လံာ်မးသဲ 3:7 - Sgaw Karen Common Bible

⁷ တုၤစီၤယိၤဟၣ်ထံၣ်ဘၣ်ပှၤဖၤရံၤၡဲဒီးပှၤစးဒူၤကဲအါဒံအါ ဂၤလၢအဟဲလၢကဒိးဘျၢအသးလၢထံအဂီၢ်န့ၣ်ဒီးစံးဘၣ်အဝဲသ့ၣ်, “ဂုၢ်ဘီၣ်အီးသ့ၣ်ဧၢ, မတၤဟ့ၣ်ပလီၢ်သုလၢသုကဃ့ၢ်ပူၤကွံာ်လၢ ကစၢ်ယွၤအတၢ်စံၣ်ညီၣ်လၢအကဟဲန့ၣ်လဲၣ်.

လံာ်မးသဲ 3:7 Iomraidhean Croise

လံာ်တၢ်ကဲထီၣ်အခီၣ်ထံး 3:15

ယကမၤတုၤနၤဒီးပိာ်မုၣ်သးဟ့လိာ်သး, ဒီးအချံအသၣ်ဒီးနချံ နသၣ်န့ၣ်ကမ့ၢ်ဒုၣ်ဒါထီဘိန့ၣ်လီၤ. ပိာ်မုၣ်အချံအသၣ်ကမၤသဘှံးနခိၣ်ဒီးနချံနသၣ်ကဖျးအဝဲသ့ၣ် အခီၣ်နၢၣ်ခံလီၤ.”

တၢ်ကတိၤဒိ. 28:4

နမ့ၢ်တပာ်ကဲတၢ်သိၣ်တၢ်သီဘၣ်ဒီး, နအိၣ်တကပၤဃီဒီးပှၤတတီ တလိၤတဖၣ်လီၤ. ဘၣ်ဆၣ်နမ့ၢ်ဒိကနၣ်တၢ်သိၣ်တၢ်သီဒီး, နမ့ၢ်ပှၤထီဒါအဝဲသ့ၣ်န့ၣ်လီၤ.

လံာ်ယၡါယၤ 59:5

တၢ်ကူၣ်အၢကူၣ်သီတဖၣ်လၢသုမၤအီၤန့ၣ်, မၤသံတၢ်သ့ ထဲသိးဂုၢ်လၢအစုၣ်အၢတဘိအဒံၣ်တဖၣ်လီၤ. ပှၤလၢအအီၣ်ဂုၢ်ဒံၣ်တဖၣ်န့ၣ်ကသံဝဲလီၤ. မၤသဘှံးဂုၢ်ဒံၣ်တဖျၢၣ်, ဒီးဂုၢ်အၢကဟဲထီၣ်တဘိလီၤ.

လံာ်ယံးရမံယၤ 51:6

ထွးထီၣ်ဃ့ၢ်ကွံာ်လၢကီၢ်ဘၤဘူၤလိၣ်တက့ၢ်. လၢကီၢ်ဘၤဘူၤလိၣ်အတၢ်ဒဲးဘးအဃိန့ၣ်, ခီၣ်သံသုသးတဂ့ၤ. ခဲကနံၣ်အံၤ, ယဟ့ၣ်ကၣ်တၢ်ဒီး စံၣ်ညီၣ်အီၤဒ်အကြၢးဘၣ်တၢ်စံၣ် ညီၣ်အီၤအသိးန့ၣ်လီၤ.

လံာ်ယံးရမံယၤ 6:10

ယစံးဆၢတ့ၢ်အီၤ, “ယမ့ၢ်ကတိၤတၢ်ဒီးအဝဲသ့ၣ်ဒီးဟ့ၣ်ပလီၢ် အဝဲသ့ၣ်ဒီး, မ့ၢ်မတၤကဒိကနၣ်ယၤန့ၣ်လဲၣ်. အဝဲသ့ၣ်အခိၣ်ကိၤ ဒီးတဒိကနၣ်နတၢ်ကစီၣ်ဘၣ်. အဝဲသ့ၣ်နံၤဘၣ်ဖၣ်လဲတၢ်လၢ နမၢယစံးကတိၤန့ၣ်လီၤ.

လံာ်မးသဲ 12:24

ဘၣ်ဆၣ်တုၤပှၤဖၤရံၤၡဲတဖၣ်နၢ်ဟူတၢ်အံၤဒီးအဝဲသ့ၣ်စံးဆၢ တၢ်ဒီးစံး, “အဝဲနီၣ်ထီၣ်ဟီထီၣ်ကွံာ်တၢ်နါမ့ၢ်ဒၣ်လၢတၢ်နါအခိၣ်ဘဧၤလးစဘူာ်ဟ့ၣ်အီၤတၢ်စိတၢ်ကမီၤအဃိလီၤ.”

