လံာ်မးသဲ 4:15 - Sgaw Karen Common Bible

¹⁵ “ကီၢ်ဆၣ်စဘူလိၣ်ဒီးကီၢ်ဆၣ်နးသၤလံ လၢအအိၣ်သူၣ်လီၤအသးလၢကျဲလဲၤဆူပီၣ်လဲၣ်ကၤလံၤလါအ လိၤလၢထံကျိယၢ်ဒ့ၣ်ဝၢ်ဘးခီ, လၢအမ့ၢ်ပှၤကလုာ်ဂၤတဖၣ်အကီၢ်ဧၢ,

လံာ်မးသဲ 4:15 Iomraidhean Croise

လံာ်စီၤပၤအခီၣ်ထံးတဘ့ၣ် 9:11

ကီၢ်ထါယၢၣ်အစီၤပၤဃံရၣ်ဟ့ၣ်လီၤမၤစၢၤအီၤလၢကယဲၢ်သ့ၣ်ဆှိ အ့ရ့း, သ့ၣ်ဆှိဒီးထူဧိၤလွဲဧိၤခဲလၢာ်လၢအဝဲလိၣ်ဘၣ်ဝဲလၢတၢ်မၤ အံၤအဂီၢ်န့ၣ်လီၤ. တုၤတၢ်မၤအံၤဝံၤဝဲန့ၣ်, စီၤပၤၡလိၤမိၤဟ့ၣ်လီၤစီၤဃံရၣ် လၢဝ့ၢ်အဖျၢၣ်ခံဆံလၢအအိၣ်လၢကီၢ်ကၤလံၤလါအလီၢ်ကဝီၤအပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:29

ဖဲစီၤပ့ကးကဲစီၤပၤအကတီၢ်န့ၣ်ကီၢ်အၤၡူၢ်အစီၤပၤဖးဒိၣ် တံးကလးပလ့စ့ၢ်မၤန့ၢ်ဝ့ၢ်တဖၣ်လၢအမ့ၢ်ဝဲဧံၤယိၣ်, အၤဘ့ၤလးဘ့ၤသမၤကၤ, ယၤနိဃၤ, က့ဒ့ၣ်ဒီးဃါစိၢ်, ဒီးလီၢ်ကဝီၤတဖၣ်လၢကီၢ်ကံးလဧးလၢအမ့ၢ်ကၤလံၤလါဒီးနးသၤ လံဒီးက့ၤကိးပှၤဂီၢ်မုၢ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ် အသိးန့ၣ်လီၤ.

လံာ်ယၡါယၤ 9:1

ကျဲလၢအဝဲသ့ၣ်ကထူၣ်ဖျဲးထီၣ်ဝဲလၢတၢ်ကီတၢ်ခဲအဆၢ ကတီၢ်အံၤန့ၣ်တအိၣ်နီတဘိဘၣ်. တဘျီန့ၣ်စဘူလိၣ်ဒီးနးသၤလံအဒူၣ်တဖၣ်အကီၢ်ဘၣ်တၢ် မၤမဲာ်ဆှးအီၤ, ဘၣ်ဆၣ်ဒီးခါဆူညါကဟဲစိာ်တၢ်လၤကပီၤ ဆူတၢ်လီၢ်တပူၤအံၤ, စးထီၣ်လၢပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ် အမုၢ်ထီၣ်တကပၤဆူထံကီၢ်လၢထံကျိယၢ်ဒ့ၣ်အတခီပၤ, ဒီးတုၤဒၣ်လဲာ်ဆူပီၣ်လဲၣ်ကၤလံၤ လါဖဲပှၤတခီဘီမုၢ်ဖိတဖၣ်အိၣ်ဆိးဝဲန့ၣ်လီၤ.

လံာ်မးသဲ 4:13

အဝဲတအိၣ်ဝဲဖဲဝ့ၢ်နစၤရ့းဘၣ်. မ့မ့ၢ်လဲၤအိၣ်ဝဲဆိးဝဲလၢဝ့ၢ်ကပ့းရနီၣ် လၢအသူၣ်လီၤအသးလၢပီၣ်လဲၣ်ကၤလံၤလါအနံၤလၢကီၢ်ဆၣ်စဘူလိၣ် ဒီးနးသၤလံအဃၢၤ,

လံာ်မးသဲ 4:14

ဒ်သိးဒီးတၢ်လၢယွၤစံးတ့ၢ်ဝဲခီဖျိဝံယၡါယၤန့ၣ်ကလၢထီၣ် ပှဲၤထီၣ်အဂီၢ်လီၤ.

လံာ်မးသဲ 4:25

ပှၤဂီၢ်မုၢ်ဖးဒိၣ်လၢကီၢ်ကၤလံၤလါ, လၢဝ့ၢ်ဆံဆဲၣ်ဝ့ၢ်အတၢ်ပၢ, လၢဝ့ၢ်ယရူၤၡလ့ၣ်, လၢကီၢ်ယူဒၤဒီးယၢ်ဒ့ၣ်ကျိအမုၢ်ထီၣ်, ပိာ်ထီၣ်ယ့ၣ်ၡူးအခံလီၤ.

လံာ်လူၤကၣ် 24:27

ဒီးယ့ၣ်ၡူးတဲနၢ်ပၢၢ်အဝဲသ့ၣ်ဘၣ်ဃးတၢ်လၢအဘၣ်တၢ် စံးတ့ၢ်လၢအဂ့ၢ်လၢတၢ်ကွဲးအသးစီဆှံခဲလၢာ်အပူၤ, စးထီၣ်လၢလံာ်မိၤၡ့တဖၣ်ဒီးဝံခဲလၢာ်အတၢ်ကွဲးတဖၣ်န့ၣ်လီၤ.

လံာ်စီၤယိၤၡူ 20:7

အန့ၣ်သတးဒီး, အဝဲသ့ၣ်ပာ်လီၤဆီဝ့ၢ်က့ဒ့ၣ်လၢကီၢ်ကၤလံၤလါ, နးသၤလံကစၢၢ်အလိၤ, ဝ့ၢ်ၡက့ၣ်လၢအ့ဖရဲၣ်ကစၢၢ်အလိၤဒီး ဝ့ၢ်ဃ့ဘြိၣ်လၢယူဒၤကစၢၢ်အလိၤန့ၣ်လီၤ.

လံာ်စီၤယိၤၡူ 21:32

လၢပှၤနးသၤလံအကီၢ်တခီ, အဝဲသ့ၣ်ဒိးန့ၢ်ဘၣ်ဝဲဝ့ၢ်သၢဖျၢၣ်လၢအမ့ၢ်ဝဲက့ဒ့ၣ်လၢကီၢ် ကၤလံၤလါ (တၢ်ပူၤဖျဲးအဝ့ၢ်အကျါတဝ့ၢ်,) ဃၤမိးဒိၣ်ဒီးကၢ်တၢ်, ဃုာ်ဒီးအတၢ်အီၣ်ဆၣ်အလီၢ်တဖၣ်န့ၣ်လီၤ.