လံာ်မးသဲ 3:6 - Sgaw Karen Common Bible

⁶ ပှၤတဖၣ်အံၤတဲလီၤကျဲၤလီၤအတၢ်ဒဲးဘးတဖၣ် ဒီးအဝဲဒၣ်ဘျၢအဝဲသ့ၣ်လၢထံကျိယၢ်ဒ့ၣ်အပူၤလီၤ.

လံာ်မးသဲ 3:6 Iomraidhean Croise

လံာ်စီၤဧ့စြၤ 10:1

ဖဲစီၤဧ့စြၤသကူးလီၤအသးလၢတၢ်ထုကဖၣ်အပူၤဟီၣ်ဝဲယၢၤဝဲ ဒီးတဲလီၤကျဲၤလီၤတၢ်ဒဲးဘးတဖၣ်အံၤလၢတၢ်လုၢ်ဟံၣ်အမဲာ်ညါန့ၣ်, ပှၤအံၣ်စရ့လးဖိဂီၢ်မုၢ်, ပှၤပိာ်ခွါတဖၣ်, ပှၤပိာ်မုၣ်တဖၣ်ဒီးဖိသၣ်တဖၣ် အိၣ်ဝးတရံးအီၤဒီးဟီၣ်ယၢၤဝဲ နးနးကလဲာ်န့ၣ်လီၤ.

စံးထီၣ်ပတြၢၤ 32:5

အန့ၣ်ဒီးယအၢၣ်လီၤအီလီၤယတၢ်ဒဲးဘးတဖၣ်လၢနၤ, ယတပာ်တဒၢယတၢ်မၤကမၣ်တၢ်တဖၣ်န့ၣ်ဘၣ်. ယပာ်လီၤယသးလၢယကအၢၣ်လီၤအီလီၤ ယတၢ်ဒဲးဘးလၢနၤ ဒီးနပျၢ်ကွံာ်ယတၢ်ဒဲးဘးခဲလၢာ်လီၤ. စ့လၤ

တၢ်ကတိၤဒိ. 28:13

နမ့ၢ်ကျဲးစၢးပာ်ခူသူၣ်နတၢ်ဒဲးဘးတဖၣ်ဒီး, နတမၤန့ၢ်မၤနၢၤတၢ်လၢတၢ်အိၣ်မူအပူၤနီတစုဘၣ်. အၢၣ်လီၤဒီးညိကွံာ်အီၤတက့ၢ်. အန့ၣ်ဒီး, ကစၢ်ယွၤကဒုးနဲၣ်အတၢ်သးကညီၤလၢနၤလီၤ.

လံာ်ယဃ့းစက့လး 36:25

ယကဖှံလီၤတၢ်မၤကဆှီထီၣ်တၢ်အထံလၢသုဖီခိၣ်ဒီးမၤကဆှီထီၣ် သုလၢကယဲၢ်သုတၢ်ဂီၤတၢ်ဖီၣ်ခဲလၢာ်ဒီးတၢ်အဂုၤအဂၤခဲလၢာ် လၢအမၤတကဆှီသုန့ၣ်လီၤ.

လံာ်ဒၤနံးယ့လး 9:4

ယဃ့ဘါထုကဖၣ်ဆူယွၤ, ယကစၢ်ယွၤအအိၣ်ဒီးအၢၣ်လီၤ အီလီၤယပှၤဂီၢ်မုၢ်အတၢ်ဒဲးဘးတဖၣ်န့ၣ်လီၤ. ဒီးယစံး, “ယွၤ, ကစၢ်ယွၤဧၢ, နဒိၣ်ဝဲထီဝဲဒီးပမၤလၤကပီၤနၤလီၤ. နတီဒီးနတၢ်အၢၣ်လီၤဒီးပာ်ဖျါထီၣ်နတၢ်အဲၣ်တဘိယူၢ် ဃီဆူပှၤလၢအအဲၣ်နၤဒီးမၤတၢ်လၢနမၤလိာ်အီၤတဖၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 16:21

