လံာ်မးသဲ 27:19 - Sgaw Karen Common Bible

¹⁹ ဖဲစီၤပံၤလးဆ့ၣ်နီၤဝဲလၢတၢ်စံၣ်ညီၣ်ကွီၢ်အလီၢ်ဆ့ၣ်နီၤအဖီ ခိၣ်အဖၢမုၢ်န့ၣ်, အမါဆှၢလီၤန့ၢ်အီၤတၢ်ကစီၣ်လၢအစံး, “တဘၣ်မၤဘၣ်ဃးနသးဒီးပှၤလၢအတၢ်ကမၣ်တအိၣ်ဘၣ် တဂၤအံၤတဂ့ၤ. အဂ့ၢ်ဒ်အံၤ, လၢတၢ်မံမီၢ်အဃိန့ၣ်, တနံၤအံၤယသးဘၣ်နးဘၣ်ဖှီၣ် ဒီးဘၣ်တံာ်တာ်ဒိၣ်မးလၢအဝဲဒၣ်အဂ့ၢ်န့ၣ်လီၤ.”

လံာ်မးသဲ 27:19 Iomraidhean Croise

လံာ်တၢ်ကဲထီၣ်အခီၣ်ထံး 31:11

ကစၢ်ယွၤအကလူးစံးဘၣ်ယၤလၢတၢ်မံမီၢ်အပူၤဒီးစံးဝဲ, ‘စီၤယၤကိာ်ဧၢ,’ ဒီးယစံးဆၢအီၤ, ‘မ့ၢ်ယၤလီၤ.’

လံာ်တၢ်ကဲထီၣ်အခီၣ်ထံး 31:24

လၢမုၢ်နၤအဝဲန့ၣ်လၢတၢ်မံမီၢ်အပူၤကစၢ်ယွၤဟဲဆူစီၤလၤဘၣ် အအိၣ်ဒီးစံးအီၤ, “ပလီၢ်နသးလၢနသုတမၤပျံၤမၤဖုးစီၤယၤကိာ်လၢကျဲနီတဘိတ ဂ့ၤ.”

လံာ်တၢ်ကဲထီၣ်အခီၣ်ထံး 31:29

ယအိၣ်ဒီးတၢ်စိတၢ်ကမီၤလၢယကမၤဆါနၤလီၤ. ဘၣ်ဆၣ်ဒီးမုၢ်နၤကၢၣ်န့ၣ်နပၢ်အကစၢ်ယွၤဟ့ၣ်ပလီၢ်ယၤဒ်သိး ယသုတမၤပျံၤမၤဖုးနၤလၢကျဲနီတဘိတဂ့ၤအဂီၢ်န့ၣ်လီၤ.

တၢ်ကတိၤဒိ. 29:1

ဖဲနဘၣ်တၢ်သိၣ်ဃီၣ်နၤကိးဘျီဒဲးန့ၣ်နခိၣ်မ့ၢ်ကိၤအါထီၣ်ဒီး, မုၢ်ကအိၣ်ဝဲတနံၤလၢနကဘၣ်တၢ်မၤလီၤကလဲနၤဒီး တၢ်မၤဘျါက့ၤနၤတအိၣ်လၢၤနီတဘျီဘၣ်.

လံာ်ယၡါယၤ 53:11

ဖဲတၢ်တူၢ်တၢ်နးတၢ်ဖှီၣ်အတၢ်အိၣ်မူတခါဝံၤအလီၢ်ခံန့ၣ်, အဝဲကအိၣ်ဒီးတၢ်သူၣ်ခုသးခုကဒီးတဘျီလီၤ. ကသ့ၣ်ညါဝဲလၢအတူၢ်တ့ၢ်တၢ်န့ၣ်တမ့ၢ်တၢ်ကလီ ကလီဘၣ်န့ၣ်လီၤ. ယခ့ယပှၤလၢအတီဒီးယၤ, လၢယဘၣ်ယသးလၢအီၤတဂၤ, ကဝံထီၣ်ယိးထီၣ်တၢ်စံၣ်ညီၣ်လၢပှၤအါဂၤအဂီၢ်, ဒီးလၢအဝဲဒၣ်အဃိယကပျၢ်အဝဲသ့ၣ်အတၢ်ကမၣ်လီၤ.

