လံာ်မးသဲ 4:24 - Sgaw Karen Common Bible

²⁴ ယ့ၣ်ၡူးအကစီၣ်ဟူထီၣ်သါလီၤလၢကီၢ်ဒီဘ့ၣ်ညါပၢၢ်တုၤလၢကီၢ် စူၤရံဒီးပှၤဟဲကိးန့ၢ်အီၤလၢပှၤဆူးပှၤဆါလၢအတူၢ်ဘၣ်တၢ်ဆူး တၢ်ဆါအကလုာ်ကလုာ်လၢအတူၢ်ဘၣ်တၢ်နးနးကျံၤကျံၤတဖၣ်, ဒ်ပှၤလၢတၢ်နါဒိးအီၤ, ပှၤလၢအပျုၢ်ထိးတဖၣ်ဒီးပှၤသံတခီပၤတဖၣ်, ဒီးယ့ၣ်ၡူးမၤဘျါက့ၤအဝဲသ့ၣ်ခဲလၢာ်လီၤ.

လံာ်မးသဲ 4:24 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 8:6

အန့ၣ်ဝံၤဒီး, အဝဲဆီလီၤသုးမုၢ်အသူၣ်ဒဲလီၢ်တဖၣ်လၢအဝဲသ့ၣ် အလီၢ်ကဝီၤပူၤဒီးအဝဲသ့ၣ်ကဲထီၣ်ပှၤတဖၣ်လၢအဝဲ ပၢဘၣ်အီၤဒီးဘၣ်ဟ့ၣ်အီၤလၢတၢ်အခိအသွဲတဖၣ်န့ၣ်လီၤ. ယွၤဒုးမၤနၢၤစီၤဒၤဝံးအတၢ်လၢတၢ်လီၢ်ကိးပူၤဒဲးန့ၣ်လီၤ.

လံာ်စီၤပၤအခီၣ်ထံးတဘ့ၣ် 10:1

ကီၢ်ၡဘၤအနီၢ်ပၤမုၣ်နၢ်ဟူဘၣ်စီၤၡလိၤမိၤအတၢ်မံၤဟူသၣ်ဖျါ ဒီးအဝဲလဲၤဝဲဆူဝ့ၢ်ယရူၤၡလ့ၣ်, လၢကမၤကွၢ်အီၤဒီးတၢ်သံကွၢ်အကီအခဲတဖၣ်အဂီၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 4:31

အဝဲမ့ၢ်ပှၤကူၣ်ဘၣ်ကူၣ်သ့အဒိၣ်ကတၢၢ်လၢပှၤခဲလၢာ်အကျါ, ကူၣ်သ့ဒိၣ်န့ၢ်ဒံးပှၤအ့စရၤဃးဖိစီၤအ့သၣ်, ဒီးစီၤမၤဃိလးအဖိခွါတဖၣ်လၢအမ့ၢ်ဝဲစီၤဟ့မၣ်, စီၤကးလကိးလး, စီၤဒၢ်ဒၤန့ၣ်လီၤ. ဒီးအဝဲအတၢ်မံၤဟူသၣ်ဖျါရၤလီၤအသး သကုၤကယဲၢ်ထံကီၢ်အိၣ်ဘူးအိၣ်တံၢ်တဖၣ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 14:17

စီၤဒၤဝံးအတၢ်မံၤဟူထီၣ်သါလီၤဆူတၢ်လီၢ်သကုၤဆးဒး, ဒီးယွၤဒုးပျံၤပှၤကိးကလုာ်ဒဲးလၢအီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:2

လၢယဂံၢ်ယဘါခဲလၢာ်အပူၤန့ၣ်, ယကတဲာ်ကတီၤတ့ၢ်တၢ်လၢအလိၣ်ဝဲ တဖၣ်လၢယွၤအတၢ်လုၢ်ဟံၣ်အဂီၢ်ဒ်ထူ, စ့, တိၢ်ဘီ, ထး, သ့ၣ်, လၢၢ်လုၢ်ဒိၣ်ပှ့ၤဒိၣ်တဖၣ်, တၢ်မျၢ်ထးသံတဖၣ်, လၢၢ်အလွဲၢ်အကလုာ်ကလုာ်လၢတၢ်ကရဲၣ်လီၤထီထီၣ်အီၤတဖၣ်, လၢၢ်ဝါအါအါဂီၢ်ဂီၢ်တဖၣ်န့ၣ်လီၤ.

