လံာ်မးသဲ 4:25 - Sgaw Karen Common Bible

²⁵ ပှၤဂီၢ်မုၢ်ဖးဒိၣ်လၢကီၢ်ကၤလံၤလါ, လၢဝ့ၢ်ဆံဆဲၣ်ဝ့ၢ်အတၢ်ပၢ, လၢဝ့ၢ်ယရူၤၡလ့ၣ်, လၢကီၢ်ယူဒၤဒီးယၢ်ဒ့ၣ်ကျိအမုၢ်ထီၣ်, ပိာ်ထီၣ်ယ့ၣ်ၡူးအခံလီၤ.

လံာ်မးသဲ 4:25 Iomraidhean Croise

လံာ်မးသဲ 12:15

တုၤယ့ၣ်ၡူးနၢ်ဟူဝဲတၢ်ကူၣ်ထီၣ်ဖးလီၤထီဒါအီၤအံၤဒီး အဝဲဟးထီၣ်ကွံာ်လၢတၢ်လီၢ်န့ၣ်, ဒီးပှၤအါဒံအါဂၤပိာ်ထီၣ် အခံလီၤ. အဝဲမၤဘျါက့ၤပှၤဆူးပှၤဆါခဲလၢာ်,

လံာ်မးသဲ 19:2

ဒီးပှၤဂီၢ်မုၢ်ဖးဒိၣ်တဖၣ်ပိာ်ထီၣ်အခံ, ဒီးအဝဲဒၣ်မၤဘျါက့ၤအဝဲသ့ၣ်ဖဲန့ၣ်လီၤ.

လံာ်မးသဲ 4:15

“ကီၢ်ဆၣ်စဘူလိၣ်ဒီးကီၢ်ဆၣ်နးသၤလံ လၢအအိၣ်သူၣ်လီၤအသးလၢကျဲလဲၤဆူပီၣ်လဲၣ်ကၤလံၤလါအ လိၤလၢထံကျိယၢ်ဒ့ၣ်ဝၢ်ဘးခီ, လၢအမ့ၢ်ပှၤကလုာ်ဂၤတဖၣ်အကီၢ်ဧၢ,

လံာ်မးသဲ 5:1

ယ့ၣ်ၡူးထံၣ်ပှၤဂီၢ်မုၢ်တဖၣ်သတးဒီး လဲၤထီၣ်ဝဲဆူတၢ်လူၢ်ဒီခိၣ်ဒီးဆ့ၣ်နီၤဝဲလီၤ.

လံာ်မးသဲ 8:1

ဖဲယ့ၣ်ၡူးဟဲက့ၤလီၤလၢတၢ်လူၢ်ဒီခိၣ်န့ၣ်, ပှၤဂီၢ်မုၢ်ဖးဒိၣ်ပိာ်ထီၣ်အခံလီၤ.

လံာ်မၢ်ကူး 5:20

အန့ၣ်ဒီးပှၤတဂၤန့ၣ်ဟးထီၣ်ကွံာ်ဖဲန့ၣ်ဝံၤလဲၤခီဂာ်ဒ့းကၤပလံၣ် လၢအမ့ၢ်ဝ့ၢ်အဖျၢၣ်တဆံအတၢ်ပၢ ဒီကီၢ်ညါဒီးစံးဘၣ်တဲဘၣ်တၢ်လၢယ့ၣ်ၡူးမၤလၢအဂီၢ်တဖၣ်လီၤ. ဒီးကယဲၢ်ပှၤလၢအနၢ်ဟူဘၣ်တၢ်ဂ့ၢ်န့ၣ်ကမၢကမၣ်ဝဲဒိၣ်မးလီၤ.

လံာ်မၢ်ကူး 6:2

တုၤပှၤယူဒၤဖိအမုၢ်အိၣ်ဘှံးနံၤတုၤဃီၤဒီးအဝဲဒၣ်စးထီၣ် သိၣ်လီၤသီလီၤတၢ်လၢဘူၣ်ဘျီၣ်လၢအမ့ၢ်တၢ်ဘါလီၢ်အပူၤလီၤ. ပှၤအါဒံအါဂၤလၢအနၢ်ဟူအတၢ်သိၣ်လီၤသီလီၤတဖၣ်ကမၢကမၣ်ဒီး စံးဝဲ, “တၢ်ကူၣ်သ့ကူၣ်ဘၣ်ဒီးတၢ်သ့မၤတၢ်လီၤလးတဖၣ်ခဲလၢာ်အံၤ မ့ၢ်အလဲၤမၤန့ၢ်ဝဲဖဲလဲၣ်. တၢ်ဟ့ၣ်အီၤတၢ်ကူၣ်သ့ကူၣ်ဘၣ်တခါအံၤမ့ၢ်တၢ်ဒ်လဲၣ်. တၢ်လီၤလးတဖၣ်အံၤမၤဝဲဒ်လဲၣ်.

လံာ်မၢ်ကူး 7:31

အန့ၣ်ဝံၤယ့ၣ်ၡူးဟးထီၣ်လၢတၢ်လီၢ်ကဝီၤဘူးဒီးဝ့ၢ်ထါယၢၣ်, လဲၤခီဖျိဝ့ၢ်စံဒိၣ်ဆူပီၣ်လဲၣ်ကၤလံၤလါ, ဒီးလၢကျဲန့ၣ်လဲၤခီဂာ်ဘၣ်ဝဲဒ့းကၤပလံၣ်လၢအမ့ၢ်ဝ့ၢ် အဖျၢၣ်တဆံအတၢ်ပၢန့ၣ်လီၤ.

လံာ်လူၤကၣ် 6:17

ယ့ၣ်ၡူးဟဲက့ၤလီၤဒီးတၢ်မၢဖိတဖၣ်လၢတၢ်လူၢ်ခိၣ်လီၤ. ဒီးဆၢထၢၣ်သကိးဒီးအပျဲၢ်အဘီၣ်ဂီၢ်မုၢ်ဂီၢ်ပၤဖဲတၢ်လီၢ်လၢ အပၢၤတတီၤလီၤ. ပှၤအိၣ်ဝဲဒၣ်ဖဲန့ၣ်အါအါဂီၢ်ဂီၢ်လၢ အဟဲလၢကီၢ်ယူဒၤဒီဘ့ၣ်ညါ, ဒီးလၢယရူၤၡလ့ၣ်ဒီးလၢပီၣ်လဲၣ်ကၢၢ်နံၤအဝ့ၢ်တဖၣ်လၢ အမ့ၢ်ဝဲဝ့ၢ်ထါယၢၣ်ဒီးဝ့ၢ်စံဒိၣ်န့ၣ်လီၤ.

လံာ်လူၤကၣ် 6:19

ပှၤကိးဒံကိးဂၤဒဲးဂုာ်ကျဲးစၢးထိးဘၣ်အီၤ, မ့ၢ်လၢတၢ်စိတၢ်ကမီၤဟဲထီၣ်လၢအဝဲဒၣ်အလိၤ, ဒီးမၤဘျါက့ၤအဝဲသ့ၣ်ကိးဂၤဒဲးအဃိန့ၣ်လီၤ.