ဒီးကဘၣ်ပာ်ထီၣ်အစုခံခီလိာ်လၢမဲာ်တဲးလဲးန့ၣ်အခိၣ် လိၤဒီးတဲလီၤကျဲၤလီၤအံၣ်စရ့လးအပှၤဂီၢ်မုၢ်အတၢ်အၢတၢ်သီတဖၣ်ခဲလၢာ်, အတၢ်ဒဲးဘးတဖၣ်, ဒီးကီၢ်အံၣ်စရ့လးအပှၤဂီၢ်မုၢ်အတၢ်ပူထီၣ် တဖၣ်ဒ်သိးအပာ်ထီၣ်အီၤလၢမဲာ်တဲးလဲးတဒုန့ၣ်အခိၣ်လိၤန့ၣ် လီၤ. အန့ၣ်ဝံၤဒီးမဲာ်တဲးလဲးတဒုန့ၣ်ကဘၣ်တၢ်ပျဲကွံာ်အီၤဆူပှၢ် မုၢ်ကနၢခီဖျိပှၤလၢဘၣ်တၢ်ဃုထၢအီၤလၢတၢ်မၤအံၤအဂီၢ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 26:40

မ့မ့ၢ်သုစၢၤသုသွဲၣ်တဖၣ်ကအၢၣ်လီၤအတၢ်ဒဲးဘးဒီးပှၤလၢအဝဲ သ့ၣ်ဟဲလီၤစၢၤလီၤသွဲၣ်လၢအီၤတဖၣ်အတၢ်ဒဲးဘးတဖၣ်လၢ အမၤကမၣ်ယၤဒီးပူထီၣ်ထီဒါယၤ,

လံာ်တၢ်ဂံၢ် 5:7

အဝဲကဘၣ်အၢၣ်လီၤအတၢ်ကမၣ်ဒီးလိးက့ၤတၢ်အလၢအပှဲၤဃုာ်ဒီးတၢ် ပာ်ဖှိၣ်အါထီၣ်မျးကယၤခံဆံဒီးဟ့ၣ်လီၤအီၤဆူပှၤလၢအမၤကမၣ်ဘၣ် တ့ၢ်ဝဲတဂၤအအိၣ်န့ၣ်လီၤ.

လံာ်မးသဲ 3:11

ယဘျၢသုလၢထံလၢတၢ်ပီၢ်ယၢ်ဒီးတၢ်ဃၣ်လိၤက့ၤသုသးအဂီၢ်လီၤ. ဘၣ်ဆၣ်ပှၤလၢအကဟဲလၢယလီၢ်ခံတဂၤန့ၣ်ကဘျၢသုလၢသးစီဆှံဒီး မ့ၣ်အူန့ၣ်လီၤ. အဝဲဒၣ်အစိကမီၤဒိၣ်န့ၢ်ယၤဒီးယတကြၢးဒၣ်လဲာ်လၢယကစိာ် အခီၣ်ဖံးဘၣ်လီၤ.

လံာ်မၢ်ကူး 1:5

ပှၤအိၣ်လၢကီၢ်ယူဒၤဒီကီၢ်ညါဒီးပှၤလၢဝ့ၢ်ယရူၤၡလ့ၣ် အပူၤတဖၣ်လဲၤဒိကနၣ်စီၤယိၤဟၣ်အတၢ်စံၣ်တဲၤတဲလီၤ န့ၣ်လီၤ. အဝဲသ့ၣ်တဲလီၤကျဲၤလီၤအတၢ်ဒဲးဘးတဖၣ်ဒီးဘၣ် တၢ်ဘျၢအီၤလၢထံဖဲထံကျိယၢ်ဒ့ၣ်အပူၤန့ၣ်လီၤ.

လံာ်လူၤကၣ် 1:16

ဒီးအဝဲကဆှၢက့ၤအံၣ်စရ့လးအပှၤဂီၢ်မုၢ်အါဒံအါဂၤဆူအဝဲသ့ၣ်အယွၤ, ကစၢ်ယွၤအအိၣ်လီၤ.

