လံာ်မးသဲ 5:11 - Sgaw Karen Common Bible

¹¹ တဘျီလၢ်လၢ်ဖဲပှၤကတိၤဒုၣ်ဒွဲၣ်သု, မၤအၢမၤနးသု, ဒီးစံးအၢစံးသီသုကဘျံးကဘျၣ်လၢသုမ့ၢ်ယပျဲၢ်ယဘီၣ်အဃိ န့ၣ်, သုမ့ၢ်ပှၤလၢအဘၣ်ဆိၣ်ဂ့ၤနီၢ်နီၢ်လီၤ.

လံာ်မးသဲ 5:11 Iomraidhean Croise

စံးထီၣ်ပတြၢၤ 35:11

ပှၤအုၣ်အသးကဘျံးကဘျၣ်ဂဲၤဆၢထၢၣ်ထီဒါယၤ ဒီးပာ်တၢ်ကမၣ်လၢယလိၤလၢတၢ်လၢ ယတသ့ၣ်ညါအဂ့ၢ်နီတမံၤဘၣ်န့ၣ်လီၤ.

စံးထီၣ်ပတြၢၤ 44:22

ဘၣ်ဆၣ်လၢနဃိပဘၣ်တၢ်မၤသံပှၤ ကိးဆၢကိးကတီၢ်ဒဲး, ဒီးပဘၣ်တၢ်ပာ်ပှၤဒ်သိလၢ အကဘၣ်တၢ်မၤသံအီၤအသိးန့ၣ်လီၤ.

လံာ်ယၡါယၤ 25:8

ယွၤလၢအပၢဘၣ်တၢ်ခဲလၢာ်ကမၤဟးဂီၤကွံာ်တၢ်သံလီၤထူ လီၤယိာ်လီၤ. အဝဲကထွါကွံာ်မဲာ်ထံတဖၣ်လၢပှၤကိးဂၤ ဒဲးအမဲာ်ချံဒီးစိာ်ကွံာ်တၢ်မဲာ်ဆှးလၢအပှၤဂီၢ်မုၢ်ဘၣ်တူၢ်တ့ၢ် ဝဲလၢဟီၣ်ခိၣ်ဒီဘ့ၣ်ညါန့ၣ်လီၤ. ယွၤအကစၢ်ဒၣ်ဝဲကတိၤတ့ၢ်တၢ်လီၤ.

လံာ်ယၡါယၤ 51:7

ဒိကနၣ်ယၤ, သုဝဲလၢအသ့ၣ်ညါတၢ်လၢအဘၣ်, သုဝဲလၢယတၢ်သိၣ်လိအိၣ်စဲထီဃာ် လၢအသးပူၤသ့ၣ်ဧၢ, ဖဲပှၤကတိၤဆဲးအဲးသုဒီးဒုၣ် ဒွဲၣ်စံးအၢသုန့ၣ်ပျံၤတၢ်တဂ့ၤ.

လံာ်ယၡါယၤ 66:5

သုဝဲပှၤလၢအပျံၤယွၤဒီးစူၢ်အီၤသ့ၣ်ဧၢ, ဒိကနၣ်တၢ်လၢယွၤစံးဝဲန့ၣ် တက့ၢ်. “မ့ၢ်လၢသုသးတီဒီးယၤအဃိ, ပှၤတနီၤလၢသုပှၤဂီၢ်မုၢ်ဒၣ်ဝဲအကျါသးဟ့သုဒီးတမၤဘၣ်ဃး အသးဒီးသုနီတမံၤဘၣ်. အဝဲသ့ၣ်ဒုၣ်ဒွဲၣ်သုဒီးစံးဝဲ, ပျဲယွၤဒုးနဲၣ်အတၢ်ဒိၣ်တၢ်မုၢ်ဒီးအုၣ်က့ၤခီၣ်က့ၤသုဒ်သိး ပကထံၣ်ဘၣ်သုသူၣ်ဖှံသးညီန့ၣ်, ဘၣ်ဆၣ်ဒီးအဝဲသ့ၣ်အကစၢ် ဒၣ်ဝဲကဘၣ်တၢ်မၤမဲာ်ဆှးအီၤလီၤ.

