လံာ်မးသဲ 4:8 - Sgaw Karen Common Bible

⁸ အန့ၣ်ဝံၤဒီး မုၣ်ကီၤလံၢ်ဆှၢထီၣ်ယ့ၣ်ၡူးဆူကစၢၢ်လၢအထီမးတဖျၢၣ် အလိၤဒီးဒုးနဲၣ်အီၤလၢဟီၣ်ခိၣ်အဘီမုၢ်တဖၣ်ဃုာ်ဒီးအလၤကပီၤခဲ လၢာ်လီၤ.

လံာ်မးသဲ 4:8 Iomraidhean Croise

လံာ်နီၢ်အ့ၤစတၢ် 1:4

ဒီးမၤတၢ်ဒုးနဲၣ်တမံၤလၢအပာ်ဖျါထီၣ်အဘီအမုၢ် အလၤကပီၤအတၢ်ထူးတၢ်တီၤဒီးအကဟုကညီၢ်လၢအယံာ်ဝဲဃု လါန့ၣ်လီၤ.

လံာ်နီၢ်အ့ၤစတၢ် 5:11

အဝဲကတိၤဒိၣ်လီၤအသးလၢအဝဲသ့ၣ်အမဲာ်ညါဘၣ်ထွဲဒီးအဝဲ ထူးဝဲတီၤဝဲထဲလဲၣ်အဂ့ၢ်, အဖိခွါအိၣ်ပှံၤဂၤအဂ့ၢ်, စီၤပၤသုးထီထီၣ်အလီၢ်ဒ်လဲၣ်အဂ့ၢ် ဒီးအဝဲအကါဒိၣ်န့ၢ်ဒံးစီၤပၤအပဒိၣ်ပပှၢ်အဂၤထဲလဲၣ်အဂ့ၢ်န့ၣ်လီၤ.

လံာ်ဒၤနံးယ့လး 4:30

ဒီးစံးဝဲဒၣ်, “ဘၤဘူၤလိၣ်ဒိၣ်ဝဲဆံးဒိၣ်ဆံးဒိၣ်လဲၣ်န့ၣ်ကွၢ်တက့ၢ်. ယသူၣ်ထီၣ်အီၤဒ်ယဝ့ၢ်ခိၣ်အသိးလၢကလီၣ်ဖျါ ထီၣ်ယစိကမီၤဒီးယဂံၢ်ယဘါယလၤကပီၤယကဟုကညီၢ်လီၤ.”

လံာ်တၢ်ဂံၢ် 23:3

အန့ၣ်ဝံၤဒီးစီၤဘံးလၣ်စံးဘၣ်စီၤဘၤလး, “ဆၢထၢၣ်ဖဲအံၤလၢနတၢ်လုၢ်မ့ၣ်အူအကပၤဖဲယလဲၤဒ်သိးယကကွၢ် တၢ်လၢမ့ၢ်ယွၤကဟဲသဂၢၢ်ယၤမ့တမ့ၢ်တသဂၢၢ်ယၤဘၣ်လဲၣ်အခါန့ၣ်တ က့ၢ်. ယကတဲဘၣ်နၤတၢ်ကိးမံၤဒဲးလၢအဝဲလီၣ်ဖျါဝဲဆူယအိၣ်န့ၣ် လီၤ.” မၤသးဒ်န့ၣ်ဒီး, အဝဲလဲၤထီၣ်ဆူတၢ်လူၢ်ဒီခိၣ်ထဲတဂၤဧိၤ,

လံာ်မးသဲ 16:26

ပှၤကညီမ့ၢ်န့ၢ်ဘၣ်ဟီၣ်ခိၣ်ဒီဘ့ၣ်ဘၣ်ဆၣ်, အသးသမူမ့ၢ်လီၤမၢ်ကွံာ်န့ၢ်အီၤဒီး, ကန့ၢ်ဘျုးမနုၤလဲၣ်. ပှၤကညီကဟ့ၣ်တၢ်အပှ့ၤမနုၤတမံၤလၢအသးသမူအဂီၢ်လဲၣ်.

လံာ်မးသဲ 4:5

မုၣ်ကီၤလံၢ်ဆှၢကဒီးယ့ၣ်ၡူးဆူဝ့ၢ်စီဆှံလၢအမ့ၢ်ဝ့ၢ်ယရူၤၡ လ့ၣ်ဒီးဒုးဆၢထၢၣ်အီၤလၢတၢ်လုၢ်ဟံၣ်အခိၣ်စိၣ်

လံာ်ယိၤဟၣ် 5:20

အဂ့ၢ်ဒ်အံၤ, ပၢ်အဲၣ်ဖိခွါဒီးဒုးနဲၣ်အီၤကယဲၢ်တၢ်လၢ အကစၢ်ဒၣ်ဝဲမၤဝဲခဲလၢာ်န့ၣ်လီၤ. ကဒုးနဲၣ်အီၤလၢတၢ်မၤဒိၣ်န့ၢ် အအံၤတဖၣ်ဒီးသုကကမၢကမၣ်ဒိၣ်မးန့ၣ်လီၤ.

၁ ပ့းတရူး 1:24

ဒ်တၢ်ကွဲးအသးစံးဝဲအသိး, “ပှၤဟီၣ်ခိၣ်ဖိခဲလၢာ်မၤအသးဒ် နီၣ်ဧိၤမံၤဧိၤအသိး, ဒီးအလၤကပီၤခဲလၢာ်လီၤဂာ်ဒီး နီၣ်ဧိၤမံၤဧိၤအဖီတဖၣ်လီၤ. နီၣ်ဧိၤမံၤဧိၤဃ့ထီကွံာ်ဝဲ, ဒီးအဖီတဖၣ်လီၤဆှုကွံာ်ဝဲလီၤ.

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”