လံာ်လူၤကၣ် 3:16

လၢတၢ်န့ၣ်အဃိ, စီၤယိၤဟၣ်စံးဘၣ်အဝဲသ့ၣ်ကိးဂၤဒဲး, “ယဲဒၣ်အံၤ, ယဘျၢသုလၢထံလီၤ. မ့မ့ၢ်ပှၤဟဲဝဲတဂၤလၢအဒိၣ်န့ၢ်ဒံးယၤစၢၢ်တလၢၢ်လီၤ. ယတကြၢးတဘၣ်ဒၣ်လဲာ်လၢယကဃ့ၣ်လီၤန့ၢ်အဝဲဒၣ် အခီၣ်ဖံးပျံၤအဂီၢ်န့ၣ်ဘၣ်. အဝဲဒၣ်ကဘျၢသုလၢသးစီဆှံဒီးလၢမ့ၣ်အူန့ၣ်လီၤ.

မၤတၢ် 1:5

စီၤယိၤဟၣ်ဘျၢပှၤလၢထံ, မ့မ့ၢ်လၢစှၤနံၤစှၤသီအတီၢ်ပူၤန့ၣ်, သုကဘၣ်တၢ်ဘျၢသုလၢသးစီဆှံန့ၣ်လီၤ.”

မၤတၢ် 11:16

တုၤနုၤတစု, ယသ့ၣ်နီၣ်ထီၣ်က့ၤတၢ်ကတိၤလၢကစၢ်စံးတ့ၢ်ဝဲ, ‘စီၤယိၤဟၣ်ဘျၢတၢ်လၢထံ, မ့မ့ၢ်သုဝဲသုကဘၣ်တၢ်ဘျၢသုလၢသးစီဆှံန့ၣ်လီၤ.’

မၤတၢ် 19:18

ပှၤစူၢ်က့ၤနာ်က့ၤတၢ်ဟဲဝဲအါဒံအါဂၤ, ဒီးအၢၣ်လီၤအီလီၤလၢကမျၢၢ်အမဲာ်ညါဒီးပာ်ဖျါထီၣ်တၢ်လၢ အမၤဘၣ်တ့ၢ်ဝဲတဖၣ်န့ၣ်လီၤ.

မၤတၢ် 22:16

ဒီးခဲကနံၣ်အံၤဘၣ်မနုၤဃိနမၤယံာ်မၤနီၢ်နသးလဲၣ်. ဂဲၤဆၢထၢၣ်ဒီးဒိးဘျၢနသးလၢထံဒီးပျဲနတၢ်ဒဲးဘးဘၣ် တၢ်သ့စီကွံာ်အီၤခီဖျိနကိးထီၣ်အမံၤန့ၣ်တက့ၢ်.’

1 ကရံၣ်သူး 10:2

လၢတၢ်အၢၣ်အပူၤ, ဒီးလၢပီၣ်လဲၣ်အပူၤန့ၣ် အဝဲသ့ၣ်ကိးဂၤဒဲးဘၣ်တၢ်ဒိးဘျၢအီၤ ဒ်ပှၤပိာ်စီၤမိၤၡ့အခံတဖၣ်အသိးလီၤ.

ကလီးစဲ 2:12

အဂ့ၢ်ဒ်အံၤ, ဖဲသုဒိးစူၢ်ဒိးဘျၢသုသးအခါန့ၣ်, သုဘၣ်တၢ်ခူၣ်လီၤကွံာ်သုဃုာ်ဒီးခရံာ် ဒီးသုဘၣ်တၢ်ဒုးဂဲၤ ဆၢထၢၣ်က့ၤသုလၢတၢ်သံအပူၤဃုာ်ဒီးခရံာ်ခီဖျိလၢသုတၢ် စူၢ်တၢ်နာ်ယွၤအစိအကမီၤလၢအဒုးဂဲၤဆၢထၢၣ်သမူထီၣ်က့ၤ ခရံာ်လၢတၢ်သံအပူၤအဃိန့ၣ်လီၤ.

