လံာ်မးသဲ 5:23 - Sgaw Karen Common Bible

²³ လၢတၢ်န့ၣ်အဃိ, တုၤနကလုၢ်ထီၣ်တၢ်လၢကစၢ်ယွၤလၢတၢ်လုၢ်လီၢ် ဒီးသ့ၣ်နီၣ်ထီၣ်က့ၤလၢနဒီပုၢ်ဝဲၢ်တဂၤပာ်တၢ်ကမၣ်လၢနလိၤတမံၤ မံၤဒီး,

လံာ်မးသဲ 5:23 Iomraidhean Croise

လံာ်တၢ်ကဲထီၣ်အခီၣ်ထံး 41:9

တုၤနုၤတစုပှၤကွၢ်ထွဲစပံးထံစံးဘၣ်စီၤပၤ, “တနံၤအံၤ, ယကဘၣ်အၢၣ်လီၤအီလီၤလၢယမၤကမၣ်တ့ၢ်တၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 2:44

ကယဲၢ်တၢ်လၢနမၤကမၣ်ဘၣ်တ့ၢ်ယပၢ်စီၤဒၤဝံးန့ၣ်နသ့ၣ်ညါဂ့ၤဂ့ၤ လီၤ. ယွၤကစံၣ်ညီၣ်နၤလၢတၢ်န့ၣ်အဂီၢ်လီၤ.

လံာ်သးသယုၢ်တၢ် 3:20

ယဆိကမိၣ်တၢ်အံၤတပယူာ်ဃီဒီးယသးလီၤစၢ်လီၤဘှါလၢယပူၤလီၤ.

လံာ်ယဃ့းစက့လး 16:63

ယကပျၢ်တၢ်ကမၣ်တၢ်တဖၣ်လၢနမၤတ့ၢ်အီၤခဲလၢာ်, ဘၣ်ဆၣ်ဒီးနကသ့ၣ်နီၣ်တၢ်တဖၣ်န့ၣ်, ဒီးနကမဲာ်ဆှးကဲၣ်ဆိးလၢနကအဲးထီၣ်နထးခိၣ်အဂီၢ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ဟိၤၡ့ 6:6

ယသးလီသုတၢ်အဲၣ်လၢအအိၣ်စံၣ်အိၣ်ကျၢၤ. တမ့ၢ်ဘၣ်သုဆၣ်ဖိကီၢ်ဖိအတၢ်လုၢ်တၢ်ပာ်တဖၣ်ဘၣ်. ယအဲၣ်ဒိးယပှၤဂီၢ်မုၢ်သ့ၣ်ညါယၤအါန့ၢ်ဒံးတၢ်ဆိၣ်ကဲၤတၢ်လုၢ် တၢ်ပာ်တဖၣ်ဆူယအိၣ်တက့ၢ်န့ၣ်လီၤ.

လံာ်မးသဲ 23:19

ပှၤမဲာ်ဘျီၣ်သ့ၣ်ဧၢ, တၢ်အကါဒိၣ်တက့ၢ်န့ၣ်, မ့ၢ်တၢ်လုၢ်ဧါ. မ့တမ့ၢ်ဘၣ်ဒီး တၢ်လုၢ်လီၢ်လၢအမၤစီဆှံထီၣ်တၢ်လုၢ်န့ၣ်လဲၣ်.

လံာ်မးသဲ 5:24

ပာ်တ့ၢ်နတၢ်လုၢ်ဖဲတၢ်လုၢ်လီၢ်န့ၣ်ဒီးလဲၤမၤဘၣ်လိာ်က့ၤနသးဒီး အီၤလၢအဆိဝံၤအလီၢ်ခံဟဲက့ၤဒီးလုၢ်ထီၣ်နတၢ်လုၢ်န့ၣ်ဆူကစၢ်ယွၤ အအိၣ်တက့ၢ်.

လံာ်မးသဲ 8:4

ယ့ၣ်ၡူးစံးဘၣ်အီၤ, “ပလီၢ်နသးဒ်သိးနသုတဟးဒုးသ့ၣ်ညါပှၤနီတဂၤလၢ တၢ်ဂ့ၢ်အံၤတဂ့ၤ. လဲၤလိၤလိၤဆူပှၤလုၢ်တၢ်အခိၣ်အအိၣ်ဒီးဒုးနဲၣ် နသးလၢအီၤ, ဝံၤလုၢ်ထီၣ်တၢ်လုၢ်ဒ်စီၤမိၤၡ့မၤလိာ်ဝဲအသိး လၢအကကဲထီၣ်တၢ်အုၣ်အသးလၢပှၤကိးဂၤဒဲးအမဲာ်ညါလၢနဘျါက့ၤ လံအဂီၢ်န့ၣ်တက့ၢ်.”

လံာ်မၢ်ကူး 11:25

ဒီးတုၤသုဆၢထၢၣ်ဃ့ထုကဖၣ်ယွၤဒီး, ပှၤတဂၤလၢ်လၢ်အတၢ်ကမၣ်လၢသုစၢဃာ်လၢသုသးပူၤထီဒါအီၤမ့ၢ် အိၣ်တမံၤမံၤန့ၣ်, ပျၢ်ကွံာ်အီၤတက့ၢ်. လၢသုပျၢ်ပှၤဂၤအတၢ်ကမၣ်အဃိသုပၢ်အိၣ်လၢမူခိၣ်ကပျၢ်စ့ၢ် ကီးသုမၤကမၣ်တၢ်တဖၣ်လီၤ.

လံာ်လူၤကၣ် 19:8

စီၤစးဃဲဂဲၤဆၢထၢၣ်ဒီးစံးဘၣ်ကစၢ်, “ကနၣ်တက့ၢ်, ကစၢ်ဧၢ, ယတၢ်စုလီၢ်ခီၣ်ခိၣ်လၢအအိၣ်ဒီးယၤတဝာ်န့ၣ်ယကဟ့ၣ်လီၤ ယဲဆူပှၤဖှီၣ်ဖိယာ်ဖိအအိၣ်လီၤ. ဒီးယမ့ၢ်အီၣ်ကဘျံးအီၣ်ကဘျၣ်ပှၤတဂၤဂၤအတၢ်ဖိတၢ်လံၤန့ၣ်, ယကဟ့ၣ်ကဒါက့ၤအီၤလွံၢ်စးလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 15:22

စီၤၡမူၤအ့လးစံးဝဲ, “ယွၤဘၣ်အသးလၢတၢ်မနုၤတမံၤလဲၣ်. တၢ်စူၢ်အကလုၢ်ဧါ. မ့တမ့ၢ်ဘၣ်ဒီးတၢ်မၤဘူၣ်တဖၣ်ဒီးတၢ်လုၢ်တၢ် ပာ်တဖၣ်ဧါ. ဂ့ၤဒိၣ်တက့ၢ်လၢတၢ်စူၢ်အီၤအါန့ၣ်ဒံးတၢ်ကလုၢ်ထီၣ်ပာ်ထီၣ်သိ ဖိအဂ့ၤကတၢၢ်တဖၣ်ဆူအအိၣ်န့ၣ်လီၤ.