ်န့ၢ်အကျါန့ၣ်လီၤ.

တၢ်ကတိၤဒိ. 29:23

တၢ်ပာ်ထီၣ်ထီသးကဟဲစိာ်န့ၢ်နၤနတၢ်ဟးဂီၤလီၤ. ဘၣ်ဆၣ်နမ့ၢ်ဆီၣ်လီၤနသးဒီး, နကဘၣ်တၢ်ပာ်ကဲနၤန့ၣ်လီၤ.

တၢ်ကတိၤဒိ. 8:32

ဒီးခဲကနံၣ်အံၤပှၤသးစၢ်သ့ၣ်ဧၢ, ကနၣ်ယကလုၢ်တက့ၢ်. မၤဒ်ယစံးဘၣ်သုအသိးဒီးသုကဘၣ်ဆိၣ်ဂ့ၤလီၤ.

လံာ်ယၡါယၤ 30:18

အန့ၣ်ဒၣ်လဲာ်, ယွၤအိၣ်ခိးသုလၢကသူၣ်ကညီၤသးကညီၤ သုအဂီၢ်လီၤ. အဝဲအိၣ်ကတဲာ်ကတီၤအသးလၢကသးကညီၤသု လီၤ. အဂ့ၢ်ဒ်အံၤ, အဝဲမၤတၢ်လၢအဘၣ်ထီဘိလီၤ. ပှၤလၢအပာ်အတၢ်နာ်လၢယွၤအပူၤတဖၣ်န့ၣ်, မ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ.

လံာ်ယၡါယၤ 57:15

ယဲဒၣ်အံၤ, ယမ့ၢ်ကစၢ်ယွၤလၢအအိၣ်ထီၣ်ထီဒီးစီဆှံဝဲ, ယွၤလၢအအိၣ်မူအစိၤစိၤအဃၣ်ဃၣ်လီၤ. ယအိၣ်လၢတၢ်လီၢ်ထီၣ်ထီဒီးစီဆှံတတီၤ, ဘၣ်ဆၣ်ဒီးယအိၣ်စ့ၢ် ကီးလၢပှၤဂီၢ်မုၢ်လၢအဆီၣ်လီၤအသးဒီးပီၢ်ယၢ်လီၤက့ၤအသး အကျါ, ဒ်သိးယဟ့ၣ်က့ၤအဝဲသ့ၣ်အတၢ်နာ် န့ၢ်ဒီးတၢ်မုၢ်လၢ်ကသ့ဝဲအဂီၢ်လီၤ.

လံာ်ယၡါယၤ 61:1

ယွၤပၢဘၣ်တၢ်ခဲလၢာ်ကစၢ် မၤပှဲၤတ့ၢ်ယၤဒီးအသးဒၣ်ဝဲလီၤ. အဝဲဃုထၢတ့ၢ်ယၤဒီးမၢလီၤတ့ၢ်ယၤ ဒ်သိးယကစံၣ်တဲၤတဲလီၤတၢ်သးခုကစီၣ်လၢ ပှၤဖှီၣ်ဖိယာ်ဖိ, ဒ်သိးယကမၤဘျါက့ၤပှၤအသူၣ်ကၢ်သးလီၤ, ဒ်သိးယကဘိးဘၣ်သ့ၣ်ညါတၢ်ပျၢ်ဖျဲးလၢ ပှၤဘၣ်တၢ်မၢကဲကုၢ်အီၤတဖၣ်အဂီၢ် ဒီးတၢ်သဘျ့လၢပှၤအိၣ်လၢဃိာ်ပူၤတဖၣ်အဂီၢ်လီၤ.

လံာ်ယၡါယၤ 66:2

ယကစၢ်ဒၣ်ယဲယတ့လီၤပာ်လီၤဟီၣ်ခိၣ်မူခိၣ်ခဲလၢာ်လီၤ. ယသးမံသးမုာ်ဒီးပှၤတဖၣ်လၢအဆီၣ်လီၤအသးဒီးပီၢ်ယၢ် လီၤအသး, လၢအပျံၤယၤဒီးစူၢ်ယၤန့ၣ်လီၤ.

လံာ်မံကၤ 6:8

တမ့ၢ်ဘၣ်. ယွၤစံးဘၣ်တ့ၢ်ပှၤတၢ်အဂ့ၤမ့ၢ်မနုၤလဲၣ်န့ၣ်လီၤ. တၢ်လၢယွၤအဲၣ်ဒိးလၢပအိၣ်န့ၣ်မ့ၢ်အအံၤလီၤ. လၢပကမၤတၢ်လၢအတီအလိၤ, လၢပကပာ်ဖျါတၢ်အဲၣ်တပယူာ်ဃီ, ဒီးလၢပကအိၣ်မူရ့လိာ်ပသးဒီး ကစၢ်ယွၤအိၣ်ဒီးတၢ်ဆီၣ်လီၤသးန့ၣ်လီၤ.

