လံာ်မးသဲ 27:31 - Sgaw Karen Common Bible

³¹ တုၤအဝဲသ့ၣ်ဒုၣ်ဒွဲၣ်ဒီးနံၤဘၣ်ဖၣ်လဲယ့ၣ်ၡူးဝံၤန့ၣ်, အဝဲသ့ၣ်ဘ့ၣ်လီၤကွံာ်ဆ့ကၤဖးထီဒီးဒုးသိးထီၣ်က့ၤအီၤလၢ အကူအသိးဒၣ်ဝဲဝံၤ, မိၤထီၣ်အီၤဆူတၢ်ချၢဒ်သိး အကပျၤထီကွံာ်အီၤလၢထူၣ်စုညါအလိၤအဂီၢ်လီၤ.

လံာ်မးသဲ 27:31 Iomraidhean Croise

လံာ်စီၤပၤအခီၣ်ထံးတဘ့ၣ် 21:10

မၤန့ၢ်ပှၤအၢပှၤသီခံဂၤလၢအကအုၣ်အသးထီဒါမဲာ်ပူၤအီၤဒ် အမ့ၢ်ပှၤဆိၣ်အၢကစၢ်ယွၤဒီးစီၤပၤတက့ၢ်. ဝံၤဒီးထုးထီၣ်ကွံာ်အီၤလၢဝ့ၢ်ပူၤဒီးကွံာ်သံအီၤလၢလၢၢ်တ က့ၢ်.”

လံာ်စီၤပၤအခီၣ်ထံးတဘ့ၣ် 21:13

လၢကမျၢၢ်အမဲာ်ညါန့ၣ်ပှၤအၢပှၤသီခံဂၤအုၣ်အသးထီဒါစီၤနၤ ဘိးလၢအဆိၣ်အၢကစၢ်ယွၤဒီးစီၤပၤန့ၣ်လီၤ. ဒီးလၢတၢ်န့ၣ်အဃိအဝဲဘၣ်တၢ်ထုးထီၣ်ကွံာ်အီၤဆူ ဝ့ၢ်အချၢဒီးကွံာ်သံကွံာ်အီၤလၢလၢၢ်န့ၣ်လီၤ.

လံာ်ယၡါယၤ 53:7

အဝဲဘၣ်တၢ်မၤအီၤနးနးကျံၤကျံၤလီၤ. ဘၣ်ဆၣ်ဒီးတူၢ်ဝဲလၢ တၢ်ဆီၣ်လီၤသးအပူၤကစုဒုလီၤ. တကတိၤတၢ်နီတဘီနီတစုဘၣ်. ဒ်သိဖိတဒုလၢအကဘၣ်တၢ်မၤသံအီၤအသိး, ဒ်သိတဒုလၢပှၤကတံာ်အဆူၣ်အသိး တကတိၤတၢ်နီတဘီနီတစုဘၣ်.

လံာ်တၢ်ဂံၢ် 15:35

အန့ၣ်ဒီးယွၤစံးဘၣ်စီၤမိၤၡ့, “ပှၤတဂၤန့ၣ်ကဘၣ်တၢ်မၤသံ ကွံာ်အီၤန့ၣ်လီၤ. ကမျၢၢ်အိၣ်သကိးတပူၤဃီတဖုကဘၣ်ကွံာ်သံအီၤလၢလၢၢ်ဖဲတၢ်သူၣ် ဒဲလီၢ်အချၢန့ၣ်လီၤ.”

လံာ်မးသဲ 20:19

ဒီးကဟ့ၣ်လီၤအီၤဆူပှၤကလုာ်ဂၤတဖၣ်အစုပူၤ, ဒ်သိးကဘၣ်တၢ်ဒုၣ်ဒွဲၣ်အီၤ, တၢ်တီၢ်အီၤ, ဒီးပျၤထီအီၤလၢထူၣ်စုညါအလိၤ, ဒီးသၢသီတသီန့ၣ်ကဘၣ်တၢ်မၤမူထီၣ်က့ၤအီၤလၢယွၤလီၤ.”

