လံာ်မးသဲ 28:18 - Sgaw Karen Common Bible

¹⁸ ယ့ၣ်ၡူးလဲၤဘူးထီၣ်ဒီးအဝဲသ့ၣ်ဒီးစံး, “ယဘၣ်တၢ်ဟ့ၣ်လီၤလံယၤလၢတၢ်စိတၢ်ကမီၤလၢမူခိၣ်ဒီးလၢ ဟီၣ်ခိၣ်ချၢခဲလၢာ်လံ.

လံာ်မးသဲ 28:18 Iomraidhean Croise

စံးထီၣ်ပတြၢၤ 89:19

လၢပျၢၤ, နကတိၤတၢ်ဒီးနပှၤတီပှၤလိၤတဖၣ်လၢ တၢ်ထံၣ်လၢညါခီအပူၤ, ဒီးနစံး, “ယဟ့ၣ်လီၤလံပှၤသုးဖိ မံၤဟူသၣ်ဖျါတဂၤလၢ တၢ်မၤစၢၤ, ယဟ့ၣ်လီၤလံလီၢ်ပစိာ်ဆူပှၤတဂၤ လၢယဃုထၢအီၤလၢ ပှၤဂီၤမုၢ်အကျါလံ.

စံးထီၣ်ပတြၢၤ 89:27

ဒီးယကပာ်အီၤလၢယဖိခွါဝဲၢ်ကိ, ပှၤအဒိၣ်ကတၢၢ်လၢ စီၤပၤခဲလၢာ်အကျါန့ၣ်လီၤ.

တၢ်ကတိၤဒိ. 8:15

ယမၤစၢၤစီၤလိၣ်စီၤပၤတဖၣ်လၢကပၢတၢ်, ဒီးပှၤပၢတၢ်တဖၣ်လၢကမၤအိၣ်ထီၣ်တၢ်သိၣ်တၢ်သီအဂ့ၤတဖၣ်လီၤ.

လံာ်မးသဲ 11:27

ယပၢ်ဟ့ၣ်လီၤလံယၤတၢ်ခဲလၢာ်လံ. မ့တမ့ၢ်ဘၣ်ပၢ်ဘၣ်ဒီး ပှၤတသ့ၣ်ညါဘၣ်ဖိခွါနီတဂၤဘၣ်. မ့တမ့ၢ်ဘၣ်ဖိခွါဒီး ပှၤလၢဖိခွါဃုထၢလီၣ်ဖျါထီၣ်န့ၢ်အီၤဘၣ်ဒီး, ပှၤတသ့ၣ်ညါဘၣ်ပၢ်နီတဂၤဘၣ်.

လံာ်မးသဲ 16:28

ယစံးဘၣ်တဲဘၣ်သုတၢ်မ့ၢ်တၢ်တီ, ပှၤလၢအဆၢထၢၣ်ဖဲအံၤတနီၤန့ၣ်, တချုးလၢအထံၣ်ဘၣ်ပှၤကညီဖိခွါဟဲလၢ အဘီအမုၢ်အပူၤဒံးဘၣ်န့ၣ်, တသံဘၣ်ဝဲဘၣ်.”

လံာ်မးသဲ 26:64

ယ့ၣ်ၡူးစံးဆၢအီၤ, “နစံးတ့ၢ်လံနဲလံ. မ့မ့ၢ်ယတဲဘၣ်သုခဲလၢာ် လၢစးထီၣ်ခဲအံၤဒီးဆူညါသုကထံၣ်ပှၤကညီဖိခွါဆ့ၣ်နီၤလၢတၢ် သ့တၢ်လၢာ်တဂၤအစုထွဲဒီးဟဲဒိးဝဲမူခိၣ်အတၢ်အၢၣ်တဖၣ်လီၤ.”

လံာ်လူၤကၣ် 10:22

ယပၢ်ဟ့ၣ်လီၤလံယၤလၢတၢ်ကိးမံၤဒဲးလံ. ဖိခွါမ့ၢ်မတၤလဲၣ်န့ၣ်ပှၤတသ့ၣ်ညါနီတဂၤဘၣ်. ပှၤသ့ၣ်ညါမ့ၢ်ထဲပၢ်တဂၤဧိၤလီၤ. ဒီးပၢ်မ့ၢ်မတၤလဲၣ်န့ၣ်ပှၤတသ့ၣ်ညါနီတဂၤဘၣ်. ပှၤသ့ၣ်ညါမ့ၢ်ဝဲထဲဖိခွါဒီးပှၤသ့ၣ်တဖၣ်လၢဖိခွါသးအိၣ် ပာ်ဖျါထီၣ်ပၢ်လၢအီၤန့ၣ်လီၤ.”

