လံာ်မးသဲ 27:51 - Sgaw Karen Common Bible

⁵¹ တုၤနုၤတစု, ယၣ်ဘျးသဒၢလၢအအိၣ်စဲၤလီၤအသးလၢတၢ်လုၢ်ဟံၣ်ပူၤတဘ့ၣ်န့ၣ်, ယာ်ကွံာ်ခံခီစးထီၣ်လၢအခိၣ်ပၢၢ်လၢအခီၣ်ထံးလီၤ. ဟီၣ်ခိၣ်ဟူးဝဲ, လၢၢ်ဧိၤလ့ဧိၤတဖၣ်သ့ၣ်မုၢ်သ့ၣ်ဖးကွံာ်,

လံာ်မးသဲ 27:51 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 3:14

ယၣ်ဘျးသဒၢတၢ်တဘ့ၣ်လၢတၢ်လီၢ်စီဆှံကတၢၢ်အဂီၢ်န့ၣ်, ဘၣ်တၢ်ဆးအီၤလၢဖှီဝါကဆှၣ်ဒီးတၢ်အဂၤတဖၣ်လၢအဘၣ်တၢ်စုၣ် လွဲၢ်လါဟ့, စုၣ်လွဲၢ်လုးတကုးဒီးစုၣ်လွဲၢ်ဂီၤအီၤ, အိၣ်ဒီးခ့ရူာ်အဂီၤတဖၣ်လၢတၢ်ဆးဖျါထီၣ်အီၤလၢအလိၤန့ၣ် လီၤ.

စံးထီၣ်ပတြၢၤ 18:15

ယွၤဧၢ, ဖဲနသိၣ်နသီနဒုၣ်နဒါတဖၣ်, ဒီးနသါသဖှိထီၣ်တၢ်ဆူၣ်ဆူၣ်ကလဲာ် လၢတၢ်သးထီၣ်န့ၣ်, ပီၣ်လဲၣ်အခံဒးဖျါထီၣ်ဝဲ ဒီးဟီၣ်ခိၣ်အခီၣ်ထံးတဖၣ် ဘၣ်တၢ်မၤဖျါထီၣ်အီၤန့ၣ်လီၤ.

စံးထီၣ်ပတြၢၤ 18:7

တုၤနုၤတစုဟီၣ်ခိၣ်ဟူးဝးဒီးဆှဲးဆှိးဝဲ, ကစၢၢ်တဖၣ်အခီၣ်ထံးသုးအသးဒီးဟူးဝးဝဲ, မ့ၢ်လၢကစၢ်ယွၤသးဒိၣ်ထီၣ်အဃိန့ၣ်လီၤ.

လံာ်တၢ်ဟးထီၣ်ကွံာ် 40:21

အန့ၣ်ဝံၤဒီးအဝဲဒၢနုာ်တလါစီဆှံန့ၣ်ဆူဒဲစီဆှံအပူၤဒီး ဘျးလီၤယၣ်ဘျးသဒၢတၢ်လၢအကမၤသဒၢအီၤန့ၣ်လီၤ. လၢကျဲဒ်အံၤန့ၣ်အဝဲဘျးသဒၢတၢ်အၢၣ်လီၤအီလီၤအတလါစီဆှံဒ် ယွၤမၤလိာ်တ့ၢ်ဝဲအသိးန့ၣ်လီၤ.

လံာ်ယၡါယၤ 25:7

ဖဲအံၤယွၤကသုးကွံာ်တၢ်သးအုးအတၢ်အၢၣ်လၢအအိၣ်လၢ ကယဲၢ်ပှၤကလုာ်ခဲလၢာ်အဖီခိၣ်သတူၢ်ကလာ်လီၤ.

လံာ်တၢ်ဘူၣ်ထီၣ်ဘါထီၣ် 16:2

ဒီးယွၤစံးဘၣ်စီၤမိၤၡ့, “စံးဘၣ်နဒီပုၢ်ဝဲၢ်စီၤအၤဟရိၣ်လၢအသုတလဲၤနုာ်ဆူတၢ်လီၢ် စီဆှံကတၢၢ်လၢယၣ်ဘျးသဒၢသးအချၢကိးဆၢကိးကတီၢ်ဒဲးတဂ့ၤ. အဂ့ၢ်ဒ်အံၤ, တၢ်လီၢ်ဝဲန့ၣ်မ့ၢ်ယလီၣ်ဖျါထီၣ်ယသးခီဖျိတၢ်အၢၣ်, လၢတၢ်အၢၣ်လီၤအီလီၤအတလါစီဆှံအဖီခိၣ်န့ၣ်လီၤ. မ့ၢ်တဒိကနၣ်ဝဲဘၣ်ဒီးကဘၣ်တၢ်မၤသံအီၤန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 21:23

