လံာ်မးသဲ 5:12 - Sgaw Karen Common Bible

¹² သူၣ်ခုသးခုဒီး သူၣ်ဖှံသးညီတက့ၢ်. အဂ့ၢ်ဒ်အံၤ, ယွၤကတီၤပာ်စၢၤတၢ်အဘူးအလဲအဒိၣ်အမုၢ်လၢမူခိၣ်လၢသုဂီၢ်လီၤ. ဝံလၢညါသ့ၣ်တဖၣ်စ့ၢ်ကီးဘၣ်တၢ်မၤအၢမၤနးတ့ၢ်အီၤဒ်န့ၣ် အသိးလီၤ.

လံာ်မးသဲ 5:12 Iomraidhean Croise

လံာ်တၢ်ကဲထီၣ်အခီၣ်ထံး 15:1

တၢ်န့ၣ်တဖၣ်အလီၢ်ခံစီၤအၤဘြၣ်ဒိးန့ၢ်ဘၣ်တၢ်ထံၣ်လၢညါခီ တမံၤဒီးနၢ်ဟူယွၤစံးဘၣ်အီၤ, “စီၤအၤဘြၣ်ဧၢ, ပျံၤတၢ်တဂ့ၤ, ယကခိးတြီကွံာ်တၢ်အၢလၢနၤဒီးဟ့ၣ်လီၤနၤတၢ်ဘျုးတၢ်ဖှိၣ်ဖး ဒိၣ်တမံၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 18:13

မ့ၢ်နတနၢ်ဟူတ့ၢ်လၢဖဲနီၢ်အံၤစ့ဘ့ၤလးမၤသံယွၤအဝံတဖၣ် အခါန့ၣ်, ယပာ်ခူသူၣ်တ့ၢ်အဝဲသ့ၣ်အကျါပှၤတကယၤဂၤလၢလၢၢ်ကအိတဖၣ်အပူၤ ခံကရူၢ်, တကရူၢ်ပှၤအဂၤယဲၢ်ဆံစုာ်စုာ်ဒီးလုၢ်အီၣ်လုၢ်အီအီၤလၢတၢ်အီၣ် ဒီးထံန့ၣ်ဘၣ်ဧါ.

လံာ်စီၤပၤအခီၣ်ထံးတဘ့ၣ် 18:4

ဒီးဖဲနီၢ်အံၤစ့ဘ့ၤလးမၤသံကွံာ်ယွၤအဝံတဖၣ်အခါန့ၣ်, စီၤဧိၤဘါဒယၤဟံးန့ၢ်အဝဲသ့ၣ်အကျါဝံတကယၤဒီးပာ်ခူသူၣ် အဝဲသ့ၣ်လၢလၢၢ်ကအိတဖၣ်အပူၤခံကရူၢ်, တကရူၢ်ပှၤအဂၤယဲၢ်ဆံစုာ်စုာ်ဒီးလုၢ်အီၣ်လုၢ်အီအဝဲသ့ၣ်လၢတၢ် အီၣ်ဒီးထံန့ၣ်လီၤ.)

လံာ်စီၤပၤအခီၣ်ထံးတဘ့ၣ် 19:2

နီၢ်အံၤစ့ဘ့ၤလးဆှၢဃီၤတၢ်ကစီၣ်တမံၤဆူစီၤအ့ၤလံယၤအအိၣ် ဒီးစံးဝဲ, “ယမ့ၢ်တမၤဘၣ်တၢ်တမံၤဃီဆူနၤဒ်နမၤတ့ၢ်ဘဧၤလးအဝံတဖၣ်အသိး န့ၣ်ဘၣ်ဒီးခဲမုၢ်ဆ့ၣ်တုၤတၢ်ဆၢကတီၢ်ဒ်အံၤန့ၣ်မ်ကစၢ်တဖၣ်မၤ သံကွံာ်ယၤန့ၣ်တက့ၢ်.”

