လံာ်မးသဲ 28:19 - Sgaw Karen Common Bible

¹⁹ လၢတၢ်န့ၣ်အဃိ, လဲၤဆူပှၤကလုာ်ခဲလၢာ်အအိၣ်လၢတၢ်လီၢ်ကိးပူၤဒဲး ဒီးဒုးကဲထီၣ်အဝဲသ့ၣ်လၢယပျဲၢ်ယဘီၣ်တဖၣ်တက့ၢ်. ဘျၢအဝဲသ့ၣ်လၢပၢ်, ဖိဒီးသးစီဆှံအမံၤအပူၤန့ၣ်တက့ၢ်.

လံာ်မးသဲ 28:19 Iomraidhean Croise

လံာ်တၢ်ကဲထီၣ်အခီၣ်ထံး 1:26

ဒီးကစၢ်ယွၤစံးဝဲဒၣ်, “ဒီးခဲကနံၣ်အံၤ ပကတ့လီၤပာ်လီၤပှၤကညီတဖၣ်, လၢအကလီၤဂာ်ဒီးပှၤ ဒီးဒ်သိးသိးလိာ်အသးဒီးပှၤလီၤ. အဝဲသ့ၣ်ကအိၣ်ဒီးတၢ်စိတၢ်ကမီၤ လၢဒ့ၣ်ဧိၤညၣ်ဧိၤ, ထိၣ်ဧိၤလံာ်ဧိၤဒီးကယဲၢ်ဆၣ်ဖိကီၢ်ဖိခဲလၢာ်, အဒၢဒီးအမံၤ, အဒိၣ်ဒီးအဆံးသ့ၣ်တဖၣ်အဖီခိၣ်န့ၣ်လီၤ.”

လံာ်ယၡါယၤ 48:16

ခဲအံၤ, ဟဲဘူးဒီးယၤဒီးဒိကနၣ်တၢ်လၢယစံးတက့ၢ်. လၢထံးလၢသီလံၤလံၤ, ယကတိၤတ့ၢ်တၢ်ဖျိဖျိဖျါဖျါ ဒီးမၤတီယကလုၢ်ထီဘိလီၤ.” (ခဲအံၤ, ယွၤပၢဘၣ်တၢ်ခဲလၢာ်ကစၢ်ဟ့ၣ်တ့ၢ်ယၤအတၢ်စိ တၢ်ကမီၤဒီးမၢလီၤယၤလီၤ.)

လံာ်ယၡါယၤ 49:6

ယွၤစံးဘၣ်ယၤ, “ယခ့ယပှၤဧၢ, ယအိၣ်ဒီးတၢ်မၤဒိၣ်န့ၢ်အလီၢ်တမံၤလၢနဂီၢ်လီၤ. ယပှၤဂီၢ်မုၢ်အံၣ်စရ့လးလၢအအိၣ်လီၤတဲာ်တ့ၢ်တဖၣ်အံၤ, တမ့ၢ်ထဲနကပာ်ထီၣ်က့ၤအီၤဆူတၢ်ဒိၣ်တၢ်မုၢ်အလီၢ်ဧိၤဘၣ်, မ့မ့ၢ်ယကဒုးကဲထီၣ်စ့ၢ်ကီးနၤတၢ်ကပီၤတဖျၢၣ်လၢပှၤကလုာ်တဖၣ် အဂီၢ်, ဒ်သိးဟီၣ်ခိၣ်ဒီဘ့ၣ်ကတုၤလၢတၢ်အုၣ်က့ၤခီၣ်က့ၤ န့ၣ်လီၤ.”

လံာ်ယၡါယၤ 52:10

ယွၤကသူအစိကမီၤစီဆှံဒၣ်ဝဲ, ကအုၣ်က့ၤခီၣ်က့ၤအပှၤဂီၢ်မုၢ်, ဒီးဟီၣ်ခိၣ်ဒီဘ့ၣ်ကထံၣ်ဘၣ်တၢ်န့ၣ်လီၤ.

လံာ်မးသဲ 13:52

အဝဲစံးဆၢတၢ်ဒီးစံး, “လၢတၢ်န့ၣ်အဃိ ပှၤသ့တၢ်ဘူၣ်တၢ်ဘါအတၢ်သိၣ်တၢ်သီကိးဂၤဒဲးလၢအကဲထီၣ် အပျဲၢ်အဘီၣ်လၢမူခိၣ်အဘီအမုၢ်အပူၤန့ၣ်, မၤအသးဒ်ဟံၣ်ကစၢ်လၢ အထုးထီၣ်တၢ်အသီဒီးတၢ်အလီၢ်လံၤလၢအတၢ်ထူးတၢ်တီၤ အတၢ်ပာ်ဖှိၣ်လီၢ်အပူၤအသိးန့ၣ်လီၤ.”

