လံာ်မးသဲ 27:15 - Sgaw Karen Common Bible

¹⁵ ဖဲဘူၣ်လဲၤကပာ်ကိးဘျီဒဲးန့ၣ်, ရိမ့ၤအပဒိၣ်အိၣ်ဒီးအလုၢ်အလၢ်လၢ ကပျၢ်န့ၢ်ပှၤဃိာ်ဖိတဂၤဂၤလၢပှၤဂီၢ်မုၢ်ဃ့ဝဲန့ၣ်လီၤ.

လံာ်မးသဲ 27:15 Iomraidhean Croise

လံာ်မးသဲ 26:5

ဘၣ်ဆၣ်အဝဲသ့ၣ်စံး, “ပတဘၣ်မၤတၢ်အံၤဖဲဘူၣ်အကတီၢ်အံၤဘၣ်, ပှၤဂီၢ်မုၢ်ကတၢထီၣ်တၢလီၤဘၣ်ဖုးလီၤ.”

လံာ်မးသဲ 27:16

အခါဖဲန့ၣ်ပှၤဃိာ်ဖိလၢအမံၤဒိၣ်ဝဲ, စီၤယ့ၣ်ၡူးဘၤရးဘါအိၣ်ဝဲတဂၤလီၤ.

လံာ်လူၤကၣ် 23:16

လၢတၢ်န့ၣ်အဃိ, ယကပျဲပှၤတီၢ်အီၤဖျ့အီၤ, ဝံၤဒီးပျဲလီၤကွံာ်အီၤလီၤ.

လံာ်လူၤကၣ် 23:17

(ဖဲဘူၣ်လဲၤကပာ်အဆၢကတီၢ်တဘျီဘၣ်တဘျီန့ၣ်, စီၤပံၤလးဘၣ်ပျၢ်ထူၣ်ဖျဲးကွံာ်ပှၤဃိာ်ဖိတဂၤလၢအဝဲသ့ၣ် အဂီၢ်လီၤ.)

လံာ်လူၤကၣ် 23:18

ပှၤဂီၢ်မုၢ်ဒီဖုညါကိးထီၣ်ဝဲ, “မၤသံအီၤတက့ၢ်. ပျၢ်ဖျဲးကွံာ်စီၤဘၤရးဘါလၢပဂီၢ်တက့ၢ်.”

လံာ်ယိၤဟၣ် 18:16

ဖဲန့ၣ်အခါ, စီၤပ့းတရူးအိၣ်လၢတၢ်ချၢလၢကျဲစၢၤအဃၢၤ န့ၣ်လီၤ. အန့ၣ်ဝံၤဒီး, အပျဲၢ်အဘီၣ်လၢပှၤလုၢ်တၢ်အခိၣ်အဒိၣ် ကတၢၢ်သ့ၣ်ညါအီၤဂ့ၤဒိၣ်မးတဂၤန့ၣ်, က့ၤဟးထီၣ်က့ၤဝဲ, ကတိၤတၢ်ဒီးပိာ်မုၣ်လၢအပၢၤကျဲစၢၤတဂၤဝံၤဒီး, ဟဲက့ၤကိးနုာ်စီၤပ့းတရူးဆူကရၢၢ်ပူၤန့ၣ်လီၤ.

လံာ်ယိၤဟၣ် 19:16

အန့ၣ်တစု, စီၤပံၤလးဟ့ၣ်လီၤယ့ၣ်ၡူးဆူအဝဲသ့ၣ်အစုပူၤ လၢတၢ်ကပျၤထီအီၤလၢထူၣ်စုညါအလိၤအဂီၢ်န့ၣ်လီၤ. မၤသးဒ်န့ၣ်ဒီး, အဝဲသ့ၣ်ဟံးန့ၢ်ယ့ၣ်ၡူးန့ၣ်လီၤ.

မၤတၢ် 24:27

ခံနံၣ်ဝံၤအလီၢ်ခံန့ၣ်, စီၤပီၤကံၤဖ့စတူးကဲထီၣ်က့ၤပဒိၣ်ဖးဒိၣ် လၢစီၤဖ့လံးအလီၢ်, ဒီးမ့ၢ်လၢစီၤဖ့လံးအဲၣ်ဒိးမၤအိၣ်အမဲာ် သၣ်လၢပှၤယူဒၤဖိတဖၣ်အဃိပာ်ဃာ်ဒံးစီၤပီလူးလၢဃိာ်ပူၤလီၤ.

မၤတၢ် 25:9

စီၤဖ့စတူးအဲၣ်ဒိးမၤအိၣ်အမဲာ်သၣ်လၢပှၤယူဒၤဖိ တဖၣ်သတးဒီး, အဝဲသံကွၢ်စီၤပီလူး, “မ့ၢ်နကသးဆူၣ်လဲၤဆူဝ့ၢ်ယရူၤၡလ့ၣ်ဒ်သိးနကဘၣ်တၢ် သမံသမိးနၤလၢယမဲာ်ညါဖဲန့ၣ်ကစီဒီဧါ.”