လံာ်မးသဲ 12:34

ဂုၢ်ဘီၣ်အီးသ့ၣ်ဧၢ, မ့ၢ်သုအၢသုသီသတးဒီးသုကတိၤတၢ်ကတိၤအဂ့ၤကသ့ဒ်လဲၣ်. အဂ့ၢ်ဒ်အံၤတၢ်လၢအအိၣ်ပှဲၤလၢသးအပူၤန့ၣ်, ထးခိၣ်ကတိၤထီၣ်ဖျဲးဝဲလီၤ.

လံာ်မးသဲ 15:12

တုၤနုၤတစု, အပျဲၢ်အဘီၣ်တဖၣ်ဟဲဆူအအိၣ်ဒီးစံးဘၣ်အီၤ, “တၢ်လၢနတဲတဖၣ်မၤဆါပှၤဖၤရံၤၡဲတဖၣ်အသးန့ၣ်, မ့ၢ်နသ့ၣ်ညါစ့ၢ်ကီးဧါ.”

လံာ်မးသဲ 16:1

ဒီးပှၤဖၤရံၤၡဲ ဒီးပှၤစးဒူၤကဲနီၤဟဲဆူယ့ၣ်ၡူးအအိၣ်, ဒီးဒ်သိးကမၤကွၢ်အီၤအဂီၢ်န့ၣ်, မၢအဒုးနဲၣ်အဝဲသ့ၣ်လၢတၢ်လီၤလးတမံၤလၢအဟဲလီၤလၢမူခိၣ်တခီ, ဒ်သိးကဒုးနဲၣ်အဝဲသ့ၣ်လၢကစၢ်ယွၤဘၣ်အသးလီၤဆီလၢအီၤအဂီၢ်လီၤ.

လံာ်မးသဲ 16:6

ယ့ၣ်ၡူးစံးဘၣ်အဝဲသ့ၣ်, “ပလီၢ်ပဒီသုသးလၢ ပှၤဖၤရံၤၡဲဒီးပှၤစးဒူၤကဲအကိၣ်မံၣ်တက့ၢ်.”

လံာ်မးသဲ 22:15

ပှၤဖၤရံၤၡဲတဖၣ်ဟးထီၣ်, ဒီးလဲၤကူၣ်ထီၣ်ဖးလီၤသကိးဝဲလၢ အကဘၣ်ဖီၣ်ယ့ၣ်ၡူးလၢအတၢ်ကတိၤဒၣ်ဝဲလၢကျဲဒ်လဲၣ်အဂ့ၢ်လီၤ.

လံာ်မးသဲ 22:23

တနံၤဃီအဝဲန့ၣ်, ပှၤစးဒူၤကဲလၢအစံးဝဲလၢတၢ်ဂဲၤဆၢထၢၣ် သမူထီၣ်က့ၤတအိၣ်ဘၣ်တနီၤ, ဟဲဆူယ့ၣ်ၡူးအအိၣ်ဒီးသံကွၢ်အီၤဒီးစံး,

လံာ်မးသဲ 22:34

တုၤပှၤဖၤရံၤၡဲတဖၣ်နၢ်ဟူလၢယ့ၣ်ၡူးစံးဆၢတၢ်တုၤဒၣ်လဲာ် ပှၤစးဒူၤကဲတဖၣ်ကတိၤဆၢတၢ်တသ့လၢၤဘၣ်ဒီး, အဝဲသ့ၣ်ပာ်ဖှိၣ်ထီၣ်အသးဒီးလဲၤဝဲဆူယ့ၣ်ၡူးအအိၣ်လီၤ.

လံာ်မးသဲ 23:33

ဂုၢ်အၢဒီးဂုၢ်ဘီၣ်အီးအဖိသ့ၣ်ဧၢ, သုမုၢ်လၢ်လၢသုကပူၤဖျဲးထီၣ်လၢ လရာ်အတၢ်စံၣ်ညီၣ်ဃၣ်အပူၤန့ၣ်လၢကျဲဒ်လဲၣ်.