လံာ်ယံးရမံယၤ 37:14

ယစံးဆၢအီၤ, “တမ့ၢ်ဒ်န့ၣ်ဘၣ်. ယတဟးသဒၣ်ဒီး ပာ်တ့ၢ်ကွံာ်သုဘၣ်.” ဘၣ်ဆၣ်ဒီး စီၤယရံယၤတဒိ ကနၣ်ယၤဘၣ်. အခိၣ်တလိာ်, အဝဲတီၢ်ယၤဒီၤ ဆှၢယၤဆူပဒိၣ်ပပှၢ်တဖၣ်အအိၣ်န့ၣ်လီၤ.

လံာ်မးသဲ 10:18

လၢယဃိန့ၣ်သုကဘၣ်တၢ်မိၤထီၣ်သုဆူပဒိၣ်ပပှၢ်, စီၤလိၣ်စီၤပၤတဖၣ်အမဲာ်ညါလၢတၢ်သမံသမိးအဂီၢ်ဒ်သိးဒီး သုကတဲဘၣ်အဝဲသ့ၣ်ဒီးပှၤတခီဘီမုၢ်ဖိတဖၣ်လၢတၢ် သးခုအကစီၣ်အဂီၢ်န့ၣ်လီၤ.

လံာ်မးသဲ 10:22

ပှၤကိးဂၤဒဲးကသးဟ့သုလၢယဃိ, ဘၣ်ဆၣ်ဒီးယွၤကအုၣ်က့ၤခီၣ် က့ၤပှၤလၢအတူၢ်တၢ်ကဲတုၤအကတၢၢ်န့ၣ်လီၤ.

လံာ်မးသဲ 10:25

လၢတၢ်န့ၣ်အဃိပျဲၢ်မ့ၢ်ဂ့ၤ, ကုၢ်မ့ၢ်ဂ့ၤ, ကြၢးသးမံဝဲဖဲအလီၤဂာ်ဒီးအသရၣ်မ့ၢ်ဂ့ၤ, အကစၢ်မ့ၢ်ဂ့ၤန့ၣ်လီၤ. ပှၤမ့ၢ်ကိးဟံၣ်အကစၢ်လၢ ဘဧၤလးစဘူာ်ဒီး, ကကိးအပှၤဟံၣ်ဖိဃီဖိအါန့ၢ်အန့ၣ်တက့ၢ်ဆံးဒိၣ်လဲၣ်.

လံာ်မးသဲ 10:39

ပှၤလၢအဂုာ်ကျဲးစၢးဟံးဃာ်အသးသမူန့ၣ်, အသးသမူကလီၤမၢ်န့ၢ် အီၤလီၤ. ဘၣ်ဆၣ်ဒီးပှၤတဂၤလၢ်လၢ်လၢအဒုးလီၤမၢ်ကွံာ်အသးသမူလၢယဃိန့ၣ်, ကထံၣ်န့ၢ်တၢ်မူနီၢ်နီၢ်လီၤ.

လံာ်မးသဲ 19:29

ဒီးပှၤတဂၤလၢ်လၢ်လၢအပာ်တ့ၢ်အဟံၣ်တဖၣ်မ့ၢ်ဂ့ၤ, အဒီပုၢ်ဝဲၢ်ခွါမ့ၢ်ဂ့ၤ, အဒီပုၢ်ဝဲၢ်မုၣ်မ့ၢ်ဂ့ၤ, အပၢ်မ့ၢ်ဂ့ၤ, အမိၢ်မ့ၢ်ဂ့ၤ, အဖိအလံၤမ့ၢ်ဂ့ၤ, အဟီၣ်ခိၣ်မ့ၢ်ဂ့ၤ, လၢယမံၤအဃိန့ၣ်, ကဒိးန့ၢ်အါထီၣ်က့ၤဝဲအစးတကယၤဒီးကန့ၢ်သါဘၣ်တၢ်မူအထူ အယိာ်လီၤ.