လံာ်စီၤပၤအခီၣ်ထံးတဘ့ၣ် 21:20

တုၤစီၤအၤဃာ်ထံၣ်ဘၣ်စီၤအ့ၤလံယၤန့ၣ်, အဝဲစံးဝဲ, “ယဒုၣ်ယဒါဧၢ, မ့ၢ်နချုးန့ၢ်ယၤလံဧါ.” စီၤအ့ၤလံယၤစံးဆၢဝဲ, “မ့ၢ်ယချုးန့ၢ်နၤလံ. နဟ့ၣ်လီၤတ့ၢ်လံနသးလၢာ်လၢာ်ဆ့ဆ့လၢနကမၤတၢ်လၢအကမၣ်လၢယွၤ အမဲာ်ညါန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:8

စီၤအၤဃာ်စံးဆၢဝဲ, “ဝံအိၣ်ဒံးဝဲတဂၤ, လၢအမ့ၢ်စီၤယံးမလၤအဖိခွါစီၤမံၤကါယၤန့ၣ်လီၤ. ဘၣ်ဆၣ်ယသးဟ့အီၤ, မ့ၢ်လၢအဝဲတကတိၤတၢ်လၢဝံအကျိာ်အဂ့ၤနီ တမံၤလၢယဂီၢ်ဘၣ်. မ့မ့ၢ်, ထီဘိမ့ၢ်ထဲတၢ်အၢတမံၤမံၤအဃိန့ၣ်လီၤ.” စီၤယဟိၡၤဖးစံးဆၢဝဲ, “နတကြၢးစံးကတိၤတၢ်ဒ်န့ၣ်ဘၣ်.”

လံာ်စီၤပၤခံဘ့ၣ်တဘ့ၣ် 1:9

တုၤနုၤတစုအဝဲဆှၢလီၤသုးခိၣ်တဂၤဃုာ်ဒီးပှၤအဂၤယဲၢ်ဆံလၢ ကလဲၤကိးန့ၢ်စီၤအ့ၤလံယၤအဂီၢ်န့ၣ်လီၤ. သုးခိၣ်န့ၣ်ထံၣ်ဘၣ်စီၤအ့ၤလံယၤလၢအဆ့ၣ်နီၤဝဲလၢတၢ်လူၢ်ဒီ ခိၣ်ဒီးစံးဘၣ်အီၤ, “ကစၢ်ယွၤအပှၤကညီဧၢ, စီၤပၤဟ့ၣ်လီၤအကလုၢ်လၢနကဟဲက့ၤလီၤန့ၣ်လီၤ.”

လံာ်ကွဲးနီၣ်တၢ်ခံဘ့ၣ်တဘ့ၣ် 16:10

တၢ်အံၤမ့ၢ်တၢ်လၢအဒုးသးထီၣ်ဘၣ်စီၤအၤစါလၢဝံဃနၤနံ ဒိၣ်ဒိၣ်မုၢ်မုၢ်အဃိ, အဝဲမၢပှၤတ့ၢ်နုာ်အီၤဆူဃိာ်ပူၤန့ၣ် လီၤ. တၢ်န့ၣ်မ့ၢ်တၢ်ဆၢကတီၢ်တကတီၢ်ဃီဖဲစီၤအၤစါစးထီၣ်မၤအၢမၤ နးပှၤဂီၢ်မုၢ်တနီၤနီၤအၢအၢသီသီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 36:16

ဘၣ်ဆၣ်အဝဲသ့ၣ်မၤကလိာ်ကလာ်ကစၢ်ယွၤအပှၤစိာ်တၢ်ကစီၣ်တဖၣ်, တပာ်လ့ၣ်ပာ်ကါအဝဲသ့ၣ်အတၢ်ကတိၤတဖၣ်ဒီးနံၤဘၣ်ကစၢ်ယွၤအဝံတ ဖၣ်, တုၤလၢလၢခံကတၢၢ်ယွၤအတၢ်သးထီၣ်ထီဒါအပှၤဂီၢ်မုၢ်န့ၣ်ဒိၣ် ဝဲတုၤဒၣ်လဲာ်တၢ်ထူၣ်ဖျဲးတအိၣ်ဝဲလၢၤဘၣ်.

