လံာ်မးသဲ 5:19 - Sgaw Karen Common Bible

¹⁹ လၢတၢ်န့ၣ်အဃိ, ပှၤတဂၤလၢ်လၢ်လၢအလုၣ်သ့ၣ်ခါပတာ်တၢ်မၤလိာ်အဆံးကတၢၢ်တဘီဒၣ် လဲာ်ဒီးသိၣ်လိပှၤဂၤဒ်သိးပှၤသုတပာ်ကဲတၢ်သိၣ်တၢ်သီတဂ့ၤန့ၣ်, ကမ့ၢ်မးပှၤအဆံးကတၢၢ်တဂၤလၢမူခိၣ်ဘီမုၢ်အပူၤလီၤ. ဘၣ်ဆၣ်ဒီးပှၤလၢအအိၣ်မူဒ်တၢ်သိၣ်တၢ်သီအသိးဒီးသိၣ်လိပှၤ ဂၤလၢကပာ်ကဲတၢ်သိၣ်တၢ်သီန့ၣ်, ကမ့ၢ်ပှၤလၢအဒိၣ်လၢမူခိၣ်ဘီမုၢ်အပူၤလီၤ.

လံာ်မးသဲ 5:19 Iomraidhean Croise

စံးထီၣ်ပတြၢၤ 119:128

ဒီးယပိာ်ထွဲနတၢ်မၤလိာ်ခဲလၢာ်အခံလီၤ. ကယဲၢ်ကျဲဘၣ်ဃးဒီးတၢ်ကဘျံးကဘျၣ်န့ၣ် ယသးဟ့အီၤကိးဘိဒဲးလီၤ.

စံးထီၣ်ပတြၢၤ 119:6

တုၤယဟ့ၣ်လီၤယတၢ်ဆိကမိၣ်လၢ နတၢ်မၤလိာ်ခဲလၢာ်ဒီး, ယတဘၣ်တၢ်မၤမဲာ်ဆှးယၤဘၣ်.

လံာ်ဒၤနံးယ့လး 12:3

ပှၤခိၣ်ပှၤနၢ်လၢအကူၣ်သ့ကူၣ်ဘၣ်တဖၣ်ကကပီၤထီၣ်ဒ်မူခိၣ်အတၢ် ကပီၤကပြုၢ်ကပြီၤထီၣ်န့ၣ်လီၤ. ဒီးပှၤလၢအဒုးဃၣ်က့ၤပှၤ အါဂၤဆူတၢ်တီတၢ်လိၤတဖၣ်ကကပီၤထီၣ်ဒ်ဆၣ်တဖၣ်လီၤစိၤ လီၤထီန့ၣ်လီၤ.

လံာ်မးသဲ 11:11

နာ်ယၤတက့ၢ်. ပှၤဘျၢတၢ်စီၤယိၤဟၣ်န့ၣ်, ဒိၣ်န့ၢ်ဒံးကယဲၢ်ပှၤ ဟီၣ်ခိၣ်ဖိလၢအအိၣ်ဖျဲၣ်ထီၣ်လၢပိာ်မုၣ်န့ၣ်လီၤ. ဘၣ်ဆၣ်ဒီးပှၤအဆံးကတၢၢ်လၢမူခိၣ်အဘီအမုၢ်န့ၣ်, ဒိၣ်န့ၢ်ဒံးအီၤတက့ၢ်လီၤ.

လံာ်မးသဲ 19:28

ယ့ၣ်ၡူးစံးဘၣ်အဝဲသ့ၣ်, “နာ်ယၤတက့ၢ်. လၢစိၤအသီအပူၤ, ဖဲပှၤကညီဖိခွါကဆ့ၣ်နီၤလၢအလီၢ်ပစိာ်လၢအအိၣ်ဒီး အလၤကပီၤအဖီခိၣ်န့ၣ်, သုဝဲလၢအပိာ်တ့ၢ်ယခံတဖၣ်, သုကဆ့ၣ်နီၤလၢလီၢ်ပစိာ်တဆံခံဖျၢၣ်အဖီခိၣ်, ဒီးပၢဘၣ်ပှၤအံၣ်စရ့လးဖိတဆံခံဒူၣ်န့ၣ်လီၤ.