လံာ်မးသဲ 24:9

တုၤနုၤတစု, သုကဘၣ်တၢ်ဖီၣ်န့ၢ်ဒီးဘၣ်တၢ်ဟ့ၣ်လီၤသုလၢ တၢ်စံၣ်ညီၣ်ဃၣ်အဂီၢ်ဒီးသုကဘၣ်တၢ်မၤသံသုလီၤ. ပှၤဟီၣ်ခိၣ်ဖိခဲလၢာ်ကသးဟ့သုလၢယဃိလီၤ.

လံာ်မးသဲ 27:39

ပှၤတဖၣ်လၢအလဲၤထီၣ်က့ၤလီၤဘၣ်ကျဲဖဲတၢ်လီၢ်န့ၣ်, ဂံၤဂုၤအခိၣ်ဒီး ကတိၤဒုၣ်ဒွဲၣ်စံးအၢယ့ၣ်ၡူးဒီးစံး,

လံာ်မၢ်ကူး 13:13

လၢယဃိပှၤခဲလၢာ်ကသးဟ့သုလီၤ. ဘၣ်ဆၣ်ဒီးပှၤတဂၤလၢ်လၢ်လၢအအိၣ်ဂၢၢ်ကျၢၤဝဲတုၤအကတၢၢ် တစုန့ၣ်, ယွၤကအုၣ်က့ၤခီၣ်က့ၤအီၤလီၤ.

လံာ်မၢ်ကူး 13:9

ကစၢ်ဒၣ်သုဝဲ, သုဘၣ်ပလီၢ်သုသးလီၤ. တၢ်ကဖီၣ်သုဒီးတၢ် ကဆှၢထီၣ်သုဆူသူၣ်က့သးပှၢ်အခိၣ်အနၢ်တဖၣ်အမဲာ်ညါလီၤ. သုကဘၣ်တၢ်ဒိတၢ်တီၢ်သုလၢဘူၣ်ဘျီၣ်လၢအမ့ၢ်တၢ်ဘါ အလီၢ်တဖၣ်အပူၤလီၤ. လၢယဃိသုကဘၣ်အိၣ်ဆၢထၢၣ်လၢကီၢ် ပဒိၣ်ဖးဒိၣ်ဒီးစီၤပၤတဖၣ်အမဲာ်ညါလၢတၢ်ကစံၣ်ညီၣ်သုအဂီၢ်, ဒီးသုကကဲထီၣ်ပှၤအုၣ်အသးတဖၣ်လၢအဝဲသ့ၣ်အမဲာ်ညါလီၤ.

လံာ်မၢ်ကူး 4:17

ဘၣ်ဆၣ်ဒီးယွၤအကလုၢ်ကထါန့ၣ်တပျဲနုာ်ဝဲယိာ်ယိာ်လၢ အပူၤဘၣ်သတးဒီး, တအိၣ်ကၢအိၣ်ခိးယံာ်ယံာ်ဘၣ်. တုၤမ့ၢ်တၢ်မၤကွၢ်ဒီးတၢ်မၤအၢမၤနးဟဲတုၤအိၣ်အဝဲသ့ၣ် လၢတၢ်တူၢ်လိာ်ယွၤအကလုၢ်ကထါအဃိဒီး, အဝဲသ့ၣ်ညိကွံာ်တၢ်ကစီၣ်န့ၣ်တဘျီဃီလီၤ.

လံာ်မၢ်ကူး 8:35

အဂ့ၢ်ဒ်အံၤ, ပှၤတဂၤလၢ်လၢ်လၢအအဲၣ်ဒိးအုၣ်က့ၤခီၣ်က့ၤအသး သမူဒၣ်ဝဲန့ၣ်, အသးသမူကလီၤမၢ်န့ၢ်အီၤလီၤ. မ့မ့ၢ်ပှၤတဂၤလၢ်လၢ်လၢအဒုးလီၤမၢ်ကွံာ်အသးသမူလၢယဃိ ဒီးလၢတၢ်သးခုကစီၣ်အဃိန့ၣ်, ကမူဝဲနီၢ်နီၢ်လီၤ.