လံာ်မးသဲ 5:20

သုတၢ်တီတၢ်လိၤမ့ၢ်တဒိၣ်န့ၢ်အါန့ၢ်ပှၤသ့တၢ်ဘူၣ်တၢ်ဘါ အတၢ်သိၣ်တၢ်သီဒီးပှၤဖၤရံၤၡဲတဖၣ်အတၢ်တီတၢ်လိၤဘၣ်ဒီး, သုလဲၤနုာ်ဆူမူခိၣ်အဘီအမုၢ်အပူၤတသ့လ့ၤတက့ၤဘၣ်.

လံာ်မၢ်ကူး 12:13

ပှၤဖၤရံၤၡဲတနီၤဒီးဟ့ၤရိာ်ကရၢဖိတနီၤဘၣ်တၢ်မၢလီၤအီၤ ဒ်သိးအကလဲၤဆူယ့ၣ်ၡူးအအိၣ်ဒီးသံကွၢ်သံဒိးအီၤ, ဒ်သိးအကဖီၣ်န့ၢ်အီၤလၢအတၢ်ကတိၤဒၣ်ဝဲတဖၣ်န့ၣ်လီၤ.

လံာ်မၢ်ကူး 12:18

ပှၤစးဒူၤကဲတနီၤလၢအစံးဝဲလၢပှၤသံန့ၣ်တမ့ၢ်ကဂဲၤဆၢထၢၣ် သမူထီၣ်က့ၤနီတစုဘၣ်န့ၣ်, ဟဲဆူယ့ၣ်ၡူးအအိၣ်ဒီးစံးဘၣ်အီၤ,

လံာ်မၢ်ကူး 8:15

ယ့ၣ်ၡူးမၤလိာ်အဝဲသ့ၣ်ဒီးစံးဝဲ, “ပလီၢ်သုသးဒီးစီၣ်မဲာ်စီၣ်နါဘၣ်ဃး ပှၤဖၤရံၤၡဲတဖၣ်အကိၣ်မံၣ်ဒီးစီၤပၤဟ့ၤရိာ်အကိၣ်မံၣ်န့ၣ်တ က့ၢ်.”

လံာ်လူၤကၣ် 16:14

ပှၤဖၤရံၤၡဲတဖၣ်နၢ်ဟူဘၣ်တၢ်သ့ၣ်တဖၣ်အံၤခဲလၢာ်, ဒီးအဝဲသ့ၣ်နံၤဘၣ်ဖၣ်လဲယ့ၣ်ၡူး, အဂ့ၢ်မ့ၢ်လၢအဝဲသ့ၣ်အဲၣ်ကျိၣ်စ့အဃိလီၤ.

လံာ်လူၤကၣ် 18:11

ပှၤဖၤရံၤၡဲအိၣ်ဆၢထၢၣ်ဝဲတပူၤဒၣ်ဒီးဃ့ဘါထုကဖၣ်တၢ်ဒီးစံး, ‘ယစံးဘျုးနၤလီၤကစၢ်ယွၤဧၢ, လၢယတမ့ၢ်ပှၤဂုာ်ဆူၣ်ပျိဆူၣ်တၢ်, ပှၤမၤတၢ်အၢတၢ်သီ, ပှၤအဲၣ်ဘၢတၢ်ဒ်ပှၤဂၤအသိးဘၣ်အဃိန့ၣ်လီၤ. ယစံးဘျုးနၤလၢယတလီၤဂာ်ဒီးပှၤဃ့သွဲတဂၤန့ၣ်အဃိလီၤ.

လံာ်လူၤကၣ် 7:30

မ့မ့ၢ်, ပှၤဖၤရံၤၡဲဒီးသရၣ်သိၣ်လိတၢ်သိၣ်တၢ်သီတဖၣ်တကနၣ်ဃုာ် ကစၢ်ယွၤအတၢ်တိာ်ပာ်လၢအဝဲသ့ၣ်အနီၢ်ကစၢ်ဒၣ်ဝဲအဂီၢ်ဘၣ်. ဒီးတတူၢ်လိာ်စီၤယိၤဟၣ်အတၢ်ဘျၢအီၤလၢထံဘၣ်လီၤ.

လံာ်ယိၤဟၣ် 1:24

ပှၤစိာ်တၢ်ကစီၣ်တဖၣ်အံၤဘၣ်တၢ်မၢလီၤအီၤလၢပှၤဖၤရံၤၡဲ တဖၣ်န့ၣ်လီၤ.

