လံာ်မးသဲ 4:19 - Sgaw Karen Common Bible

¹⁹ ဒီးယ့ၣ်ၡူးစံးဘၣ်အဝဲသ့ၣ်, “ဟဲဒီးကဲထီၣ်ယပျဲၢ်ယဘီၣ်တက့ၢ်. ယကသိၣ်လိသုဒ်သိးသုကမၤန့ၢ်ပှၤကညီလၢကကဲထီၣ်ယပျဲၢ်ယဘီၣ်ဒ် သုမၤန့ၢ်ညၣ်တဖၣ်အသိးလီၤ.”

လံာ်မးသဲ 4:19 Iomraidhean Croise

လံာ်မးသဲ 16:24

တုၤနုၤတစုယ့ၣ်ၡူးစံးဘၣ်အပျဲၢ်အဘီၣ်တဖၣ်, “ပှၤတဂၤဂၤမ့ၢ်အဲၣ်ဒိးကဲယပျဲၢ်ယဘီၣ်ဒီး, မ်အညိကွံာ်အသးဒၣ်ဝဲ, ဒီးယိးထီၣ်အထူၣ်စုညါ, ဒီးပိာ်ယခံတက့ၢ်.

လံာ်မးသဲ 19:21

ယ့ၣ်ၡူးစံးဘၣ်အီၤ, “နမ့ၢ်သးအိၣ်လၢနကလၢထီၣ်ပှဲၤထီၣ်န့ၣ်, လဲၤဒီးဆါလီၤကွံာ်တၢ်လၢအအိၣ်ဒီးနၤခဲလၢာ်, ဒီးဟ့ၣ်လီၤနကျိၣ်နစ့ဆူပှၤဖှီၣ်ဖိယာ်ဖိတက့ၢ်. တုၤနုၤတစု နကအိၣ်ဒီးတၢ်ထူးတၢ်တီၤလၢမူခိၣ်လီၤ. အန့ၣ်ဝံၤ, ဟဲဒီးကဲဘၣ်ယပျဲၢ်ယဘီၣ်တက့ၢ်.”

လံာ်မးသဲ 4:18

ယ့ၣ်ၡူးဟဲဝဲလၢပီၣ်လဲၣ်ကၤလံၤလါအနံၤဒီးထံၣ်န့ၢ်ပှၤမၤညၣ် ဖိဒီပုၢ်ဝဲၢ်ခံဂၤလၢအမ့ၢ်စီၤၡံမိၣ်လၢအဘၣ်တၢ်ကိးစ့ၢ်ကီးအီၤလၢ စီၤပ့းတရူးဒီးစီၤအၣ်ဒရ့း ဖဲအဝဲသ့ၣ်ကွံာ်လီၤစၤလၢပီၣ်လဲၣ်ပူၤ အခါန့ၣ်လီၤ.

လံာ်မးသဲ 4:20

တဘျီဃီအဝဲသ့ၣ်ပာ်တ့ၢ်ကွံာ်အစၤတဖၣ်ဒီးပိာ်ထီၣ်ယ့ၣ်ၡူးအခံ လီၤ.

လံာ်မးသဲ 8:22

ယ့ၣ်ၡူးစံးဆၢအီၤ, “ဟဲဒီးကဲဘၣ်ယပျဲၢ်ယဘီၣ်တက့ၢ်. ပျဲပှၤအသံတဖၣ်ခူၣ်လီၤအပှၤသံဒၣ်ဝဲတက့ၢ်.”

လံာ်မးသဲ 9:9

တုၤယ့ၣ်ၡူးဟးထီၣ်လၢတၢ်လီၢ်န့ၣ်ဒီး လဲၤဝဲဆူညါန့ၣ်, အဝဲထံၣ်န့ၢ်ပှၤဃ့သွဲတဂၤ လၢအမံၤမ့ၢ်ဝဲစီၤမးသဲဆ့ၣ်နီၤလၢအတၢ်မၤအလီၢ်လီၤ. ယ့ၣ်ၡူးစံးဘၣ်အီၤ, “ဟဲဒီးကဲဘၣ်ယပျဲၢ်ယဘီၣ်တက့ၢ်.” ဒီးစီၤမးသဲဂဲၤဆၢထၢၣ်ဒီးပိာ်ထီၣ်အခံလီၤ.

