လံာ်မးသဲ 3:4 - Sgaw Karen Common Bible

⁴ စီၤယိၤဟၣ်ကူသိးဝဲတၢ်ကူတၢ်ကၤလၢအဘၣ်တၢ်ထါအီၤလၢကီၤလၤ အူးအဆူၣ်ဒီးအယီၢ်ဒ့န့ၣ်ဘံဃာ်ဝဲဒီးယီၢ်တကိးတၢ်ဖံးလီၤ. အဝဲအီၣ်ဝဲဒွဲၣ်ဒီးအီဝဲကနဲမံၤအစီန့ၣ်လီၤ.

လံာ်မးသဲ 3:4 Iomraidhean Croise

လံာ်စီၤပၤခံဘ့ၣ်တဘ့ၣ် 1:8

အဝဲသ့ၣ်စံးဆၢဝဲဒၣ်, “ပှၤတဂၤန့ၣ်ကူသိးဝဲဆ့ကၤဖးဒိၣ် တဘ့ၣ်လၢအဘၣ်တၢ်ဆးအီၤလၢဆၣ်ဖိကီၢ်ဖိအဖံး, ဒီးကံာ်တူာ်အယီၢ်ဒ့ဒီးယီၢ်တကိးတၢ်ဖံးတဘိန့ၣ်လီၤ.” စီၤပၤကိးထီၣ်ဝဲ, “ပှၤန့ၣ်မ့ၢ်ဒၣ်စီၤအ့ၤလံယၤလီၤ.”

လံာ်ယၡါယၤ 20:2

တချုးတၢ်အံၤသၢနံၣ်န့ၣ်, ယွၤစံးဘၣ်တ့ၢ်စီၤအၤမိာ်အဖိခွါ စီၤယၡါယၤလၢကဘ့ၣ်လီၤအခီၣ်ဖံးဒီးထၢၣ်တၢ်ကံးယာ်လၢ အကၤဝဲန့ၣ်လီၤ. အဝဲဒိကနၣ်ဝဲ, ဒီးဟးဝ့ၤဝီၤအိၣ်ဘ့ၣ်ဆ့ အိၣ်ဘ့ၣ်ခီၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 11:22

လၢအမ့ၢ်ဒွဲၣ်အကလုာ်ကလုာ်, ဒီးဒွဲၣ်စ့လၣ်အကလုာ်ကလုာ်, ဒီးဒွဲၣ်သဘၣ်အကလုာ်ကလုာ်, ဒီးဒွဲၣ်ဃကာ်အကလုာ်ကလုာ်တဖၣ်န့ၣ်သုအီၣ်အီၤသ့လီၤ.

လံာ်စကၤရယၤ 13:4

ဖဲတၢ်ဆၢကတီၢ်အဝဲန့ၣ်တုၤဃီၤန့ၣ်, ဝံလၢအပာ်ကဖၢလၢ အသးလၢအတၢ်ထံၣ်လၢညါတဖၣ်အဃိမ့ၢ်ဂ့ၤ, မၤတၢ်ဒ်ဝံတဂၤအသိးမ့ၢ်ဂ့ၤ, ကူသိးဆ့ကၤလၢအသွဲးတီၢ်ကုလၢအကလီန့ၢ်ပှၤဂီၢ်မုၢ်အဂီၢ်မ့ၢ်ဂ့ၤ, တအိၣ်ဘၣ်နီတဂၤဘၣ်.

လံာ်မၤလကံ 4:5

ဘၣ်ဆၣ်, တချုးလၢယွၤအမုၢ်နံၤဖးဒိၣ်ဒီးမုၢ်နံၤလၢအလီၤပျံၤ လီၤဖုးဟဲဒံးဘၣ်န့ၣ်, ယကဆှၢလီၤန့ၢ်သုဝံအ့ၤလံယၤန့ၣ်လီၤ.

လံာ်မးသဲ 11:18

စီၤယိၤဟၣ်ဟဲဝဲဒီးဒုၣ်တၢ်အီၣ်တၢ်အီ, ဒီးတအီဘၣ်စပံးထံ ဘၣ်. ဒီးပှၤကိးဂၤဒဲးစံးလၢတၢ်နါအိၣ်လၢအပူၤလီၤ.

လံာ်မးသဲ 11:8

မ့တမ့ၢ်ဘၣ်ဒီးမ့ၢ်သုလဲၤဒ်သိးသုကထံၣ်ဘၣ်ပှၤလၢအကူအသိး ဆှုၣ်ဆှုၣ်ဘှဲၣ်ဘှဲၣ် တဂၤန့ၣ်ဧါ. ပှၤကူပှၤသိးဒ်န့ၣ်တဖၣ်အိၣ် ဆိးဒၣ်လၢနီတဖၣ်အပူၤလီၤ.

လံာ်မၢ်ကူး 1:6

စီၤယိၤဟၣ်ကူကၤဝဲတၢ်ကူတၢ်ကၤလၢပှၤထါအီၤလၢကီၤ လၤအူးအဆူၣ်ဒီးစၢဃာ်အယီၢ်ဒ့လၢယီၢ်တကိးတၢ်ဖံး တဘ့ၣ်လီၤ. အတၢ်အီၣ်တၢ်အီတခီမ့ၢ်ဒွဲၣ်ဧိၤတကံၤ ဧိၤဒီးကနဲမံၤအစီလီၤ.

လံာ်လူၤကၣ် 1:17

အဝဲဒၣ်ကလဲၤလၢကစၢ်အမဲာ်ညါအိၣ်ဒီးသးအဂံၢ်အဘါဒီးတၢ်စိတၢ် ကမီၤဒ်ဝံအ့ၤလံယၤအသိးန့ၣ်လီၤ. အဝဲဒၣ်ကဘိးဃၣ်က့ၤပၢ်တဖၣ်အသးဆူဖိတဖၣ်အအိၣ်, အဝဲဒၣ်ကဃၣ်ကဒါက့ၤပှၤတဒိကနၣ်တၢ်တဖၣ်ဆူပှၤတီပှၤလိၤ အတၢ်ဆိကမိၣ်အကျဲ, အဝဲဒၣ်ကကတဲာ်ကတီၤကစၢ်ယွၤ အပှၤဂီၢ်မုၢ်တဖၣ်လၢယွၤအဂီၢ်လီၤ.”

လံာ်သိၣ်လီၤသီလီၤတၢ် 32:13

အဝဲဒုးပၢဘၣ်တ့ၢ်အဝဲသ့ၣ်လၢတၢ်လီၢ်အထီတဖၣ်, ဒီးအဝဲသ့ၣ်အီၣ်ဘၣ်တ့ၢ်တၢ်လၢအမဲထီၣ်လၢစံာ်ပျီတဖၣ်အပူၤန့ၣ်လီၤ. အဝဲသ့ၣ်ထံၣ်န့ၢ်ကနဲအမံၤအစီလၢလၢၢ်တဖၣ်အကျါ, အဝဲသ့ၣ်အသ့ၣ်စၤယံးတဖၣ်ဒိၣ်ထီၣ်တ့ၢ်လၢလၢၢ်ခိၣ်န့ၣ်လီၤ.

လံာ်လီၣ်ဖျါ 11:3

ယကဆှၢလီၤယပှၤအုၣ်အသးခံဂၤလၢအကူသိးထၢၣ်တၢ်ကံးယာ်, ဒီးအဝဲသ့ၣ်ကကတိၤတၢ်လၢဝံအကျိာ်, ဖဲအသီ ၁၂၆၀ တဖၣ်အတီၢ်ပူၤန့ၣ်လီၤ.”