လံာ်မးသဲ 20:26

တၢ်ဒ်အံၤတဘၣ်မၤအသးလၢသုသိးသုကျါဘၣ်. မ့မ့ၢ်, ပှၤတဂၤလၢ်လၢ်လၢသုကျါအသးမ့ၢ်အိၣ်ကဲထီၣ်ပှၤအဒိၣ်ဒီး, ကဘၣ်မၤတၢ်အခ့အပှၤအတၢ်မၤလၢပှၤအဂၤတဖၣ်အဂီၢ်လီၤ.

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

လံာ်လူၤကၣ် 1:15

အဝဲဒၣ်ကမ့ၢ်ပှၤဖးဒိၣ်တဂၤလၢကစၢ်အမဲာ်ညါလီၤ. စပံးထံမ့ၢ်ဂ့ၤ, တၢ်လၢအကဒုးမူၤဒုးဘှီးပှၤမ့ၢ်ဂ့ၤ, အဝဲတဘၣ်အီဝဲနီတမံၤဘၣ်. အဝဲဒၣ်ကလၢပှဲၤဒီးသးစီဆှံဖဲအအိၣ်ဒံးလၢအမိၢ်အဟၢဖၢပူၤလံၤလံၤ,

လံာ်လူၤကၣ် 11:42

ပှၤဖၤရံၤၡဲသ့ၣ်ဧၢ, သုဘၣ်အဖှီၣ်ဆံးဒိၣ်လဲၣ်. ဟီၣ်ဝီၤသွ့, ဒီးပံကနၣ်အဒိးဒီးကသံၣ်အမုၢ်အဂၤတမံၤလၢ်လၢ်န့ၣ် သုဟ့ၣ်မၤဘူၣ်ဆူကစၢ်ယွၤအအိၣ်အပူတဆံန့ၣ်တပူလီၤ. ဘၣ်ဆၣ်သုကွၢ်ကပာ်တၢ်စံၣ်ညီတီဒီးတၢ်အဲၣ်ကစၢ်ယွၤလီၤ. တၢ်သ့ၣ်တဖၣ်အံၤ, သုကြၢးအိၣ်မူထွဲအခံ, ဒီးသုတကြၢးကွၢ်ကပာ်ကွံာ်စ့ၢ်ကီးတၢ်အဂၤတဖၣ်န့ၣ်ဘၣ်.

လံာ်လူၤကၣ် 9:48

ဒီးစံးဘၣ်အဝဲသ့ၣ်, “ပှၤတဂၤလၢ်လၢ်လၢအတူၢ်လိာ်ဖိသၣ်တဂၤအံၤ လၢယမံၤအဃိန့ၣ်, မ့ၢ်အတူၢ်လိာ်ယၤ, ဒီးပှၤတဂၤလၢ်လၢ်လၢ အတူၢ်လိာ်ယၤန့ၣ်, မ့ၢ်အတူၢ်လိာ်ပှၤလၢအမၢလီၤယၤတဂၤန့ၣ်လီၤ. အဂ့ၢ်ဒ်အံၤ, ပှၤအဆံးကတၢၢ်လၢသုဝဲခဲလၢာ်အကျါန့ၣ်, မ့ၢ်ပှၤအဒိၣ်ကတၢၢ်လီၤ.”

