လံာ်မးသဲ 28:10 - Sgaw Karen Common Bible

¹⁰ ယ့ၣ်ၡူးစံးဘၣ်အဝဲသ့ၣ်, “ပျံၤတၢ်တဂ့ၤ. လဲၤဒီးတဲဘၣ်ယဒီပုၢ်ဝဲၢ်တဖၣ်လၢအကလဲၤဆူကီၢ်ကၤလံၤလါဒီး ဖဲန့ၣ်အဝဲသ့ၣ်ကထံၣ်ဘၣ်ယၤလီၤ.”

လံာ်မးသဲ 28:10 Iomraidhean Croise

လံာ်မးသဲ 14:27

ဘၣ်ဆၣ်တဘျီဃီယ့ၣ်ၡူးကတိၤတၢ်ဒီးအဝဲသ့ၣ်ဒီးစံး, “ပာ်သုသးဒူဒူတက့ၢ်. မ့ၢ်ဒၣ်ယၤလီၤ. တဘၣ်ပျံၤတၢ်တဂ့ၤ.”

လံာ်မးသဲ 25:40

စီၤပၤကစံးဆၢက့ၤအဝဲသ့ၣ်, ‘ယစံးဘၣ်တဲဘၣ်သုတီတီ, တဘျီလၢ်လၢ်ဖဲသုမၤဘၣ်တၢ်အံၤလၢပှၤအဆံးကတၢၢ်လၢယဒီပုၢ် ဝဲၢ်တဖၣ်အံၤအကျါတဂၤဂၤဒီးမ့ၢ်သုမၤဘၣ်ယၤန့ၣ်လီၤ.’

လံာ်မးသဲ 25:45

စီၤပၤကစံးဆၢတၢ်ဒီးစံး, ‘ယစံးဘၣ်တဲဘၣ်သုတီတီ, တဘျီလၢ်လၢ်ဖဲသုတမၤစၢၤဘၣ်ပှၤအဆံးကတၢၢ်လၢယဒီပုၢ်ဝဲၢ် အကျါတဂၤဂၤန့ၣ်, မ့ၢ်သုတမၤစၢၤဘၣ်ယၤန့ၣ်လီၤ.’

လံာ်မးသဲ 26:32

ဘၣ်ဆၣ်ဒီး, ဖဲတၢ်ဒုးဂဲၤဆၢထၢၣ်ယၤလၢတၢ်သံဝံၤအလီၢ်ခံ, ယကလဲၤဆိပာ်စၢၤဆူကီၢ်ကၤလံၤလါလၢသုမဲာ်ညါလီၤ.”

လံာ်မးသဲ 28:16

ယ့ၣ်ၡူးအပျဲၢ်အဘီၣ်တဆံတဂၤ, လဲၤဆူတၢ်လူၢ်ခိၣ်လၢကီၢ်ကၤလံၤလါ အပူၤ, ဖဲယ့ၣ်ၡူးစံးဘၣ်တ့ၢ်အဝဲသ့ၣ်လၢအကဘၣ်လဲၤဝဲန့ၣ်လီၤ.

လံာ်မးသဲ 28:5

ကလူးန့ၣ်စံးဘၣ်ပှၤပိာ်မုၣ်တဖၣ်န့ၣ်, “တဘၣ်ပျံၤတၢ်တဂ့ၤ. ယသ့ၣ်ညါလၢ သုဃုယ့ၣ်ၡူးလၢအဘၣ်တၢ်ပျၤထီအီၤလၢထူၣ်စုညါ န့ၣ်လီၤ.

လံာ်မးသဲ 28:7

အခဲအံၤက့ၤက့ၤချ့ချ့ဒီး တဲဘၣ်အပျဲၢ်အဘီၣ်တဖၣ်ဒ်အံၤ, ‘အဝဲဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤလၢတၢ်သံလံ. ဒီးအခဲအံၤကလဲၤဆိပာ်စၢၤဆူကီၢ်ကၤလံၤလါလၢ သုမဲာ်ညါဒီးသုကထံၣ်အီၤဖဲန့ၣ်လီၤ.’ သ့ၣ်နီၣ်ထီၣ်တၢ်လၢယစံးဘၣ်တ့ၢ်လံသုန့ၣ်တက့ၢ်.”