လံာ်စီၤနဃ့မယၤ 9:26

ဘၣ်ဆၣ်နပှၤဂီၢ်မုၢ်ထီဒါနၤဒီးတစူၢ်နၤဘၣ်. အဝဲသ့ၣ်ဃၣ်ဒူချၢကွံာ်အသးလၢနတၢ်သိၣ်တၢ်သီလၢနဟ့ၣ်လီၤပှၤ ယူဒၤဖိန့ၣ်လီၤ. အဝဲသ့ၣ်မၤသံကွံာ်ဝံတဖၣ်လၢအဟ့ၣ်ပလီၢ်အဝဲသ့ၣ်ဒ်သိးကဃၣ်က့ၤ အသးဆူနအိၣ်န့ၣ်လီၤ. အဝဲသ့ၣ်မၤတရီတပါနၤတဘျီဝံၤတဘျီန့ၣ်လီၤ.

စံးထီၣ်ပတြၢၤ 19:11

နခ့နပှၤဒိးတၢ်ဒုးပလီၢ်အသးစ့ၢ်ကီးလၢအီၤ, ပှၤလၢအတိၢ်န့ၢ်အီၤန့ၣ် ဒိးန့ၢ်အဘျုးဖးဒိၣ်လီၤ.

စံးထီၣ်ပတြၢၤ 58:11

ပှၤကစံးဝဲ, “မ့ၢ်မးခိၣ်ဖးအိၣ်လၢပှၤတီပှၤလိၤအဂီၢ်, မ့ၢ်မးကစၢ်ယွၤအိၣ်ဝဲလၢအကစံၣ်ညီၣ်တၢ်လၢ ဟီၣ်ခိၣ်ချၢန့ၣ်လီၤ.”

တၢ်ကတိၤဒိ. 11:18

ပှၤတတီတလိၤတဖၣ်န့ၣ်တမၤန့ၣ်စဲဃဲၤတၢ်နီတမံၤဘၣ်. ဘၣ်ဆၣ်ဒီးနမ့ၢ်မၤတၢ်အဘၣ်န့ၣ်, နကဘၣ်ဘျုးဘၣ်ဖှိၣ်သ ပှၢ်ကတၢၢ်လီၤ.

လံာ်ယၡါယၤ 3:10

ပှၤအတီအလိၤတဖၣ်ကသူၣ်ဖှံသးညီဒီးတၢ်ခဲလၢာ်ကလဲၤအသး ဂ့ၤဂ့ၤဘၣ်ဘၣ်လၢအဝဲသ့ၣ်အဂီၢ်လီၤ. အဝဲသ့ၣ်ကမုာ်လၤသးခု ဘၣ်ဝဲလၢတၢ်လၢအမၤတ့ၢ်ဝဲအဃိန့ၣ်လီၤ.

လံာ်ယံးရမံယၤ 2:30

ယစံၣ်ညီၣ်နၤ, ဘၣ်ဆၣ်တမၤဂ့ၤနၤနီတမံၤဘၣ်. နတပျဲယၤလၢ ယကဘှီဘၣ်က့ၤနၤဘၣ်. ဒ်ခ့ယုၢ်တဒုသးဒိၣ်တပျုာ်တပျီၤအသိးန့ၣ်, နမၤသံတ့ၢ်နဝံတဖၣ်န့ၣ်လီၤ.

လံာ်ယံးရမံယၤ 26:8

ဒီးဖဲယကတိၤတၢ်လၢယွၤမၤလိာ်တ့ၢ်ယၤတဖၣ် ဝံၤတဘျီဃီန့ၣ်, အဝဲသ့ၣ်ဖီၣ်စှီၤတံၢ်ဃာ်ယၤဒီး ကိးထီၣ်ဝဲ, “နကြၢးဘၣ်တၢ်မၤသံနၤလၢ တၢ်အံၤအဃိန့ၣ်လီၤ.

