လံာ်မးသဲ 5:1 - Sgaw Karen Common Bible

¹ ယ့ၣ်ၡူးထံၣ်ပှၤဂီၢ်မုၢ်တဖၣ်သတးဒီး လဲၤထီၣ်ဝဲဆူတၢ်လူၢ်ဒီခိၣ်ဒီးဆ့ၣ်နီၤဝဲလီၤ.

လံာ်မးသဲ 5:1 Iomraidhean Croise

လံာ်မးသဲ 13:2

ပှၤဂီၢ်မုၢ်ဖးဒိၣ်ပာ်ဖှိၣ်ထီၣ်အသးဝးတရံးအီၤသတးဒီး, အဝဲလဲၤနုာ်ဆ့ၣ်နီၤဝဲလၢချံတဘ့ၣ်အပူၤဒီးပှၤဂီၢ်မုၢ် တခီအိၣ်ဆၢထၢၣ်လၢကၢၢ်ပၤနံၤန့ၣ်လီၤ.

လံာ်မးသဲ 15:29

ယ့ၣ်ၡူးဟးထီၣ်ဝဲဖဲတၢ်လီၢ်န့ၣ်, ဒီးလဲၤတၢ်လၢပီၣ်လဲၣ်ကၤလံၤလါအနံၤလီၤ. လဲၤထီၣ်ဝဲဆူတၢ်လူၢ်တလူၢ်အဒီခိၣ်, ဒီးဆ့ၣ်နီၤဝဲဖဲန့ၣ်လီၤ.

လံာ်မးသဲ 4:25

ပှၤဂီၢ်မုၢ်ဖးဒိၣ်လၢကီၢ်ကၤလံၤလါ, လၢဝ့ၢ်ဆံဆဲၣ်ဝ့ၢ်အတၢ်ပၢ, လၢဝ့ၢ်ယရူၤၡလ့ၣ်, လၢကီၢ်ယူဒၤဒီးယၢ်ဒ့ၣ်ကျိအမုၢ်ထီၣ်, ပိာ်ထီၣ်ယ့ၣ်ၡူးအခံလီၤ.

လံာ်မးသဲ 5:2

အပျဲၢ်အဘီၣ်တဖၣ်ဟဲအိၣ်ဖှိၣ်လၢအဃၢၤဒီးအဝဲစးထီၣ်အတၢ်သိၣ် လီၤသီလီၤဒီးစံးဝဲ,

လံာ်မၢ်ကူး 3:13

အန့ၣ်ဝံၤအလီၢ်ခံ, ယ့ၣ်ၡူးလဲၤထီၣ်ဆူတၢ်လူၢ်ဒီခိၣ်ဒီးကိးဃီၤပှၤလၢ အဝဲဘၣ်အသးတဖၣ်, ဒီးအဝဲသ့ၣ်ဟဲဆူအအိၣ်လီၤ.

လံာ်မၢ်ကူး 3:20

အန့ၣ်ဝံၤဒီး ယ့ၣ်ၡူးက့ၤဝဲဆူဟံၣ်လၢအလဲၤအိၣ်တ့ၢ်ဝဲန့ၣ်လီၤ. ပှၤဂီၢ်မုၢ်ဟဲပာ်ဖှိၣ်ထီၣ်ကဒီးအသးတုၤဒၣ်လဲာ် ယ့ၣ်ၡူးဒီးအပျဲၢ်အဘီၣ်တဖၣ်ကအီၣ်တၢ်အဂီၢ် တၢ်ဆၢကတီၢ်တအိၣ်လၢၤဘၣ်န့ၣ်လီၤ.

