လံာ်မးသဲ 27:42 - Sgaw Karen Common Bible

⁴² “အဝဲမၤပူၤဖျဲးပှၤအဂၤတဖၣ်သ့, မ့မ့ၢ်အနီၢ်ကစၢ်ဒၣ်ဝဲန့ၣ်မၤပူၤဖျဲးလီၤက့ၤအသးတသ့ဘၣ်. ပှၤအံၤမ့ၢ်ပှၤအံၣ်စရ့လးဖိအစီၤပၤတမ့ၢ်ဘၣ်ဧါ. အဝဲမ့ၢ်ဟဲက့ၤလီၤလၢ ထူၣ်စုညါအလိၤအခဲအံၤဒီးပကနာ်အီၤလီၤ.

လံာ်မးသဲ 27:42 Iomraidhean Croise

လံာ်မးသဲ 2:2

“ဖိသၣ်လၢအအိၣ်ဖျဲၣ်ထီၣ်ဒီးလၢအကကဲထီၣ်ပှၤယူဒၤဖိတဖၣ် အစီၤပၤတဂၤန့ၣ်မ့ၢ်အအိၣ်ဖဲလဲၣ်. ပထံၣ်ဘၣ်တ့ၢ်လံအဆၣ်လၢမုၢ်ထီၣ်တခီဒီးပဟဲသကိးလၢပကဘူၣ်ထီၣ် ဘါထီၣ်အီၤအဂီၢ်လီၤ.”

လံာ်မးသဲ 27:37

လၢထူၣ်စုညါအလိၤဖဲယ့ၣ်ၡူးအခိၣ်ထးန့ၣ်, ပှၤကွဲးလီၤတၢ်ကွဲး, “အဝဲအံၤ မ့ၢ်ယ့ၣ်ၡူး, ပှၤယူဒၤဖိအစီၤပၤ” လၢအမ့ၢ်တၢ်ကမၣ်လၢအဘၣ်တၢ်ပာ်ဝဲလၢ ယ့ၣ်ၡူးအလိၤန့ၣ်လီၤ.

လံာ်မးသဲ 27:40

“နသါကမၤလီၤပှီၢ်ကွံာ်တၢ်လုၢ်ဟံၣ်ဒီးဘှီထီၣ်က့ၤအီၤလၢ သၢသီအတီၢ်ပူၤဘၣ်. နမ့မ့ၢ်ကစၢ်ယွၤအဖိခွါဒီး, မၤပူၤဖျဲးက့ၤနသးဒၣ်နဲတက့ၢ်. ဟဲက့ၤလီၤလၢထူၣ်စုညါအလိၤတက့ၢ်.”

လံာ်မးသဲ 27:41

ပှၤလုၢ်တၢ်အခိၣ်အဒိၣ်, ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤယူဒၤဖိအကရၢအခိၣ်အနၢ်တဖၣ်စ့ၢ်ကီး, ဒုၣ်ဒွဲၣ်နံၤဘၣ်ဖၣ်လဲအီၤဒ်န့ၣ်အသိးဒီးစံး,

လံာ်မၢ်ကူး 15:31

ဒ်န့ၣ်အသိး, ပှၤလုၢ်တၢ်အခိၣ်အဒိၣ်တဖၣ်ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ် သီတဖၣ်ကတိၤဒုၣ်ဒွဲၣ်ယ့ၣ်ၡူးဒီးစံးလိာ်အသးကဒဲကဒဲ, “အဝဲဒၣ်မၤပူၤဖျဲးတ့ၢ်ပှၤဂၤအသးသမူ, ဘၣ်ဆၣ်ကမၤပူၤဖျဲးအသးသမူဒၣ်ဝဲန့ၣ်မၤဝဲတသ့ဘၣ်.

လံာ်မၢ်ကူး 15:32

ခရံာ်လၢအမ့ၢ်အံၣ်စရ့လးအစီၤပၤတဂၤအံၤ, မ်အကဟဲက့ၤလီၤလၢထူၣ်စုညါအလိၤခဲအံၤဒ်သိး ပကထံၣ်ဘၣ်တၢ်မၤအသးဒီးနာ်အီၤကသ့အဂီၢ်န့ၣ်တက့ၢ်.” ဒီးပှၤခံဂၤလၢအဘၣ်တၢ်ပျၤထီအီၤတပူၤဃီဒီးယ့ၣ်ၡူးန့ၣ်, ကတိၤစံးအၢစံးသီစ့ၢ်ကီးအီၤလီၤ.