လံာ်ယံးရမံယၤ 37:14

ယစံးဆၢအီၤ, “တမ့ၢ်ဒ်န့ၣ်ဘၣ်. ယတဟးသဒၣ်ဒီး ပာ်တ့ၢ်ကွံာ်သုဘၣ်.” ဘၣ်ဆၣ်ဒီး စီၤယရံယၤတဒိ ကနၣ်ယၤဘၣ်. အခိၣ်တလိာ်, အဝဲတီၢ်ယၤဒီၤ ဆှၢယၤဆူပဒိၣ်ပပှၢ်တဖၣ်အအိၣ်န့ၣ်လီၤ.

လံာ်မးသဲ 16:27

အဂ့ၢ်ဒ်အံၤ, ပှၤကညီဖိခွါအံၤကဟဲဝဲဒီးပၢ်အလၤကပီၤ, အိၣ်ဃုာ်ဒီးအကလူးတဖၣ်လီၤ. တုၤနုၤတစု, ကဟ့ၣ်ဘူးဟ့ၣ်လဲ ပှၤကညီကိးဂၤဒဲးဒ်အကြၢးဒီးတၢ်လၢအဝဲသ့ၣ်မၤတ့ၢ်ဝဲအသိးန့ၣ်လီၤ.

လံာ်မးသဲ 6:16

တုၤသုဒုၣ်တၢ်အီၣ်တၢ်အီဒီး, တဘၣ်မၤအုၣ်သပှီၤသုမဲာ်သၣ်ဒ် ပှၤပာ်မၤအသးတဖၣ်မၤဝဲအသိးန့ၣ်တဂ့ၤ. အဝဲသ့ၣ်မၤအုၣ်သပှီၤအမဲာ်သၣ်ဒ်သိးပှၤကညီကထံၣ်သ့ၣ်ညါလၢ အဒုၣ်တၢ်အီၣ်အဂီၢ်လီၤ. နာ်ယၤတက့ၢ်. အဝဲသ့ၣ်ဒိးန့ၢ်လံတၢ်အဘူးအလဲလၢလၢပှဲၤပှဲၤလံ.

လံာ်လူၤကၣ် 13:34

ယရူၤၡလ့ၣ်ဧၢ, ယရူၤၡလ့ၣ်ဧၢ, နမၤသံဝံတဖၣ်, ဒီးပှၤစိာ်တၢ်ကစီၣ်လၢကစၢ်ယွၤဆှၢလီၤဝဲဆူနအိၣ်တဖၣ်န့ၣ် နကွံာ်သံအီၤလၢလၢၢ်လီၤ. ဆၢကတီၢ်အိၣ်ဝဲအဘျီတဖၣ်အဘျီဖဲယသး အိၣ်ဖိးဟုနပှၤဂီၢ်မုၢ်တဖၣ်, ဒ်ဆီမိၢ်ပှၢ်တဘ့ၣ်ဒုးအိၣ်ဖှိၣ်အဖိတဖၣ်လၢ အဒံးဆ့အဖီလာ်န့ၣ်အသိး, ဘၣ်ဆၣ်ဒီးနတပျဲယၤဘၣ်.

လံာ်လူၤကၣ် 6:23

တုၤတၢ်တမံၤန့ၣ်မၤအသးဒီး, သူၣ်ခုသးခုဒီးဂဲၤကလံာ်လၢတၢ်သးဖှံအပူၤတက့ၢ်. အဂ့ၢ်ဒ်အံၤ, ခိၣ်ဖးဖးဒိၣ်ဘၣ်တၢ်ပာ်ဃာ်အီၤလၢသုဂီၢ်လၢမူခိၣ်န့ၣ်လီၤ. အဂ့ၢ်ဒ်အံၤ အဝဲသ့ၣ်အပၢ်တဖၣ်မၤတ့ၢ်ဝံတဖၣ်ဒ်န့ၣ်အသိးလီၤ.