ဧ့ၤဘြံၤ 6:2

တၢ်သိၣ်လိတဖၣ်လၢအဘၣ်ဃးဒီးတၢ်ဒိးစူာ်ဒိးဘျၢ, တၢ်ပာ်စု, တၢ်ဂဲၤဆၢထၢၣ်လၢတၢ်သံဒီးတၢ်စံၣ်ညီၣ်လီၤထူလီၤယိာ်တဂ့ၤ,

ဧ့ၤဘြံၤ 9:10

အဂ့ၢ်မ့ၢ်လၢအဝဲသ့ၣ်ဘၣ်ဃးဒၣ်ဒီးတၢ်အီၣ်တၢ်အီဒီးတၢ်မၤ ကဆှီထီၣ်သးအလုၢ်အလၢ်တဖၣ်အဃိန့ၣ်လီၤ. တၢ်တဖၣ်အံၤခဲလၢာ်မ့ၢ်တၢ်သိၣ်တၢ်သီဒီးတၢ်ဘျၢဘၣ်ဃးဒီး နီၢ်ခိနီၢ်ခီ, ဒီးတၢ်ကမၤဒၣ်အီၤတချုးဒံးဖဲကစၢ်ယွၤဒုးအိၣ်ထီၣ် တၢ်အလုၢ်အလၢ်အသီန့ၣ်လီၤ.

ယၤကိာ် 5:16

လၢတၢ်န့ၣ်အဃိ, တဲလီၤကျဲၤလီၤသုတၢ်ဒဲးဘးတဖၣ်တဂၤဒီး တဂၤ, ဒီးဘါထုကဖၣ်လၢတဂၤဒီးတဂၤအဂီၢ်ဒ်သိးသုကဘျါက့ၤ န့ၣ်တက့ၢ်. ပှၤအတီအလိၤတဂၤအတၢ်ထုကဖၣ်န့ၣ်, အိၣ်ဒီးအစိအကမီၤလၢကမၤန့ၢ်တၢ်အါမးလီၤ.

လံာ်စီၤယိၤၡူ 7:19

စီၤယိၤၡူစံးဘၣ်အီၤ, “ယဖိခွါဧၢ, တဲတၢ်မ့ၢ်တၢ်တီလၢယွၤအံၣ်စရ့လးကစၢ်ယွၤ အမဲာ်ညါဒီးအၢၣ်လီၤနသးတက့ၢ်. တၢ်လၢနမၤန့ၣ်တဲဘၣ်ယၤခဲအံၤတက့ၢ်. တဘၣ်ပာ်ခူသူၣ်တၢ်လၢယၤတဂ့ၤ.”

၁ ပ့းတရူး 3:21

လၢအမ့ၢ်တၢ်ပနီၣ်လၢအနဲၣ်ပှၤဆူတၢ်ဒိးဘျၢလၢအခဲအံၤ အုၣ်က့ၤခီၣ်က့ၤသုန့ၣ်လီၤ. တမ့ၢ်တၢ်သ့စီကွံာ်နီၢ်ခိအတၢ်ဘၣ်အၢတဖၣ်န့ၣ်ဘၣ်, မ့မ့ၢ်, မ့ၢ်ပသးလၢအသ့ၣ်ညါဒၣ်တၢ်လၢအဂ့ၤအတၢ်အၢၣ်လီၤကစၢ်ယွၤ လၢတၢ်သးမံအပူၤန့ၣ်လီၤ. တၢ်အံၤအုၣ်က့ၤခီၣ်က့ၤသုခီဖျိယ့ၣ်ၡူးခရံာ်အတၢ်ဂဲၤဆၢထၢၣ် သမူထီၣ်က့ၤ,

၁ ယိၤဟၣ် 1:9

ဘၣ်ဆၣ်ဒီး, ပမ့ၢ်တဲလီၤကျဲၤလီၤပတၢ်ဒဲးဘးတဖၣ်ဒီး, အဝဲဒၣ်ကတီဒီးအတၢ်အၢၣ်လီၤအီလီၤဒီးမၤတၢ်လၢအဘၣ် န့ၣ်လီၤ. အဝဲကပျၢ်ကွံာ်ပတၢ်ဒဲးဘးတဖၣ်ဒီး, မၤကဆှီထီၣ်ပှၤလၢပတၢ်ကမၣ်ခဲလၢာ်န့ၣ်လီၤ.