လံာ်ယိၤဟၣ် 13:3

ယ့ၣ်ၡူးသ့ၣ်ညါဝဲလၢပၢ်ဟ့ၣ်လံအီၤတၢ်စိတၢ်ကမီၤလၢာ်လၢာ် ဆ့ဆ့, ဒီးသ့ၣ်ညါစ့ၢ်ကီးဝဲလၢအဝဲဟဲလၢကစၢ်ယွၤအအိၣ် ဒီးကက့ၤဆူကစၢ်ယွၤအအိၣ်န့ၣ်လီၤ.

လံာ်ယိၤဟၣ် 17:2

အဂ့ၢ်ဒ်လဲၣ်န့ၣ်, နဟ့ၣ်အီၤတၢ်စိကမီၤလၢပှၤဟီၣ်ခိၣ်ဖိခဲလၢာ် အဖီခိၣ်ဒ်သိးအဝဲကဟ့ၣ်တၢ်မူအထူအယိာ်လၢပှၤလၢ နဟ့ၣ်လီၤအီၤခဲလၢာ်အဂီၢ်န့ၣ်လီၤ.

လံာ်ယိၤဟၣ် 3:31

“ပှၤလၢအဟဲလၢထးန့ၣ်ဒိၣ်န့ၢ်ပှၤခဲလၢာ်ဒီးအိၣ်လၢတၢ်ခဲလၢာ် အဖီခိၣ်လီၤ. ပှၤလၢအအိၣ်လၢဟီၣ်ခိၣ်ဘၣ်ဃးဒီးဟီၣ်ခိၣ်ဒီး ကတိၤတၢ်ဘၣ်ဃးဒီးဟီၣ်ခိၣ်လီၤ. ပှၤလၢအဟဲလၢမူခိၣ်န့ၣ်, အိၣ်လၢပှၤခဲလၢာ်အဖီခိၣ်လီၤ.

လံာ်ယိၤဟၣ် 3:35

ပၢ်အဲၣ်အဖိခွါဒီးဟ့ၣ်လီၤတၢ်ခဲလၢာ်လၢအစုပူၤလီၤ.

မၤတၢ် 10:36

သုသ့ၣ်ညါတၢ်ကစီၣ်လၢအဝဲဒၣ်ဆှၢလီၤဆူပှၤအံၣ်စရ့လးဖိ တကလုာ်အအိၣ်, လၢအဘိးဘၣ်သ့ၣ်ညါတၢ်သးခုအကစီၣ်ဘၣ်ဃးဒီးတၢ်ဃူတၢ်ဖိး ခီဖျိယ့ၣ်ၡူးခရံာ်, လၢအမ့ၢ်ပှၤကိးဂၤဒဲးအကစၢ်န့ၣ်လီၤ.

မၤတၢ် 2:36

အန့ၣ်သတးဒီး, သုဝဲပှၤအံၣ်စရ့လးဖိခဲလၢာ်သုကဘၣ်သ့ၣ်ညါ လီၤတံၢ်လၢယ့ၣ်ၡူးလၢသုပျၤထီအီၤလၢထူၣ်စုညါလိၤတဂၤအံၤ, မ့ၢ်ပှၤလၢကစၢ်ယွၤဒုးကဲထီၣ်အီၤလၢကစၢ်ဒီးခရံာ်န့ၣ်လီၤ.”

ရိမ့ၤ 14:9

အဂ့ၢ်ဒ်လဲၣ်န့ၣ်, ခရံာ်သံဝဲဒီးဂဲၤဆၢထၢၣ်သမူထီၣ်က့ၤ မ့ၢ်ဒ်သိးကကဲထီၣ်ကစၢ်လၢပှၤအမူဒီးပှၤအသံတဖၣ်အဂီၢ်န့ၣ်လီၤ.

1 ကရံၣ်သူး 15:27

အဂ့ၢ်ဒ်အံၤ, တၢ်ကွဲးအသးစံးဝဲ, “ယွၤပာ်တၢ်ခဲလၢာ်ခဲဆ့ လၢအခီၣ်ဖီလာ်လီၤ” သပှၢ်ကတၢၢ်, အိၣ်ဖျါဝဲဒၣ်ဆှံဆှံလၢတၢ်ကတိၤ, “တၢ်ခဲလၢာ်ခဲဆ့” န့ၣ်, တပၣ်ဃုာ်ဒီးကစၢ်ယွၤအနီၢ်ကစၢ်ဒၣ်ဝဲ, လၢအပာ်တၢ်ခဲလၢာ်ခဲဆ့လၢခရံာ်အဖီလာ်န့ၣ်ဘၣ်လီၤ.