လံာ်လူၤကၣ် 6:35

တဘၣ်မ့ၢ်ဒ်န့ၣ်ဘၣ်. အဲၣ်သုဒုၣ်သုဒါတဖၣ်ဒီးမၤဂ့ၤအဝဲသ့ၣ်တက့ၢ်. ဟ့ၣ်လိၢ်တၢ်, ဒီးမုၢ်လၢ်က့ၤတၢ်နီတမံၤတဂ့ၤ. သုကဒိးန့ၢ်ဘၣ်ခိၣ်ဖးလၢအဒိၣ်, ဒီးသုကမ့ၢ်တၢ်ထီကတၢၢ်ကစၢ်ယွၤတဂၤအဖိခွါတဖၣ်လီၤ. အဂ့ၢ်ဒ်အံၤ, အဝဲဒၣ်ဂ့ၤလၢပှၤတသ့ၣ်ညါတၢ်ဘျုးတၢ်ဖှိၣ်, ဒီးပှၤအၢပှၤသီတဖၣ် အဖီခိၣ်လီၤ.

မၤတၢ် 16:25

ကဘၣ်ဖဲဖးဖီမုၢ်အကတီၢ်န့ၣ်, စီၤပီလူးဒီးစီၤစံလၤဃ့ဘါထုကဖၣ်တၢ်ဒီးသးဝံၣ်ထါစံးထီၣ် ပတြၢၤကစၢ်ယွၤ, ဒီးပှၤဃိာ်ဖိအဂၤတဖၣ်ဒိကနၣ်တၢ်လီၤ.

မၤတၢ် 5:41

ပှၤတၢ်မၢဖိတဖၣ်ဟးထီၣ်ကွံာ်လၢကီၣ်ကးအမဲာ်ညါ, အိၣ်ဒီးတၢ်သူၣ်ခုသးခု, မ့ၢ်လၢကစၢ်ယွၤပာ်အဝဲသ့ၣ်ဒ်ပှၤတဖၣ်လၢအကြၢးဝဲဘၣ်ဝဲလၢ ကတူၢ်ဘၣ်တၢ်မၤမဲာ်ဆှးအီၤလၢယ့ၣ်ၡူးအဃိန့ၣ်လီၤ.

ရိမ့ၤ 5:3

ဒီးပသးခုဒီးပာ်ကဖၢလၢစ့ၢ်ကီးပသးလၢပတၢ်ကီတၢ်ခဲ တဖၣ်အပူၤ, မ့ၢ်လၢပသ့ၣ်ညါလၢတၢ်ကီတၢ်ခဲဒုးအိၣ်ထီၣ် တၢ်သ့တူၢ်တၢ်,

1 ကရံၣ်သူး 3:8

ပှၤလၢအဖှံတၢ်ချံ, ဒီးပှၤလၢအလူထံ, ပှၤခံဂၤန့ၣ်အဘၢၣ်စၢၤ, တၢ်လီၤဆီတအိၣ်ဘၣ်. ကစၢ်ယွၤကဟ့ၣ်ဘူးဟ့ၣ်လဲအဝဲသ့ၣ် တဂၤဒီးတဂၤဒ်အကြၢးဒီးတၢ်ဖံးတၢ်မၤလၢအမၤဝဲန့ၣ်လီၤ.

၂ ကရံၣ်သူး 4:17

ဒီးတၢ်ကီတၢ်ခဲတဆံးတက့ၢ်လၢပတူၢ်ဘၣ်အီၤတစိၢ် တလီၢ်အံၤကဟဲစိာ်န့ၢ်ပှၤတၢ်လၤကပီၤအဒိၣ်အမုၢ်အထူ အယိာ်လၢအဒိၣ်န့ၢ်တၢ်ကီတၢ်ခဲအဝဲအံၤန့ၣ်လီၤ.

ဖံလံးပံၤ 1:29

သုဘၣ်တၢ်ဟ့ၣ်သုအခွဲးအယာ်လၢသုကဖံးတၢ်မၤတၢ်လၢ ခရံာ်အဂီၢ်, တမ့ၢ်ထဲလၢသုစူၢ်သုနာ်အီၤအဂီၢ်ဘၣ်, မ့မ့ၢ်လၢသုကတူၢ်တၢ်လၢအဂီၢ်စ့ၢ်ကီးန့ၣ်လီၤ.