လံာ်တၢ်ဟးထီၣ်ကွံာ် 15:26

ဒီးယွၤစံးဝဲဒၣ်, “သုမ့ၢ်ဒိကနၣ်ယၤလၢလၢပှဲၤပှဲၤ, ခီဖျိမၤတၢ်ဒ်တၢ်ဘၣ်ယသးဒီးတိၢ်န့ၢ်ဖံးဃၣ်ယတၢ်မၤလိာ်တဖၣ် န့ၣ်, ယတစံၣ်ညီၣ်ဘၣ်သုလၢတၢ်ဆါတဖၣ်လၢယဒုးလီၤဘၣ်အီၤ လၢပှၤအဲၤကူပတူးဖိတဖၣ်အလိၤန့ၣ်ဘၣ်. ယမ့ၢ်ယွၤ, ပှၤတဂၤလၢအမၤဘျါသုန့ၣ်လီၤ.”

လံာ်မးသဲ 12:22

ပှၤတနီၤဟဲကိးပှၤလၢတၢ်နါဒိးအီၤ, ဒီးအမဲာ်တထံၣ်တၢ်ဒီးအုးအးတဂၤ ဆူယ့ၣ်ၡူးအအိၣ်လီၤ. ယ့ၣ်ၡူးမၤဘျါက့ၤအီၤဒီးအဝဲဒၣ်ကတိၤထီၣ်တၢ်ဒီးထံၣ်ထီၣ်က့ၤတၢ်လီၤ.

လံာ်မးသဲ 14:1

အကတီၢ်ဖဲန့ၣ် ပှၤပၢကီၢ်ကၤလံၤလါစီၤဟ့ၤရိာ်နၢ်ဟူယ့ၣ်ၡူးအကစီၣ်

လံာ်မးသဲ 15:22

ဒီးပှၤကနၤဧၣ်မုၣ်တဂၤ, လၢအအိၣ်ဖဲတၢ်လီၢ်န့ၣ်ဟဲဆူအအိၣ်ဒီးကိးထီၣ်ဝဲ, “စီၤဒၤဝံးအဖိခွါ, ကစၢ်ဧၢ, သူၣ်ကညီၤသးကညီၤလၢ်ယၤတက့ၢ်. ယဖိမုၣ်န့ၣ် တၢ်နါဒိးအီၤဒီးဘၣ်တူၢ်ဝဲနးမးလီၤ.”

လံာ်မးသဲ 17:15

“ကစၢ်ဧၢ, သူၣ်ကညီၤသးကညီၤဘၣ်ယဖိခွါတက့ၢ်. အဂ့ၢ်ဒ်အံၤ, အဝဲဘၣ်န့ၢ်တၢ်ပျုၢ်ထိးအတၢ်ဆါ, ဒီးဘၣ်တူၢ်ဝဲနးမး, တုၤဒၣ်လဲာ်လီၤတဲာ်နုာ်ဆူမ့ၣ်အူအပူၤ, မ့တမ့ၢ်ထံကျါတလီၢ်လီၢ်တလီၢ်လီၢ်လီၤ.

လံာ်မးသဲ 17:18

ဒီးယ့ၣ်ၡူးဒူတၢ်နါအလိၤ, ဒီးတၢ်နါဟးထီၣ်ကွံာ်လၢအလိၤ, ဒီးပိာ်ခွါဖိသၣ်န့ၣ်ဘျါက့ၤဝဲတကတီၢ်ဃီဖဲန့ၣ်လီၤ.

လံာ်မးသဲ 4:23

ယ့ၣ်ၡူးဟးဝ့ၤဝီၤသကုၤကီၢ်ကၤလံၤလါ, သိၣ်လီၤသီလီၤတၢ်လၢဘူၣ်ဘျီၣ် လၢအမ့ၢ်တၢ်ဘါလီၢ်တဖၣ်အပူၤ, စံၣ်တဲၤတဲလီၤတၢ်သးခုကစီၣ်ဘၣ်ဃးယွၤအဘီအမုၢ် ဒီးမၤဘျါက့ၤပှၤဘၣ်ဆူးဘၣ်ဆါလၢကယဲၢ်မ့ၢ်တၢ်ဆူးတၢ် ဆါခဲလၢာ်လီၤ.