လံာ်ယိၤဟၣ် 8:44

သုမ့ၢ်သုပၢ်မုၣ်ကီၤလံၢ်အဖိတဖၣ်ဒီးသုသးအိၣ်မၤအတၢ်ဘၣ် အသးန့ၣ်လီၤ. လၢအခီၣ်ထံးလံၤလံၤန့ၣ်, အဝဲမ့ၢ်ပှၤမၤသံပှၤကညီဒီးတဆၢထၢၣ်လၢ တၢ်မ့ၢ်တၢ်တီအဂီၢ်နီတဘျီဘၣ်, အဂ့ၢ်မ့ၢ်လၢ တၢ်မ့ၢ်တၢ်တီတအိၣ်ဘၣ်လၢအပူၤအဃိလီၤ. တုၤအဝဲကတိၤတၢ်ကဘျံးကဘျၣ်ဒီးမ့ၢ်ဒၣ်အဝဲမၤတၢ်လၢ အဝဲမၤညီနုၢ်ဝဲန့ၣ်လီၤ. အဂ့ၢ်မ့ၢ်လၢအဝဲမ့ၢ်ပှၤကတိၤကဘျံး ကဘျၣ်တၢ်တဂၤဒီးမ့ၢ်တၢ်ကဘျံးကဘျၣ်ခဲလၢာ်အပၢ်အဃိလီၤ.

လံာ်ယိၤဟၣ် 9:40

ပှၤဖၤရံၤၡဲတနီၤလၢအအိၣ်ဒီးအီၤဖဲန့ၣ်, နၢ်ဟူအဝဲစံးတၢ်ဒ်အံၤဒီး သံကွၢ်အီၤ, “နအဲၣ်ဒိးစံးလၢပဝဲဒၣ်တဖၣ်အံၤပမဲာ်ဘျီၣ်စ့ၢ်ကီး န့ၣ်ဧါ.”

မၤတၢ် 15:5

ဘၣ်ဆၣ်ဒီးပှၤစူၢ်က့ၤနာ်က့ၤတၢ်တနီၤလၢအဘၣ်ဃးဒီးပှၤ ဖၤရံၤၡဲအကရူၢ်ဂဲၤဆၢထၢၣ်ကတိၤတၢ်ဒီးစံး, “အလီၢ်အိၣ်လၢပှၤကလုာ်ဂၤတဖၣ်ကဒိးတၢ်ကူးတရံးဒီး ကဘၣ်တၢ်စံးဘၣ်တဲဘၣ်အီၤလၢအကစူၢ်စီၤမိၤၡ့အတၢ် သိၣ်တၢ်သီန့ၣ်လီၤ.”

မၤတၢ် 20:31

လၢတၢ်န့ၣ်အဃိ, အိၣ်ပလီၢ်သူၣ်ပလီၢ်သးဒီးသ့ၣ်နီၣ်ထီၣ်လၢ, သၢနံၣ်အတီၢ်ပူၤလၢမုၢ်ဆါဆဲးလၢမုၢ်နၤယသိၣ်လီၤသီလီၤဒီး ဟ့ၣ်ပလီၢ်သုလၢမဲာ်ထံမဲာ်နိအဒိၣ်အအါအပူၤန့ၣ်တက့ၢ်.

မၤတၢ် 26:5

အဝဲသ့ၣ်မ့ၢ်သးဆူၣ်လၢအကအုၣ်အသးလၢယဂ့ၢ်န့ၣ်, အဝဲသ့ၣ် သ့ၣ်ညါတ့ၢ်ဝဲယံာ်တ့ၢ်မးလၢယဘၣ်ဃးဒီးပှၤဖၤရံၤၡဲတဖၣ်, ပှၤလၢအဟံးဃာ်တၢ်ဘူၣ်တၢ်ဘါအတၢ်သိၣ်တၢ်သီအဃံး ကတၢၢ်တဖုန့ၣ်လီၤ.

မၤတၢ် 5:17

အန့ၣ်ဒီး, ပှၤလုၢ်တၢ်အခိၣ်အဒိၣ်ကတၢၢ်တဂၤဒီးပှၤမၤသကိးတၢ်ဒီးအီၤ တဖၣ်လၢအမ့ၢ်ပှၤစးဒူၤကဲအကရၢဖိဘၣ်ဃးဒီးတၢ်လီၢ်ကဝီၤဖဲန့ၣ်, အသူၣ်က့ၣ်အသးကါဘၣ်ပှၤတၢ်မၢဖိတဖၣ်ဒိၣ်ဒိၣ်ကလဲာ်သတးဒီး, စံၣ်ညီၣ်တဲာ်သကိးဝဲလၢကမၤတၢ်တမံၤမံၤန့ၣ်လီၤ.

