လံာ်မးသဲ 3:9 - Sgaw Karen Common Bible

⁹ တဘၣ်ဆိကမိၣ်ဒီးစံး, ‘ယမ့ၢ်စီၤအၤဘြၤဟၣ်အဖိအလံၤအဃိ ယကပူၤဖျဲးဒီးယွၤအတၢ်စံၣ်ညီၣ်လီၤ’ န့ၣ်တဂ့ၤ. အဂ့ၢ်ဒ်အံၤလၢၢ်တဖၣ်အံၤဒၣ်လဲာ်ကစၢ်ယွၤဒုးကဲထီၣ်အီၤလၢ စီၤအၤဘြၤဟၣ်အဖိအလံၤန့ၣ်သ့ဝဲလီၤ.

လံာ်မးသဲ 3:9 Iomraidhean Croise

လံာ်မၢ်ကူး 7:21

အဂ့ၢ်ဒ်လဲၣ်န့ၣ်, တၢ်လၢအဟဲထီၣ်လၢပှၤအသးကံၢ်ပူၤ မ့ၢ်တၢ်ဆိကမိၣ်အအၢအသီတဖၣ်လၢအဒုးမၤအီၤလၢတၢ်မၤ ကမၣ်မုၣ်ကမၣ်ခွါ, တၢ်ဟုၣ်တၢ်ဘျၣ်, တၢ်မၤသံပှၤကညီ,

လံာ်လူၤကၣ် 12:17

အဝဲဒၣ်ဆိကမိၣ်ထီၣ်လၢအသးပူၤ, ‘ယတၤသူတၤသၣ်ခဲလၢာ်အံၤ, ယကဂၢ်ဖှိၣ်ပာ်အီၤအဂီၢ်တၢ်လီၢ်တၢ်ကျဲတအိၣ်ဘၣ်. မ့ၢ်ယကမၤဘၣ်ဒ်လဲၣ်.’

လံာ်လူၤကၣ် 16:24

လၢတၢ်န့ၣ်အဃိအဝဲဒၣ်ကိးထီၣ်ဝဲ, ‘ပၢ်စီၤအၤဘြၤဟၣ်ဧၢ, သူၣ်ကညီၤသးကညီၤယၤ ဒီးမၢစီၤလါစရူးဘျၢလီၤအစုမုၢ် အစိးနါလၢထံကျါဒီးဟဲမၤခုၣ်လီၤယပျ့ၤန့ၣ်တက့ၢ်. အဂ့ၢ်ဒ်အံၤ, ယအိၣ်လၢတၢ်ဘၣ်တူၢ်တၢ်နးမးအပူၤ, လၢမ့ၣ်အူတခါအံၤအပူၤလီၤ.’

လံာ်လူၤကၣ် 19:40

ယ့ၣ်ၡူးစံးဆၢဝဲ, “အဝဲသ့ၣ်မ့ၢ်အိၣ်ဘှီၣ်ကလာ်န့ၣ်, ယစံးဘၣ်သု, လၢၢ်တဖၣ်ကကိးပသူထီၣ်ဝဲလီၤ.”

လံာ်လူၤကၣ် 3:8

မၤတၢ်သ့ၣ်တဖၣ်လၢအကဒုးနဲၣ်ဖျါထီၣ်လၢသုဃၣ်ကွံာ်လံ သုသးလၢတၢ်ဒဲးဘးတဖၣ်န့ၣ်တက့ၢ်. ဒီးတဘၣ်စံးလိာ်သုသး ကဒဲကဒဲလၢစီၤအၤဘြၤဟၣ်မ့ၢ်သုပၢ်ဖးဒိၣ်လၢသုဟဲလီၤစၢၤ လၢအီၤတဂၤန့ၣ်တဂ့ၤ. ယစံးဘၣ်သုလၢကစၢ်ယွၤဟံးန့ၢ်လၢၢ် တဖၣ်အံၤဒီးဒုးကဲထီၣ်ဝဲစၢၤသွဲၣ်တဖၣ်လၢစီၤအၤဘြၤဟၣ် အဂီၢ်န့ၣ်သ့ဝဲလီၤ.

လံာ်လူၤကၣ် 5:22

ယ့ၣ်ၡူးသ့ၣ်ညါအဝဲသ့ၣ်အတၢ်ဆိကမိၣ်တဖၣ်ဒီးစံးဘၣ်အဝဲသ့ၣ်, “ဘၣ်မနုၤလၢသုဆိကမိၣ်တၢ်ဒ်န့ၣ်အသိးတဖၣ်လဲၣ်.

