လံာ်မးသဲ 5:26 - Sgaw Karen Common Bible

²⁶ တုၤနလီၤလံလၢဃိာ်ပူၤဒီး, တချုးလၢနလိးတူာ်ကွံာ်တိၢ်တုၤလၢအကတၢၢ်တဘ့ၣ်ဒံးဘၣ်န့ၣ်, နတဟးထီၣ်ဘၣ်လၢဃိာ်ပူၤဘၣ်.

လံာ်မးသဲ 5:26 Iomraidhean Croise

လံာ်မးသဲ 10:29

ထိၣ်ဖှံးဖိခံဘ့ၣ်ဘၣ်တၢ်ဆါအီၤလၢတိၢ်တဘ့ၣ်တမ့ၢ်ဘၣ်ဧါ. ဘၣ်ဆၣ်မ့တမ့ၢ်ဘၣ်လၢသုပၢ်ဟ့ၣ်အခွဲးဘၣ်ဒီး, ထိၣ်ဖှံးဖိတဘ့ၣ်ဒၣ်လဲာ်တလီၤတဲာ်ဘၣ်ဆူဟီၣ်ခိၣ်လိၤဘၣ်.

လံာ်မးသဲ 18:34

ဒီးလၢတၢ်သးဒိၣ်အပူၤအကစၢ်ဆှၢအီၤဆူဃိာ်ပူၤ, ဒ်သိးအကဘၣ်တၢ်မၤနးမၤဖှီၣ်အီၤ, တုၤလၢအလိးတူာ်က့ၤအကမၢ်ခဲလၢာ်တစုလီၤ.

လံာ်မးသဲ 25:41

တုၤနုၤတစု, စီၤပၤကစံးဘၣ်ပှၤအိၣ်လၢအစုစ့ၣ်တဖၣ်ဒ်အံၤ, ‘ဟးဖးဒီးယၤတက့ၢ်. ပှၤလၢအဘၣ်ကစၢ်ယွၤအတၢ်ဆိၣ်အၢသ့ၣ်ဧၢ, လဲၤနုာ်ဆူမ့ၣ်အူလၢအတလီၤပံာ်ဘၣ်နီတဘျီဘၣ်, လၢအဘၣ်တၢ်ကတဲာ်ကတီၤပာ်စၢၤလၢမုၣ်ကီၤလံၢ်ဒီးအကလူးတဖၣ် အဂီၢ်, အပူၤန့ၣ်တက့ၢ်.

လံာ်မးသဲ 25:46

တုၤနုၤတစု, ပှၤတဖၣ်အံၤကလဲၤနုာ်ဆူတၢ်စံၣ်ညီၣ်အထူ အယိာ်အပူၤ, မ့မ့ၢ်ပှၤအတီအလိၤတဖၣ်ကလဲၤနုာ်ဆူ တၢ်မူအထူအယိာ်အပူၤလီၤ.”

လံာ်မၢ်ကူး 12:42

အန့ၣ်ဝံၤမုၣ်ကမဲလၢအဖှီၣ်တဂၤဟဲဒီးဒၢနုာ်လီၤဝဲတိၢ်ဂီၤ မဲာ်ဖိခံဘ့ၣ်လၢအလီၤလၢတိၢ်တဘ့ၣ်န့ၣ်လီၤ.

လံာ်လူၤကၣ် 12:58

ပှၤတဂၤမ့ၢ်လိာ်ဘၢလိာ်ကွီၢ်ထီဒါနၤဒီးဆှၢနၤဆူကွီၢ်ဘျီၣ်န့ၣ်, ဂုာ်ကျဲးစၢးနဲတသ့ဖဲအသ့ဒ်သိးနကမၤဘၣ်လိာ်က့ၤနသးဒီးအီၤ, ဖဲသုလဲၤလၢကျဲဒ်သိးအဝဲသုတတွံၢ်နၤဆူပှၤစံၣ်ညီၣ်ကွီၢ်အမဲာ်ညါ, ဒီးပှၤစံၣ်ညီၣ်ကွီၢ်သုတဟ့ၣ်လီၤနၤဆူပၢၤကီၢ်အစုပူၤ, ဒီးပၢၤကီၢ်သုတဒၢနုာ်နၤလၢဃိာ်ပူၤတဂ့ၤအဂီၢ်န့ၣ်တက့ၢ်.

လံာ်လူၤကၣ် 12:59

ယစံးဘၣ်တဲဘၣ်သု, တချုးနလိးတူာ်ကွံာ်တၢ်စံၣ်ညီၣ်အတိၢ်အကတၢၢ်တဘ့ၣ်ဒံးဘၣ်ဒီး, နတထူၣ်ဖျဲးထီၣ်ကွံာ်ဖဲန့ၣ်ဘၣ်.”

လံာ်လူၤကၣ် 16:26

လၢန့ၣ်အမဲာ်ညါ, တၢ်ပူၤဖးယိာ်အိၣ်ဝဲဒၣ်လၢပဘၢၣ်စၢၤတပူၤ, သတးဒီးပှၤအိၣ်ဖဲအံၤတဖၣ်မ့ၢ်အဲၣ်ဒိးလဲၤခီဂာ်ဆူသုအိၣ် န့ၣ်လဲၤဝဲတသ့ဘၣ်. ဒီးပှၤအိၣ်လၢသုအိၣ်ဖဲန့ၣ်တဖၣ်ဟဲခီဃီၤဆူပအိၣ် တသ့စ့ၢ်ကီးဘၣ်န့ၣ်လီၤ.’

၂ သ့းစၤလနံ 1:9

အဝဲသ့ၣ်ကတူၢ်ဘၣ်တၢ်စံၣ်ညီၣ်လၢအမ့ၢ်တၢ်ဟးဂီၤအထူ အယိာ်, ဒီးကဘၣ်တၢ်ထုးဖးကွံာ်အီၤလၢကစၢ်အမဲာ်ညါ ဒီးအလၤကပီၤဘၣ်ဃးဒီးအစိအကမီၤန့ၣ်လီၤ.

ယၤကိာ် 2:13

အဂ့ၢ်ဒ်လဲၣ်န့ၣ်, ကစၢ်ယွၤတမ့ၢ်လၢအကဒုးနဲၣ်တၢ်သးကညီၤဖဲအဝဲစံၣ်ညီၣ်ပှၤ တဂၤလၢအတအိၣ်ဒီးတၢ်သးကညီၤန့ၣ်ဘၣ်. ဘၣ်ဆၣ်ဒီး, တၢ်သးကညီၤမ့ၢ်တၢ်လၢအမၤနၢၤတၢ်စံၣ်ညီၣ်န့ၣ်လီၤ.