လံာ်လူၤကၣ် 19:38

“မ်ကစၢ်ယွၤဆိၣ်ဂ့ၤစီၤပၤလၢအဟဲလၢကစၢ်အမံၤတဂၤန့ၣ်တက့ၢ်. မ်တၢ်ဃူတၢ်ဖိးအိၣ်ဝဲလၢမူခိၣ်, ဒီးတၢ်လၤကပီၤဘၣ်ကစၢ်ယွၤတက့ၢ်.”

လံာ်လူၤကၣ် 23:35

ပှၤဂီၢ်မုၢ်တဖၣ်အိၣ်ဆၢထၢၣ်ဝဲဖဲန့ၣ်ဒီးကွၢ်ကီတၢ်, ဖဲပှၤယူဒၤအခိၣ်အနၢ်တဖၣ်ကတိၤနံၤဘၣ်ဖၣ်လဲအီၤဒီးစံး, “အဝဲဒၣ်အုၣ်က့ၤခီၣ်က့ၤပှၤဂၤတဖၣ်လီၤ. အဝဲမ့မ့ၢ်ခရံာ်လၢကစၢ်ယွၤဃုထၢတ့ၢ်အီၤတဂၤဒီး, မ်အအုၣ်က့ၤခီၣ်က့ၤအသးဒၣ်ဝဲတက့ၢ်.”

လံာ်လူၤကၣ် 23:37

ဒီးစံးဝဲ, “နမ့မ့ၢ်ပှၤယူဒၤဖိတဖၣ်အစီၤပၤန့ၣ်, အုၣ်က့ၤခီၣ်က့ၤလီၤနသးဒၣ်နဲတက့ၢ်.”

လံာ်ယိၤဟၣ် 1:49

စီၤနၤသန့လးစံးဆၢတၢ်ဒီးစံးဝဲ, “သရၣ်ဧၢ, နဲဒၣ်အံၤနမ့ၢ်ကစၢ်ယွၤ အဖိခွါ, နမ့ၢ်အံၣ်စရ့လးအစီၤပၤန့ၣ်လီၤ.”

လံာ်ယိၤဟၣ် 12:13

လၢတၢ်န့ၣ်အဃိ, အဝဲသ့ၣ်ဟံးန့ၢ်လိၣ်ဒၢအဒ့တဖၣ်ဒီးလဲၤထီၣ် သဂၢၢ်အီၤဒီးကိးပသူထီၣ်ဝဲ, “အုၣ်က့ၤခီၣ်က့ၤပှၤတက့ၢ်. မ်ကစၢ်ယွၤဆိၣ်ဂ့ၤပှၤလၢအဟဲလၢကစၢ်အမံၤတဂၤတက့ၢ်. မ်ကစၢ်ယွၤဆိၣ်ဂ့ၤအံၣ်စရ့လးအစီၤပၤတက့ၢ်.”

လံာ်ယိၤဟၣ် 12:47

ပှၤတဂၤလၢ်လၢ်လၢအနၢ်ဟူယတၢ်ကစီၣ်ဒီးတစူၢ်ဝဲဘၣ်န့ၣ်, ယတစံၣ်ညီၣ်အီၤဘၣ်. ယဟဲဒ်သိးယကအုၣ်က့ၤခီၣ်က့ၤပှၤဟီၣ်ခိၣ်ဖိ ဒီးတမ့ၢ်ဘၣ်လၢယကစံၣ်ညီၣ်အီၤအဂီၢ်ဘၣ်.

လံာ်ယိၤဟၣ် 9:24

ပှၤယူဒၤဖိအခိၣ်အနၢ်တဖၣ်ကိးကဒါက့ၤပှၤလၢအမဲာ်ထံၣ်ထီၣ် က့ၤတၢ်တဂၤန့ၣ်ခံဘျီတဘျီဒီးစံးဘၣ်အီၤ, “အၢၣ်လီၤနသးလၢကစၢ်ယွၤအမဲာ်ညါလၢနကတဲတၢ်မ့ၢ် တၢ်တီန့ၣ်တက့ၢ်. ပသ့ၣ်ညါလၢပှၤလၢအမၤဘျါနၤအံၤ မ့ၢ်ပှၤတၢ်ဒဲးဘးဖိတဂၤန့ၣ်လီၤ.”

မၤတၢ် 4:14

ဘၣ်ဆၣ်ဒီးမ့ၢ်လၢအဝဲသ့ၣ်ထံၣ်ဘၣ်ပှၤတဂၤလၢတၢ်မၤဘျါ က့ၤအခီၣ်န့ၣ်အိၣ်ဆၢထၢၣ်ဖဲစီၤပ့းတရူးဒီးစီၤယိၤဟၣ် အကပၤထံးအဃိ, အဝဲသ့ၣ်စံးကတိၤက့ၤတၢ်တသ့လၢၤနီတမံၤဘၣ်န့ၣ်လီၤ.