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

လံာ်တၢ်ဂံၢ် 12:6

ဒီးယွၤစံးဝဲဒၣ်, “ခဲအံၤဒိကနၣ်တၢ်လၢယကစံးယဲန့ၣ်တက့ၢ်. ဖဲဝံတဖၣ်အိၣ်လၢသုကျါန့ၣ်ယလီၣ်ဖျါယသးဆူအဝဲသ့ၣ်အအိၣ်လၢ တၢ်ထံၣ်လၢညါခီတဖၣ်အပူၤဒီးကတိၤတၢ်ဆူအဝဲသ့ၣ်အအိၣ်လၢတၢ် မံမီၢ်တဖၣ်အပူၤန့ၣ်လီၤ.

လံာ်မးသဲ 1:20

ဘၣ်ဆၣ်ဒီး ဖဲအဝဲဆိကမိၣ်တၢ်ဂ့ၢ်အံၤအဖၢမုၢ်န့ၣ်, ယွၤအကလူးတဂၤလီၣ်ဖျါထီၣ်အသးလၢတၢ်မံမီၢ်အပူၤဒီးစံးဘၣ် အီၤ, “စီၤဒၤဝံးအဖိခွါစီၤယိၤသးဧၢ, တဘၣ်ပျံၤလၢနကဟံးန့ၢ်နီၢ်မၤရံဒ်နမါအသိးတဂ့ၤ. အဂ့ၢ်ဒ်အံၤအဝဲဒၢထီၣ်ဒၣ်လၢသးစီဆှံအစိကမီၤလီၤ.

လံာ်မးသဲ 2:19

တုၤစီၤပၤဟ့ၤရိာ်သံဝံၤအလီၢ်ခံဒီးယွၤအကလူးတဂၤလီၣ်ဖျါ ထီၣ်အသးလၢစီၤယိၤသးလၢကီၢ်အဲၤကူပတူးအပူၤခီဖျိတၢ်မံမီၢ်ဒီးစံး,

လံာ်မးသဲ 2:22

ဘၣ်ဆၣ်ဒီးတုၤစီၤယိၤသးနၢ်ဟူလၢစီၤအၢ်ဃ့လးပၢတၢ်လၢအပၢ် စီၤဟ့ၤရိာ်အလီၢ်လၢကီၢ်ယူဒၤဒီးအဝဲအသူၣ်ပျံၤသးဖုးလၢ ကလဲၤဝဲဖဲန့ၣ်သတးဒီး, ဒ်အဘၣ်တၢ်ဒုးပလီၢ်အသးအါထီၣ် ခီဖျိတၢ်မံမီၢ်န့ၣ်, လဲၤဝဲဆူကီၢ်ကၤလံၤလါအပူၤ

လံာ်မးသဲ 27:18

အဝဲသ့ၣ်ညါထံဝဲလၢပှၤယူဒၤဖိအခိၣ်အနၢ်တဖၣ်ဟ့ၣ်လီၤယ့ၣ် ၡူးဆူအဝဲအစုပူၤ, မ့ၢ်ဒၣ်လၢတၢ်သးကါဘၣ်ယ့ၣ်ၡူးအဃိန့ၣ်လီၤ.

လံာ်မးသဲ 27:24

တုၤစီၤပံၤလးထံၣ်လၢအဝဲမ့ၢ်သံကွၢ်တၢ်ဆူညါနာ်သက့အဘျုး တအိၣ်လၢၤဘၣ်. မ့မ့ၢ်တၢ်ကတၢထီၣ်တၢလီၤဘၣ်ဖုးအဃိ, အဝဲဟံးန့ၢ်ထံဝံၤသ့လီၤအစုလၢပှၤဂီၢ်မုၢ်တဖၣ်အမဲာ်ညါဒီး စံး, “ပှၤအံၤအသွံၣ်တလီၤတီလၢယဖီခိၣ်ဘၣ်. ဘၣ်ဃးဒၣ်ဒီးသုလီၤ.”