လံာ်လူၤကၣ် 7:39

ဖဲပှၤဖၤရံၤၡဲလၢအကွဲယ့ၣ်ၡူးတဂၤထံၣ်တၢ်တမံၤအံၤန့ၣ်, အဝဲဒၣ်ဆိကမိၣ်ဝဲလၢအသးပူၤ, “ပှၤတဂၤအံၤမ့မ့ၢ်စဲဃဲၤဝံတဂၤန့ၣ်, အဝဲဒၣ်ကသ့ၣ်ညါပိာ်မုၣ်လၢအထိးအီၤတဂၤအံၤမ့ၢ်မတၤလဲၣ်န့ၣ်လီၤ. ပိာ်မုၣ်တဂၤအံၤအိၣ်မူတ့ၢ်တၢ်ဒဲးဘးအတၢ်အိၣ်မူဒ်လဲၣ် တကလုာ်န့ၣ်အဝဲဒၣ်ကသ့ၣ်ညါဝဲလီၤ.”

လံာ်ယိၤဟၣ် 8:33

အဝဲသ့ၣ်စံးဆၢအီၤ, “ပမ့ၢ်စီၤအၤဘြၤဟၣ်အစၢၤအသွဲၣ်တဖၣ် ဒီးပတကဲပှၤဂၤအကုၢ်နီတဘျီဒံးဘၣ်ဒီးနစံးလၢ ‘တၢ်ကမၤထူၣ်ဖျဲးသု’ န့ၣ်, နပာ်နဲအခီပညီဒ်လဲၣ်.”

လံာ်ယိၤဟၣ် 8:37

ယသ့ၣ်ညါလၢသုမ့ၢ်စီၤအၤဘြၤဟၣ်အစၢၤအသွဲၣ်တဖၣ် လီၤ. အန့ၣ်ဒၣ်လဲာ်သုဂုာ်ကျဲးစၢးမၤသံယၤအဂ့ၢ်မ့ၢ်လၢ သုတတူၢ်လိာ်ယတၢ်သိၣ်လိသီလိအဃိလီၤ.

လံာ်ယိၤဟၣ် 8:53

ပပၢ်စီၤအၤဘြၤဟၣ်သံဝဲလံ. မ့ၢ်နစံးလီၤနသးလၢနဒိၣ်န့ၢ် စီၤအၤဘြၤဟၣ်န့ၣ်ဧါ. ဒီးဝံသ့ၣ်တဖၣ်သံဝဲစ့ၢ်ကီးလံ. နစံးလီၤနသးလၢနမ့ၢ်မတၤတဂၤလဲၣ်.”

မၤတၢ် 13:26

ယဒီပုၢ်ဒီဝဲၢ်, ပှၤအံၣ်စရ့လးဖိလၢအမ့ၢ်စီၤအၤဘြၤဟၣ်အစၢၤအသွဲၣ်, ဒီးပှၤကလုာ်ဂၤဖဲအံၤခဲလၢာ်လၢအဘူၣ်ထီၣ်ဘါထီၣ်ကစၢ်ယွၤသ့ၣ် သုဧၢ, တၢ်အုၣ်က့ၤခီၣ်က့ၤအကစီၣ်အဝဲအံၤန့ၣ်, ဘၣ်တၢ်ဆှၢလီၤတ့ၢ်အီၤလၢပဂီၢ်လီၤ.

မၤတၢ် 15:14

လၢကစၢ်ယွၤဒုးနဲၣ်ဖျါအတၢ်အံးတၢ်ကွၢ်ပှၤကလုာ်ဂၤတဖၣ် အဆိကတၢၢ်တဘျီခီဖျိအထုးထီၣ်ပှၤတကလုာ်လၢအဝဲသ့ၣ် အသိးအကျါဒ်သိးအကကဲအတၢ်ဒၣ်ဝဲအဂီၢ်အဂ့ၢ်န့ၣ်, စီၤၡံမိၣ်တဲဖျါထီၣ်တ့ၢ်လံဝဲလံ.

ရိမ့ၤ 4:1

မ့မ့ၢ်ဒ်န့ၣ်ဒီး, ပကစံးလၢပပှၤကလုာ်အပၢ်စီၤအၤဘြၤဟၣ် အဂ့ၢ်ဒ်လဲၣ်. အတၢ်လဲၤခီဖျိမ့ၢ်တၢ်မနုၤလဲၣ်.