လံာ်မးသဲ 5:15 - Sgaw Karen Common Bible

¹⁵ ပှၤဒွဲၣ်ထီၣ်မ့ၣ်အူဒၢဒီးပာ်အီၤလၢနာ်အဖီလာ်န့ၣ်တအိၣ်ဘၣ် နီတဂၤဘၣ်. မ့မ့ၢ်ပာ်ဝဲလၢမ့ၣ်အူဒၢအလီၢ်အဖီခိၣ်ဒီးမ့ၣ်အူန့ၣ်ဟ့ၣ်ထီၣ်တၢ် ကပီၤလၢပှၤအိၣ်လၢဟံၣ်ပူၤခဲလၢာ်အဂီၢ်လီၤ.

လံာ်မးသဲ 5:15 Iomraidhean Croise

လံာ်တၢ်ဟးထီၣ်ကွံာ် 25:37

မၤထီၣ်မ့ၣ်အူဒၢနွံဖျၢၣ်လၢတၢ်ပာ်မ့ၣ်အူဒၢအလီၢ်အဂီၢ်ဒီး ဒွဲၣ်ထီၣ်အီၤဒ်သိးကကပီၤထီၣ်ဆူတၢ်မဲာ်ညါတက့ၢ်.

လံာ်စကၤရယၤ 4:2

အဝဲသံကွၢ်ယၤ, “နထံၣ်တၢ်မနုၤလဲၣ်.” ယစံးဆၢအီၤ, “မ့ၣ်အူဒၢအလီၢ်လၢအဘၣ်တၢ်မၤအီၤလၢထူဒီးသလၢလၢသိအဂီၢ် တဖျၢၣ်အိၣ်လၢအဖီခိၣ်လီၤ. လၢမ့ၣ်အူဒၢအလီၢ်အလိၤန့ၣ်မ့ၣ်အူဒၢဖိအိၣ်ဝဲဒၣ်နွံဖျၢၣ်, တဖျၢၣ်စုာ်စုာ်အိၣ်ဒီးမ့ၣ်အူဒၢအပှံာ်နွံဘိန့ၣ်လီၤ.

လံာ်မၢ်ကူး 4:21

ယ့ၣ်ၡူးစံးဘၣ်ကဒီးအဝဲသ့ၣ်, “မ့ၢ်ပှၤဟဲစိာ်နုာ်မ့ၣ်အူဒၢတဖျၢၣ်ဆူဒၢးပူၤ ဒီးပာ်အီၤလၢနာ်တဖျၢၣ်မ့တမ့ၢ်လီၢ်မံခးတဖျၢၣ်အဖီလာ်န့ၣ်ဧါ. မ့ၢ်အတပာ်ထီၣ်အီၤလၢမ့ၣ်အူဒၢအလီၢ်န့ၣ်ဘၣ်ဧါ.

လံာ်လူၤကၣ် 11:33

ပှၤတဒွဲၣ်ထီၣ်မ့ၣ်အူဒၢဝံၤဒီးပာ်ခူသူၣ်ဝဲ, မ့တမ့ၢ်ပာ်ဝဲလၢနာ်အဖီလာ်နီတဂၤန့ၣ်ဘၣ်. မ့မ့ၢ်, အဝဲဒၣ်ပာ်ထီၣ်အီၤလၢတၢ်ပာ်မ့ၣ်အူဒၢအလီၢ်, ဒ်သိးပှၤကထံၣ်ဘၣ်တၢ်ကပီၤဖဲပှၤဟဲနုာ်လီၤအဆၢကတီၢ်န့ၣ်လီၤ.

လံာ်လူၤကၣ် 11:36

မ်ဒ်န့ၣ်ဒီးနနီၢ်ခိဒီဂၤညါမ့ၢ်လၢပှဲၤဒီးတၢ်ကပီၤ, ဒီးမ့ၢ်တအိၣ်လၢတၢ်ခံးတၢ်နၤအပူၤဘၣ်န့ၣ်, ကကပီၤထီၣ်ဝဲကပြုၢ်ကပြီၤဒီဂၤညါ, ဒ်မ့ၣ်အူဒၢတဖျၢၣ်ကပီၤထီၣ်ဝဲလၢနဂီၢ်အိၣ်ဒီး အတၢ်ကပြုၢ်ကပြီၤအသိးန့ၣ်လီၤ.”

လံာ်လူၤကၣ် 8:16

ပှၤတဒွဲၣ်ထီၣ်မ့ၣ်အူဒၢဒီးကျၢၢ်ဘၢအီၤလၢတၢ်တမံၤမံၤ, မ့တမ့ၢ်ပာ်အီၤလၢလီၢ်မံခးအဖီလာ်နီတဂၤဘၣ်. မ့မ့ၢ်တခီပှၤပာ်အီၤလၢမ့ၣ်အူဒၢအလီၢ်, ဒ်သိးပှၤဟဲနုာ်တဖၣ်ကထံၣ်ဘၣ်တၢ်ကပီၤအဂီၢ်လီၤ.

ဖံလံးပံၤ 2:15

တုၤနုၤတစု, သုကကဲထီၣ်ပှၤလၢအတၢ်ကမၣ်တအိၣ်ဒီး စီဆှံဝဲဒ်ကစၢ်ယွၤအဖိလၢအလၢပှဲၤတဖၣ်, လၢအအိၣ်မူလၢပှၤတတီတလိၤဒီးပှၤလၢအပှဲၤဒီးတၢ်ဒဲးဘး တဖၣ်အဟီၣ်ခိၣ်ပူၤန့ၣ်လီၤ. သုကဘၣ်ကပီၤထီၣ်လၢအဝဲသ့ၣ်အကျါဒ်ဆၣ်တဖၣ်ဒုးကပီၤထီၣ်မူခိၣ် အသိး,

ဧ့ၤဘြံၤ 9:2

အဂ့ၢ်ဒ်အံၤ, တၢ်သူၣ်ထီၣ်ဘှီထီၣ်ဒဲတဖျၢၣ်ဒီးတၢ်ချၢတတီၤန့ၣ်, ဘၣ်တၢ်ကိးအီၤလၢတၢ်စီတၢ်ဆှံအလီၢ်, အိၣ်ဒီးမ့ၣ်အူအလီၢ် တခါ, စီၢ်နီၤခိၣ်တဖျၢၣ်ဃုာ်ဒီးကိၣ်လၢအဘၣ်တၢ်လုၢ်ထီၣ်အီၤဆူ ကစၢ်ယွၤန့ၣ်လီၤ.

လံာ်လီၣ်ဖျါ 2:5

နလီၤဃံၤတ့ၢ်လံနဲဆံးအါလဲၣ်န့ၣ်ကွၢ်ဆိကမိၣ်တက့ၢ်. ဃၣ်ကွံာ်လၢနတၢ်ဒဲးဘးဒီးမၤတၢ်လၢနမၤတ့ၢ်လံနဲလၢ အပူၤကွံာ်န့ၣ်တက့ၢ်. နမ့ၢ်တဃၣ်ကွံာ်လၢနတၢ်ဒဲးဘးဒီးပီၢ်ယၢ်လီၤက့ၤနသးဘၣ်န့ၣ်, ယကဟဲဆူနအိၣ်ဒီးထုးထီၣ်ကွံာ်မ့ၣ်အူဒၢလၢအလီၢ်န့ၣ်လီၤ.