လံာ်မးသဲ 27:4

ဒီးစံး, “ယမၤဘၣ်တၢ်ဒဲးဘးခီဖျိတၢ်ဆါလီၤကွံာ်ပှၤလၢ အတၢ်ကမၣ်တအိၣ်ဘၣ်တဂၤဆူတၢ်သံအပူၤလံ.” ဒီးအဝဲသ့ၣ်စံးဆၢအီၤ, “တၢ်အဝဲန့ၣ်တဘၣ်ဃးဒီးပှၤဘၣ်. ဘၣ်ဃးဒၣ်ဒီးနၤလီၤ.”

လံာ်လူၤကၣ် 23:41

ဘၣ်ဆၣ်ဒီး, ပဝဲပတၢ်တူၢ်ဘၣ်တၢ်န့ၣ်, မ့ၢ်ဒၣ်တၢ်လၢအကြၢးဝဲဘၣ်ဝဲဒီးပှၤလီၤ. အဂ့ၢ်ဒ်အံၤ, ပဒိးန့ၢ်ဘၣ်တၢ်စံၣ်ညီၣ်လၢတၢ်လၢပမၤတ့ၢ်ပဝဲတဖၣ် အဃိလီၤ. မ့မ့ၢ်အဝဲဒၣ်န့ၣ်တမၤကမၣ်တ့ၢ်တၢ်နီတမံၤဘၣ်.”

လံာ်လူၤကၣ် 23:47

ပှၤသုးဖိတကယၤအခိၣ်ထံၣ်တၢ်လၢအမၤတ့ၢ်အသးတဖၣ် စံးထီၣ်ပတြၢၤယွၤဒီးစံးဝဲ, “သပှၢ်ကတၢၢ် ပှၤတဂၤအံၤမ့ၢ်ပှၤဂ့ၤပှၤဝါလီၤ.”

လံာ်ယိၤဟၣ် 19:13

တုၤစီၤပံၤလးနၢ်ဟူတၢ်ကတိၤတဖၣ်အံၤဒီး, အဝဲဆှၢထီၣ် ယ့ၣ်ၡူးဆူတၢ်ချၢဒီးဆ့ၣ်နီၤဝဲလၢပှၤစံၣ်ညီၣ်ကွီၢ်အလီၢ် ဆ့ၣ်နီၤအလိၤ, ဖဲတၢ်လီၢ်တတီၤလၢတၢ်ကိးအီၤလၢ, “လၢၢ်ဘ့ၣ်ဘၣ်လၢအဒါလီၤအသး” န့ၣ်လီၤ. (လၢဧ့ၤဘြံၤအကျိာ် တခီတၢ်ကိးအီၤလၢ “ကၤဘၤသါ” လီၤ.)

မၤတၢ် 12:21

ဖဲမုၢ်တနံၤလၢအဘၣ်တၢ်ဃုထၢလီၤဆီအီၤန့ၣ်, စီၤဟ့ၤရိာ်ကူထီၣ်သိးထီၣ်အစီၤပၤအကူအသိး, ဆ့ၣ်နီၤလၢအလီၢ်ပစိာ်အဖီခိၣ်, ဒီးကတိၤလီၤတၢ်ဆူပှၤဂီၢ်မုၢ်အအိၣ်လီၤ.

မၤတၢ် 18:12

ဖဲစီၤကးလံၤအိၣ် ဘၣ်တၢ်ဒုးကဲထီၣ်အီၤလၢရိမ့ၤအပဒိၣ် ဖးဒိၣ်လၢအပၢကီၢ်အဃါယၤန့ၣ်, ပှၤယူဒၤဖိတဖၣ်ပာ်ဖှိၣ်ထီၣ် အသး, ဖီၣ်စီၤပီလူးဒီးဆှၢအီၤဆူကွီၢ်ဘျီၣ်လီၤ.

မၤတၢ် 18:16

ဒီးအဝဲဒၣ်နီၣ်ထီၣ်ကွံာ်အဝဲသ့ၣ်ဆူကွီၢ်ဘျီၣ်အချၢလီၤ.