ဘၣ်ဆၣ်ဒီးမ့ၢ်လၢအအိၣ်ဒီးနီၢ်ခိက့ၢ်ဂီၤအတၢ်လီၤတူာ် လီၤကာ်အဃိဒီး, အဝဲတဘၣ်ဟဲဘူးဆူယၣ်ဘျးတဒၢစီဆှံမ့ၢ်ဂ့ၤ, တၢ်လုၢ်လီၢ်မ့ၢ်ဂ့ၤန့ၣ်ဘၣ်. အဝဲတဘၣ်မၤဘၣ်အၢတၢ်စီဆှံတဖၣ်အံၤဘၣ်. အဂ့ၢ်ဒ်အံၤ, ယမ့ၢ်ယွၤ, ဒီးယမၤစီဆှံတၢ်တဖၣ်အံၤလီၤ.”

လံာ်ဃဘးကူာ် 3:10

တုၤကစၢၢ်ကလိတဖၣ်ထံၣ်ဃီၤနၤဒီးကနိးကစုာ်တ့ၢ်ဝဲ, ဒီးထံဂၢ်လီၤတ့ၢ်အသးလၢ မူခိၣ်အလီၢ်တဖၣ်အပူၤန့ၣ်လီၤ. ထံလၢဟီၣ်ခိၣ်လာ်တဖၣ်သီၣ်ထီၣ်ရုၢ်ရုၢ် ဒီးအလပီတဖၣ်ထီၣ်ထီဝဲလီၤ.

လံာ်ဃဘးကူာ် 3:13

နဟးထီၣ်လၢနကအုၣ်က့ၤခီၣ်က့ၤပှၤဂီၢ်မုၢ် ဒီးလၢစီၤပၤလၢနဃုထၢတ့ၢ်လံအီၤ အတၢ်အုၣ်က့ၤခီၣ်က့ၤအဂီၢ်လီၤ. နတီၢ်လီၤဃံၤကွံာ်ပှၤတတီတလိၤအခိၣ်အနၢ် ဒီးမၤဟးဂီၤကွံာ်အပျဲၢ်အဘီၣ်တဖၣ် လၢာ်လၢာ်ဆ့ဆ့လီၤ.

လံာ်တၢ်ဂံၢ် 4:5

ယွၤဟ့ၣ်လီၤစီၤမိၤၡ့လၢတၢ်သိၣ်လိနဲၣ်ယုၤတဖၣ်ဒ်အဖီလာ်အံၤ အသိးန့ၣ်လီၤ. ဖဲအကတီၢ်လၢတၢ်ကရူၢ်လီၤတၢ်သူၣ်ဒဲအလီၢ်န့ၣ်, စီၤအၤဟရိၣ်ဒီးအဖိခွါတဖၣ်ကလဲၤနုာ်လီၤဆူဒဲစီဆှံအပူၤ, ဘ့ၣ်လီၤယၣ်ဘျးသဒၢလၢအအိၣ်လၢတၢ်အၢၣ်လီၤအီလီၤ အတလါစီဆှံအမဲာ်ညါဒီးကးဘၢတလါစီဆှံလၢယၣ်န့ၣ်လီၤ.

လံာ်မးသဲ 27:54

တုၤသုးခိၣ်တဂၤဃုာ်ဒီးအသုးဖိလၢအအိၣ်ခိးကွၢ်ယ့ၣ်ၡူးတဖၣ်, ထံၣ်ဟီၣ်ခိၣ်ဟူးဒီးတၢ်ခဲလၢာ်လၢအမၤအသးတဖၣ်န့ၣ်, အဝဲသ့ၣ်အသူၣ်ပျံၤအသးဖုးဒီးစံး, “ပှၤအဝဲအံၤ မ့ၢ်နီၢ်နီၢ်ကစၢ်ယွၤအဖိခွါလီၤ.”