လံာ်မးသဲ 11:25

အကတီၢ်ဖဲန့ၣ်ယ့ၣ်ၡူးစံးဝဲ, “မူခိၣ်ဒီးဟီၣ်ခိၣ်အကစၢ်, ယပၢ်ယွၤဧၢ, ယစံးဘျုးနၤလၢနပာ်ခူသူၣ်တၢ်မ့ၢ်တၢ်တီတဖၣ်အံၤလၢပှၤကူၣ်ဘၣ် ကူၣ်သ့ဒီးပှၤသ့လံာ်သ့လဲၢ်တဖၣ်, ဒီးနလီၣ်ဖျါထီၣ်အီၤလၢပှၤ အဆံးပှၤအစၢ်ပှၤလၢအတမၤလိဘၣ်တၢ်တဖၣ်အမဲာ်ညါလီၤ.

လံာ်မးသဲ 11:6

ပှၤလၢအသးတဒ့ဒီဘၣ်လၢတၢ်နာ်ယၤအပူၤတဖၣ်န့ၣ်, ဘၣ်ဆိၣ်ဂ့ၤနီၢ်နီၢ်လီၤ.”

လံာ်မးသဲ 13:16

မ့မ့ၢ်သုဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, သုမဲာ်ထံၣ်တၢ်ဒီးသုနၢ်နၢ်ဟူတၢ်လီၤ.

လံာ်မးသဲ 19:14

ယ့ၣ်ၡူးစံးဝဲ, “ပျဲဖိသၣ်တဖၣ်န့ၣ်ဟဲဆူယအိၣ်တက့ၢ်. ဒီးတြီအီၤ တဂ့ၤ. အဂ့ၢ်ဒ်အံၤ မူခိၣ်အဘီအမုၢ်ဘၣ်ဃးဒီးပှၤဒ်ဖိသၣ်တဖၣ်အံၤ အသိးန့ၣ်လီၤ.”

လံာ်မးသဲ 24:46

တၢ်အခ့အပှၤလၢအကစၢ်ဟဲက့ၤဒီးထံၣ်ဘၣ်အမၤဝဲဒ် တၢ်မၢတ့ၢ်အီၤအသိးတဂၤန့ၣ်, ဘၣ်ဆိၣ်ဂ့ၤနီၢ်နီၢ်လီၤ.

လံာ်မးသဲ 25:34

တုၤနုၤတစု, စီၤပၤကစံးဘၣ်ပှၤအိၣ်လၢအစုထွဲတဖၣ်ဒ်အံၤ, ‘ဟဲ, သုလၢအဘၣ်ဆိၣ်ဂ့ၤလၢယပၢ်သ့ၣ်ဧၢ, ဟဲဒီးန့ၢ်သါဘၣ်ဘီမုၢ်လၢအဘၣ်တၢ်ကတဲာ်ကတီၤပာ်န့ၢ်လၢသု ဂီၢ်, စးထီၣ်လၢဟီၣ်ခိၣ်ဘၣ်တၢ်တ့လီၤအီၤလံၤလံၤန့ၣ်တက့ၢ်.

လံာ်မးသဲ 3:2

အဝဲစံးဝဲ, “ပီၢ်ယၢ်လီၤက့ၤဒီး ဃၣ်လိၤက့ၤသုသးတက့ၢ်. အဂ့ၢ်ဒ်အံၤ, မူခိၣ်အဘီအမုၢ်ကသူၣ်လီၤအသးဘူးထီၣ်လံ.”

လံာ်မးသဲ 8:11

ယစံးဘၣ်သု, ဖဲမူခိၣ်ဘီမုၢ်အမူးဖးဒိၣ်ဘၣ်ဝဲန့ၣ်, ပှၤအါဒံအါဂၤကဟဲဝဲလၢ မုၢ်ထီၣ်ဒီးမုၢ်နုာ်ဒီးဆ့ၣ်နီၤအီၣ်သကိးတၢ်ဒီးစီၤအၤဘြၤဟၣ်, စီၤအံၤစဲးဒီးစီၤယၤကိာ်တဖၣ်လီၤ.

လံာ်မၢ်ကူး 10:14

တုၤယ့ၣ်ၡူးထံၣ်တၢ်မၤအသးအံၤဒီး, အသးဒိၣ်ထီၣ်ဒီးစံးဘၣ်အပျဲၢ်အဘီၣ်တဖၣ်န့ၣ်, “ပျဲဖိသၣ်တဖၣ်န့ၣ်ဟဲဆူယအိၣ်ဒီးတြီအီၤတဂ့ၤ. အဂ့ၢ်ဒ်လဲၣ်န့ၣ်, ကစၢ်ယွၤအဘီအမုၢ်မ့ၢ်ပှၤဒ်ဖိသၣ်တဖၣ်အံၤအသိးအတၢ်န့ၣ်လီၤ.