မၤတၢ် 1:1

စီၤသီးဖံၤလူးဧၢ, လၢယလံာ်အခီၣ်ထံးတဘ့ၣ်အပူၤ, ယကွဲးတၢ်ဘၣ်ဃးကယဲၢ်တၢ်လၢယ့ၣ်ၡူးမၤဝဲဒီးသိၣ်လီၤသီ လီၤဝဲခဲလၢာ်စးထီၣ်မုၢ်တနံၤလၢအဝဲဒၣ်မၤအတၢ်မၤ,

ရိမ့ၤ 3:8

မ့မ့ၢ်ဒ်န့ၣ်ဒီးမ့ၢ်ပကစံး, “မ်ပကမၤသကိးတၢ်အၢဒ်သိးတၢ်ဂ့ၤကမၤအသးအဂီၢ်န့ၣ်ဧါ.” ပှၤတနီၤနီၤဒုၣ်ဒွဲၣ်စံးအၢယၤဒီးပာ်တၢ်ကမၣ်လၢယလိၤလၢယစံး ကတိၤတၢ်ဒ်အံၤန့ၣ်လီၤ. အဝဲသ့ၣ်ကဘၣ်တၢ်စံၣ်ညီၣ်ဃၣ်အီၤဒ်အကြၢးဝဲဒီးအီၤအသိး န့ၣ်လီၤ.

ရိမ့ၤ 6:1

မ့မ့ၢ်ဒ်န့ၣ်ဒီး, ပကစံးဒ်လဲၣ်. မ့ၢ်ပကအိၣ်မူဒံးလၢတၢ်ဒဲးဘး အပူၤဒ်သိးကစၢ်ယွၤအဘျုးအဖှိၣ်ကအါထီၣ်ဝဲအဂီၢ်န့ၣ်ဧါ.

ရိမ့ၤ 6:15

မ့မ့ၢ်ဒ်န့ၣ်ဒီး, မ့ၢ်လၢပအိၣ်လၢတၢ်ဘျုးတၢ်ဖှိၣ်အဖီလာ်ဒီး တမ့ၢ်ဘၣ်လၢတၢ်သိၣ်တၢ်သီအဖီလာ်အဃိ, မ့ၢ်ပကမၤ တၢ်ဒဲးဘးဧါ. တမ့ၢ်ဒ်န့ၣ်လ့ၤတက့ၤဘၣ်.

လံာ်သိၣ်လီၤသီလီၤတၢ် 12:32

ကယဲၢ်တၢ်လၢယမၤလိာ်တ့ၢ်သုခဲလၢာ်န့ၣ်မၤအီၤတက့ၢ်. ဒီးမၤအါထီၣ်အီၤနီတမံၤတဂ့ၤ. ဒီးထုးကွံာ်တၢ်လၢအီၤနီတမံၤတဂ့ၤ.

လံာ်သိၣ်လီၤသီလီၤတၢ် 27:26

“ကစၢ်ယွၤအတၢ်ဆိၣ်အၢအိၣ်ဝဲလၢပှၤတဂၤလၢ်လၢ်အလိၤ, ပှၤလၢတစူၢ်ဘၣ်ကယဲၢ်ကစၢ်ယွၤအတၢ်ဘူၣ်တၢ်ဘါအတၢ်သိၣ်တၢ်သီတဖၣ် ဒီးတၢ်သိၣ်လိတဖၣ်န့ၣ်လီၤ.” ဒီးကယဲၢ်ပှၤဂီၢ်မုၢ်ခဲလၢာ်ကစံးဆၢဝဲ, “မ်အလၢထီၣ်ပှဲၤထီၣ် တက့ၢ်.”

၁ တံၤမသ့း 6:11

မ့မ့ၢ်နဲဒၣ်, ကစၢ်ယွၤအပှၤကညီဧၢ, ပဒ့ၣ်ဟးဆှဲးတၢ်သ့ၣ်တဖၣ်အံၤခဲလၢာ်တက့ၢ်. ဂုာ်ကျဲးစၢးဒ်သိးနကအိၣ်ဒီးတၢ်တီတၢ်လိၤ, တၢ်အဲၣ်ထူအဲၣ်ယွၤ, တၢ်စူၢ်တၢ်နာ်, တၢ်အဲၣ်တၢ်ကွံ, တၢ်သ့တူၢ်တၢ်, ဒီးတၢ်သူၣ်ကပုာ်သးကပုာ်သ့ၣ်တဖၣ်န့ၣ်တက့ၢ်.