မၤတၢ် 18:17

ဒီးအဝဲသ့ၣ်ကိးဂၤဒဲးစှီၤဃာ်ဘူၣ်ဘျီၣ်အခိၣ်စီၤစိၤစသ့ၣ်, ဒီးတီၢ်အီၤလၢစံၣ်ညီၣ်ကွီၢ်အမဲာ်ညါလီၤ. ဘၣ်ဆၣ်ဒီးစီၤကးလံၤအိၣ်တကနၣ်ဃုာ်ဝဲနီတစဲးဘၣ်.

မၤတၢ် 25:10

ဘၣ်ဆၣ်ဒီးစီၤပီလူးစံးဆၢအီၤ, “ယအိၣ်ဆၢထၢၣ်လၢစီၤပၤဖးဒိၣ်အကွီၢ်ဘျီၣ်အပူၤဒီး အအံၤမ့ၢ်တၢ်လီၢ်ဖဲယကြၢးဘၣ်တၢ်သမံသမိးယၤန့ၣ်လီၤ. ဒ်နသ့ၣ်ညါနဲဂ့ၤဂ့ၤအသိး, ယတမၤကမၣ်ဘၣ်ပှၤယူဒၤဖိ တဖၣ်နီတမံၤဘၣ်.

မၤတၢ် 25:17

လၢတၢ်န့ၣ်အဃိ, ဖဲအဝဲသ့ၣ်ဟဲတုၤဖဲအံၤန့ၣ်, ယတမၤ ယံာ်မၤနီၢ်ယသးဘၣ်. မုၢ်ဆ့ၣ်ထီၣ်တနံၤန့ၣ်, ယဆ့ၣ်နီၤလၢစံၣ်ညီၣ်ကွီၢ်အလီၢ်ဆ့ၣ်နီၤအလိၤဒီးဟ့ၣ်လီၤ ယကလုၢ်လၢပှၤတဂၤန့ၣ်ကဘၣ်တၢ်ဟဲဆှၢနုာ်အီၤလီၤ.

မၤတၢ် 25:6

စီၤဖ့စတူးအိၣ်ကဒီးဖဲဝ့ၢ်ယရူၤၡလ့ၣ်ဃိးသီမ့တမ့ၢ်အသီ တဆံဝံၤအလီၢ်ခံလဲၤဝဲဆူဝ့ၢ်ကဲၤစါရံၤလီၤ. မုၢ်ဆ့ၣ်ထီၣ်တနံၤန့ၣ်, အဝဲဒၣ်ဆ့ၣ်နီၤလၢစံၣ်ညီၣ်ကွီၢ်အလီၢ်ဆ့ၣ်နီၤအလိၤဒီးဟ့ၣ်လီၤ အကလုၢ်ဒ်သိးစီၤပီလူးကဘၣ်တၢ်ဟဲဆှၢနုာ်အီၤလီၤ.

၁ ပ့းတရူး 2:22

အဝဲတမၤတၢ်ဒဲးဘးနီတမံၤဘၣ်, ဒီးပှၤတနၢ်ဟူဘၣ်တၢ်လီတၢ်ဝ့ၤဟဲထီၣ်လၢအထးခိၣ်နီ တဂၤဘၣ် (ၡါ ၅၃:၉).

၁ ယိၤဟၣ် 2:1

ယဖိယလံၤသ့ၣ်ဧၢ, ယကွဲးန့ၢ်သုတၢ်အံၤဒ်သိးသုသုတမၤတၢ်ဒဲးဘးတဂ့ၤအဂီၢ် လီၤ. ဘၣ်ဆၣ်ဒီး, ပှၤမ့ၢ်မၤတၢ်ဒဲးဘးတဂၤဂၤဒီး, ပအိၣ်ဒီးယ့ၣ်ၡူးခရံာ်ပှၤအတီအလိၤတဂၤလၢအသကွံၢ် ကညးန့ၢ်တၢ်လၢပဂီၢ်လၢပၢ်အအိၣ်န့ၣ်လီၤ.