လံာ်မးသဲ 27:56 - Sgaw Karen Common Bible

⁵⁶ ပှၤမၤကဒါလၣ်မုၣ်နီၢ်မၤရံ, နီၢ်မၤရံလၢအမ့ၢ်စီၤယၤကိာ်ဒီးစီၤယိၤသး အမိၢ်ဒီးစီၤစ့းဘ့းဒဲအမါအိၣ်လၢပှၤပိာ်မုၣ်သ့ၣ်တဖၣ်န့ၣ်အကျါ လီၤ.

လံာ်မးသဲ 27:56 Iomraidhean Croise

လံာ်မးသဲ 13:55

အဝဲဒၣ်အံၤတမ့ၢ်ပှၤစုသ့အဖိခွါဘၣ်ဧါ. အမိၢ်န့ၣ်တမ့ၢ်နီၢ်မၤရံဘၣ်ဧါ. ဒီးအဒီပုၢ်ဝဲၢ်တဖၣ်န့ၣ် တမ့ၢ်ဘၣ်စီၤယၤကိာ်, စီၤယိၤသး, ဒီးစီၤၡံမိၣ်ဒီးစီၤယူဒၤတဖၣ်န့ၣ်ဘၣ်ဧါ.

လံာ်မးသဲ 27:61

ပှၤမၤကဒါလၣ်မုၣ်နီၢ်မၤရံဒီးနီၢ်မၤရံလၢအဂၤတဂၤန့ၣ်, ဆ့ၣ်နီၤဖဲတၢ်သွၣ်ခိၣ်အပူၤအမဲာ်ညါန့ၣ်လီၤ.

လံာ်မးသဲ 28:1

ဖဲပှၤယူဒၤဖိအမုၢ်အိၣ်ဘှံးနံၤဝံၤအလီၢ်ခံ, လၢမုၢ်ခီၣ်ထံးအနံၤဂီၤခီဂီၤဂီၤန့ၣ်, ပှၤမၤကဒါလၣ်မုၣ်နီၢ်မၤရံဒီးနီၢ်မၤရံအဂၤတဂၤန့ၣ် လဲၤဝဲလၢကကွၢ်ယ့ၣ်ၡူးအတၢ်သွၣ်ခိၣ်အပူၤအဂီၢ်လီၤ.

လံာ်မၢ်ကူး 15:47

ပှၤမၤကဒါလၣ်မုၣ်နီၢ်မၤရံဒီးစီၤယိၤစ့ၣ်အမိၢ်နီၢ်မၤရံ တဖၣ်ထံၣ်ဘၣ်ဝဲဒီးကွၢ်နီၣ်ဃာ်ဝဲတၢ်လီၢ်လၢတၢ်ပာ်လီၤ ယ့ၣ်ၡူးန့ၣ်လီၤ.

လံာ်မၢ်ကူး 16:9

ယ့ၣ်ၡူးဂဲၤဆၢထၢၣ်က့ၤလၢတၢ်သံလၢမုၢ်ခီၣ်ထံးနံၤလၢ ဂီၤဂီၤဝံၤအလီၢ်ခံ, အဝဲဒၣ်လီၣ်ဖျါထီၣ်အသးအဆိကတၢၢ်လၢပှၤမၤကဒါလၣ်မုၣ်နီၢ်မၤရံ, ပိာ်မုၣ်လၢအဝဲဟီထီၣ်ကွံာ်တၢ်နါနွံဒုလၢအလိၤန့ၣ်လီၤ. ပိာ်မုၣ်တဖၣ်လဲၤဆူစီၤပ့းတရူးဒီးအတံၤသကိးတဖၣ်အအိၣ် ဒီးစံးဘၣ်တဲဘၣ်အဝဲသ့ၣ်လၢတၢ်လၢအဝဲသ့ၣ်ဘၣ်တၢ်စံးဘၣ်တဲဘၣ် တ့ၢ်အီၤခဲလၢာ်လၢအဖုၣ်လီၤ.

လံာ်လူၤကၣ် 24:10

ပိာ်မုၣ်တဖၣ်န့ၣ်မ့ၢ်ဝဲပှၤမၤကဒါလၣ်မုၣ်နီၢ်မၤရံ, နီၢ်ယိၤအၣ်နၣ်, ဒီးစီၤယၤကိာ်အမိၢ်နီၢ်မၤရံန့ၣ်လီၤ. အဝဲသ့ၣ်ဒီးပိာ်မုၣ်အဂၤလၢအအိၣ်ဒီးအဝဲသ့ၣ်တဖၣ်န့ၣ်, စံးဘၣ်တဲဘၣ်ပှၤတၢ်မၢဖိတဖၣ်လၢတၢ်ဂ့ၢ်သ့ၣ်တဖၣ်အံၤလီၤ.

လံာ်လူၤကၣ် 8:2

ဒီးပိာ်မုၣ်တနီၤလၢယ့ၣ်ၡူးမၤဘျါတ့ၢ်အီၤလၢတၢ်ဝံတၢ်နါဒီး တၢ်ဆူးတၢ်ဆါတဖၣ်, နီၢ်မၤရံ (လၢအဘၣ်တၢ်ကိးစ့ၢ်ကီးအီၤလၢပှၤမၤကဒါလၣ်ဖိ) လၢတၢ်နါနွံဒုဘၣ်တၢ်ဟီထီၣ်ကွံာ်လၢအပူၤ,

လံာ်ယိၤဟၣ် 19:25

ပှၤလၢအအိၣ်ဆၢထၢၣ်ဘူးဒီးယ့ၣ်ၡူးအထူၣ်စုညါန့ၣ်, မ့ၢ်ဝဲယ့ၣ်ၡူးအမိၢ်, အမိၢ်အဒီပုၢ်ဝဲၢ်မုၣ်, စီၤကျ့းအီၤပၤအမါနီၢ်မၤရံ, ဒီးပှၤမၤကဒါလၣ်မုၣ်နီၢ်မၤရံန့ၣ်လီၤ.

လံာ်ယိၤဟၣ် 20:1

လၢမုၢ်ခီၣ်ထံးနံၤဂီၤဂီၤဒီးတၢ်ခံးဒံးအဆၢကတီၢ်န့ၣ်, ပှၤမၤကဒါလၣ်မုၣ်နီၢ်မၤရံလဲၤဆူတၢ်သွၣ်ခိၣ်ဒီးထံၣ် ဘၣ်ဝဲလၢလၢၢ်လၢအအိၣ်လၢတၢ်ပူၤခိၣ်ထိးန့ၣ်, ဘၣ်တၢ်သုးကွံာ်အီၤလံန့ၣ်လီၤ.

လံာ်ယိၤဟၣ် 20:18

အန့ၣ်ဒီး, ပှၤမၤကဒါလၣ်မုၣ်နီၢ်မၤရံလဲၤဒီးစံးဘၣ်တဲဘၣ် အပျဲၢ်အဘီၣ်တဖၣ်လၢအဝဲထံၣ်ဘၣ်ကစၢ်ဒီးတၢ်လၢ ကစၢ်စံးဘၣ်တဲဘၣ်တ့ၢ်အီၤတဖၣ်န့ၣ်လီၤ.