လံာ်မးသဲ 27:4 - Sgaw Karen Common Bible

⁴ ဒီးစံး, “ယမၤဘၣ်တၢ်ဒဲးဘးခီဖျိတၢ်ဆါလီၤကွံာ်ပှၤလၢ အတၢ်ကမၣ်တအိၣ်ဘၣ်တဂၤဆူတၢ်သံအပူၤလံ.” ဒီးအဝဲသ့ၣ်စံးဆၢအီၤ, “တၢ်အဝဲန့ၣ်တဘၣ်ဃးဒီးပှၤဘၣ်. ဘၣ်ဃးဒၣ်ဒီးနၤလီၤ.”

လံာ်မးသဲ 27:4 Iomraidhean Croise

လံာ်စီၤပၤအခီၣ်ထံးတဘ့ၣ် 21:27

တုၤစီၤအ့ၤလံယၤကတိၤတၢ်ဝံၤန့ၣ်, စီၤအၤဃာ်ဖှီယာ်ကွံာ်အကူ အသိးတဖၣ်, ဘ့ၣ်လီၤကွံာ်အီၤဒီးကူထီၣ်ကၤထီၣ်ဆ့ကၤထၢၣ်တၢ်ကံးယာ်န့ၣ် လီၤ. အဝဲဂ့ၢ်လိာ်လၢကအီၣ်တၢ်, မံလီၤလၢထၢၣ်တၢ်ကံးယာ်အပူၤဒီးအိၣ် ဝဲဒၣ်လၢတၢ်သူၣ်အုးသးအုးဒီးတၢ်သူၣ်လီၤဘှံးသးလီၤတီၤ အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 24:4

ဒီးလီၤဆီဒၣ်တၢ်မ့ၢ်လၢအဝဲမၤသံကွံာ်ပှၤတဖၣ်လၢအတၢ်ကမၣ် တအိၣ်ဘၣ်အဃိန့ၣ်လီၤ. ယွၤပျၢ်ကွံာ်စီၤမနၤၡ့ၤအတၢ်ကမၣ်တကဲဘၣ်, လၢတၢ်ဂ့ၢ်န့ၣ်အဃိလီၤ.

လံာ်စီၤယိၤဘး 13:4

သုတၢ်တနူၤပၢၢ်နၢ်ဘှါန့ၣ်သုမၤဘံၣ်မၤဘၢအီၤလၢတၢ်ကဘျံး ကဘျၣ်လီၤ. သုလီၤဂာ်ဒီးကသံၣ်သရၣ်တဖၣ်လၢအတဂိာ်တသီၣ် ဘၣ်တၢ်န့ၣ်လီၤ.

စံးထီၣ်ပတြၢၤ 94:21

အဝဲသ့ၣ်ကူၣ်ထီဒါသကိးပှၤတီပှၤလိၤ ဒီးစံၣ်ညီၣ်ပှၤလၢ အတၢ်ဒဲးဘးတအိၣ်ဘၣ်လၢတၢ်သံန့ၣ်လီၤ.

လံာ်တၢ်ဟးထီၣ်ကွံာ် 12:31

ဒီးလၢမုၢ်တနၤဃီန့ၣ်စီၤပၤမၢပှၤလဲၤကိးန့ၢ်အီၤစီၤမိၤၡ့ဒီးစီၤအၤဟရိၣ်ဒီးစံးဝဲဒၣ်, “သုဝဲဒီးသုပှၤအံၣ်စရ့လးဖိခဲလၢာ် ဟးထီၣ်ကွံာ်တက့ၢ်. ပာ်တ့ၢ်ယထံယကီၢ်, လဲၤဒီးဘူၣ်ထီၣ်ဘါထီၣ်ယွၤ ဒ်သုဃ့တ့ၢ်လံအသိးန့ၣ်တက့ၢ်.

လံာ်တၢ်ဟးထီၣ်ကွံာ် 9:27

တုၤနုၤတစုစီၤပၤမၢပှၤကိးန့ၢ်အီၤစီၤမိၤၡ့ဒီးစီၤအၤ ဟရိၣ်ဒီးစံးဝဲဒၣ်, “တဘျီအံၤယမၤတ့ၢ်တၢ်ဒဲးဘးလံ. ယွၤအိၣ်လၢတၢ်အဘၣ်တခီ, မ့မ့ၢ်ယၤဒီးယပှၤဂီၢ်မုၢ်ပအိၣ်လၢတၢ်အကမၣ်တခီလီၤ.

တၢ်ကတိၤဒိ. 12:8

နမ့မ့ၢ်ပှၤအိၣ်ဒီးတၢ်ကူၣ်တၢ်ဆးတဂၤဒီး, နကဘၣ်တၢ်စံးထီၣ် ပတြၢၤနၤလီၤ. နတၢ်သူၣ်ထံသးဆးမ့ၢ်တအိၣ်ဘၣ်ဒီး, ပှၤကကွၢ်တလီၤနၤလီၤ.

