လံာ်မးသဲ 3:3 - Sgaw Karen Common Bible

³ စီၤယိၤဟၣ်မ့ၢ်ပှၤတဂၤလၢဝံယၡါယၤတဲတၢ်လၢအဂ့ၢ်ဖဲအစံးဝဲ, “ပှၤတဂၤအကလုၢ်သီၣ်ထီၣ်လၢပှၢ်မုၢ်ကနၢအပူၤ, ‘ကတဲာ်ကတီၤကျဲလၢကစၢ်အဂီၢ်တက့ၢ်. မၤလိၤမၤဘျၢကျဲလၢကစၢ်ကဟဲအဂီၢ်တက့ၢ်’ ” န့ၣ်လီၤ(ၡါ. ၄၀:၃).

လံာ်မးသဲ 3:3 Iomraidhean Croise

လံာ်ယၡါယၤ 40:3

တၢ်အကလုၢ်ကိးထီၣ်ဝဲ, “ကတဲာ်ကတီၤကျဲလၢယွၤအဂီၢ်လၢပှၢ်မုၢ်ကနၢပူၤ န့ၣ်တက့ၢ်. မၤပျီကျဲလၢမဲးမုၢ်ခိၣ်လၢပကစၢ်ယွၤအဂီၢ်တက့ၢ်.

လံာ်မၤလကံ 3:1

ယွၤသ့တၢ်လၢာ်စံးဆၢဝဲ, “ယကဆှၢလီၤယပှၤစိာ်တၢ်ကစီၣ်ဒ်သိးကကတဲာ်ကတီၤကျဲလၢယဂီၢ် လီၤ. တုၤနုၤတစု, ယွၤလၢသုဃုအီၤန့ၣ်ကဟဲသတူၢ်ကလာ်ဆူအတၢ်လုၢ် ဟံၣ်လီၤ. ပှၤစိာ်တၢ်ကစီၣ်လၢသုဆၢထံၣ်ဘၣ်အီၤန့ၣ်ကဟဲဒီးစံးဘၣ်တဲ ဘၣ်ယတၢ်အၢၣ်လီၤအီလီၤန့ၣ်လီၤ.”

လံာ်မၢ်ကူး 1:3

ပှၤတဂၤန့ၣ်ကိးသတြီထီၣ်လၢပှၢ်မုၢ်ကနၢဒီးစံးဝဲ, ကတဲာ်ကတီၤဒီးမၤဘျၢပာ်ကျဲလၢကစၢ်အဂီၢ်တက့ၢ်.”

လံာ်လူၤကၣ် 1:17

အဝဲဒၣ်ကလဲၤလၢကစၢ်အမဲာ်ညါအိၣ်ဒီးသးအဂံၢ်အဘါဒီးတၢ်စိတၢ် ကမီၤဒ်ဝံအ့ၤလံယၤအသိးန့ၣ်လီၤ. အဝဲဒၣ်ကဘိးဃၣ်က့ၤပၢ်တဖၣ်အသးဆူဖိတဖၣ်အအိၣ်, အဝဲဒၣ်ကဃၣ်ကဒါက့ၤပှၤတဒိကနၣ်တၢ်တဖၣ်ဆူပှၤတီပှၤလိၤ အတၢ်ဆိကမိၣ်အကျဲ, အဝဲဒၣ်ကကတဲာ်ကတီၤကစၢ်ယွၤ အပှၤဂီၢ်မုၢ်တဖၣ်လၢယွၤအဂီၢ်လီၤ.”

လံာ်လူၤကၣ် 1:76

နဲဒၣ်ယဖိခွါ, နကဘၣ်တၢ်ကိးနၤလၢ ကစၢ်ယွၤတၢ်ထီကတၢၢ်အဝံတဂၤန့ၣ်လီၤ. နကလဲၤဆိနဲလၢကစၢ်အမဲာ်ညါ ဒ်သိးနကကတဲာ်ကတီၤကျဲလၢအဂီၢ်,

လံာ်ယိၤဟၣ် 1:23

စီၤယိၤဟၣ်စံးဆၢဝဲဒ်ဝံယၡါယၤစံးဝဲအသိး, “ယမ့ၢ်ပှၤအကလုၢ်သီၣ်လၢအကိးထီၣ်လၢပှၢ်မုၢ်ကနၢ မၤလိၤမၤဘျၢပာ်ကျဲလၢကစၢ်ကလဲၤတၢ်အဂီၢ်တက့ၢ်” န့ၣ်လီၤ.