ဖံလံးပံၤ 2:17

ဘၣ်တဘၣ်, ယသးသမူအသွံၣ်ကဘၣ်တၢ်လူလီၤအီၤဒ် တၢ်လုၢ်တၢ်ပာ်လၢသုတၢ်စူၢ်တၢ်နာ်ဒၣ်ဝဲလုၢ်ထီၣ်တၢ်မၤဘူၣ် တမံၤအသိးဆူကစၢ်ယွၤအအိၣ်အဖီခိၣ်န့ၣ်လီၤ. တၢ်မ့ၢ်မၤအသးဒ်န့ၣ်ဒီးယသးခုယဲဒီးဟ့ၣ်နီၤလီၤယတၢ်သးခု ဒီးသုဝဲကိးဒံကိးဂၤဒဲးန့ၣ်လီၤ.

ကလီးစဲ 1:24

အခဲအံၤယသူၣ်ခုသးခုလၢယတူၢ်ဘၣ်တၢ်လၢသုဂီၢ်အဃိ လီၤ. အဂ့ၢ်ဒ်အံၤယတၢ်တူၢ်တၢ်လၢနီၢ်ခိနီၢ်ခီအံၤန့ၣ်, မ့ၢ်ယမၤလၢထီၣ်ပှဲၤထီၣ်တၢ်လၢအအိၣ်လီၤဖျဲၣ်လီၤဟိဒံးဝဲဘၣ် ဃးခရံာ်အတၢ်တူၢ်တၢ်လၢအနီၢ်ခိ, လၢအမ့ၢ်အတၢ်အိၣ်ဖှိၣ် အဂီၢ်န့ၣ်လီၤ.

ကလီးစဲ 3:24

သ့ၣ်ညါသုဝဲလၢကစၢ်ကဟ့ၣ်သုတၢ်န့ၢ်သါလၢအကတီၤ ပာ်တ့ၢ်ဝဲလၢအပှၤဂီၢ်မုၢ်အဂီၢ်, ဒ်ခိၣ်ဖးအသိးန့ၣ်တက့ၢ်. အဂ့ၢ်ဒ်အံၤ, ခရံာ်မ့ၢ်ကစၢ်နီၢ်နီၢ်လၢသုမၤအတၢ်န့ၣ်လီၤ.

၁ သ့းစၤလနံ 2:15

အဝဲသ့ၣ်တဖၣ်န့ၣ်, မ့ၢ်ပှၤလၢအမၤသံကစၢ်ယ့ၣ်ၡူးဒီးမၤသံ တ့ၢ်ဝံတဖၣ်, ဒီးမၤအၢမၤနးပဝဲဒၣ်န့ၣ်လီၤ. အဝဲသ့ၣ်မၤတၢ်တဘၣ်ကစၢ်ယွၤအသးဆံးဒိၣ်လဲၣ်. အဝဲသ့ၣ်အၢသီလၢပှၤကိးဂၤဒဲးအဖီခိၣ်ဆံးဒိၣ်လဲၣ်.

ဧ့ၤဘြံၤ 10:34

အဂ့ၢ်ဒ်အံၤ, သုသးအိၣ်သးကညီၤဘၣ်ပှၤလၢအလီၤဘၣ်လၢ ဃိာ်ပူၤတဖၣ်ဒီးဖဲတၢ်လၢအအိၣ်ဒီးသုတဖၣ်ဘၣ်တၢ်ဟံးန့ၢ် ကွံာ်အီၤလၢသုအိၣ်န့ၣ်, သုတူၢ်အီၤလၢတၢ်သးမုာ်သးခုအပူၤမ့ၢ်လၢသုသ့ၣ်ညါ လၢတၢ်လၢအဂ့ၤဒီးဂၢၢ်ကျၢၤဒိၣ်န့ၢ်အန့ၣ်တက့ၢ်အိၣ်ဒံး ဒီးသုအဃိန့ၣ်လီၤ.