လံာ်ယံးရမံယၤ 26:15

ဘၣ်ဆၣ်ဒီး, သ့ၣ်ညါတၢ်အံၤ သပှၢ်ကတၢၢ်တက့ၢ်. သုမ့ၢ် မၤသံယၤဒီး, သုဝဲဒီးဝ့ၢ်အံၤ အပှၤဂီၢ်မုၢ်ခဲလၢာ်အတၢ်ကမၣ် ကအိၣ်လၢ အမၤသံပှၤတဂၤလၢ အတၢ်ကမၣ်တအိၣ်ဘၣ် အဃိန့ၣ်လီၤ. အဂ့ၢ်ဒ်အံၤ, ပှၤလၢအမၢလီၤယၤလၢယကဟ့ၣ်ဒုး ပလီၢ်သုလၢ တၢ်ဂ့ၢ်အံၤန့ၣ် မ့ၢ်ယွၤလီၤ.”

လံာ်ယိၤနါ 1:14

တုၤနုၤတစု, အဝဲသ့ၣ်ကိးထီၣ်ယွၤ, “ယွၤဧၢ, ပဃ့ကညးနၤ, မ်ပသုတတုၤလၢတၢ်ဟးဂီၤလၢပှၤတဂၤအံၤအသးသမူအဃိန့ၣ် တဂ့ၤ. ဒီးပာ်တၢ်သွံၣ်လၢတၢ်ဒဲးဘးတအိၣ်ဘၣ်န့ၣ်လၢပလိၤတဂ့ၤ. အဂ့ၢ်ဒ်အံၤ, နဲဒၣ်ယွၤဧၢ, နမၤတၢ်လၢအဘၣ်နသးလီၤ.”

လံာ်မးသဲ 27:19

ဖဲစီၤပံၤလးဆ့ၣ်နီၤဝဲလၢတၢ်စံၣ်ညီၣ်ကွီၢ်အလီၢ်ဆ့ၣ်နီၤအဖီ ခိၣ်အဖၢမုၢ်န့ၣ်, အမါဆှၢလီၤန့ၢ်အီၤတၢ်ကစီၣ်လၢအစံး, “တဘၣ်မၤဘၣ်ဃးနသးဒီးပှၤလၢအတၢ်ကမၣ်တအိၣ်ဘၣ် တဂၤအံၤတဂ့ၤ. အဂ့ၢ်ဒ်အံၤ, လၢတၢ်မံမီၢ်အဃိန့ၣ်, တနံၤအံၤယသးဘၣ်နးဘၣ်ဖှီၣ် ဒီးဘၣ်တံာ်တာ်ဒိၣ်မးလၢအဝဲဒၣ်အဂ့ၢ်န့ၣ်လီၤ.”

လံာ်မးသဲ 27:54

တုၤသုးခိၣ်တဂၤဃုာ်ဒီးအသုးဖိလၢအအိၣ်ခိးကွၢ်ယ့ၣ်ၡူးတဖၣ်, ထံၣ်ဟီၣ်ခိၣ်ဟူးဒီးတၢ်ခဲလၢာ်လၢအမၤအသးတဖၣ်န့ၣ်, အဝဲသ့ၣ်အသူၣ်ပျံၤအသးဖုးဒီးစံး, “ပှၤအဝဲအံၤ မ့ၢ်နီၢ်နီၢ်ကစၢ်ယွၤအဖိခွါလီၤ.”

လံာ်လူၤကၣ် 23:22

စီၤပံၤလးစံးဘၣ်ကဒီးအဝဲသ့ၣ်သၢဘျီတဘျီ, “မ့ၢ်အဝဲမၤကမၣ်ဘၣ်ထံကီၢ်အတၢ်သိၣ်တၢ်သီမနုၤတမံၤလဲၣ်. ယတထံၣ်န့ၢ်တၢ်ကမၣ်လၢအဝဲဒၣ်မၤတ့ၢ်ဝဲလၢအကြၢး ဒီးတၢ်သံန့ၣ်နီတမံၤဘၣ်. ယကမၢပှၤတီၢ်အီၤဖျ့အီၤ, ဝံၤဒီးပျဲလီၤကွံာ်အီၤလီၤ.”

လံာ်လူၤကၣ် 23:41

ဘၣ်ဆၣ်ဒီး, ပဝဲပတၢ်တူၢ်ဘၣ်တၢ်န့ၣ်, မ့ၢ်ဒၣ်တၢ်လၢအကြၢးဝဲဘၣ်ဝဲဒီးပှၤလီၤ. အဂ့ၢ်ဒ်အံၤ, ပဒိးန့ၢ်ဘၣ်တၢ်စံၣ်ညီၣ်လၢတၢ်လၢပမၤတ့ၢ်ပဝဲတဖၣ် အဃိလီၤ. မ့မ့ၢ်အဝဲဒၣ်န့ၣ်တမၤကမၣ်တ့ၢ်တၢ်နီတမံၤဘၣ်.”