လံာ်လူၤကၣ် 11:28

ဘၣ်ဆၣ်ဒီးယ့ၣ်ၡူးစံးဆၢဝဲ, “ပှၤလၢအဘၣ်ဆိၣ်ဂ့ၤဝဲတဖၣ်န့ၣ်, အနီၢ်နီၢ်, မ့ၢ်ပှၤလၢအနၢ်ဟူကစၢ်ယွၤအကလုၢ်ကထါဒီးစူၢ်ဝဲန့ၣ်လီၤ.”

လံာ်လူၤကၣ် 18:14

ယ့ၣ်ၡူးစံးဝဲ, “ယစံးဘၣ်တဲဘၣ်သု, ပှၤဃ့သွဲတဂၤအံၤ, ဒီးတမ့ၢ်ပှၤဖၤရံၤၡဲတဂၤဘၣ်န့ၣ်, တီဝဲလိၤဝဲလၢကစၢ်ယွၤအမဲာ်ညါဖဲအဝဲဒၣ်က့ၤဆူဟံၣ်န့ၣ်လီၤ. အဂ့ၢ်ဒ်အံၤ, ကယဲၢ်ပှၤလၢအပာ်ထီၣ်ထီအသးတဂၤလၢ်လၢ်န့ၣ်, ကဘၣ်တၢ်ဆီၣ်လီၤအီၤဒီးကယဲၢ်ပှၤလၢအဆီၣ်လီၤအသးတဂၤ လၢ်လၢ်န့ၣ်, ကဘၣ်တၢ်ပာ်ထီၣ်ထီအီၤလီၤ.”

လံာ်လူၤကၣ် 22:29

ဒီးဒ်ယပၢ်ဟ့ၣ်စိဟ့ၣ်ကမီၤယၤလၢယကပၢဘၣ်တၢ်အသိးန့ၣ်, ယကဟ့ၣ်သုတၢ်တမံၤဃီန့ၣ်လီၤ.

လံာ်လူၤကၣ် 22:30

သုကအီၣ်တၢ်အီတၢ်လၢယစီၢ်နီၤခိၣ်လၢယဘီယမုၢ်အပူၤ, ဒီးသုကဆ့ၣ်နီၤလၢလီၢ်ပစိာ်အဖီခိၣ်ဒ်သိးသုကပၢပှၤ အံၣ်စရ့လးဖိတဆံခံဒူၣ်န့ၣ်လီၤ.

လံာ်လူၤကၣ် 4:18

“ကစၢ်အသးအိၣ်ဝဲလၢယလိၤလီၤ. အဂ့ၢ်ဒ်အံၤ, အဝဲဒၣ်ဃုထၢလံယၤ ဒ်သိး ယကစံၣ်တဲၤတဲလီၤတၢ်သးခုအကစီၣ်လၢ ပှၤဖှီၣ်ဖိယာ်ဖိန့ၣ်လီၤ. အဝဲဒၣ်ဆှၢလီၤယၤဒ်သိးယကဒုးဟူထီၣ်သါလီၤ တၢ်ထူၣ်ဖျဲးလၢပှၤဘၣ်တၢ်ဖီၣ်န့ၢ်အီၤတဖၣ်အဂီၢ်, ဒီးတၢ်ဒုးထံၣ်ထီၣ်က့ၤတၢ်လၢ ပှၤမဲာ်တထံၣ်တၢ်တဖၣ်အဂီၢ်, ဒ်သိးယကဒုးထူၣ်ဖျဲးထီၣ်ကွံာ်ပှၤလၢ အဘၣ်တၢ်မၤနၢၤမၤဃၣ်အီၤတဖၣ်,

လံာ်ယိၤဟၣ် 20:29

ယ့ၣ်ၡူးစံးဘၣ်အီၤ, “မ့ၢ်နထံၣ်ဘၣ်ယၤအဃိနနာ် တၢ်ဧါ. ပှၤလၢအတထံၣ်ဘၣ်ယၤသနာ်က့နာ်တၢ်တဖၣ်န့ၣ်, ဘၣ်ဆိၣ်ဂ့ၤဝဲလီၤ.”

လံာ်သိၣ်လီၤသီလီၤတၢ် 8:2

သ့ၣ်နီၣ်ထီၣ်လၢယွၤ, သုကစၢ်ယွၤဆှၢတ့ၢ်သုဒ်လဲၣ်လၢတၢ်လဲၤကျဲ ဖးယံၤခီဖျိပှၢ်မုၢ်ကနၢလၢအပူၤကွံာ်အနံၣ်လွံၢ်ဆံ, ဒုးကွၢ်ဆၢၣ်မဲာ်သုတၢ်မၤကွၢ်အကီအခဲတဖၣ်ဒ်သိးအဝဲကသ့ၣ်ညါ ဘၣ်ဝဲလၢသုပာ်လီၤသုသးလၢသုကမၤတၢ်မနုၤ, ဒီးမ့ၢ်သုကစူၢ်အဝဲအတၢ်မၤလိာ်တဖၣ်ကစီဒါဧါ, အဂ့ၢ်န့ၣ်တက့ၢ်.