လံာ်မးသဲ 8:28

တုၤယ့ၣ်ၡူးလဲၤတုၤဝဲဆူကီၢ်ကဒါရၤလၢအအိၣ်လၢပီၣ်လဲၣ်အဝၢ် ဘးခီဒီးပှၤခံဂၤဟဲထီၣ်လၢတၢ်သွၣ်ခိၣ်အပူၤဒီးသဂၢၢ်အီၤလီၤ. ပှၤခံဂၤအံၤတၢ်နါဒိးအီၤလီၤပျံၤဒိၣ်မးတုၤဒၣ်လဲာ်ပှၤလဲၤတၢ်လၢကျဲ အဝဲန့ၣ်တဘူၣ်နီတဂၤဘၣ်.

လံာ်မးသဲ 8:33

ပှၤလၢအကွၢ်ထွဲထိးတဖုန့ၣ်က့ၤဃ့ၢ်ဆူဝ့ၢ်ပူၤဒီးစံးဘၣ်တဲဘၣ် တၢ်ဂ့ၢ်အံၤခဲလၢာ် ဒီးတၢ်လၢအမၤအသးဒီးပှၤခံဂၤလၢတၢ်နါဒိးအီၤ အဂ့ၢ်န့ၣ်လီၤ.

လံာ်မးသဲ 8:6

“ကစၢ်ဧၢ, ယခ့ယပှၤတဂၤဆါဝဲဒီးအိၣ်မံလီၤဝဲလၢအလီၢ်မံခိၣ်လၢဟံၣ် လီၤ. အဝဲဟူးဂဲၤတန့ၢ်ဘၣ် ဒီးတူၢ်ဘၣ်တၢ်နးမးလီၤ.”

လံာ်မးသဲ 9:26

တၢ်ကစီၣ်အံၤဟူထီၣ်သါလီၤလၢကီၢ်ဒီဘ့ၣ်ညါအပူၤလီၤ.

လံာ်မးသဲ 9:35

ယ့ၣ်ၡူးလဲၤဝ့ၤဝီၤတၢ်လၢဝ့ၢ်တဖၣ်ဒီးသဝီတဖၣ်လီၤ. အဝဲသိၣ်လီၤသီလီၤတၢ်လၢဘူၣ်ဘျီၣ်လၢအမ့ၢ်တၢ်ဘါလီၢ်တဖၣ်အပူၤ, စံၣ်တဲၤတဲလီၤတၢ်သးခုကစီၣ်ဘၣ်ဃးဘီမုၢ်, ဒီးမၤဘျါက့ၤပှၤတဖၣ်လၢအအိၣ်ဒီးတၢ်ဆူးတၢ်ဆါတၢ်က့တၢ် ကွဲၣ်ကိးအကလုာ်ဒဲးလီၤ.

လံာ်မၢ်ကူး 1:28

လၢတၢ်အံၤအဃိ, ယ့ၣ်ၡူးအကစီၣ်ဟူထီၣ်သါလီၤချ့မးသကုၤကီၢ်ကၤလံၤလါ အပူၤလီၤ.

လံာ်မၢ်ကူး 1:32

ဒီးဟါအဝဲန့ၣ်ဖဲမုၢ်လီၤနုာ်ဝံၤအလီၢ်ခံ, ပှၤဟဲစိာ်ကယဲၢ်ပှၤဘၣ်ဆူးဘၣ်ဆါဒီးပှၤလၢတၢ်နါဒိးအီၤ တဖၣ်ဆူယ့ၣ်ၡူးအအိၣ်လီၤ.

လံာ်မၢ်ကူး 2:3

အကတီၢ်ဖဲန့ၣ်, ပှၤလွံၢ်ဂၤဟဲစိာ်ဃုာ်ဒီးပှၤသံတခီပၤတဂၤဆူ အအိၣ်လီၤ.

လံာ်မၢ်ကူး 2:4

မ့ၢ်လၢပှၤဂီၢ်မုၢ်အါဒိၣ်မးဒီးအဝဲသ့ၣ်ကလဲၤစိာ်ဘူးထီၣ် ပှၤတဂၤန့ၣ်ဆူယ့ၣ်ၡူးအအိၣ်တသ့ဘၣ်အဃိ, ဘၢၣ်ဖျိကွံာ်ဟံၣ်ခိၣ်ဒုးလိၤလိၤဖဲယ့ၣ်ၡူးအိၣ်တၢ်အလီၢ် အဖီခိၣ်ဝံၤ, စဲၤလီၤလီၢ်မံလၢပှၤဆါမံနီၤဝဲလၢအပူၤန့ၣ်လီၤ.