လံာ်မးသဲ 25:32

ဒီးပှၤကလုာ်ခဲလၢာ်ကအိၣ်ဖှိၣ်ရိဖှိၣ်လၢအဝဲအမဲာ်ညါလီၤ. တုၤနုၤတစုအဝဲကနီၤဖးလီၤအဝဲသ့ၣ်ခံဖု, ဒ်ပှၤကွၢ်သိတဂၤနီၤဖးအသိဒီးမဲာ်တဲးလဲးတဖၣ်အသိး န့ၣ်လီၤ.

မၤတၢ် 1:2

တုၤလီၤလၢမုၢ်တနံၤလၢယွၤဟံးထီၣ်အီၤဆူမူခိၣ်န့ၣ်လီၤ. တချုးအဘၣ်တၢ်ဟံးထီၣ်အီၤဒံးဘၣ်ဒီး, ခီဖျိသးစီဆှံအစိကမီၤန့ၣ် အဝဲဒၣ်မၤလိာ်တ့ၢ်အပှၤတၢ်မၢဖိလၢအဃုထၢတ့ၢ်ဝဲတဖၣ်တၢ်လၢ အဝဲသ့ၣ်ကဘၣ်မၤဝဲတဖၣ်န့ၣ်လီၤ.

မၤတၢ် 1:8

မ့မ့ၢ်တုၤသးစီဆှံဟဲလီၤလၢသုလိၤဝံၤဒီးသုကလၢ ထီၣ်ပှဲၤထီၣ်ဒီးတၢ်စိတၢ်ကမီၤ, ဒီးသုကကဲထီၣ်ပှၤအုၣ်အသးတဖၣ်လၢယဂီၢ်လၢဝ့ၢ် ယရူၤရှလ့ၣ်အပူၤ, လၢကီၢ်ယူဒၤဒီကီၢ်ညါဒီးကီၢ်ၡၤမရံ ဒီးပၢၢ်တုၤလၢဟီၣ်ခိၣ်အကတၢၢ်န့ၣ်လီၤ.”

မၤတၢ် 14:21

စီၤပီလူးဒီးစီၤဘၢ်နါဘၤစံၣ်တဲၤတဲလီၤတၢ်သးခုအကစီၣ် ဖဲဝ့ၢ်ဒ့ၢ်ဘ့ၤဒီးဒုးကဲထီၣ်ပှၤအါဒံအါဂၤလၢအပျဲၢ်အဘီၣ်န့ၣ်လီၤ. အန့ၣ်ဝံၤအလီၢ်ခံအဝဲသ့ၣ်က့ၤကဒါက့ၤဆူဝ့ၢ်လူစတြၤ, ဒီးဆူဝ့ၢ်အံၤကနံၤဒီးဆူဝ့ၢ်အၣ်တံၤအီာ်ဘၣ်ဃးဒီးကီၢ်ပံၤစံၤဒံန့ၣ်လီၤ.

မၤတၢ် 2:41

အဝဲသ့ၣ်အါဒံအါဂၤနာ်တၢ်လၢစီၤပ့းတရူးစံးဝဲ, ဒီးဘၣ်တၢ်ဘျၢအီၤလၢထံ ဒီးနံၤအဝဲန့ၣ်ပှၤစူၢ်က့ၤနာ်က့ၤတၢ်အနီၣ်ဂံၢ်အါထီၣ်ပှၤသၢကထိဂၤ ဃၣ်ဃၣ်လီၤ.

မၤတၢ် 28:28

လၢတၢ်န့ၣ်အဃိသုကဘၣ်သ့ၣ်ညါဒ်အံၤ, ကစၢ်ယွၤအတၢ်ကစီၣ်ဘၣ်ဃးတၢ်အုၣ်က့ၤခီၣ်က့ၤန့ၣ်, ဘၣ်တၢ်ဆှၢလံအီၤဆူပှၤကလုာ်ဂၤတဖၣ်အအိၣ်လံ. အဝဲသ့ၣ်ကဒိကနၣ်တၢ်လီၤ.”

မၤတၢ် 9:18

တကီၢ်ခါဖဲန့ၣ်, တၢ်လၢအလီၤဂာ်ဒီးညၣ်သဒံၣ်တဖၣ်ဟဲလီၤတဲာ်ကွံာ်လၢစီၤ စီလူးအမဲာ်ချံဒီးအဝဲဒၣ်ထံၣ်ထီၣ်က့ၤတၢ်လီၤ. အဝဲဒၣ်ဂဲၤဆၢထၢၣ်ဒီးဘၣ်တၢ်ဘျၢအီၤလၢထံလီၤ.