လံာ်လူၤကၣ် 23:47

ပှၤသုးဖိတကယၤအခိၣ်ထံၣ်တၢ်လၢအမၤတ့ၢ်အသးတဖၣ် စံးထီၣ်ပတြၢၤယွၤဒီးစံးဝဲ, “သပှၢ်ကတၢၢ် ပှၤတဂၤအံၤမ့ၢ်ပှၤဂ့ၤပှၤဝါလီၤ.”

လံာ်ယိၤဟၣ် 19:7

အန့ၣ်ဒီး, ပှၤယူဒၤဖိတဖၣ်စံးဆၢတၢ်ဒီးစံးဝဲ, “မ့ၢ်လၢအဝဲစံးလီၤ အသးလၢအမ့ၢ်ကစၢ်ယွၤအဖိခွါအဃိဒီး, ဒ်ပတၢ်သိၣ်တၢ်သီတထံၣ်အိၣ်ဝဲအသိး, အဝဲကြၢးသံဝဲဒၣ်န့ၣ်လီၤ.”

မၤတၢ် 13:28

ဒီးအဝဲသ့ၣ်တထံၣ်န့ၢ်တၢ်ဂ့ၢ်တၢ်ကျိၤလၢအကစံၣ်ညီၣ် သံယ့ၣ်ၡူးအဂီၢ်နီတမံၤသနာ်က့, မၢဆူၣ်စီၤပံၤလးလၢအကစံၣ်ညီၣ်သံအီၤန့ၣ်လီၤ.

ရိမ့ၤ 3:19

ခဲအံၤပသ့ၣ်ညါလၢတၢ်မၤလိာ်ခဲလၢာ်လၢတၢ်သိၣ်တၢ်သီအပူၤန့ၣ်, ဘၣ်ထွဲဒီးပှၤလၢအအိၣ်လၢတၢ်သိၣ်တၢ်သီအဖီလာ်, ဒ်သိးပှၤဟီၣ်ခိၣ်ဖိအသုတကတိၤပူၤဖျဲးအသးနီတဂၤတဂ့ၤဒီး ဟီၣ်ခိၣ်ဒီဘ့ၣ်ကဒိးဘၣ်ကစၢ်ယွၤအတၢ်စံၣ်ညီၣ်အဂီၢ်န့ၣ်လီၤ.

၁ တံၤမသ့း 4:2

တၢ်သိၣ်လိသီလိတဖၣ်အံၤကဘၣ်တၢ်ရၤလီၤအီၤလၢ ပှၤလီတၢ်ဝ့ၤတၢ်, ပှၤပာ်မၤအသးတဖၣ်လၢအသးလၢအသ့ၣ်ညါဒၣ်တၢ်ဘၣ် တၢ်မၤသံကွံာ်အီၤဒ်ထးလူအီၣ်သံကွံာ်အီၤအသိးန့ၣ်လီၤ.

တံတူး 1:16

အဝဲသ့ၣ်စံးလၢအသ့ၣ်ညါကစၢ်ယွၤ, ဘၣ်ဆၣ်ဒီးအဝဲသ့ၣ်သမၢအီၤခီဖျိအတၢ်မၤတဖၣ်လီၤ. အဝဲသ့ၣ်တဖၣ်န့ၣ်လီၤသးဟ့ဒီးတဒိကနၣ်တၢ်ဘၣ်, ဒီးကမၤတၢ်အဂ့ၤတမံၤလၢ်လၢ်အဂီၢ်န့ၣ်တကြၢးတဘၣ်ဝဲဘၣ်.

ဧ့ၤဘြံၤ 7:26

မ့မ့ၢ်ဒ်န့ၣ်ဒီး, ဂ့ၤဝဲဘၣ်ဝဲလၢပကအိၣ်ဒီးပှၤလုၢ်တၢ်အခိၣ်အဒိၣ် ကတၢၢ်ဒ်န့ၣ်အသိးတဂၤလၢအမၤပှဲၤကယဲၢ်ပတၢ်လိၣ်, လၢ အစီဝဲဆှံဝဲ, လၢပှၤပာ်တၢ်ကမၣ်လၢအလိၤအလီၢ်တအိၣ် ဘၣ်, လၢအတဘၣ်အၢဘၣ်သီဘၣ်, လၢအဘၣ်တၢ်ပာ် လီၤဆီအီၤဒီးပှၤတၢ်ဒဲးဘးဖိတဖၣ်အအိၣ်, ဒီးလၢအဘၣ်တၢ်ပာ်ထီၣ်ထီအီၤထီန့ၢ်မူခိၣ်တက့ၢ် န့ၣ်လီၤ.

