လံာ်မးသဲ 27:16 - Sgaw Karen Common Bible

¹⁶ အခါဖဲန့ၣ်ပှၤဃိာ်ဖိလၢအမံၤဒိၣ်ဝဲ, စီၤယ့ၣ်ၡူးဘၤရးဘါအိၣ်ဝဲတဂၤလီၤ.

လံာ်မးသဲ 27:16 Iomraidhean Croise

လံာ်မးသဲ 27:15

ဖဲဘူၣ်လဲၤကပာ်ကိးဘျီဒဲးန့ၣ်, ရိမ့ၤအပဒိၣ်အိၣ်ဒီးအလုၢ်အလၢ်လၢ ကပျၢ်န့ၢ်ပှၤဃိာ်ဖိတဂၤဂၤလၢပှၤဂီၢ်မုၢ်ဃ့ဝဲန့ၣ်လီၤ.

လံာ်မးသဲ 27:17

လၢတၢ်န့ၣ်အဃိ, တုၤပှၤဂီၢ်မုၢ်တဖၣ်ဟဲပာ်ဖှိၣ်ထီၣ်အသးဒီး, စီၤပံၤလးသံကွၢ်အဝဲသ့ၣ်ဒီးစံး, “သုအဲၣ်ဒိးလၢယကပျၢ်န့ၢ်သုလၢမတၤတဂၤလဲၣ်, စီၤယ့ၣ်ၡူးဘၤရးဘါဧါ. မ့တမ့ၢ်ဘၣ်ဒီးယ့ၣ်ၡူးလၢပှၤကိးအီၤလၢခရံာ်န့ၣ်လဲၣ်.”

လံာ်မၢ်ကူး 15:7

အကတီၢ်ဖဲန့ၣ်လၢဃိာ်ပူၤ, ပှၤလၢအပူထီၣ်တၢ်ဒီးမၤသံဘၣ်ပှၤ ကညီလၢတၢ်တၢထီၣ်တၢလီၤအပူၤတဖၣ်အကျါ, ပှၤအိၣ်ဝဲတဂၤလၢအမံၤမ့ၢ်စီၤဘၤရးဘါန့ၣ်လီၤ.

လံာ်လူၤကၣ် 23:25

အဝဲဒၣ်ပျဲလီၤကွံာ်ပှၤတဂၤလၢအဝဲသ့ၣ်အဲၣ်ဒိးဝဲ, ပှၤတဂၤလၢအဘၣ်တၢ်ဒၢနုာ်တ့ၢ်အီၤလၢဃိာ်ပူၤလၢ အမၤတၢထီၣ်တၢလီၤတၢ်ဒီးမၤသံတၢ်အဃိ, ဒီးဟ့ၣ်လီၤယ့ၣ်ၡူးဆူအဝဲသ့ၣ်အစုပူၤ, ဒ်သိးအကမၤအီၤဖဲအသးဒၣ်ဝဲန့ၣ်လီၤ.

လံာ်ယိၤဟၣ် 18:40

အဝဲသ့ၣ်ကိးပသူထီၣ်ဒီးစံးဝဲ, “တမ့ၢ်ဘၣ်. တမ့ၢ် အဝဲဘၣ်. ပသးလီစီၤဘၤရးဘါန့ၣ်လီၤ.” (စီၤဘၤရးဘါမ့ၢ် တမျာ်တဂၤန့ၣ်လီၤ.)

မၤတၢ် 3:14

အဝဲဒၣ်မ့ၢ်ပှၤစီဆှံဒီးပှၤအတီအလိၤတဂၤလီၤ. ဘၣ်ဆၣ်ဒီးသုညိကွံာ်အီၤလီၤ. မ့မ့ၢ်သုဃ့တၢ်သးကညီၤလၢပဒိၣ်စီၤပံၤလးဒ်သိးအကပျၢ်ထူၣ် ဖျဲးန့ၢ်သုလၢပှၤတဂၤလၢအမၤသံပှၤကညီန့ၣ်လီၤ.

ရိမ့ၤ 1:32

အဝဲသ့ၣ် သ့ၣ်ညါဝဲလၢကစၢ်ယွၤအတၢ်သိၣ်တၢ်သီစံးဝဲလၢပှၤလၢအအိၣ် မူလၢကျဲဒ်အံၤန့ၣ်ကြၢးသံဝဲလီၤ. အန့ၣ်ဒၣ်လဲာ်, တမ့ၢ်ထဲအဝဲသ့ၣ်မၤထွဲတၢ်သ့ၣ်တဖၣ်အံၤဧိၤန့ၣ်ဘၣ်, မ့မ့ၢ်အဝဲသ့ၣ်ဘၣ်သူၣ်ဘၣ်သးလၢပှၤလၢအမၤတၢ်ဒ်အံၤ တဖၣ်န့ၣ်လီၤ.

ရိမ့ၤ 16:7

ယဆှၢတၢ်ဆၢဂ့ၤဆၢဝါတဖၣ်ဆူစီၤအၤဒြနံကူးဒီးစီၤယူၤနံ, လၢအမ့ၢ်ပှၤယူဒၤဖိသကိးသကိးဒီးယၤ, လၢအလီၤဃိာ်ပူၤဒီး ယၤအအိၣ်န့ၣ်လီၤ. အဝဲသ့ၣ်ဘၣ်တၢ်သ့ၣ်ညါအီၤအါမးလၢပှၤတၢ်မၢဖိတဖၣ် အကျါ, ဒီးအဝဲသ့ၣ်ကဲထီၣ်ခရံာ်ဖိလၢယမဲာ်ညါန့ၣ်လီၤ.