ဧ့ၤဘြံၤ 11:26

အဝဲဆိကမိၣ်ဒီးပာ်လုၢ်ပာ်ပှ့ၤတၢ်တူၢ်တၢ်ဒုၣ်ဒွဲၣ်လၢခရံာ် အဂီၢ်အါန့ၢ်ဒိၣ်န့ၢ်အဲၤကူပတူးအတၢ်ထူးတၢ်တီၤတဖၣ် တက့ၢ်, အဂ့ၢ်မ့ၢ်လၢအဝဲကွၢ်ဒၣ်တၢ်ဆူခိၣ်ဖးလၢအအိၣ်လၢ အမဲာ်ညါအဃိန့ၣ်လီၤ.

ဧ့ၤဘြံၤ 11:33

လၢတၢ်စူၢ်တၢ်နာ်န့ၣ်အဝဲသ့ၣ်မၤနၢၤဘီမုၢ်တဖၣ်, မၤတၢ်တီတၢ်လိၤ, ဒိးန့ၢ်တၢ်လၢအဘၣ်တၢ်စံးပာ်အီၤတဖၣ်, ပအၢဃာ်ခ့ယုၢ် အထးခိၣ်,

ဧ့ၤဘြံၤ 11:6

တၢ်စူၢ်တၢ်နာ်တအိၣ်ဘၣ်န့ၣ်တၢ်မၤမုာ်မၤဘၣ်ကစၢ်ယွၤ အသးတသ့ဘၣ်. အဂ့ၢ်ဒ်အံၤ, ပှၤလၢအဟဲဆူကစၢ်ယွၤအအိၣ်န့ၣ်ဘၣ်နာ်လၢကစၢ်ယွၤ အိၣ်ဝဲဒီးလၢအဟ့ၣ်ဘျုးဟ့ၣ်ဖှိၣ်ပှၤလၢအဃုအီၤတဖၣ် န့ၣ်လီၤ.

ယၤကိာ် 1:2

ယဒီပုၢ်ဝဲၢ်သ့ၣ်ဧၢ, တုၤတၢ်မၤကွၢ်အကလုာ်ကလုာ်ဟဲဘၣ် သုဒီးပာ်အီၤဒ်အမ့ၢ်တၢ်သးခုလၢသုဂီၢ်တက့ၢ်.

ယၤကိာ် 5:10

ယဒီပုၢ်ဝဲၢ်သ့ၣ်ဧၢ, သ့ၣ်နီၣ်ထီၣ်ဝံတဖၣ်လၢအကတိၤတၢ်လၢကစၢ်အမံၤအပူၤန့ၣ်တက့ၢ်. ပာ်အဝဲသ့ၣ်ဒ်တၢ်အဒိအတဲာ်ဘၣ်ဃးဒီးတၢ်တူၢ်တၢ်နးတၢ်ဖှီၣ်လၢ တၢ်ဝံသးစူၤအပူၤန့ၣ်တက့ၢ်.

၁ ပ့းတရူး 4:13

မ့မ့ၢ်သးခုသုဝဲလၢသုတူၢ်ဃုာ်ဘၣ်ခရံာ်အတၢ်နးတၢ်ဖှီၣ် တဖၣ်, ဒ်သိးသုကလၢပှဲၤဒီးတၢ်သးခုဖဲအဝဲဒၣ်အလၤကပီၤ ဘၣ်တၢ်လီၣ်ဖျါထီၣ်အီၤန့ၣ်တက့ၢ်.

လံာ်နီၢ်ရူၤသး 2:12

မ်ယွၤဟ့ၣ်ဘျုးက့ၤနၤလၢတၢ်လၢနမၤတ့ၢ်တဖၣ်အဃိန့ၣ်တက့ၢ်. မ်အံၣ်စရ့လးအကစၢ်ယွၤလၢနဟဲဃုတၢ်အိၣ်သဒၢလၢအဒံးဆ့ဖီလာ် တဂၤန့ၣ်ဟ့ၣ်ဘျုးက့ၤနၤလၢလၢပှဲၤပှဲၤတက့ၢ်.”