လံာ်မးသဲ 27:18 - Sgaw Karen Common Bible

¹⁸ အဝဲသ့ၣ်ညါထံဝဲလၢပှၤယူဒၤဖိအခိၣ်အနၢ်တဖၣ်ဟ့ၣ်လီၤယ့ၣ် ၡူးဆူအဝဲအစုပူၤ, မ့ၢ်ဒၣ်လၢတၢ်သးကါဘၣ်ယ့ၣ်ၡူးအဃိန့ၣ်လီၤ.

လံာ်မးသဲ 27:18 Iomraidhean Croise

လံာ်တၢ်ကဲထီၣ်အခီၣ်ထံး 37:11

စီၤယိၤသးအဒီပုၢ်ဝဲၢ်ခွါတဖၣ်အသးက့ၣ်အီၤ, ဘၣ်ဆၣ်ဒီးအပၢ်ဆိကမိၣ်ထွဲဒံးတၢ်ဂ့ၢ်လၢအမၤအသးခဲလၢာ်န့ၣ် လီၤ.

စံးထီၣ်ပတြၢၤ 106:16

ဒီးဖဲပှၢ်မုၢ်ကနၢအပူၤန့ၣ် အဝဲသ့ၣ်အသးက့ၣ်စီၤမိၤၡ့ ဒီး ယွၤအခ့အပှၤစီဆှံစီၤအၤဟရိၣ်လီၤ.

တၢ်ကတိၤဒိ. 27:4

တၢ်သူၣ်ဒိၣ်သးဖျိးန့ၣ်အၢသီဒီးမၤဟးဂီၤတၢ်သ့လီၤ. ဘၣ်ဆၣ်ဒီးတုၤတၢ်ထိၣ်သတြီၤအီၤဒီးတၢ်သူၣ်က့ၣ်သးကါန့ၣ်, တမ့ၢ်တၢ်နီတမံၤလၢၤဘၣ်လီၤ.

လံာ်ပှၤစံၣ်တဲၤတဲလီၤတၢ် 4:4

ဘၣ်မနုၤအဃိပှၤမၤတၢ်ဆူၣ်ဆူၣ်လၢကမၤန့ၢ်မၤနၢၤတၢ်အဂီၢ်လဲၣ်န့ၣ်, ယမၤလိဃုနၢ်ပၢၢ်ယဲစ့ၢ်ကီးလီၤ. အဂ့ၢ်ဒ်အံၤ, အဝဲသ့ၣ်သးကါပှၤလၢအဃၢၤတဖၣ်အဃိလီၤ. ဘၣ်ဆၣ်တၢ်အံၤမ့ၢ်တၢ်လၢအဘျုးတအိၣ်ဘၣ်လီၤ. မၤအသးဒ်တၢ်လူၤဖီၣ်ကလံၤအသိးန့ၣ်လီၤ.

လံာ်ယၡါယၤ 26:11

နဒုၣ်နဒါတဖၣ်တသ့ၣ်ညါဝဲ လၢနကစံၣ်ညီၣ်အဝဲသ့ၣ်ဘၣ်. ယွၤဧၢ, မၤမဲာ်ဆှးအဝဲသ့ၣ်ဒီးပျဲအ ဝဲသ့ၣ်တူၢ်ဘၣ်တၢ်တက့ၢ်. ပျဲအဝဲသ့ၣ်တူၢ်ဘၣ်နတၢ်စံၣ်ညီၣ် လၢနကတဲာ်ကတီၤပာ်စၢၤန့ၣ်တက့ၢ်. ဒုးနဲၣ်အဝဲသ့ၣ်လၢနအဲၣ်နပှၤဂီၢ်မုၢ်ထဲလဲၣ်န့ၣ်တက့ၢ်.

လံာ်မးသဲ 27:17

လၢတၢ်န့ၣ်အဃိ, တုၤပှၤဂီၢ်မုၢ်တဖၣ်ဟဲပာ်ဖှိၣ်ထီၣ်အသးဒီး, စီၤပံၤလးသံကွၢ်အဝဲသ့ၣ်ဒီးစံး, “သုအဲၣ်ဒိးလၢယကပျၢ်န့ၢ်သုလၢမတၤတဂၤလဲၣ်, စီၤယ့ၣ်ၡူးဘၤရးဘါဧါ. မ့တမ့ၢ်ဘၣ်ဒီးယ့ၣ်ၡူးလၢပှၤကိးအီၤလၢခရံာ်န့ၣ်လဲၣ်.”

