လံာ်မးသဲ 27:57 - Sgaw Karen Common Bible

⁵⁷ တုၤလီၤလၢဟါခီန့ၣ်, ပှၤထူးပှၤတီၤလၢဝ့ၢ်အရံၤမၤသဲဟဲတုၤဝဲ တဂၤလီၤ. အဝဲအမံၤမ့ၢ်စီၤယိၤသးဒီးမ့ၢ်စ့ၢ်ကီးယ့ၣ်ၡူးအပျဲၢ် အဘီၣ်တဂၤလီၤ.

လံာ်မးသဲ 27:57 Iomraidhean Croise

လံာ်ယၡါယၤ 53:9

အဝဲတမၤတ့ၢ်တၢ်အၢတၢ်သီနီတစုဘၣ်ဒီးတကတိၤလီတၢ် နီတဘျီဘၣ်ဒၣ်လဲာ်န့ၣ်အဝဲဘၣ်တၢ်ပာ်လီၤအီၤလၢတၢ်သွၣ်ခိၣ် တပူၤဃုာ်ဒီးပှၤအၢပှၤသီတဖၣ်လီၤ. အဝဲဘၣ်တၢ်ခူၣ်လီၤအီၤဃုာ်ဒီးပှၤထူးပှၤတီၤလီၤ.”

လံာ်မးသဲ 27:58

အဝဲလဲၤဆူစီၤပံၤလးအအိၣ်, ဒီးဃ့န့ၢ်ယ့ၣ်ၡူးအစိၣ်လီၤ. စီၤပံၤလးဟ့ၣ်လီၤအကလုၢ်လၢယ့ၣ်ၡူးအစိၣ်ကဘၣ်တၢ်ဟ့ၣ်လီၤ အီၤဆူစီၤယိၤသးအအိၣ်လီၤ.

လံာ်မၢ်ကူး 6:29

တုၤစီၤယိၤဟၣ်အပျဲၢ်အဘီၣ်တဖၣ်နၢ်ဟူတၢ်ဂ့ၢ်အံၤဒီး အဝဲသ့ၣ်လဲၤဟံးန့ၢ်က့ၤဝဲအစိၣ်ဒီးခူၣ်လီၤဝဲလၢပှၤသွၣ် ခိၣ်အပူၤလီၤ.

မၤတၢ် 13:29

ဒီးအဝဲသ့ၣ်မၤတၢ်လၢတၢ်ကွဲးအသးစီဆှံစံးဝဲဘၣ်ဃးဒီး အီၤခဲလၢာ်ဝံၤအလီၢ်ခံန့ၣ်, အဝဲသ့ၣ်စိာ်လီၤကွံာ်အီၤလၢထူၣ်စုညါ အလိၤ, ဒီးဒၢနုာ်လီၤအီၤဆူတၢ်သွၣ်ခိၣ်အပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 1:1

ပှၤအိၣ်ဝဲတဂၤအမံၤလၢစီၤအ့လကါနၤလီၤ. အဝဲမ့ၢ်ပှၤအ့ဖရဲၣ်အဒူၣ် ဒီးအိၣ်ဝဲလၢဝ့ၢ်ရၤမါလၢကစၢၢ်ကလိအဝ့ၢ်အ့ဖရဲၣ်န့ၣ်လီၤ. အဝဲမ့ၢ်စီၤအလံဟူၤအလံၤခွါဒီးစီၤယဟိရၣ်အဖိခွါဒီးဘၣ် ဃးလၢစီၤတိဟူၤအဟံၣ်ဖိဃီဖိဒီးမ့ၢ်ပှၤလၢစီၤစူာ်အဒူၣ်ထၢ တဒူၣ်အပူၤလီၤ.

လံာ်စီၤၡမူၤအ့လးအခီၣ်ထံးတဘ့ၣ် 7:17

အန့ၣ်ဝံၤဒီးအဝဲက့ၤကဒါက့ၤဝဲဆူအဟံၣ်လၢဝ့ၢ်ရၤမါအပူၤ, ဖဲအဝဲမၤစ့ၢ်ကီးတၢ်ဒ်ပှၤစံၣ်ညီၣ်ကွီၢ်အသိးန့ၣ်လီၤ. လၢဝ့ၢ်ရၤမါအပူၤန့ၣ်အဝဲသူၣ်ထီၣ်တၢ်လုၢ်လီၢ်တခါဆူယွၤအအိၣ်လီၤ.