တံတူး 3:8

တၢ်အံၤမ့ၢ်တၢ်ကတိၤအမ့ၢ်အတီလီၤ. ယသးအိၣ်လၢနကတိာ်သူၣ်ပာ်သးလီၤဆီဒၣ်တၢ်လၢတၢ်ဂ့ၢ် တဖၣ်အံၤ, ဒ်သိးဒီးပှၤလၢအစူၢ်က့ၤနာ်က့ၤကစၢ်ယွၤတဖၣ် ကပာ်သူၣ်ပာ်သးဘၣ်ဃးတၢ်ဟ့ၣ်လီၤအသးလၢတၢ်မၤဂ့ၤ တဖၣ်, လၢအဂ့ၤဒီးကဲဘျုးလၢပှၤကိးဂၤဒဲးအဂီၢ်န့ၣ်လီၤ.

၁ ပ့းတရူး 5:4

ဒီးတုၤပှၤကွၢ်သိအခိၣ်အိၣ်ဖျါထီၣ်ဒီး, သုကဒိးန့ၢ်ဘၣ်တၢ်လၤကပီၤအခိၣ်သလုးလၢအတၢ်ကပြုၢ် ကပြီၤတလီၤမၢ်ကွံာ်နီတစုဘၣ်န့ၣ်လီၤ.

၁ ယိၤဟၣ် 3:4

ကယဲၢ်ပှၤတဂၤလၢ်လၢ်လၢအမၤတၢ်ဒဲးဘးန့ၣ်, လုၣ်သ့ၣ်ခါပတာ်ကစၢ်ယွၤအတၢ်သိၣ်တၢ်သီလီၤ. အဂ့ၢ်ဒ်အံၤ, တၢ်ဒဲးဘးမ့ၢ်တၢ်လုၣ်သ့ၣ်ခါပတာ် ကစၢ်ယွၤအတၢ်သိၣ်တၢ်သီလီၤ.

လံာ်လီၣ်ဖျါ 2:20

ဘၣ်ဆၣ်ဒီး, ယပာ်တၢ်ကမၣ်လၢနလိၤအလီၢ်အိၣ်ဝဲတမံၤ ဒ်အံၤ, နတူၢ်လိာ်ပိာ်မုၣ်နီၢ်အံၤစ့ဘ့ၤလးလၢအကိးလီၤ အသးလၢကစၢ်ယွၤအကလူးဆှၢတၢ်ကစီၣ်တဂၤန့ၣ်လီၤ. ခီဖျိအဝဲအတၢ်သိၣ်လီၤသီလီၤန့ၣ်, အဝဲဒၣ်ဆှၢကမၣ်ယခ့ယပှၤတဖၣ်ဒ်သိးအကမၤကမၣ်မုၣ် ကမၣ်ခွါ, ဒီးအကအီၣ်တၢ်အီၣ်လၢအဘၣ်တၢ်လုၢ်ထီၣ်ပာ် ထီၣ်တ့ၢ်အီၤဆူတၢ်ဂီၤတၢ်ဖီၣ်တဖၣ်အအိၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:30

ယၤ, ယွၤ, အံၣ်စရ့လးအကစၢ်ယွၤအံၤလၢအပူၤကွံာ်ယအၢၣ်လီၤတ့ၢ် လၢနဟံၣ်ဖိဃီဖိဒီးနဒူၣ်နထၢဖိကမၤယတၢ်မၤ ဒ်ပှၤလုၢ်တၢ်အခိၣ်တဖၣ်အသိးလီၤစိၤလီၤထီန့ၣ်လီၤ. မ့မ့ၢ်ခဲကနံၣ်အံၤ, ယစံးလၢယတမၤဒ်န့ၣ်လၢၤဘၣ်. အခိၣ်တလိာ်, ယကမၤလၤကပီၤပှၤလၢအမၤလၤကပီၤယၤ, ဒီးပှၤလၢအမၤလီၤယသူးယသ့ၣ်န့ၣ် ယကမၤဟးဂီၤအလၤကပီၤန့ၣ်လီၤ.