လံာ်မးသဲ 27:52 - Sgaw Karen Common Bible

⁵² တၢ်သွၣ်ခိၣ်အပူၤတဖၣ်အိးထီၣ်အသး, ဒီးကစၢ်ယွၤအပှၤဂီၢ်မုၢ်အါဒံ အါဂၤလၢအသံတ့ၢ်ဝဲတဖၣ်ဘၣ်တၢ်ဒုးဂဲၤဆၢထၢၣ်သမူထီၣ်က့ၤ အီၤလီၤ.

လံာ်မးသဲ 27:52 Iomraidhean Croise

လံာ်စီၤပၤခံဘ့ၣ်တဘ့ၣ် 13:21

တဘျီဖဲပှၤလဲၤခူၣ်လီၤပှၤသံအခါန့ၣ်, တၢ်ထံၣ်ဘၣ်ပှၤတဖၣ်န့ၣ် အကျါပှၤတဖု, ဒီးပှၤဂီၢ်မုၢ်တ့ၢ်လီၤကွံာ်ပှၤအစိၣ်န့ၣ်, ဆူအလံၤၡါအတၢ်သွၣ်ခိၣ်အပူၤဒီးထွးထီၣ်ဃ့ၢ်ကွံာ်ဝဲန့ၣ်လီၤ. တစုဃီဖဲပှၤအစိၣ်ဘၣ်ဒိဒီးစီၤအလံၤၡါအဃံန့ၣ်ပှၤတဂၤန့ၣ် မူထီၣ်က့ၤဝဲဒီးဆၢထၢၣ်ဝဲဒၣ်န့ၣ်လီၤ.

လံာ်ယၡါယၤ 25:8

ယွၤလၢအပၢဘၣ်တၢ်ခဲလၢာ်ကမၤဟးဂီၤကွံာ်တၢ်သံလီၤထူ လီၤယိာ်လီၤ. အဝဲကထွါကွံာ်မဲာ်ထံတဖၣ်လၢပှၤကိးဂၤ ဒဲးအမဲာ်ချံဒီးစိာ်ကွံာ်တၢ်မဲာ်ဆှးလၢအပှၤဂီၢ်မုၢ်ဘၣ်တူၢ်တ့ၢ် ဝဲလၢဟီၣ်ခိၣ်ဒီဘ့ၣ်ညါန့ၣ်လီၤ. ယွၤအကစၢ်ဒၣ်ဝဲကတိၤတ့ၢ်တၢ်လီၤ.

လံာ်ယၡါယၤ 26:19

ပပှၤဂီၢ်မုၢ်လၢအသံတ့ၢ်တဖၣ်ကမူကဒီးလီၤ. အဝဲသ့ၣ်အနီၢ်ခိတဖၣ်ကမူထီၣ်က့ၤလီၤ. ကယဲၢ်ပှၤလၢအမံလၢအသွၣ်ခိၣ်အပူၤတဖၣ်ကပၢၢ်ထီၣ် ဒီးသးဝံၣ်တၢ်လၢတၢ်သးခုအပူၤလီၤ. ဒ်ဘှ့ၣ်ပစီၤအတၢ်ကပီၤမၤသီထီၣ်က့ၤဟီၣ်ခိၣ်အသိးန့ၣ်, ယွၤကမၤမူထီၣ်ပှၤလၢအသံတ့ၢ်ဝဲလၢပျၢၤတဖၣ်လီၤ.

လံာ်ဒၤနံးယ့လး 12:2

ဒီးပှၤအါဂၤလၢအသံတ့ၢ်လံတဖၣ်ကမူထီၣ်က့ၤဝဲ, တနီၤဆူတၢ်မူအထူအယိာ်ဒီးတနီၤဆူတၢ်မဲာ်ဆှးဒီးတၢ်လီၤ သးဘၣ်အၢအထူအယိာ်န့ၣ်လီၤ.

လံာ်ဟိၤၡ့ 13:14

ယတအုၣ်က့ၤခီၣ်က့ၤဘၣ်ပှၤဂီၢ်မုၢ်အံၤလၢတၢ်သံအကီၢ်ပူၤမ့ၢ်ဂ့ၤ, မၤပူၤဖျဲးအဝဲသ့ၣ်လၢတၢ်သံအစိကမီၤမ့ၢ်ဂ့ၤဘၣ်. ဟဲစိာ်ဃီၤနတၢ်သံသတြိာ်, ဟဲစိာ်ဃီၤနတၢ်မၤဟးဂီၤ, တၢ်သံအဘီအမုၢ်ဧၢ. ယတသးကညီၤလၢၤဘၣ်ပှၤဂီၢ်မုၢ်အံၤဘၣ်.

