လံာ်မးသဲ 3:1 - Sgaw Karen Common Bible

¹ လၢမုၢ်နံၤတဖၣ်န့ၣ်, ပှၤဘျၢတၢ်စီၤယိၤဟၣ်တဂၤလဲၤဝဲဆူပှၢ်မုၢ်ကနၢ လၢကီၢ်ယူဒၤအပူၤဒီးစံၣ်တဲၤတဲလီၤတၢ်လီၤ.

လံာ်မးသဲ 3:1 Iomraidhean Croise

လံာ်စီၤပၤအခီၣ်ထံးတဘ့ၣ် 2:34

လၢတၢ်န့ၣ်အဃိစီၤဘနါယၤလဲၤဃီၤဆူယွၤအဒဲစီဆှံဒီးမၤသံ ကွံာ်စီၤယိၤအာ်ဒီးအဝဲဘၣ်တၢ်ခူၣ်လီၤကွံာ်အီၤဖဲတၢ်လီၢ်ပျီ ပူၤ, လၢအဟီၣ်ခိၣ်ကဝီၤဒၣ်ဝဲန့ၣ်လီၤ.

လံာ်မးသဲ 11:11

နာ်ယၤတက့ၢ်. ပှၤဘျၢတၢ်စီၤယိၤဟၣ်န့ၣ်, ဒိၣ်န့ၢ်ဒံးကယဲၢ်ပှၤ ဟီၣ်ခိၣ်ဖိလၢအအိၣ်ဖျဲၣ်ထီၣ်လၢပိာ်မုၣ်န့ၣ်လီၤ. ဘၣ်ဆၣ်ဒီးပှၤအဆံးကတၢၢ်လၢမူခိၣ်အဘီအမုၢ်န့ၣ်, ဒိၣ်န့ၢ်ဒံးအီၤတက့ၢ်လီၤ.

လံာ်မးသဲ 11:7

ဖဲစီၤယိၤဟၣ်အပျဲၢ်အဘီၣ်တဖၣ်က့ၤဟးထီၣ်ဝဲန့ၣ်, ယ့ၣ်ၡူးကတိၤတၢ်ဒီး ပှၤဂီၢ်မုၢ်ဘၣ်ဃးဒီးစီၤယိၤဟၣ်အဂ့ၢ်ဒီးစံးဝဲ, “ဖဲသုလဲၤဆူပှၢ်မုၢ်ကနၢဆူစီၤယိၤဟၣ်အအိၣ်န့ၣ်, မ့ၢ်သုမုၢ်လၢ်လၢသုကထံၣ်ဘၣ်တၢ်မနုၤလဲၣ်. မ့ၢ်တပိၢ်တဘိလၢအဘၣ် တၢ်မၤဟူးဝးအီၤလၢကလံၤန့ၣ်ဧါ.

လံာ်မးသဲ 16:14

ဒီးအဝဲသ့ၣ်စံးဝဲဒၣ်, “ပှၤတနီၤစံးလၢနမ့ၢ်ပှၤဘျၢတၢ်စီၤယိၤဟၣ်, တနီၤစံးလၢစီၤအ့ၤလံယၤ, ဒီးအဂၤတနီၤစံးဝဲမ့ၢ်စီၤယံးရမံယၤ, မ့တမ့ၢ်ဘၣ်ဒီးဝံအဂၤတဂၤဂၤလီၤ.”

လံာ်မးသဲ 21:32

အဂ့ၢ်ဒ်အံၤ, ပှၤဘျၢတၢ်စီၤယိၤဟၣ်ဟဲဒုးနဲၣ်သုလၢတၢ်တီတၢ်လိၤ အကျဲလၢသုကပိာ်အီၤအဂီၢ်, ဒီးသုတနာ်အီၤဘၣ်. မ့မ့ၢ်ပှၤဃ့သွဲတဖၣ်ဒီးပိာ်မုၣ်ဟးဂီၤတဖၣ်နာ်အီၤလီၤ. သုထံၣ်တၢ်အံၤဝံၤအလီၢ်ခံဒၣ်လဲာ်, သုသးတလဲလိာ်အသးဒီးနာ်အီၤဘၣ်.”

လံာ်မးသဲ 3:8

အိၣ်မူဒီးမၤတၢ်မၤလၢအကြၢးဒီးတၢ်ပီၢ်ယၢ်ဒီးတၢ်ဃၣ်လိၤက့ၤ သုသးန့ၣ်တက့ၢ်.

လံာ်မၢ်ကူး 1:15

ဒီးစံးဝဲဒၣ်, “တၢ်ဆၢကတီၢ်ဘၣ်လံဒီးကစၢ်ယွၤအဘီအမုၢ်ဘူး ထီၣ်လံ. ပီၢ်ယၢ်ဒီးဃၣ်လိၤက့ၤသုသးဒီးစူၢ်က့ၤနာ်က့ၤတၢ်သးခု အကစီၣ်န့ၣ်တက့ၢ်.”