ရိမ့ၤ 10:18

ဘၣ်ဆၣ်ဒီးယစံး, အဝဲသ့ၣ်တနၢ်ဟူဘၣ်တၢ်ကစီၣ် န့ၣ်မ့ၢ်ဝဲတီဝဲကစီဒီဧါ. အဝဲသ့ၣ်နၢ်ဟူဝဲကစီဒီလီၤ. အဂ့ၢ်ဒ်လဲၣ်န့ၣ်တၢ်ကွဲးအသးစီဆှံစံးဝဲ, “အဝဲသ့ၣ်အကလုၢ်တဖၣ်သီၣ်ထီၣ်ဝဲသကုၤဟီၣ်ခိၣ်ချၢဒီး အတၢ်ကတိၤတဖၣ်တုၤဃီၤဝဲလၢ ဟီၣ်ခိၣ်အကတၢၢ်န့ၣ်လီၤ” (စံး ၁၉:၄).

1 ကရံၣ်သူး 15:29

ခဲကနံၣ်အံၤ, မ့မ့ၢ်ပှၤတဖၣ်လၢအဘၣ်တၢ်ဒိးဘျၢတ့ၢ်အီၤ လၢပှၤသံတဖၣ်အဂီၢ်တခီလဲၣ်. အဝဲသ့ၣ်မုၢ်လၢ်လၢအကဟ့ၣ်ထီၣ်တၢ်ဘျုးတၢ်ဖှိၣ်မနုၤတမံၤလဲၣ်. ဒ်ပှၤတနီၤစံးဝဲအသိး ပှၤသံတဖၣ်မ့ၢ်တဘၣ်တၢ်ဒုးဂဲၤဆၢထၢၣ် သမူထီၣ်က့ၤအီၤဘၣ်ဒီးဘၣ်မနုၤအဃိပှၤတဖၣ်န့ၣ်ဘၣ်တၢ်ဒိးဘျၢ အီၤလၢပှၤသံတဖၣ်အဂီၢ်လဲၣ်.

ကလၤတံ 3:27

သုဘၣ်တၢ်ဒိးဘျၢသုလၢထံဆူတၢ်တမံၤဃီဒီးခရံာ်အပူၤ, ဒီးခဲအံၤသုကူထီၣ်သိးထီၣ်ခရံာ်အကစၢ်ဒၣ်ဝဲအတၢ်မူန့ၣ်လီၤ.

အ့းဖ့းစူး 2:18

ခီဖျိခရံာ်န့ၣ်, ပဝဲကိးဂၤဒဲး, ယူဒၤဖိတဖၣ်ဒီးပှၤကလုာ်ဂၤတဖၣ် ပလဲၤနုာ်ဆူပၢ်အမဲာ်ညါလၢသးစီဆှံတဂၤဃီအပူၤသ့ဝဲလီၤ.

ကလီးစဲ 1:23

တၢ်လၢအလီၢ်အိၣ်တမံၤန့ၣ်, မ့ၢ်ဒ်သိးသုကလဲၤဒံးတၢ်လၢတၢ် ကလုၢ်တီဒီးလၢတၢ်စူၢ်တၢ်နာ်အဂၢၢ်အကျၢၤအပူၤ, ဒီးဒ်သိးသုသုတပျဲပှၤမၤကဒံကဒါသုတၢ်မုၢ်လၢ်လၢ သုဒိးန့ၢ်တ့ၢ်သုဝဲဖဲသုနၢ်ဟူဘၣ်တၢ်သးခုကစီၣ်အခါ တဂ့ၤန့ၣ်လီၤ. ယၤစီၤပီလူးယကဲထီၣ်တ့ၢ်လံတၢ်အခ့အပှၤဘၣ် ဃးတၢ်သးခုကစီၣ်လၢအဘၣ်တၢ်စံၣ်တဲၤတဲလီၤတ့ၢ်အီၤဆူ ပှၤကိးဂၤဒဲးလၢဟီၣ်ခိၣ်ချၢအံၤန့ၣ်လီၤ.

၁ ပ့းတရူး 3:21

လၢအမ့ၢ်တၢ်ပနီၣ်လၢအနဲၣ်ပှၤဆူတၢ်ဒိးဘျၢလၢအခဲအံၤ အုၣ်က့ၤခီၣ်က့ၤသုန့ၣ်လီၤ. တမ့ၢ်တၢ်သ့စီကွံာ်နီၢ်ခိအတၢ်ဘၣ်အၢတဖၣ်န့ၣ်ဘၣ်, မ့မ့ၢ်, မ့ၢ်ပသးလၢအသ့ၣ်ညါဒၣ်တၢ်လၢအဂ့ၤအတၢ်အၢၣ်လီၤကစၢ်ယွၤ လၢတၢ်သးမံအပူၤန့ၣ်လီၤ. တၢ်အံၤအုၣ်က့ၤခီၣ်က့ၤသုခီဖျိယ့ၣ်ၡူးခရံာ်အတၢ်ဂဲၤဆၢထၢၣ် သမူထီၣ်က့ၤ,

၁ ယိၤဟၣ် 5:7

အဂ့ၢ်ဒ်အံၤ, တၢ်အုၣ်အသးအိၣ်ဝဲသၢမံၤလီၤ.