လံာ်ယိၤဟၣ် 11:11

ယ့ၣ်ၡူးကတိၤတၢ်န့ၣ်တဖၣ်ဝံၤစံးကဒီးဝဲ, “ပတံၤသကိးစီၤလါစရူးတဂၤမံဘၣ်အသးလံ. ဘၣ်ဆၣ်ယကလဲၤဒီးထိၣ်ဂဲၤထၢၣ်အီၤန့ၣ်လီၤ.”

မၤတၢ် 7:60

အန့ၣ်ဝံၤအဝဲဒၣ်ချံးလီၤအခီၣ်ဒီးကိးပသူထီၣ်လၢအကလုၢ်ဖးဒိၣ်, “ကစၢ်ဧၢ, ပျၢ်လၢ်အဝဲသ့ၣ်အတၢ်ကမၣ်အံၤတက့ၢ်.” အဝဲဒၣ်စံးတၢ်အံၤဝံၤအသးဟးထီၣ်ဝဲဒၣ်လီၤ.

1 ကရံၣ်သူး 11:30

လၢတၢ်ဂ့ၢ်အဝဲန့ၣ်အဃိ, သုဝဲအါဒံအါဂၤသုဂံၢ်စၢ်ဘါစၢ်, ဒီးဆူးဝဲဆါဝဲ, ဒီးတနီၤသံကွံာ်ဝဲဒၣ်န့ၣ်လီၤ.

1 ကရံၣ်သူး 15:20

ဘၣ်ဆၣ်ဒီး, တၢ်မ့ၢ်တၢ်တီန့ၣ်မ့ၢ်ဝဲခရံာ်ဘၣ်တၢ်ဒုးဂဲၤဆၢထၢၣ် သမူထီၣ်တ့ၢ်လံအီၤဒ်အမ့ၢ်တၢ်အုၣ်ခီၣ်အသးလၢပှၤမံလၢတၢ်သံ အပူၤတဖၣ်ကဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤစ့ၢ်ကီး န့ၣ်လီၤ.

1 ကရံၣ်သူး 15:51

ဒိကနၣ်တၢ်ဂ့ၢ်ဘၣ်ဃးတၢ်မ့ၢ်တၢ်တီလၢအမ့ၢ်တၢ်ခူသူၣ် တမံၤအံၤန့ၣ်တက့ၢ်. ပတသံပဝဲကိးဂၤဒဲးဘၣ်. မ့မ့ၢ်ဖဲကွဲၤသီၣ်ထီၣ်လၢခံကတၢၢ်န့ၣ်, ပကဘၣ်တၢ်လဲလိာ်ကွံာ်ပှၤလၢတစိၢ်ဖိအတီၢ်ပူၤ, ချ့သဒံးဒ်ပှၤဖျးပှၤမဲာ်ချံအသိးန့ၣ်လီၤ. အဂ့ၢ်ဒ်အံၤ, ဖဲကွဲၤသီၣ်ထီၣ်န့ၣ် ပှၤသံတဖၣ်ကဘၣ်တၢ်ဒုးဂဲၤဆၢထၢၣ် သမူထီၣ်က့ၤအီၤ, ဒ်သိးအသုတသံလၢၤနီတဘျီတဂ့ၤ. ဒီးပဝဲကိးဒံကိးဂၤဒဲးပကဘၣ်တၢ်လဲလိာ်ကွံာ်ပှၤလီၤ.

၁ သ့းစၤလနံ 4:14

ပနာ်လၢယ့ၣ်ၡူးသံဒီးဂဲၤဆၢထၢၣ်သမူထီၣ်က့ၤလီၤ. ဒ်န့ၣ်အသိး, ပှၤလၢအသံတ့ၢ်ဝဲလၢတၢ်စူၢ်တၢ်နာ်ယ့ၣ်ၡူးအပူၤတဖၣ်န့ၣ်, ကစၢ်ယွၤကဒုးဂဲၤဆၢထၢၣ်က့ၤအဝဲသ့ၣ်ဃုာ်ဒီးအီၤန့ၣ်လီၤ.

၁ သ့းစၤလနံ 5:10

လၢအသံလၢပဂီၢ်ဒ်သိးဖဲအဝဲဒၣ်ဟဲက့ၤအခါန့ၣ်ပမူမ့ၢ်ဂ့ၤ, ပသံမ့ၢ်ဂ့ၤ, ပကအိၣ်ဘၣ်ဒီးအီၤတပူၤဃီအဂီၢ်န့ၣ်လီၤ.