လံာ်မးသဲ 27:5 - Sgaw Karen Common Bible

⁵ စီၤယူဒၤကွံာ်လီၤအစ့အဘ့ၣ်တဖၣ်လၢတၢ်လုၢ်ဟံၣ်အပူၤ, ဒီးဟးထီၣ်ကွံာ်ဖဲန့ၣ်လီၤ. တုၤနုၤတစုအဝဲဟးထီၣ်ကွံာ်ဝဲဆူတၢ်ချၢ, ဒီးလဲၤစၢသံလီၤအသးလီၤ.

လံာ်မးသဲ 27:5 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 17:23

ဖဲစီၤအဃံသဖ့ၤလးထံၣ်သ့ၣ်ညါဝဲလၢအတၢ်ဟ့ၣ်ကူၣ်တဘၣ်တၢ်မၤ ထွဲအီၤန့ၣ်, အဝဲဂီၤကၢ်ထီၣ်အကသ့ၣ်ယီၤဒီးက့ၤကဒါက့ၤဆူအဝ့ၢ်ဒၣ်ဝဲန့ၣ်လီၤ. တုၤအဝဲကျဲၤလီၤအဟံၣ်အဃီ အဂ့ၢ်အကျိၤဘၣ်ဘၣ်ဝံၤအလီၢ်ခံန့ၣ်, အဝဲစၢသံလီၤက့ၤအသးန့ၣ် လီၤ. အဝဲဘၣ်တၢ်ခူၣ်လီၤကွံာ်အီၤဖဲအဒူၣ်ဖိထၢဖိအသွၣ်ခိၣ်အပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 16:18

တုၤစီၤစံၣ်ရံၤထံၣ်ဝဲဒၣ်လၢဝ့ၢ်ဘၣ်တၢ်မၤန့ၢ်ကွံာ်အီၤလံ န့ၣ်အဝဲလဲၤနုာ်ဆူနီအသးကံၢ်ပူၤ, ဆိၣ်ကဲၤထီၣ်နီလၢမ့ၣ်အူဒီးသံဝဲလၢမ့ၣ်အူလၣ်အကျါန့ၣ်လီၤ.

လံာ်စီၤယိၤဘး 2:9

တုၤနုၤတစုအမါစံးဘၣ်အီၤ, “မ့ၢ်နဟံးဃာ်ဒံးနတၢ်တီတၢ်လိၤ ဂၢၢ်ဂၢၢ်ကျၢၤကျၢၤန့ၣ်ဧါ. ဆိၣ်ကစၢ်ယွၤဒီးသံတက့ၢ်.”

လံာ်စီၤယိၤဘး 7:15

တုၤဒၣ်လဲာ်ယအဲၣ်ဒိးဘၣ်တၢ်စံၢ်သံယၤဒိၣ်န့ၢ်ဒံးယကအိၣ် မူလၢယနီၢ်ခိနီၢ်ကစၢ်လၢအဘၣ်နးဘၣ်ဖှီၣ်အပူၤအံၤတက့ၢ်န့ၣ်လီၤ.

စံးထီၣ်ပတြၢၤ 55:23

ဘၣ်ဆၣ်နဲဒၣ်ကစၢ်ယွၤဧၢ, နကဒုးလဲၤလီၤအဝဲသ့ၣ်ဆူ တၢ်ဟးဂီၤအတၢ်ပူၤလီၤ. ပှၤမၤသံတၢ်ဒီးပှၤလီတၢ်တဖၣ်န့ၣ်, တအိၣ်မူဘၣ် အမုၢ်နံၤမုၢ်သီတဝာ်ဒၣ်လဲာ်န့ၣ်ဘၣ်. မ့မ့ၢ်ယဲဒၣ်အံၤယကသန့ၤယသးလၢနၤလီၤ.

လံာ်မးသဲ 26:61

ဒီးစံး, “ပှၤအံၤစံးဝဲ, ‘ယမၤလီၤပှီၢ်ကွံာ်ကစၢ်ယွၤအတၢ် လုၢ်ဟံၣ်ဒီးလၢသၢသီအတီၢ်ပူၤန့ၣ် ယဘှီထီၣ်က့ၤအီၤသ့လီၤ.’ ”

လံာ်မးသဲ 27:6

ပှၤလုၢ်တၢ်အခိၣ်အဒိၣ်တဖၣ်ထၢထီၣ်က့ၤစ့အဘ့ၣ်တဖၣ်ဒီးစံး, “စ့အံၤမ့ၢ်တၢ်သွံၣ်တၢ်စီၤအစ့အဃိ, ပကပာ်အီၤလၢတၢ်လုၢ်ဟံၣ်အတၢ်ပာ်ဖှိၣ်စ့အလီၢ်န့ၣ် ထီဒါပတၢ်သိၣ်တၢ်သီလီၤ.”

လံာ်လူၤကၣ် 1:21

ဖဲအဆၢကတီၢ်ဝဲန့ၣ်ပှၤဂီၢ်မုၢ်တဖၣ်အိၣ်ခိးစီၤစဃၤရံလၢတၢ်ချၢဒီး ကမၢကမၣ်ဝဲလၢအဝဲဒၣ်အိၣ်လၢတၢ်လုၢ်ဟံၣ်အပူၤယံာ်တ့ၢ် ဃဲးဃဲးအဃိန့ၣ်လီၤ.

လံာ်လူၤကၣ် 1:9

ဒ်ပှၤလုၢ်တၢ်အခိၣ်တဖၣ်အလုၢ်အလၢ်အိၣ်ဝဲအသိးန့ၣ်, အဝဲဒၣ်ဘၣ်တၢ်ဃုထၢထီၣ်အီၤခီဖျိတၢ်ဖီၣ်တၢ်ဖးလၢ အကဆိၣ်ကဲၤတၢ်နၢမူလၢတၢ်လုၢ်လီၢ်အဖီခိၣ်လီၤ. လၢတၢ်န့ၣ်အဃိ အဝဲဒၣ်လဲၤနုာ်ဆူကစၢ်ယွၤအတၢ်လုၢ်ဟံၣ် အပူၤ

လံာ်ပှၤစံၣ်ညီၣ်ကွီၢ် 9:54

တုၤနုၤတစု, အဝဲကိးန့ၢ်ပှၤသးစၢ်လၢအစိာ်အစုကဝဲၤန့ၣ်ချ့ချ့ဒီးစံးဘၣ်အီၤ, “ထုးထီၣ်နနးဒီးမၤသံကွံာ်ယၤတက့ၢ်. ယတအဲၣ်ဒိးလၢပှၤစံးလၢပိာ်မုၣ်တဂၤမၤသံယၤန့ၣ်ဘၣ်.” ဒီးပှၤသးစၢ်န့ၣ်ဆဲးဖျိအီၤဒီးသံဝဲလီၤ.