လံာ်မးသဲ 28:9

သတူၢ်ကလာ်ယ့ၣ်ၡူးဟဲသဂၢၢ်အဝဲသ့ၣ်ဒီးစံး, “မ်တၢ်ဃူတၢ်မုာ်အိၣ်ဒီးသုတက့ၢ်.” အဝဲသ့ၣ်လဲၤဃီၤဆူယ့ၣ်ၡူးအအိၣ်, ဟံးဃာ်အခီၣ်ဒီးဘူၣ်ထီၣ်ဘါထီၣ်အီၤလီၤ.

လံာ်မၢ်ကူး 16:7

ခဲအံၤလဲၤဒီးစံးဘၣ်တဲဘၣ်အပျဲၢ်အဘီၣ်တဖၣ်ဃုာ်ဒီးစီၤပ့းတရူး လၢအဝဲဒၣ်ကလဲၤဆိပာ်ဆူကီၢ်ကၤလံၤလါလၢအဝဲသ့ၣ်အမဲာ်ညါ, ဒီးဖဲန့ၣ်န့ၣ်သုကထံၣ်ဘၣ်အီၤဒ်အစံးဘၣ်တ့ၢ်သုအသိးန့ၣ်လီၤ.”

လံာ်ယိၤဟၣ် 20:17

ယ့ၣ်ၡူးစံးဘၣ်အီၤ, “တဘၣ်ဖိးဃာ်ယၤတဂ့ၤ. အဂ့ၢ်ဒ်လဲၣ်န့ၣ်, ယတက့ၤထီၣ်ဘၣ်ဆူပၢ်အအိၣ်ဒံးဘၣ်. မ့မ့ၢ်လဲၤဆူယဒီပုၢ်ဝဲၢ် တဖၣ်အအိၣ်ဒီးစံးဘၣ်တဲဘၣ်အဝဲသ့ၣ်လၢယက့ၤထီၣ်ကဒါ က့ၤဆူပှၤလၢအမ့ၢ်ယပၢ်ဒီးမ့ၢ်အဝဲသ့ၣ်အပၢ်, ယကစၢ်ယွၤဒီးအဝဲသ့ၣ်အကစၢ်ယွၤအအိၣ်န့ၣ်တက့ၢ်.”

လံာ်ယိၤဟၣ် 6:20

ယ့ၣ်ၡူးစံးဘၣ်အဝဲသ့ၣ်, “ပျံၤတၢ်တဂ့ၤ, မ့ၢ်ယၤလီၤ.”

ရိမ့ၤ 8:29

ပှၤလၢကစၢ်ယွၤဃုထၢပာ်ဝဲတဖၣ်န့ၣ်, ပာ်လီၤဆီဝဲလၢအကကဲထီၣ်ပှၤလၢအလီၤဂာ်ဒီးအဖိခွါ, ဒ်သိးအဖိခွါကကဲထီၣ်ဝဲၢ်ကိလၢဒီပုၢ်ဝဲၢ်အါဂၤအကျါ န့ၣ်လီၤ.

လံာ်ပှၤစံၣ်ညီၣ်ကွီၢ် 10:16

မၤသးဒ်န့ၣ်ဒီး, အဝဲသ့ၣ်စူးကွံာ်ပှၤတခီဘီမုၢ်ဖိအကစၢ်တဖၣ်, ဒီးဘူၣ်ထီၣ်ဘါထီၣ်ယွၤဒီးယွၤအသးဘၣ်ကိၢ်ဘၣ်ဂီၤလၢ အံၣ်စရ့လးအတၢ်နးတၢ်ဖှီၣ်အဃိလီၤ.