ကလီးစဲ 2:10

လၢသုအိၣ်မူလၢခရံာ်လၢအဒိၣ်စိလၢပှၤပၢတၢ်တဖၣ်ဒီး တၢ်စိတၢ်ကမီၤကိးမံၤဒဲးဘၣ်ဃးဒီးသူၣ်ဒီးသးအဖီခိၣ် တဂၤအံၤအပူၤအဃိန့ၣ်, သုဘၣ်တၢ်ဟ့ၣ်လီၤသုလၢတၢ်မူ အလၢအပှဲၤန့ၣ်လီၤ.

ဧ့ၤဘြံၤ 1:2

ဘၣ်ဆၣ်ဒီးလၢခံကတၢၢ်လၢပဆၢပကတီၢ်အံၤကစၢ်ယွၤ ကတိၤတၢ်ဒီးပှၤခီဖျိအဖိခွါလီၤ. အဝဲမ့ၢ်ပှၤလၢကစၢ်ယွၤဃုထၢတ့ၢ်လံလၢအကန့ၢ်သါဘၣ် တၢ်ခဲလၢာ်ဒီးခီဖျိအီၤန့ၣ်, ကစၢ်ယွၤတ့လီၤတ့ၢ်လံဟီၣ်ခိၣ်မူခိၣ်ဒီးတၢ်ခဲလၢာ်န့ၣ်လီၤ.

ဧ့ၤဘြံၤ 2:8

နဒုးပၢအီၤလၢတၢ်ခဲလၢာ်လီၤ. ဒီးလၢနတၢ်ဒုးပၢအီၤလၢတၢ်ခဲလၢာ်န့ၣ်, နတပာ်တ့ၢ်တၢ်လၢအတပၢဘၣ်ဝဲနီတမံၤဘၣ်.” နာ်သက့အခဲအံၤပတထံၣ်ဘၣ်ပှၤကညီပၢတၢ်ခဲလၢာ်ဘၣ်.

၁ ပ့းတရူး 3:22

ယ့ၣ်ၡူးလၢအက့ၤထီၣ်ဆူမူခိၣ်ဒီးအိၣ်ဝဲလၢကစၢ်ယွၤ အစုထွဲတခီဒီးပၢဘၣ်ကလူးခဲလၢာ်ဒီးမူခိၣ်တၢ်အကဟုကညီၢ်ဒီးတၢ်အစိအကမီၤတဖၣ်ခဲလၢာ်တဂၤန့ၣ်လီၤ.

လံာ်လီၣ်ဖျါ 11:15

အန့ၣ်ဝံၤဒီး, ကလူးနွံဂၤတဂၤအူထီၣ်အကွဲၤ, ဒီးတၢ်ကလုၢ်တဖၣ်သီၣ်ထီၣ်ဖးဒိၣ်လၢမူခိၣ်, ဒီးစံးဝဲဒၣ်, “ခဲကနံၣ်အံၤ, တၢ်စိကမီၤဘၣ်ဃးဒီးတၢ်ပၢဘၣ်ဟီၣ်ခိၣ်မ့ၢ် ပကစၢ်ဒီးအမ့းၡံအၤအတၢ်, ဒီးအဝဲဒၣ်ကပၢတၢ်လီၤထူလီၤ ယိာ်လီၤ.”

လံာ်လီၣ်ဖျါ 17:14

အဝဲသ့ၣ်ကဒုးတၢ်ထီဒါသိဖိတဒုန့ၣ်, ဘၣ်ဆၣ်သိဖိအဝဲန့ၣ်, ဃုာ်ဒီးအပျဲၢ်အဘီၣ်လၢအဘၣ်တၢ်ကိးအီၤ, တၢ်ဃုထၢအီၤ, ဒီးအသးတီဝဲတဖၣ်, ကမၤနၢၤအဝဲသ့ၣ်, မ့ၢ်လၢအဝဲဒၣ်မ့ၢ်ကစၢ်တဖၣ်အကစၢ်ဒီးစီၤပၤတဖၣ်အစီၤပၤ အဃိန့ၣ်လီၤ.”

လံာ်လီၣ်ဖျါ 19:16

လၢအဆ့ကၤဖးထီအလိၤ, ဒီးလၢအကံၣ်ဒုၣ်လိၤန့ၣ်မံၤ တဖျၢၣ်အိၣ်ကွဲးအသး, “စီၤပၤတဖၣ်အစီၤပၤဒီးကစၢ် တဖၣ်အကစၢ်” န့ၣ်လီၤ.