ရိမ့ၤ 1:18

ကစၢ်ယွၤအတၢ်သးဒိၣ်ဘၣ်တၢ်လီၣ်ဖျါထီၣ်အီၤလၢအဟဲလၢ မူခိၣ်ထီဒါပှၤဟီၣ်ခိၣ်ဖိအတၢ်ဒဲးဘးဒီးအတၢ်အၢတၢ်သီခဲလၢာ် န့ၣ်လီၤ. ပှၤဟီၣ်ခိၣ်ဖိအကျဲအအၢအသီတဖၣ်တြီဃာ်အတၢ် သ့ၣ်ညါနၢ်ပၢၢ်တၢ်မ့ၢ်တၢ်တီန့ၣ်လီၤ.

ရိမ့ၤ 5:9

ခီဖျိလၢအတၢ်သံအဃိဒီး, ခဲအံၤပဘၣ်တၢ်ပာ်တီပာ်လိၤ ပှၤန့ၣ်လီၤ. မၤသးဒ်န့ၣ်ဒီးလၢအကအုၣ်က့ၤခီၣ်က့ၤပှၤလၢ ကစၢ်ယွၤအတၢ်သးထီၣ်အပူၤအဂီၢ်န့ၣ်, ကမၤဝဲအါန့ၢ်အန့ၣ် တက့ၢ်ဆံးဒိၣ်လဲၣ်.

၁ သ့းစၤလနံ 1:10

ဒီးအိၣ်ခိးအဖိခွါအတၢ်ဟဲလီၤလၢမူခိၣ်, အဖိခွါယ့ၣ်ၡူးလၢအဝဲဒၣ်ဒုးဂဲၤဆၢထၢၣ်က့ၤအီၤလၢတၢ်သံတ ဂၤလၢအဒုးပူၤဖျဲးထီၣ်ပှၤလၢကစၢ်ယွၤအတၢ်သးဒိၣ်လၢ အကဟဲန့ၣ်လီၤ.

ဧ့ၤဘြံၤ 11:7

လၢတၢ်စူၢ်တၢ်နာ်န့ၣ်စီၤနိအၤနၢ်ဟူကစၢ်ယွၤအတၢ်ဟ့ၣ် ပလီၢ်အီၤဘၣ်ဃးဒီးတၢ်ကမၤအသးလၢအတထံၣ်ဘၣ်ဒံးဝဲ တဖၣ်န့ၣ်လီၤ. အဝဲဒၣ်စူၢ်ကစၢ်ယွၤဒီးဘှီထီၣ်ကဘီတဘ့ၣ်လၢ အဝဲဒၣ်အပှၤဟံၣ်ဖိအတၢ်ပူၤဖျဲးအဂီၢ်န့ၣ်လီၤ. လၢတၢ်အံၤအဃိဟီၣ်ခိၣ်ဘၣ်တၢ်စံၢ်ၣ်ညီၣ်အီၤ, ဒီးစီၤနိအၤဒိးန့ၢ်ဘၣ်ကစၢ်ယွၤအတၢ်တီတၢ်လိၤလၢ အတၢ်စူၢ်တၢ်နာ်အီၤအဃိန့ၣ်လီၤ.

ဧ့ၤဘြံၤ 6:18

လၢတၢ်လၢအလဲလိာ်အသးတသ့ဘၣ်, လၢယွၤကတိၤကဘျံးကဘျၣ်လၢအဂ့ၢ်တသ့ဘၣ်, ခံမံၤအံၤအဃိပှၤလၢအဒိးန့ၢ်လံတၢ်ပူၤဖျဲးလၢ အပူၤ, ပဝဲဒၣ်အံၤပသးဆူၣ်ထီၣ်ဒိၣ်ဒိၣ်အါအါလၢ ပကဟံးဃာ်တၢ်မုၢ်လၢ်လၢအအိၣ်ပာ်လီၤအသးလၢ ပမဲာ်ညါန့ၣ်လီၤ.

၁ ယိၤဟၣ် 3:10

အအံၤမ့ၢ်တၢ်လီၤဆီလၢအအိၣ်ဖျါဝဲလီၤတံၢ်လီၤဆဲးလၢ ကစၢ်ယွၤအဖိတဖၣ်ဒီးမုၣ်ကီၤလံၢ်အဖိတဖၣ်အဘၢၣ်စၢၤ န့ၣ်လီၤ. ပှၤတဂၤဂၤလၢအတမၤတၢ်လၢအဘၣ်, မ့တမ့ၢ် တအဲၣ်ဘၣ်အဒီပုၢ်ဝဲၢ်န့ၣ်, တမ့ၢ်ကစၢ်ယွၤအဖိဘၣ်.