လံာ်မၢ်ကူး 2:14

ဖဲအလဲၤကဒီးဝဲဆူညါအခါန့ၣ်, ထံၣ်ပှၤဃ့သွဲတဂၤလၢအမ့ၢ်စီၤအၤလဖဲ အဖိခွါစီၤလ့ၤဝံဆ့ၣ်နီၤဝဲလၢအဝဲၤဒၢးပူၤန့ၣ်လီၤ. ယ့ၣ်ၡူးစံးဘၣ်အီၤ, ‘ဟဲဒီးကဲထီၣ်ဘၣ်ယပျဲၢ်ယဘီၣ်တက့ၢ်.’ အဝဲဒၣ်ဂဲၤဆၢထၢၣ်ဒီးပိာ်ထီၣ်အခံလီၤ.

လံာ်လူၤကၣ် 5:27

တၢ်မၤအသးတမံၤအံၤဝံၤအလီၢ်ခံန့ၣ်, ယ့ၣ်ၡူးဟးထီၣ်ဒီးထံၣ်ဘၣ်ဝဲပှၤဃ့သွဲတဂၤလၢအမံၤမ့ၢ်ဝဲစီၤလ့ၤဝံ, ဆ့ၣ်နီၤဝဲဒၣ်ဖဲအဝဲၤလီၢ်န့ၣ်လီၤ. ယ့ၣ်ၡူးစံးဘၣ်အီၤ, “ဟဲဒီးကဲဘၣ်ယပျဲၢ်ယဘီၣ်တက့ၢ်.”

လံာ်လူၤကၣ် 9:59

အဝဲဒၣ်စံးဘၣ်ပှၤအဂၤတဂၤ, “ဟဲဒီးကဲဘၣ်ယပျဲၢ်ယဘီၣ်တက့ၢ်.” ဘၣ်ဆၣ်ဒီးပှၤတဂၤန့ၣ်စံးဝဲ, “ကစၢ်ဧၢ, ပျဲဆိဒၣ်ကလိာ်ယၤဒ်သိးယကက့ၤကဒါက့ၤဒီးခူၣ်လီၤယပၢ်တက့ၢ်.”

လံာ်ယိၤဟၣ် 1:43

မုၢ်ဆ့ၣ်ထီၣ်တနံၤယ့ၣ်ၡူးပာ်လီၤအသးလၢကလဲၤဆူ ကီၢ်ကၤလံၤလါန့ၣ်လီၤ. အဝဲထံၣ်န့ၢ်စီၤဖံလံးပူးဒီးစံးဘၣ်အီၤ, “ဟဲဒီးကဲဘၣ်ယပျဲၢ်ယဘီၣ်တက့ၢ်.”

လံာ်ယိၤဟၣ် 12:26

ပှၤတဂၤလၢ်လၢ်လၢအသးအိၣ်မၤယတၢ်မၤန့ၣ်, ကဘၣ်ကဲထီၣ်ယပျဲၢ်ယဘီၣ်ဒ်သိးဖဲယအိၣ်အလီၢ်န့ၣ် ယခ့ယပှၤကအိၣ်စ့ၢ်ကီးဒီးယၤဖဲန့ၣ်လီၤ. ပှၤတဂၤဂ့ၤတဂၤဂ့ၤမ့ၢ်မၤယတၢ်မၤဒီး, ယပၢ်ကမၤလၤကပီၤအီၤလီၤ.

လံာ်ယိၤဟၣ် 21:22

ယ့ၣ်ၡူးစံးဆၢအီၤ, “ယသးမ့ၢ်အိၣ်လၢအဝဲကအိၣ်မူတုၤ လီၤလၢယဟဲက့ၤအဆၢကတီၢ်န့ၣ်ဒီး, တၢ်အံၤဘၣ်ဃးဒီးနၤ မနုၤလဲၣ်. ဟဲဒီးကဲဘၣ်ယပျဲၢ်ယဘီၣ်တက့ၢ်.”

၂ ကရံၣ်သူး 12:16

လၢတၢ်န့ၣ်အဃိသုကအၢၣ်လီၤအီလီၤသုဝဲလၢယတကဲ တ့ၢ်တၢ်ဝံတၢ်ယိးလၢသုဂီၢ်ဘၣ်လီၤ. ဘၣ်ဆၣ်ဒီးပှၤတဂၤကစံးဝဲ, ယလီကဒံလီကဒါတၢ်သ့ဒီးဖီၣ်န့ၢ်သုလၢယတၢ်ကတိၤကဘျံး ကဘျၣ်တဖၣ်လီၤ.