လံာ်မၢ်ကူး 4:1

ယ့ၣ်ၡူးသိၣ်လီၤသီလီၤကဒီးတၢ်လၢပီၣ်လဲၣ်ကၤလံၤလါအနံၤ လီၤ. ပှၤဂီၢ်မုၢ်ဟဲပာ်ဖှိၣ်အသးဝးတရံးအီၤအါဝဲတုၤဒၣ်လဲာ်ယ့ၣ်ၡူး လဲၤနုာ်ဆူချံတဘ့ၣ်အပူၤဒီးဆ့ၣ်နီၤဝဲလီၤ. ချံန့ၣ်အိၣ်ဝဲလၢပီၣ်လဲၣ်ထံဖံးခိၣ်ဒီးပှၤဂီၢ်မုၢ်အိၣ်ဆၢ ထၢၣ်ဒိကနၣ်အီၤလၢပီၣ်လဲၣ်အနံၤန့ၣ်လီၤ.

လံာ်လူၤကၣ် 6:12

ဖဲအဆၢကတီၢ်အဝဲန့ၣ်, ယ့ၣ်ၡူးလဲၤထီၣ်ဆူတၢ်လူၢ်တလူၢ်အလိၤဒ်သိး အကဃ့ဘါထုကဖၣ်တၢ်အဂီၢ်ဒီးဃ့ထုကဖၣ်တၢ်လၢ ယွၤဒီနၤညါန့ၣ်လီၤ.

လံာ်လူၤကၣ် 6:17

ယ့ၣ်ၡူးဟဲက့ၤလီၤဒီးတၢ်မၢဖိတဖၣ်လၢတၢ်လူၢ်ခိၣ်လီၤ. ဒီးဆၢထၢၣ်သကိးဒီးအပျဲၢ်အဘီၣ်ဂီၢ်မုၢ်ဂီၢ်ပၤဖဲတၢ်လီၢ်လၢ အပၢၤတတီၤလီၤ. ပှၤအိၣ်ဝဲဒၣ်ဖဲန့ၣ်အါအါဂီၢ်ဂီၢ်လၢ အဟဲလၢကီၢ်ယူဒၤဒီဘ့ၣ်ညါ, ဒီးလၢယရူၤၡလ့ၣ်ဒီးလၢပီၣ်လဲၣ်ကၢၢ်နံၤအဝ့ၢ်တဖၣ်လၢ အမ့ၢ်ဝဲဝ့ၢ်ထါယၢၣ်ဒီးဝ့ၢ်စံဒိၣ်န့ၣ်လီၤ.

လံာ်လူၤကၣ် 6:20

ယ့ၣ်ၡူးကွၢ်ဃီၤအပျဲၢ်အဘီၣ်တဖၣ်ဒီးစံးဝဲ, “သုဝဲပှၤဖှီၣ်ဖိယာ်ဖိတဖၣ်အံၤ သုဘၣ်ဆိၣ်ဂ့ၤနီၢ်နီၢ်လီၤ. အဂ့ၢ်ဒ်အံၤ, ကစၢ်ယွၤအဘီအမုၢ်မ့ၢ်သုတၢ်လီၤ.

လံာ်လူၤကၣ် 9:28

ယ့ၣ်ၡူးစံးကတိၤတၢ်သ့ၣ်တဖၣ်အံၤဝံၤအလီၢ်ခံကဘၣ်တနွံန့ၣ်, အဝဲဒၣ်ကိးစီၤပ့းတရူး, စီၤယိၤဟၣ်ဒီးစီၤယၤကိာ်သ့ၣ်တဖၣ် ဒီးလဲၤထီၣ်ဆူတၢ်လူၢ်တဖျၢၣ်အလိၤဒ်သိးအကဃ့ဘါထုကဖၣ် တၢ်လီၤ.

လံာ်ယိၤဟၣ် 6:15

ယ့ၣ်ၡူးသ့ၣ်ညါလၢအဝဲသ့ၣ်ကဟဲဟံးန့ၢ်ဆူၣ်အီၤဒ် သိးအကဒုးကဲအီၤလၢစီၤပၤအဃိ, အဝဲဟးထီၣ်ကဒီးဆူကစၢၢ်ကလိအကျါထဲတဂၤ ဧိၤန့ၣ်လီၤ.