လံာ်မးသဲ 5:20 - Sgaw Karen Common Bible

²⁰ သုတၢ်တီတၢ်လိၤမ့ၢ်တဒိၣ်န့ၢ်အါန့ၢ်ပှၤသ့တၢ်ဘူၣ်တၢ်ဘါ အတၢ်သိၣ်တၢ်သီဒီးပှၤဖၤရံၤၡဲတဖၣ်အတၢ်တီတၢ်လိၤဘၣ်ဒီး, သုလဲၤနုာ်ဆူမူခိၣ်အဘီအမုၢ်အပူၤတသ့လ့ၤတက့ၤဘၣ်.

လံာ်မးသဲ 5:20 Iomraidhean Croise

လံာ်မးသဲ 16:12

တုၤနုၤတစုအပျဲၢ်အဘီၣ်တဖၣ်နၢ်ပၢၢ်ဝဲလၢ, တၢ်လၢယ့ၣ်ၡူးတဲပလီၢ်အဝဲသ့ၣ်လၢအကတဒီတဒါအသးန့ၣ်, တမ့ၢ်ဘၣ်ကိၣ်မံၣ်လၢတၢ်သူအီၤပှၤမၤကိၣ်န့ၣ်ဘၣ်. မ့မ့ၢ်, မ့ၢ်လၢပှၤဖၤရံၤၡဲဒီးပှၤစးဒူၤကဲတဖၣ်အတၢ်သိၣ်လီၤသီလီၤန့ၣ်လီၤ.

လံာ်မးသဲ 18:5

ပှၤတဂၤလၢ်လၢ်လၢအတူၢ်လိာ်ဖိသၣ်ဒ်အံၤတဂၤလၢယမံၤန့ၣ်, မ့ၢ်အတူၢ်လိာ်ယၤလီၤ.

လံာ်မးသဲ 3:10

အခဲအံၤဒၣ်လဲာ်ကွါအိၣ်ပာ်လီၤအသးလၢသ့ၣ်အဂံၢ်တဖၣ်အခီၣ်ထံးလံ. သ့ၣ်တထံးလၢ်လၢ်လၢအတသူထီၣ်သၣ်ထီၣ်တၤသၣ်လၢအဂ့ၤန့ၣ် ကဘၣ်တၢ်ကူာ်လီၤဒီးတ့ၢ်လီၤကွံာ်အီၤဆူမ့ၣ်အူအပူၤလီၤ.

လံာ်မးသဲ 7:21

ပှၤလၢအကိးယၤ ‘ကစၢ်ဧၢ, ကစၢ်ဧၢ,’ န့ၣ်တလဲၤနုာ်ဘၣ်ဆူမူခိၣ် အဘီအမုၢ်အပူၤကိးဂၤဒဲးဘၣ်. ကလဲၤနုာ်ဘၣ်ထဲပှၤတဖၣ်လၢအမၤတၢ်လၢယပၢ်လၢမူခိၣ်အဲၣ်ဒိး အကမၤဝဲန့ၣ်လီၤ.

လံာ်မၢ်ကူး 10:15

ယစံးဘၣ်သုတီတီလီၤ. ပှၤတဂၤလၢ်လၢ်လၢအတတူၢ်လိာ် ကစၢ်ယွၤအဘီအမုၢ်ဒ်ဖိသၣ်တဂၤအသိးဘၣ်န့ၣ်, တလဲၤနုာ်ဘၣ်ဝဲဆူအပူၤဘၣ်.”

လံာ်မၢ်ကူး 10:25

ကီၤလၤအူးတဒုကလဲၤနုာ်ဝၣ်ဖျိထးမဲၢ်ခံအပူၤန့ၣ်မ့ၢ်တၢ်ညီ ဒိၣ်န့ၢ်ဒံးပှၤထူးပှၤတီၤတဂၤကလဲၤနုာ်ဆူကစၢ်ယွၤအဘီ အမုၢ်အပူၤတက့ၢ်လီၤ.”

လံာ်လူၤကၣ် 11:44

သုဘၣ်အဖှီၣ်ဆံးဒိၣ်လဲၣ်. သုလီၤဂာ်ဒီးတၢ်သွၣ်ခိၣ်လၢ အတဘၣ်တၢ်မၤနီၣ်မၤဃါအီၤတဖၣ်, လၢပှၤကညီဟးလၢအဖီခိၣ်ဒီးတသ့ၣ်ညါဝဲဘၣ်န့ၣ်လီၤ.”

