လံာ်မးသဲ 28:4 - Sgaw Karen Common Bible

⁴ ပှၤပၢၤတၢ်ဖိတဖၣ်ပျံၤတၢ်တုၤဒၣ်လဲာ်ကနိးကစုာ်ဝဲ, ဒီးကဲထီၣ်ဒ်ပှၤသံတဖၣ်အသိးလီၤ.

လံာ်မးသဲ 28:4 Iomraidhean Croise

လံာ်စီၤယိၤဘး 4:14

တၢ်ပျံၤလီၤဘၣ်ယၤဒီးယကနိးကစုာ်ဒီးယဃံခဲလၢာ်ဟူးဝး ဝဲန့ၣ်လီၤ.

စံးထီၣ်ပတြၢၤ 48:6

ဖဲန့ၣ်တၢ်ပျံၤတၢ်ဖုးဒီးတၢ်သူၣ်ကိၢ်သးဂီၤ လီၤဘၣ်အဝဲသ့ၣ်ဒ်ပိာ်မုၣ်လၢ အကဆံးစၢ်ထီၣ်အဖိတဂၤအသိး,

လံာ်ဒၤနံးယ့လး 10:7

ယမ့ၢ်ပှၤထဲတဂၤဧိၤလၢအထံၣ်တၢ်ထံၣ်လၢညါခီန့ၣ်လီၤ. ပှၤအိၣ်ဒီးယၤတဖၣ်တထံၣ်ဘၣ်တၢ်နီတမံၤဘၣ်. ဘၣ်ဆၣ်ဒီးအဝဲသ့ၣ်ဃ့ၢ်အိၣ်ခူသူၣ်လၢတၢ်ပျံၤတၢ် ဖုးဖးဒိၣ်အပူၤလီၤ.

လံာ်မးသဲ 28:11

ဖဲပှၤပိာ်မုၣ်တဖၣ်လဲၤတၢ်အဖၢမုၢ်န့ၣ်, ပှၤသုးဖိလၢအပၢၤယ့ၣ်ၡူးအသွၣ်ခိၣ်အပူၤတနီၤက့ၤကဒါက့ၤဆူဝ့ၢ်ပူၤ, ဒီးစံးဘၣ်တဲဘၣ်ပှၤလုၢ်တၢ်အခိၣ်အဒိၣ်တဖၣ်လၢတၢ်လၢ အမၤတ့ၢ်လံအသးကိးမံၤဒဲးန့ၣ်လီၤ.

လံာ်မးသဲ 28:3

ကလူးအံၤအမဲာ်မၤအသးဒ်လီဝၢ်ဒံးအသိး, ဒီးအကူအသိးတဖၣ်ဝါဝဲဒ်မူခိၣ်ဖီအသိးန့ၣ်လီၤ.

လံာ်မးသဲ 28:5

ကလူးန့ၣ်စံးဘၣ်ပှၤပိာ်မုၣ်တဖၣ်န့ၣ်, “တဘၣ်ပျံၤတၢ်တဂ့ၤ. ယသ့ၣ်ညါလၢ သုဃုယ့ၣ်ၡူးလၢအဘၣ်တၢ်ပျၤထီအီၤလၢထူၣ်စုညါ န့ၣ်လီၤ.

မၤတၢ် 16:29

ပှၤဃိာ်ဒိၣ်ကိးထီၣ်ဒ်သိးပှၤကဟဲစိာ်တၢ်ကပီၤဝံၤ, ဃ့ၢ်နုာ်ဆူဒၢးပူၤ, ထိၣ်လီၤပှီၤအသးဒီးကနိးကစုာ်ဝဲလၢ စီၤပီလူးဒီးစီၤစံလၤအခီၣ်ထံးလီၤ.

လံာ်လီၣ်ဖျါ 1:17

ဖဲယထံၣ်အီၤန့ၣ်, ယလီၤဃံၤယဲဖဲအခီၣ်ထံးဒ်ပှၤသံတဂၤ အသိးလီၤ. အဝဲဒၣ်ပာ်ထီၣ်အစုထွဲလၢယလိၤဒီးစံးဝဲ, “ပျံၤတၢ်တဂ့ၤ, ယမ့ၢ်တၢ်အခီၣ်ထံးဒီးတၢ်အကတၢၢ်လီၤ.”