လံာ်မးသဲ 21:39

လၢတၢ်န့ၣ်အဃိ, အဝဲသ့ၣ်ဟံးဃာ်အီၤ, ထုးထီၣ်အီၤဆူစပံးလီၢ် အချၢ, ဝံၤမၤသံကွံာ်အီၤလီၤ.”

လံာ်မးသဲ 26:2

“ဒ်သုသ့ၣ်ညါအသိး, လၢခံသီဝံၤအလီၢ်ခံန့ၣ်ဘူၣ်လဲၤကပာ်ကဘၣ်ဝဲ, ဒီးပှၤကညီဖိခွါကဘၣ်တၢ်ဟ့ၣ်လီၤကွံာ်အီၤဒ်သိးအကဘၣ် တၢ်ပျၤထီကွံာ်အီၤအဂီၢ်လီၤ.”

လံာ်မၢ်ကူး 15:20

တုၤအဝဲသ့ၣ်မၤတရီတပါဒီးနံၤဘၣ်ဖၣ်လဲအီၤဝံၤန့ၣ်, ဘ့ၣ်လီၤကွံာ်ဝဲအဆ့ကၤလုးတကုာ်တဘ့ၣ်ဒီးဒုးသိးထီၣ်က့ၤအီၤ လၢအဆ့ကၤဒၣ်ဝဲလီၤ. အန့ၣ်ဝံၤအလီၢ်ခံ, အဝဲသ့ၣ်မိၤထီၣ်ကွံာ်အီၤလၢကပျၤထီအီၤလၢထူၣ်စုညါလိၤ အဂီၢ်လီၤ.

လံာ်ယိၤဟၣ် 19:16

အန့ၣ်တစု, စီၤပံၤလးဟ့ၣ်လီၤယ့ၣ်ၡူးဆူအဝဲသ့ၣ်အစုပူၤ လၢတၢ်ကပျၤထီအီၤလၢထူၣ်စုညါအလိၤအဂီၢ်န့ၣ်လီၤ. မၤသးဒ်န့ၣ်ဒီး, အဝဲသ့ၣ်ဟံးန့ၢ်ယ့ၣ်ၡူးန့ၣ်လီၤ.

လံာ်ယိၤဟၣ် 19:27

ဝံၤဒီးစံးဘၣ်အပျဲၢ်အဘီၣ်အဝဲန့ၣ်, “အဝဲမ့ၢ်နမိၢ်လီၤ.” ဒီးစးထီၣ်ဖဲန့ၣ်ဒီးဆူညါအပျဲၢ်အဘီၣ် တဂၤအံၤတူၢ်လိာ်ကွၢ်ထွဲက့ၤယ့ၣ်ၡူးအမိၢ်လၢအဟံၣ်ဒၣ်ဝဲ န့ၣ်လီၤ.

မၤတၢ် 7:58

ဟီထီၣ်ကွံာ်အီၤဆူဝ့ၢ်အချၢ, ဒီးကွံာ်အီၤလၢလၢၢ်လီၤ. ပှၤအုၣ်အသးတဖၣ်ပာ်လီၤအဆ့ကၤဖီခိၣ်ဖဲပိာ်ခွါသးစၢ်လၢ အမံၤမ့ၢ်စီၤစီလူးတဂၤအခီၣ်ထံးလၢအကကွၢ်ထွဲပာ်ဝဲအဂီၢ် လီၤ.

ဧ့ၤဘြံၤ 13:12

လၢတၢ်န့ၣ်အဃိ, ယ့ၣ်ၡူးဒိးသံစ့ၢ်ကီးအသးလၢဝ့ၢ် အချၢဒ်သိးဒီးကမၤကဆှီထီၣ်အပှၤဂီၢ်မုၢ်ခီဖျိအသွံၣ်ဒၣ် ဝဲန့ၣ်လီၤ.