လံာ်မးသဲ 27:34 - Sgaw Karen Common Bible

³⁴ ဖဲန့ၣ်ပှၤဒုးဟ့ၣ်အီယ့ၣ်ၡူးလၢစပံးထံဃါဃုာ်အသးဒီးတၢ် ခၣ်ထံလီၤ. ဘၣ်ဆၣ်အဝဲလ့ၣ်ကွၢ်ဝဲဝံၤဒီးတအီဝဲဘၣ်.

လံာ်မးသဲ 27:34 Iomraidhean Croise

စံးထီၣ်ပတြၢၤ 69:21

တုၤတၢ်သၣ်ဝံၤယသးဒီးအဝဲသ့ၣ်ဟ့ၣ်ယၤ တၢ်အစုၣ်လၢတၢ်အီၣ်အဂီၢ် ဒီးတုၤတၢ်သူယသးလၢထံဒီးအဝဲသ့ၣ်ဟ့ၣ်ယၤ တၤဆံၣ်အထံလၢယကအီအဂီၢ်န့ၣ်လီၤ.

လံာ်ယံးရမံယၤ 8:14

ယွၤအပှၤဂီၢ်မုၢ်သံကွၢ်တၢ်, “ဘၣ်မနုၤအဃိပဆ့ၣ်နီၤအိၣ်ဃိက လာ်န့ၣ်လဲၣ်. ဟဲမီၤ, ပကလဲၤဃ့ၢ်ဆူဝ့ၢ်တဖၣ်လၢအအိၣ်ဒီးတိာ်ဧိၤ တာ်ဧိၤ, ဒီးသံဖဲန့ၣ်လီၤ. ယွၤ, ပကစၢ်ယွၤ, စံၣ်ညီၣ်ဃၣ်တ့ၢ်ပှၤလၢပကသံအဂီၢ်လံ. အဝဲဟ့ၣ်လီၤပှၤစုၣ်လၢ ပကအီအဂီၢ်, မ့ၢ်လၢပမၤတၢ်ဒဲးဘးထီဒါအီၤအဃိန့ၣ်လီၤ.

လံာ်မးသဲ 27:48

ဒီးပှၤလၢအဝဲသ့ၣ်ကျါတဂၤဃ့ၢ်ထီၣ်တဘျီဃီဒီးဟံးန့ၢ် ကုၤပီၣ်လဲၣ်တလိၣ်, စုၣ်လီၤဝဲလၢစပံးထံအဆံၣ်အကျါ, ဆှိးထီၣ်အီၤလၢတပိၢ်တဘိအခိၣ်စိးနါ, ဒီးကျဲးစၢးဒုးအီအီၤလီၤ.

လံာ်မၢ်ကူး 15:23

ဖဲန့ၣ်အဝဲဘၣ်တၢ်ဟ့ၣ်အီအီၤလၢစပံးထံအိၣ်ကျဲၣ်ကျီဃုာ်ဒီး မူရၣ်, ဘၣ်ဆၣ်ယ့ၣ်ၡူးတအီဝဲဘၣ်.

ဧ့ၤဘြံၤ 6:4

အဂ့ၢ်ဒ်အံၤ, ပှၤလၢအသးဘၣ်တၢ်ဒုးကပီၤထီၣ်တ့ၢ်လံအီၤတဘျီ, ပှၤလၢအကလၢၢ်ဘၣ်တ့ၢ်လံမူခိၣ်အတၢ်ဟ့ၣ်, ဒီးကဲထီၣ်ဘၣ်ပှၤဒိးန့ၢ်ဃုာ်သးစီဆှံ, ဒီးလ့ၣ်ကွၢ်တ့ၢ်လံလၢယွၤအကလုၢ်ကထါမ့ၢ်တၢ်ဂ့ၤဒီးကလၢၢ် ဘၣ်တ့ၢ်လံခဲကိာ်တဃၣ်အစိအကမီၤတဖၣ်န့ၣ်, ပကဆှၢကဒါက့ၤအီၤဆူတၢ်ပီၢ်ယၢ်လီၤက့ၤအသးန့ၣ်ကသ့လၢကျဲဒ် လဲၣ်.