လံာ်မးသဲ 27:19

ဖဲစီၤပံၤလးဆ့ၣ်နီၤဝဲလၢတၢ်စံၣ်ညီၣ်ကွီၢ်အလီၢ်ဆ့ၣ်နီၤအဖီ ခိၣ်အဖၢမုၢ်န့ၣ်, အမါဆှၢလီၤန့ၢ်အီၤတၢ်ကစီၣ်လၢအစံး, “တဘၣ်မၤဘၣ်ဃးနသးဒီးပှၤလၢအတၢ်ကမၣ်တအိၣ်ဘၣ် တဂၤအံၤတဂ့ၤ. အဂ့ၢ်ဒ်အံၤ, လၢတၢ်မံမီၢ်အဃိန့ၣ်, တနံၤအံၤယသးဘၣ်နးဘၣ်ဖှီၣ် ဒီးဘၣ်တံာ်တာ်ဒိၣ်မးလၢအဝဲဒၣ်အဂ့ၢ်န့ၣ်လီၤ.”

လံာ်မၢ်ကူး 15:10

စီၤပံၤလးသ့ၣ်ညါဝဲဂ့ၤဂ့ၤကလဲာ်လၢပှၤလုၢ်တၢ်အခိၣ်အဒိၣ် တဖၣ်သူၣ်က့ၣ်သးကါဘၣ်ယ့ၣ်ၡူးအဃိ, အဝဲသ့ၣ်ဟ့ၣ်လီၤအီၤဆူအဝဲဒၣ်အစုပူၤန့ၣ်လီၤ.

မၤတၢ် 13:45

ဖဲပှၤယူဒၤဖိတဖၣ်ထံၣ်ဘၣ်ပှၤဂီၢ်မုၢ်တဖၣ်န့ၣ်, အဝဲသ့ၣ်ပှဲၤဒီးတၢ်သူၣ်က့ၣ်သးကါ, ဒီးကတိၤထီဒါတၢ်လၢစီၤပီလူးစံးကတိၤဝဲဒီးကတိၤဒုၣ် ဒွဲၣ်အီၤန့ၣ်လီၤ.

မၤတၢ် 5:17

အန့ၣ်ဒီး, ပှၤလုၢ်တၢ်အခိၣ်အဒိၣ်ကတၢၢ်တဂၤဒီးပှၤမၤသကိးတၢ်ဒီးအီၤ တဖၣ်လၢအမ့ၢ်ပှၤစးဒူၤကဲအကရၢဖိဘၣ်ဃးဒီးတၢ်လီၢ်ကဝီၤဖဲန့ၣ်, အသူၣ်က့ၣ်အသးကါဘၣ်ပှၤတၢ်မၢဖိတဖၣ်ဒိၣ်ဒိၣ်ကလဲာ်သတးဒီး, စံၣ်ညီၣ်တဲာ်သကိးဝဲလၢကမၤတၢ်တမံၤမံၤန့ၣ်လီၤ.

မၤတၢ် 7:9

ပၢ်ဖးဒိၣ်တဖၣ်န့ၣ်အသးက့ၣ်အဒီပုၢ်ဝဲၢ်စီၤယိၤသး, ဒီးဆါလီၤကွံာ်အီၤလၢအကကဲထီၣ်ကုၢ်လၢကီၢ်အဲၤကူပတူး အပူၤအဂီၢ်န့ၣ်လီၤ. ဘၣ်ဆၣ်ဒီးကစၢ်ယွၤအိၣ်ဒီးအီၤ,

ယၤကိာ် 4:5

တဘၣ်ဆိကမိၣ်လၢတၢ်မ့ၢ်တၢ်တီတအိၣ်ဘၣ်လၢတၢ်ကွဲး အသးအပူၤလၢအစံးဝဲ, “သးလၢကစၢ်ယွၤဒၢနုာ်လီၤဆူပပူၤအံၤပှဲၤဝဲဒီးတၢ်သးကွံ တဖၣ်လၢအဂံၢ်ဆူၣ်ဝဲလီၤ” န့ၣ်တဂ့ၤ.