ယၤကိာ် 1:10

ဒီးပှၤခရံာ်ဖိလၢအထူးအတီၤတဂၤဖဲကစၢ်ယွၤဆီၣ်လီၤ အီၤန့ၣ်, ကဘၣ်သးခုလီၤ. အဂ့ၢ်ဒ်လဲၣ်န့ၣ်ပှၤထူးပှၤတီၤ ကလဲၤပူၤကွံာ်ဒ်နီၣ်ဧိၤမံၤဧိၤအဖီအသိးန့ၣ်လီၤ.

ယၤကိာ် 1:12

ပှၤလၢအအိၣ်ဂၢၢ်ဆိးကျၢၤဖဲအဘၣ်တၢ်မၤကွၢ်အီၤ အခါန့ၣ်, ဘၣ်ဆိၣ်ဂ့ၤဝဲလီၤ. အဂ့ၢ်ဒ်အံၤ, ဖဲအဝဲမၤနၢၤတၢ်မၤကွၢ်ဒ်အံၤအသိးန့ၣ်, အဝဲကဒိးန့ၢ်ဘၣ်ခိၣ်ဖးလၢအမ့ၢ်တၢ်မူလၢကစၢ်ယွၤ အၢၣ်လီၤတ့ၢ်လၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

ယၤကိာ် 2:5

ယဒီပုၢ်ဝဲၢ်သးဘိသ့ၣ်ဧၢ, ဒိကနၣ်တက့ၢ်. ကစၢ်ယွၤဃုထၢပှၤအဖှီၣ်လၢဟီၣ်ခိၣ်အံၤဒ်သိး ကထူးဝဲတီၤဝဲလၢတၢ်စူၢ်တၢ်နာ်ဒီးမၤန့ၢ်ဘီမုၢ်လၢ အအၢၣ်လီၤတ့ၢ်ဝဲလၢပှၤလၢအအဲၣ်အီၤတဖၣ်အဂီၢ်န့ၣ်လီၤ.

လံာ်လီၣ်ဖျါ 19:9

တုၤနုၤတစုကလူးန့ၣ်စံးဘၣ်ယၤ, “ကွဲးလီၤတၢ်အဝဲအံၤတက့ၢ်. ပှၤတဖၣ်လၢအဘၣ်တၢ်ကွဲတ့ၢ်လံအီၤဆူသိဖိအတၢ်တ့တၢ်ဖျီ အမူးပူၤန့ၣ်ဘၣ်ဆိၣ်ဂ့ၤဝဲဒၣ်လီၤ.” ဒီးကလူးန့ၣ်တဲအါထီၣ်ဝဲ, “တၢ်သ့ၣ်တဖၣ်အံၤမ့ၢ်ဝဲကစၢ်ယွၤအကလုၢ်ကထါအမ့ၢ်အတီ တဖၣ်လီၤ.”

လံာ်လီၣ်ဖျါ 22:14

ပှၤသ့ၣ်တဖၣ်လၢအသ့စီကွံာ်အဆ့ကၤဖးထီသတးဒီး အိၣ်ဒီးအခွဲးအယာ်လၢအကအီၣ်သ့ၣ်တၢ်မူအသၣ် ဒီးလဲၤခီဂာ်တြဲၤဖးဒိၣ်တဖၣ်ဆူဝ့ၢ်တဖျၢၣ်န့ၣ်အပူၤန့ၣ်, ဘၣ်ဆိၣ်ဂ့ၤဝဲလီၤ.

လံာ်လီၣ်ဖျါ 3:17

နစံးနဲ, ‘ယထူးယတီၤဒီးယတၢ်စုလီၢ်ခီၣ်ခိၣ်တဖၣ် အါထီၣ်ဂီၢ်ထီၣ်ဝဲဒၣ်ဒိၣ်ဒိၣ်အါအါလီၤ. ယအိၣ်ဒီးတၢ်လၢယလိၣ်ဘၣ်အီၤခဲလၢာ်လံ.’ ဘၣ်ဆၣ်ဒီး, နဘၣ်ဖှီၣ်ဘၣ်ယာ်, ဒီးနလီၤသးကညီၤနဲဆံးအါန့ၣ်နတသ့ၣ်ညါ နဲဘၣ်. နဖှီၣ်နယာ်, နအိၣ်ဘ့ၣ်ဆ့ဒီးနမဲာ်ဘျီၣ်လီၤ.