လံာ်မၢ်ကူး 2:9

ယကစံးဘၣ်ပှၤသံတခီပၤတဂၤအံၤကညီဖဲလဲၣ်တမံၤလဲၣ်. ‘နတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤလံ’ န့ၣ်ဧါ. မ့တမ့ၢ်ဘၣ်ဒီး ‘ဂဲၤဆၢထၢၣ်စိာ်ထီၣ်နလီၢ်မံဒါဒီးဟးတက့ၢ်’ န့ၣ်ဧါ.

လံာ်လူၤကၣ် 2:2

ဖဲတၢ်ဆဲးလီၤမံၤအဆိကတၢၢ်တဘျီအံၤအဆၢကတီၢ်န့ၣ်, စီၤကူၤရ့နံမ့ၢ်ဝဲစူၤရံအပဒိၣ်ဖးဒိၣ်လီၤ.

လံာ်လူၤကၣ် 4:14

တၢ်န့ၣ်ဝံၤအလီၢ်ခံ, ယ့ၣ်ၡူးဟဲက့ၤကဒါက့ၤဆူကီၢ်ကၤလံၤလါ, ဒီးသးစီဆှံအစိကမီၤအိၣ်ဒီးအီၤလီၤ. တၢ်ကစီၣ်ဘၣ်ဃးအဝဲဒၣ်အဂ့ၢ်အကျိၤဟူထီၣ်သါလီၤဝဲလၢ တၢ်လီၢ်အကဝီၤဖဲန့ၣ်ကိးတီၤဒဲးလီၤ.

လံာ်လူၤကၣ် 4:38

ယ့ၣ်ၡူးဟးထီၣ်ကွံာ်ဖဲဘူၣ်ဘျီၣ်လၢအမ့ၢ်တၢ်ဘါလီၢ်ဒီးလဲၤဝဲဒၣ်ဆူ စီၤၡံမိၣ်အဟံၣ်လီၤ. စီၤၡံမိၣ်အမံၤပှၢ်ပိာ်မုၣ်ဆိးက့ဝဲဒီးအလိၤကိၢ်ဒိၣ်နီၢ် မး, ဒီးအဝဲသ့ၣ်ကတိၤတၢ်ဒီးယ့ၣ်ၡူးလၢအဝဲဒၣ်အဂ့ၢ်လီၤ.

လံာ်လူၤကၣ် 5:15

ဘၣ်ဆၣ်ဒီးတၢ်ကစီၣ်ဘၣ်ဃးယ့ၣ်ၡူးအဂ့ၢ်ဟူထီၣ်သါလီၤဝဲအါန့ၢ်အလီၢ်, ဒီးပှၤဂီၢ်မုၢ်ဖးဒိၣ်ဟဲဒ်သိးအကနၢ်ဟူဘၣ်အတၢ်ကတိၤဒီးဒ်သိးအတၢ် ဆူးတၢ်ဆါတဖၣ်ကဘၣ်တၢ်မၤဘျါက့ၤအီၤအဂီၢ်လီၤ.

လံာ်လူၤကၣ် 5:24

ဘၣ်ဆၣ်ဒီးယကဟ့ၣ်သုတၢ်အုၣ်အသးလၢပှၤကညီအဖိခွါအိၣ်ဒီး တၢ်စိတၢ်ကမီၤလၢဟီၣ်ခိၣ်ချၢလၢအကပျၢ်ကွံာ်တၢ်ဒဲးဘးတဖၣ် လီၤ.” သတးဒီးအဝဲဒၣ်စံးဘၣ်ပှၤသံတခီပၤတဂၤန့ၣ်, “ယစံးဘၣ်နၤ, ဂဲၤဆၢထၢၣ်, ဟံးထီၣ်နလီၢ်မံဒီးက့ၤဆူဟံၣ်တက့ၢ်.”

