လံာ်မးသဲ 4:21 - Sgaw Karen Common Bible

²¹ လဲၤကဒီးဆူညါဒီးယ့ၣ်ၡူးထံၣ်န့ၢ်ဝဲပှၤဒီပုၢ်ဝဲၢ်အဂၤခံဂၤ, စီၤယၤကိာ်ဒီးစီၤယိၤဟၣ်လၢအမ့ၢ်စီၤစ့းဘ့းဒဲအဖိခွါတဖၣ် လီၤ. အဝဲသ့ၣ်အိၣ်လၢချံပူၤဃုာ်ဒီးအပၢ်ဒီးကတဲာ်ကတီၤဆးက့ၤ အစၤတဖၣ်လီၤ. ယ့ၣ်ၡူးကိးအဝဲသ့ၣ်,

လံာ်မးသဲ 4:21 Iomraidhean Croise

လံာ်မးသဲ 10:2

အအံၤမ့ၢ်ပှၤတၢ်မၢဖိတဆံခံဂၤအမံၤလီၤ. အဆိကတၢၢ် (စီၤၡံမိၣ်လၢအဘၣ်တၢ်ကိးစ့ၢ်ကီးအီၤလၢစီၤပ့းတရူး), ဝံၤအဒီပုၢ်ဝဲၢ်စီၤအၣ်ဒရ့း, စီၤစ့းဘ့းဒဲအဖိခွါစီၤယၤကိာ်ဒီး စီၤယိၤဟၣ်တဖၣ်,

လံာ်မးသဲ 17:1

ဃုသီဝံၤအလီၢ်ခံဒီး, ယ့ၣ်ၡူးကိးန့ၢ်စီၤပ့းတရူး, စီၤယၤကိာ်ဒီးအဒီပုၢ်ဝဲၢ်စီၤယိၤဟၣ်, ဒီးလဲၤဆှၢထီၣ်အဝဲသ့ၣ်ဆူကစၢၢ်ဖးထီတဖျၢၣ်အလိၤ, ဒီးအိၣ်ဝဲဖဲန့ၣ်ထဲအဝဲသ့ၣ်ဧိၤလီၤ.

လံာ်မးသဲ 26:37

အဝဲလဲၤကိးဃုာ်စီၤပ့းတရူးဒီးစီၤစ့းဘ့းဒဲအဖိခွါခံဂၤန့ၣ်လီၤ. အသူၣ်အုးသးအုးဒီးသူၣ်ကိၢ်သးဂီၤဝဲဒိၣ်မးလီၤ.

လံာ်မးသဲ 4:20

တဘျီဃီအဝဲသ့ၣ်ပာ်တ့ၢ်ကွံာ်အစၤတဖၣ်ဒီးပိာ်ထီၣ်ယ့ၣ်ၡူးအခံ လီၤ.

လံာ်မးသဲ 4:22

ဒီးတဘျီဃီအဝဲသ့ၣ်ပာ်တ့ၢ်အချံဒီးအပၢ်ဝံၤပိာ်ထီၣ်အခံလီၤ.

လံာ်မၢ်ကူး 3:17

စီၤစ့းဘ့းဒဲအဖိခွါစီၤယၤကိာ်ဒီးအဒီပုၢ်ဝဲၢ်စီၤယိၤဟၣ် (ယ့ၣ်ၡူးဟ့ၣ်အဝဲသ့ၣ်အမံၤလၢဘအၤန့ၢ်က့း, အခီပညီ “လီသီၣ်အဖိခွါတဖၣ်,”)

လံာ်မၢ်ကူး 5:37

အန့ၣ်ဒီးအဝဲဒၣ်တပျဲပှၤအဂၤကလဲၤပိာ်အခံဆူညါနီတဂၤလၢၤဘၣ်. ပျဲဝဲထဲစီၤပ့းတရူးဒီးစီၤယၤကိာ်, ဒီးအဒီပုၢ်ဝဲၢ်စီၤယိၤဟၣ်ဧိၤလီၤ.

လံာ်ယိၤဟၣ် 21:2

စီၤၡံမိၣ်ပ့းတရူး, စီၤသိၤမါ (လၢတၢ်ကိးအီၤလၢပှၤသဃံာ်), စီၤနၤသန့လး (ပှၤဝ့ၢ်ကၤနါဖိလၢကီၢ်ကၤလံၤလါ), စီၤစ့းဘ့းဒဲ အဖိခွါခံဂၤ, ဒီးယ့ၣ်ၡူးအပျဲၢ်အဘီၣ်အဂၤခံဂၤ, ဒီးအဝဲသ့ၣ်ခဲလၢာ်န့ၣ်အိၣ်ဝဲတပူၤဃီလီၤ.

မၤတၢ် 12:2

ခီဖျိအဝဲဟ့ၣ်လီၤအကလုၢ်န့ၣ်, စီၤယိၤဟၣ်အဒီပုၢ်ဝဲၢ်စီၤယၤကိာ်ဘၣ်တၢ်မၤသံကွံာ်အီၤလၢနး န့ၣ်လီၤ.