လံာ်မးသဲ 5:17 - Sgaw Karen Common Bible

¹⁷ တဘၣ်ဆိကမိၣ်သုဝဲလၢယဟဲဒ်သိးယကမၤဟးဂီၤကွံာ်စီၤမိၤၡ့ အတၢ်သိၣ်တၢ်သီဒီးဝံတဖၣ်အတၢ်သိၣ်လီၤသီလီၤန့ၣ်တဂ့ၤ. ယဟဲတမ့ၢ်ဘၣ်လၢယကမၤဟးဂီၤကွံာ်တၢ်န့ၣ်တဖၣ်အဂီၢ်ဘၣ်. မ့ၢ်ဒ်သိးယကမၤလၢထီၣ်ပှဲၤထီၣ်အီၤအဂီၢ်တခီန့ၣ်လီၤ.

လံာ်မးသဲ 5:17 Iomraidhean Croise

လံာ်ယၡါယၤ 42:21

ယွၤမ့ၢ်ကစၢ်ယွၤတဂၤလၢအသူၣ်ဆူၣ်သးဂဲၤဒ်သိးအကအုၣ်က့ၤခီၣ် က့ၤတၢ်န့ၣ်လီၤ. သတးဒီး, အဝဲယူာ်ထီၣ်ထီအတၢ်သိၣ်တၢ်သီဒီးအတၢ်သိၣ်လိတဖၣ်, ဒီးအဲၣ်ဒိးဝဲလၢအပှၤဂီၢ်မုၢ်ကယူးယီၣ်ပာ်ကဲတၢ်သ့ၣ်တဖၣ်န့ၣ်လီၤ.

လံာ်မးသဲ 3:15

ဘၣ်ဆၣ်ဒီးယ့ၣ်ၡူးစံးဆၢအီၤ, “မ့မ့ၢ်ဘျီအဝဲအံၤ မ်နသုတဂ့ၢ်လိာ်ယၤတဂ့ၤ. အဂ့ၢ်ဒ်အံၤ, ခီဖျိတၢ်အံၤန့ၣ်ပကမၤလၢပှဲၤထီၣ်ကစၢ်ယွၤအတၢ် အဲၣ်ဒိးခဲလၢာ်လီၤ.” ဒီးစီၤယိၤဟၣ်အၢၣ်လီၤထွဲအခံလီၤ.

လံာ်မးသဲ 7:12

ဒ်နဆၢလၢပှၤဂၤကမၤနၤအသိးန့ၣ်, မၤအီၤဒ်န့ၣ်အသိးတက့ၢ်. အအံၤမ့ၢ်စီၤမိၤၡ့အတၢ်သိၣ်တၢ်သီ ဒီးဝံတဖၣ်အတၢ်သိၣ်လီၤသီလီၤတဖၣ်အခီပညီန့ၣ်လီၤ.

လံာ်လူၤကၣ် 16:17

ဘၣ်ဆၣ်ဒီးမူခိၣ်ဒီးဟီၣ်ခိၣ်န့ၣ် လီၤမၢ်ကွံာ်ဝဲညီန့ၢ်ဒံးလံာ်တၢ်သိၣ်တၢ်သီအလံာ်မဲာ်ဖျၢၣ်အဆံးကတၢၢ် တဖျၢၣ်ကလီၤမၢ်ကွံာ်ဝဲတက့ၢ်လီၤ.

လံာ်ယိၤဟၣ် 8:5

လၢပတၢ်သိၣ်တၢ်သီအပူၤ, စီၤမိၤၡ့မၤလိာ်ဝဲလၢပိာ်မုၣ်ဒ်သိးအံၤ တဂၤကဘၣ်တၢ်ကွံာ်သံအီၤလၢလၢၢ်လီၤ. ခဲအံၤ, နကစံးဒ်လဲၣ်.”