လံာ်မးသဲ 28:2

သတူၢ်ကလာ်, ဟီၣ်ခိၣ်ဟူးဝးဝဲဆူၣ်ဆူၣ်ကလဲာ်, အဂ့ၢ်မ့ၢ်လၢကစၢ်အကလူးတဂၤဟဲလီၤလၢမူခိၣ်, တလ့ၣ်ကွံာ်လၢၢ်လၢတၢ်သွၣ်ခိၣ်ပူၤအခိၣ်ထိးဒီးဆ့ၣ်နီၤဝဲလၢ အဖီခိၣ်အဃိလီၤ.

လံာ်မၢ်ကူး 15:38

ဒီးယၣ်ဘျးသဒၢလၢတၢ်လုၢ်ဟံၣ်ပူၤတဘ့ၣ်န့ၣ်ယာ်ကွံာ်ဝဲခံခီ, စးထီၣ်လၢအဖီခိၣ်တုၤလီၤလၢအခီၣ်ထံးန့ၣ်လီၤ.

လံာ်လူၤကၣ် 23:45

ဒီးတၢ်လုၢ်ဟံၣ်အယၣ်ဘျးတဒၢတဘ့ၣ်န့ၣ်, ယာ်ကွံာ်ဝဲဒၣ်ခံခီလီၤ.

လံာ်လူၤကၣ် 23:47

ပှၤသုးဖိတကယၤအခိၣ်ထံၣ်တၢ်လၢအမၤတ့ၢ်အသးတဖၣ် စံးထီၣ်ပတြၢၤယွၤဒီးစံးဝဲ, “သပှၢ်ကတၢၢ် ပှၤတဂၤအံၤမ့ၢ်ပှၤဂ့ၤပှၤဝါလီၤ.”

ဧ့ၤဘြံၤ 6:19

ပအိၣ်ဒီးတၢ်မုၢ်လၢ်အံၤဒ်ပသးသမူအနီၣ်သက့ၤအသိးလီၤ. တၢ်မုၢ်လၢ်အံၤမ့ၢ်တၢ်လၢအလီၤတံၢ်ဒီးဂၢၢ်ဝဲကျၢၤဝဲ ဒီးလဲၤနုာ်ပၢၢ်တုၤလၢတၢ်စီဆှံအလီၢ်ဖျိကွံာ်ယၣ်ဘျးလီၤအသး,

ဧ့ၤဘြံၤ 9:3

ဒဲလၢအအိၣ်လၢယၣ်ဘျးသဒၢတၢ်ခံဘ့ၣ်တဘ့ၣ်အလီၢ်ခံတခီ ဘၣ်တၢ်ကိးအီၤလၢတၢ်စီတၢ်ဆှံကတၢၢ်အလီၢ်န့ၣ်လီၤ.

လံာ်လီၣ်ဖျါ 11:13

တကတီၢ်ဃီဖဲန့ၣ်ဟီၣ်ခိၣ်ဟူးဝးဝဲဒၣ်ဆူၣ်ဆူၣ်ကလဲာ်, ဝ့ၢ်အဆံဆဲၣ်ပူဘၣ်တၢ်မၤဟးဂီၤကွံာ်အီၤ, ဒီးပှၤအဂၤနွံကထိ သံကွံာ်ဝဲဒၣ်လီၤ. ပှၤအိၣ်လီၤတဲာ်တ့ၢ်တဖၣ်အသူၣ်ပျံၤသးဖုး ဒီးစံးထီၣ်ပတြၢၤကစၢ်ယွၤလၢမူခိၣ်တဂၤအတၢ်ဒိၣ်တၢ်မုၢ် န့ၣ်လီၤ.

လံာ်လီၣ်ဖျါ 11:19

တုၤနုၤတစုကစၢ်ယွၤအတၢ်လုၢ်ဟံၣ်လၢမူခိၣ်အိးထီၣ်အသး, ဒီးတၢ်အၢၣ်လီၤအီလီၤအတလါဘၣ်တၢ်ထံၣ်အီၤဖဲန့ၣ်လီၤ. အန့ၣ်ဝံၤဒီးလီဝၢ်အဒံး, တၢ်သီၣ်ထီၣ်ဝဲဒၣ်ရုၢ်ရုၢ်, လီသီၣ်လီသဲ, ဟီၣ်ခိၣ်ဟူးဝးဒီးသူၣ်အဖျၢၣ်တဖၣ်ဟဲလီၤဝဲဒ် တၢ်စူၤဖးဒိၣ်အသိးန့ၣ်လီၤ.