လံာ်လူၤကၣ် 12:1

ဖဲပှၤဂီၢ်မုၢ်လၢအကထိတဖၣ်ပာ်ဖှိၣ်ထီၣ်အသးပှဲၤကတံာ်မး တုၤဒၣ်လဲာ်ယီၢ်လိာ်ဘၣ်အသးတဂၤဒီးတဂၤအဆၢကတီၢ်န့ၣ်, ယ့ၣ်ၡူးစံးဘၣ်ဆိအပျဲၢ်အဘီၣ်တဖၣ်, “ပလီၢ်သုသးလၢပှၤဖၤရံၤၡဲတဖၣ်အကိၣ်မံၣ်လၢ အမ့ၢ်အဝဲသ့ၣ်အတၢ်ပာ်မၤအသးန့ၣ်တက့ၢ်.

လံာ်လူၤကၣ် 18:17

သ့ၣ်နီၣ်ထီၣ်တၢ်အံၤတက့ၢ်. ပှၤတဂၤလၢ်လၢ်လၢအတတူၢ်လိာ်ကစၢ်ယွၤအဘီအမုၢ်ဒ်ဖိသၣ် တဂၤအသိးန့ၣ်, တလဲၤနုာ်ဘၣ်ဝဲလၢအပူၤနီတစုဘၣ်.”

၂ ကရံၣ်သူး 3:9

ယူဒၤအတၢ်သိၣ်တၢ်သီလၢအဒုးအိၣ်ထီၣ်တၢ်စံၣ်ညီၣ်န့ၣ်, အလၤကပီၤ မ့ၢ်အိၣ်ထဲသိးန့ၣ်ဒီးတၢ်ဖံးတၢ်မၤလၢအဟဲစိာ်တၢ်အုၣ်က့ၤခီၣ် က့ၤန့ၣ်, ကအိၣ်ဒီးအလၤကပီၤဒိၣ်န့ၢ်အန့ၣ်တက့ၢ်ဆံးဒိၣ်လဲၣ်.

၂ ကရံၣ်သူး 5:17

ဖဲပှၤတဂၤဂ့ၤတဂၤဂ့ၤဘၣ်တၢ်ပာ်ဖှိၣ်ဃုာ်အီၤဒီးခရံာ်န့ၣ်, အဝဲဒၣ်မ့ၢ်ပှၤအသီတဂၤလီၤ. တၢ်အလီၢ်လံၤလီၤမၢ်ကွံာ်ဝဲ, တၢ်အသီဟဲတုၤလံဝဲလံ.

ဖံလံးပံၤ 3:9

ဒီးကဲထီၣ်တၢ်တမံၤဃီဒီးအီၤအဂီၢ်န့ၣ်လီၤ. ယနီၢ်ကစၢ်ဒၣ်ယဲယတၢ်တီတၢ်လိၤတကလုာ် လၢတၢ်မၤန့ၢ်အီၤခီဖျိတၢ်စူၢ်ပှၤယူဒၤဖိအတၢ်သိၣ်တၢ်သီ တအိၣ်ဒီးယၤလၢၤဘၣ်န့ၣ်လီၤ. အခဲအံၤ, ယအိၣ်ဒီးတၢ်တီတၢ်လိၤလၢအဘၣ်တၢ်ဟ့ၣ်လီၤအီၤခီဖျိ တၢ်စူၢ်တၢ်နာ်လၢခရံာ်အပူၤ, တၢ်တီတၢ်လိၤလၢအဟဲလၢကစၢ်ယွၤအအိၣ်ဒီးဒိးသန့ၤထီၣ် အသးလၢတၢ်စူၢ်တၢ်နာ်အဝဲန့ၣ်အဖီခိၣ်န့ၣ်လီၤ.

ဧ့ၤဘြံၤ 12:14

ဂုာ်ကျဲးစၢးဟံးဃာ်တၢ်အိၣ်ဃူအိၣ်ဖိးဒီးပှၤခဲလၢာ်တက့ၢ်. ဂုာ်ဟံးဃာ်စ့ၢ်ကီးတၢ်စီဆှံတက့ၢ်. တၢ်စီဆှံတအိၣ်ဘၣ်ဒီးပှၤတထံၣ်ဘၣ်ကစၢ်ယွၤနီတဂၤဘၣ်.

လံာ်လီၣ်ဖျါ 21:27

ဘၣ်ဆၣ်ဒီးတၢ်လၢအတကဆှီန့ၣ်တနုာ်လီၤဘၣ်ဆူဝ့ၢ်ပူၤနီ တမံၤဘၣ်. ဒ်န့ၣ်အသိး, ပှၤတဂၤလၢ်လၢ်လၢအမၤတၢ်လၢ အလီၤမဲာ်ဆှး, မ့တမ့ၢ်လီတၢ်ဝ့ၤတၢ်န့ၣ်, တနုာ်လီၤဘၣ်ဝဲဘၣ်. ထဲဒၣ်ပှၤတဖၣ်လၢအမံၤအိၣ်ကွဲးအသးလၢသိဖိအလံာ်မူ အပူၤန့ၣ်, ကနုာ်လီၤဘၣ်ဆူဝ့ၢ်အပူၤလီၤ.