၁ ပ့းတရူး 1:19

မ့မ့ၢ်, မ့ၢ်တၢ်လုၢ်ထီၣ်ခရံာ်ဒ်အမ့ၢ်တၢ်လုၢ်ဒိၣ်ပှ့ၤဒိၣ်လၢအလီၤ ဂာ်ဒီးသိဖိတဒုလၢအတသံၣ်သူမီၢ်ကျာ်ဒီးအတၢ်မဲၣ်သူမဲၣ်ဂီၤ တအိၣ်ဘၣ်အသိးန့ၣ်လီၤ.

၁ ယိၤဟၣ် 3:12

ပတဘၣ်လီၤဂာ်ဒီးစီၤကၤယံၣ်, လၢအဘၣ်ဃးဒီးတၢ်အၢတၢ်သီ တဂၤ, လၢအမၤသံအဒီပုၢ်ဝဲၢ်ဒၣ်ဝဲန့ၣ်ဘၣ်. ဘၣ်မနုၤအဃိစီၤကၤယံၣ်မၤသံအီၤလဲၣ်. မ့ၢ်လၢအတၢ်မၤဒၣ်ဝဲတဖၣ်မ့ၢ်အအၢအသီ, ဒီးအဒီပုၢ်ဝဲၢ် အတၢ်မၤတဖၣ်န့ၣ်, မ့ၢ်အတီအလိၤအဃိလီၤ.

လံာ်လီၣ်ဖျါ 11:10

ပှၤအိၣ်ဝဲဆိးဝဲလၢဟီၣ်ခိၣ်ချၢတဖၣ်ကသူၣ်ခုသးခုဝဲ လၢပှၤခံဂၤအံၤအတၢ်သံအဃိလီၤ. အဝဲသ့ၣ်ကမုာ်လၤသးခုသကိးဝဲဒီးဆှၢလီၤတၢ်ဟ့ၣ်ဆူတဂၤဒီး တဂၤအအိၣ်, မ့ၢ်လၢဝံခံဂၤအံၤဒုးအိၣ်ထီၣ်တ့ၢ်တၢ်တူၢ်ဘၣ် တၢ်နးတၢ်ဖှီၣ်အဒိၣ်အအါလၢပှၤဟီၣ်ခိၣ်ဖိတဖၣ်အဂီၢ် အဃိန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:24

စီၤစီလူးစံးဆၢဝဲ, “မ့ၢ်လီၤ. ယမၤတ့ၢ်တၢ်ဒဲးဘးလီၤ. ယတစူၢ်တ့ၢ်ယွၤအတၢ်မၤလိာ်ဒီးနတၢ်သိၣ်နဲၣ်ယုၤတဖၣ်န့ၣ်ဘၣ်. ယပျံၤတ့ၢ်ယပှၤတဖၣ်ဒီးမၤတၢ်လၢအဝဲသ့ၣ်အဲၣ်ဒိးဝဲန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 15:30

“ယမၤတ့ၢ်တၢ်ဒဲးဘးလီၤ,” စီၤစီလူးစံးဝဲဒၣ်, “ဘၣ်ဆၣ်ဒီးအစှၤကတၢၢ်န့ၣ်ပာ်ဖျါထီၣ်နတၢ်ပာ်ကဲယၤလၢယပှၤ ဂီၢ်မုၢ်အခိၣ်အနၢ်တဖၣ်ဒီးကယဲၢ်အံၣ်စရ့လးဒီကီၢ်အမဲာ်ညါတ က့ၢ်. က့ၤကဒါက့ၤဒီးယၤဒ်သိးယဘူၣ်ထီၣ်ဘါထီၣ်ယွၤ, နကစၢ်ယွၤကသ့အဂီၢ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 19:5

အဝဲညိကွံာ်အသးသမူဖဲအမၤသံစီၤကၤလယးဒီးယွၤမၤနၢၤတၢ် ဖးဒိၣ်လၢကီၢ်အံၣ်စရ့လးအဂီၢ်လီၤ. ဖဲနထံၣ်တ့ၢ်တၢ်န့ၣ်ဒီးနသးခုလီၤ. အန့ၣ်ဒီး, ဘၣ်မနုၤအဃိခဲအံၤနအဲၣ်ဒိးမၤကမၣ်ပှၤအတၢ်ကမၣ်တအိၣ် ဘၣ်တဂၤဒီးမၤသံစီၤဒၤဝံးလၢတၢ်ဂ့ၢ်တၢ်ကျိၤတအိၣ်ဘၣ်အပူၤ န့ၣ်လဲၣ်.”