လံာ်လူၤကၣ် 7:17

တၢ်ကစီၣ်ဘၣ်ဃးဒီးယ့ၣ်ၡူးတမံၤအံၤဟူထီၣ်သါလီၤဝဲသကုၤကီၢ် ယူဒၤဒီဘ့ၣ်ညါဒီးလၢတၢ်လီၢ်အိၣ်ဖဲအဃၢၤဝးဝးန့ၣ်လီၤ.

လံာ်ယိၤဟၣ် 10:21

ဘၣ်ဆၣ်ဒီးအဂၤတဖၣ်စံးဝဲ, “ပှၤလၢတၢ်နါဒိးအီၤန့ၣ်ကတိၤတၢ်ဒ်အံၤတသ့ဘၣ်. တၢ်နါဒုးထံၣ်ထီၣ်က့ၤပှၤလၢအမဲာ်ဘျီၣ်ဘၣ်ကသ့ဧါ.”

မၤတၢ် 10:38

သုသ့ၣ်ညါဘၣ်ဃးပှၤဝ့ၢ်နစၤရ့းဖိယ့ၣ်ၡူး, လၢကစၢ်ယွၤလူလီၤဂၢ်လီၤသးစီဆှံဒီးတၢ်စိတၢ် ကမီၤလၢအလိၤဒ်လဲၣ်အဂ့ၢ်န့ၣ်လီၤ. အဝဲဒၣ်လဲၤသကုၤဆးဒး, မၤဂ့ၤတၢ်ဒီးမၤဘျါက့ၤကယဲၢ်ပှၤအိၣ်လၢမုၣ်ကီၤလံၢ်အတၢ်စိတၢ် ကမီၤအဖီလာ်, အဂ့ၢ်မ့ၢ်လၢကစၢ်ယွၤအိၣ်ဒီးအီၤအဃိလီၤ.

မၤတၢ် 15:23

အဝဲသ့ၣ်ဆှၢလီၤလံာ်ပရၢလၢလာ်အံၤခီဖျိပှၤသ့ၣ်တဖၣ်န့ၣ်လီၤ. “ပဝဲဒၣ်လၢအမ့ၢ်သုဒီပုၢ်ဒီဝဲၢ်, ပှၤတၢ်မၢဖိဒီးတၢ်အိၣ်ဖှိၣ်အသူၣ်က့သးပှၢ်တဖၣ်ဆှၢလီၤ တၢ်ဆၢဂ့ၤဆၢဝါဆူပဒီပုၢ်ဝဲၢ်ကလုာ်ဂၤခဲလၢာ်လၢအအိၣ် ဝဲဆိးဝဲဖဲဝ့ၢ်အၣ်တံၤအီာ်, ကီၢ်စူၤရံ, ဒီးကီၢ်ကံၤလံၤကံတဖၣ်အအိၣ်န့ၣ်လီၤ.

မၤတၢ် 15:41

အဝဲဒၣ်ဒီးစီၤစံလၤလဲၤခီဂာ်ကီၢ်စူၤရံဒီးကီၢ်ကံၤလံၤကံ ဒီးဟ့ၣ်ဂံၢ်ဟ့ၣ်ဘါမၤဂၢၢ်မၤကျၢၤတၢ်အိၣ်ဖှိၣ်ဖဲန့ၣ်တဖၣ်လီၤ.

မၤတၢ် 28:9

ဖဲတၢ်အံၤမၤအသးန့ၣ်, ပှၤဆူးပှၤဆါအဂုၤအဂၤတဖၣ်လၢကီးန့ၣ် အပူၤဟဲဝဲဒီးဘၣ်တၢ်မၤဘျါက့ၤအီၤလီၤ.

မၤတၢ် 8:7

တၢ်နါအၢတဖၣ်ကိးပသူထီၣ်ဒီးဟးထီၣ်ကွံာ်လၢပှၤအါဂၤ အလိၤ, ဒီးပှၤသံတခီပၤဒီးပှၤခီၣ်ဟးဂီၤအါဂၤဘၣ်တၢ်မၤဘျါက့ၤ အီၤလီၤ.

လံာ်စီၤယိၤၡူ 6:27

ဒီးယွၤအိၣ်ဒီးစီၤယိၤၡူ, ဒီးအမံၤဟူထီၣ်သါလီၤလၢကီၢ်ဒီ ဘ့ၣ်ညါအပူၤန့ၣ်လီၤ.