လံာ်မၢ်ကူး 1:2

ဒ်တၢ်ကွဲးတ့ၢ်အသးလၢလံာ်ဝံယၡါယၤအပူၤအသိး, “ကစၢ်ယွၤစံးဝဲဒၣ်, ကွၢ်ကွၢ်ယကဆှၢလီၤယပှၤစိာ်တၢ်ကစီၣ် လၢနမဲာ်ညါတဂၤ, ဒီးအဝဲဒၣ်ကကတဲာ်ကတီၤန့ၢ်နကျဲလီၤ.

လံာ်လူၤကၣ် 1:76

နဲဒၣ်ယဖိခွါ, နကဘၣ်တၢ်ကိးနၤလၢ ကစၢ်ယွၤတၢ်ထီကတၢၢ်အဝံတဂၤန့ၣ်လီၤ. နကလဲၤဆိနဲလၢကစၢ်အမဲာ်ညါ ဒ်သိးနကကတဲာ်ကတီၤကျဲလၢအဂီၢ်,

လံာ်လူၤကၣ် 7:24

ဖဲစီၤယိၤဟၣ်အပှၤစိာ်တၢ်ကစီၣ်တဖၣ်ဟးထီၣ်ဝံၤအလီၢ်ခံန့ၣ်, ယ့ၣ်ၡူးကတိၤတၢ်ဒီးပှၤဂီၢ်မုၢ်ဘၣ်ဃးစီၤယိၤဟၣ်အဂ့ၢ်ဒီးစံးဝဲ, “ဖဲသုဟးထီၣ်ဆူပှၢ်မုၢ်ကနၢဆူစီၤယိၤဟၣ်အအိၣ်န့ၣ်, သုမုၢ်လၢ်လၢသုကထံၣ်ဘၣ်တၢ်မနုၤလဲၣ်. တပိၢ်တဘိဟူးဝးဝဲလၢကလံၤကျါန့ၣ်ဧါ.

မၤတၢ် 1:22

စးထီၣ်လၢစီၤယိၤဟၣ်စံၣ်တဲၤတဲလီၤအတၢ်ဘျၢပှၤလၢထံအဂ့ၢ်, တုၤလီၤလၢယ့ၣ်ၡူးဘၣ်တၢ်ဟံးထီၣ်ကွံာ်အီၤလၢပအိၣ်ဆူမူခိၣ် တစုန့ၣ်လီၤ.”

လံာ်စီၤယိၤၡူ 14:10

ဘၣ်ဆၣ်ဒီးခဲအံၤကွၢ်တက့ၢ်. တၢ်လၢယွၤစံးဘၣ်တ့ၢ်စီၤမိၤၡ့ အံၤအိၣ်လံလွံၢ်ဆံယဲၢ်နံၣ်လံ. အကတီၢ်မ့ၢ်ဝဲဖဲပှၤအံၣ်စရ့လးဖိ လဲၤခီဖျိပှၢ်မုၢ်ကနၢန့ၣ်လီၤ. ဒီးယွၤ, ဒ်အတၢ်အၢၣ်လီၤအိၣ်ဝဲအသိး, ဒုးမူဒံးယၤစးထီၣ်လၢန့ၣ်လံၤလံၤလီၤ. ကွၢ်ယၤတက့ၢ်. ယအိၣ်ဃိးဆံယဲၢ်နံၣ်လံ,

လံာ်ပှၤစံၣ်ညီၣ်ကွီၢ် 1:16

ဒီးပှၤက့ၣ်ဖိ, စီၤမိၤၡ့အမံၤပှၢ်အစၢၤအသွဲၣ်တဖၣ်လဲၤဃုာ်တၢ် ဒီးယူဒၤအပှၤဂီၢ်မုၢ်စးထီၣ်လၢဝ့ၢ်ယရံၤဃိ, ဝ့ၢ်လၢအအိၣ်ဒီးသ့ၣ်စူၣ်ပလူၣ်တဖၣ်ဒီးပၢၢ်တုၤဆူကီၢ်ယူဒၤ အဝ့ၢ်ဧရးအကလံၤထံးဖဲတၢ်မုၢ်တၢ်ဘိတကဲထီၣ်ဘၣ်အလီၢ်န့ၣ်လီၤ. ဒီးဖဲန့ၣ်အဝဲသ့ၣ်အိၣ်ဆိးဃုာ်ဒီးပှၤဧမၤလ့းဖိတဖၣ်န့ၣ်လီၤ.