မၤတၢ် 18:13

အဝဲသ့ၣ်စံးဝဲ, “ပှၤတဂၤအံၤဂုာ်ကျဲးစၢးကွဲန့ၢ်လွဲန့ၢ်ပှၤဂီၢ်မုၢ်လၢ အကဘါထီၣ်ကစၢ်ယွၤလၢကျဲလၢအထီဒါတၢ်သိၣ်တၢ်သီန့ၣ်လီၤ.”

မၤတၢ် 21:28

အဝဲသ့ၣ်ကိးထီၣ်ဝဲ, “အံၣ်စရ့လးဖိသ့ၣ်ဧၢ, မၤစၢၤပှၤတက့ၢ်. ပှၤတဂၤအံၤမ့ၢ်ပှၤတဂၤဃီလၢအလဲၤသကုၤဆးဒးဒီးသိၣ်လိပှၤ ကိးဂၤဒဲးတၢ်လၢအထီဒါပှၤအံၣ်စရ့လးဖိ, စီၤမိၤၡ့အတၢ်သိၣ်တၢ်သီ, ဒီးတၢ်လုၢ်ဟံၣ်တဖျၢၣ်အံၤန့ၣ်လီၤ. ဒီးခဲကနံၣ်အံၤ, အဝဲဟဲကိးဃုာ်ဒၣ်လဲာ်ပှၤကလုာ်ဂၤတနီၤဆူတၢ်လုၢ်ဟံၣ်တဖျၢၣ် အံၤအပူၤ, ဒီးမၤဘၣ်အၢတၢ်လီၢ်စီဆှံအဝဲအံၤန့ၣ်လံ.”

မၤတၢ် 6:13

အန့ၣ်ဝံၤအဝဲသ့ၣ်ကိးနုာ်ဝဲပှၤတနီၤလၢကအုၣ်အသးကဘျံး ကဘျၣ်ထီဒါစီၤစတ့းဖၣ်ဒီးပှၤတဖၣ်န့ၣ်စံးဝဲ, “ပှၤတဂၤအံၤထီဘိန့ၣ်စံးကတိၤတၢ်ထီဒါပတၢ်လုၢ်ဟံၣ်စီ ဆှံဒီးတၢ်သိၣ်တၢ်သီလၢပန့ၢ်ဘၣ်ခီဖျိစီၤမိၤၡ့န့ၣ်လီၤ.

ရိမ့ၤ 10:4

အဂ့ၢ်ဒ်လဲၣ်န့ၣ်, ခရံာ်ဒုးကတၢၢ်ကွံာ်တၢ်သိၣ်တၢ်သီဒ်သိးပှၤတဂၤ လၢ်လၢ်လၢအအိၣ်ဒီးတၢ်စူၢ်တၢ်နာ်န့ၣ်ကဘၣ်တၢ်ပာ်တီပာ်လိၤအီၤ အဂီၢ်လီၤ.

ရိမ့ၤ 3:31

တၢ်အဝဲအံၤအခီပညီမ့ၢ်ပတၢၤကွံာ်တၢ်သိၣ်တၢ်သီလၢတၢ် စူၢ်တၢ်နာ်အံၤန့ၣ်ဧါ. တမ့ၢ်ဒ်န့ၣ်ဘၣ်. မ့မ့ၢ်ပပာ်ဂၢၢ်ပာ်ကျၢၤတၢ်သိၣ်တၢ်သီအံၤတခီန့ၣ်လီၤ.

ရိမ့ၤ 8:4

ကစၢ်ယွၤမၤတၢ်အံၤ မ့ၢ်ဒ်သိးဒီးတၢ်သိၣ်တၢ်သီအတၢ်မၤ လိာ်အတီအလိၤကလၢထီၣ်ပှဲၤထီၣ်ဝဲဒၣ်လၢပဝဲလၢအအိၣ် မူဒ်ယွၤအသးအသိး, ဒီးတမ့ၢ်ဘၣ်ဒ်ဟီၣ်ခိၣ်ဖိအန့ဆၢၣ် အသိးတဖၣ်အပူၤဘၣ်န့ၣ်လီၤ.