လံာ်လူၤကၣ် 21:12

ဘၣ်ဆၣ်ဒီးတချုးလၢတၢ်သ့ၣ်တဖၣ်အံၤခဲလၢာ်မၤအသးဒံးဘၣ်န့ၣ်, သုကဘၣ်တၢ်ဖီၣ်သုဒီးမၤအၢမၤနးသု, သုကဘၣ်တၢ်ဟ့ၣ်လီၤသုဒ်သိးတၢ်ကသမံသမိးသုလၢဘူၣ် ဘျီၣ်လၢအမ့ၢ်တၢ်ဘါလီၢ်အပူၤဒီးတၢ်ကဒၢနုာ်သုလၢဃိာ်ပူၤ, သုကဘၣ်တၢ်ဆှၢထီၣ်သုဆူစီၤပၤတဖၣ်ဒီးပှၤပၢတၢ်တဖၣ် အမဲာ်ညါလၢယမံၤအဃိလီၤ.

လံာ်လူၤကၣ် 21:17

ပှၤကသူၣ်ဟ့သးဟ့သုကိးဂၤဒဲးလၢယမံၤအဃိလီၤ.

လံာ်လူၤကၣ် 6:22

“ဖဲပှၤသးဟ့သု, ဒီးတတူၢ်လိာ်သု, ဒီးကတိၤတရီတပါသု, ဒီးစံးအၢစံးသီသုလၢပှၤကညီဖိခွါအံၤအဃိန့ၣ်, သုဘၣ်ဆိၣ်ဂ့ၤသုဝဲနီၢ်နီၢ်လီၤ.

လံာ်လူၤကၣ် 9:24

အဂ့ၢ်ဒ်အံၤ, ပှၤတဂၤလၢ်လၢ်လၢအအဲၣ်ဒိးအုၣ်က့ၤခီၣ်က့ၤ အသးသမူဒၣ်ဝဲန့ၣ်, အသးသမူကလီၤမၢ်န့ၢ်အီၤလီၤ. မ့မ့ၢ်ပှၤတဂၤလၢ်လၢ်လၢအဒုးလီၤမၢ်ကွံာ်အသးသမူဒၣ်ဝဲလၢယဃိန့ၣ်, ကအုၣ်က့ၤခီၣ်က့ၤအသးသမူဒၣ်ဝဲန့ၣ်လီၤ.

လံာ်ယိၤဟၣ် 15:21

ဘၣ်ဆၣ်ဒီး, အဝဲသ့ၣ်ကမၤသုလၢတၢ်အံၤတဖၣ်ခဲလၢာ်မ့ၢ်လၢ သုမ့ၢ်ယတၢ်ဒီးအဝဲသ့ၣ်တသ့ၣ်ညါပှၤလၢအမၢလီၤယၤတဂၤ အဃိလီၤ.

လံာ်ယိၤဟၣ် 9:28

အဝဲသ့ၣ်ကတိၤဒုၣ်ဒွဲၣ်အီၤဒီးစံး, “နမ့ၢ်ပှၤအဝဲန့ၣ်အပျဲၢ်အဘီၣ်လီၤ. မ့မ့ၢ်ပဝဲပမ့ၢ်စီၤမိၤၡ့အပျဲၢ်အဘီၣ်တဖၣ်န့ၣ်လီၤ.

မၤတၢ် 9:16

ယကစၢ်ဒၣ်ယဲယကဒုးနဲၣ်အီၤကယဲၢ်တၢ်နးတၢ်ဖှီၣ်လၢ အဝဲဒၣ်ကဘၣ်တူၢ်ဝဲလၢယဃိန့ၣ်လီၤ.”

ရိမ့ၤ 8:36

ဒ်တၢ်ကွဲးအသးစီဆှံစံးဝဲအသိး, “ပဝဲဒၣ်အံၤ ပဘၣ်တၢ်မၤသံပှၤလၢနဃိသ့သ့တနံၤလီၤ. တၢ်ပာ်ပှၤဒ်သိလၢအကဘၣ်တၢ်မၤသံအီၤ အသိးန့ၣ်လီၤ (စံး ၄၄:၂၂).

1 ကရံၣ်သူး 4:10

လၢခရံာ်အဂီၢ်ပမ့ၢ်ပှၤသူၣ်တဆးသးတဆး, ဘၣ်ဆၣ်သုဝဲသုကူၣ်ဘၣ်ကူၣ်သ့လၢသုတၢ်ပာ်ဖှိၣ်ဃုာ်သုသး တပူၤဃီဒီးခရံာ်အပူၤလီၤ. ပဝဲပဂံၢ်စၢ်ဘါစၢ်, ဘၣ်ဆၣ်သုဂံၢ်ဆူၣ်ဘါဆူၣ်လီၤ. ပဘၣ်တၢ်ကွၢ်တလီၤပှၤဘၣ်ဆၣ်သုဒိးဘၣ်တၢ်မၤလၤကပီၤသုလီၤ.

၂ ကရံၣ်သူး 4:11

လၢပတၢ်အိၣ်မူဒီဆၢဒီကတီၢ်န့ၣ်, ပဘၣ်တၢ်ဟ့ၣ်လီၤ ပှၤဆူတၢ်သံအပူၤလၢယ့ၣ်ၡူးအဂီၢ်, ဒ်သိးအဝဲအတၢ်အိၣ်မူကဘၣ်တၢ်ထံၣ်အီၤလၢ ပနီၢ်ခိလၢအသံသ့အဝဲအံၤအပူၤအဂီၢ်န့ၣ်လီၤ.

ဖံလံးပံၤ 1:29

သုဘၣ်တၢ်ဟ့ၣ်သုအခွဲးအယာ်လၢသုကဖံးတၢ်မၤတၢ်လၢ ခရံာ်အဂီၢ်, တမ့ၢ်ထဲလၢသုစူၢ်သုနာ်အီၤအဂီၢ်ဘၣ်, မ့မ့ၢ်လၢသုကတူၢ်တၢ်လၢအဂီၢ်စ့ၢ်ကီးန့ၣ်လီၤ.

၁ ပ့းတရူး 2:23

ဖဲအဝဲဘၣ်တၢ်ကတိၤဒုၣ်ဒွဲၣ်အီၤန့ၣ်, အဝဲတကတိၤဒုၣ်ဒွဲၣ်ဆၢ က့ၤတၢ်ဘၣ်. ဖဲအဝဲတူၢ်ဘၣ်တၢ်နးတၢ်ဖှီၣ်န့ၣ်, အဝဲတမၤ ပျံၤမၤဖုးက့ၤတၢ်ဘၣ်. မ့မ့ၢ်တခီပာ်အတၢ်မုၢ်လၢ်တဖၣ်လၢ ကစၢ်ယွၤ, ပှၤစံၣ်ညီၣ်တီတၢ်တဂၤအပူၤန့ၣ်လီၤ.

၁ ပ့းတရူး 4:14

သုမ့ၢ်ဘၣ်တၢ်ဒုၣ်ဒွဲၣ်သုလၢသုမ့ၢ်ပှၤတဖၣ်လၢ အပိာ်ခရံာ်အခံအဃိဒီး, သုဘၣ်တၢ်ဆိၣ်ဂ့ၤလီၤ. တၢ်အံၤအခီပညီမ့ၢ်ဝဲ, တၢ်လၤကပီၤအသးဒီးကစၢ်ယွၤအသးအိၣ်ဝဲဆိးဝဲလၢသုလိၤလီၤ.

လံာ်လီၣ်ဖျါ 2:3

နသူၣ်စူၤသးစူၤ, နတူၢ်တ့ၢ်တၢ်လၢယဃိဒီးနတတ့ၢ်စၢ်လီၤ နဂံၢ်နဘါဘၣ်န့ၣ်လီၤ.