လံာ်မးသဲ 27:1 - Sgaw Karen Common Bible

¹ တုၤမုၢ်ဆ့ၣ်ထီၣ်ဂီၤဂီၤအကတီၢ်န့ၣ်, ပှၤလုၢ်တၢ်အခိၣ်အဒိၣ်ခဲလၢာ်ဒီးပှၤယူဒၤဖိကရၢအခိၣ်အနၢ် တဖၣ်, ကူၣ်ထီၣ်တၢ်ထီဒါယ့ၣ်ၡူး ဒ်သိးအကမၤသံဘၣ်အီၤအဂီၢ်လီၤ.

လံာ်မးသဲ 27:1 Iomraidhean Croise

စံးထီၣ်ပတြၢၤ 2:2

အစီၤပၤတဖၣ်ပူထီၣ်တၢ်, အပဒိၣ်ပပှၢ်တဖၣ် ကူၣ်ထီၣ်ဖးလီၤသကိးတၢ်ထီဒါယွၤ ဒီး စီၤပၤလၢယွၤဃုထၢတ့ၢ်အီၤန့ၣ်လီၤ.

စံးထီၣ်ပတြၢၤ 31:13

ယနၢ်ဟူယဒုၣ်ယဒါအါဂၤကတိၤကသွံတၢ်, တၢ်လီၤပျံၤအိၣ်ဝးတရံးယၤလီၤ. အဝဲသ့ၣ်မၤထီၣ်တၢ်ကူၣ်တဖၣ်လၢအထီဒါယၤ, ကူၣ်ထီၣ်လၢကမၤသံယၤလီၤ.

စံးထီၣ်ပတြၢၤ 71:10

အဂ့ၢ်ဒ်အံၤ, ယဒုၣ်ယဒါကတိၤတဖၣ်ထီဒါယၤ, ဒီးပှၤလၢအကွၢ်ဟုၣ်ယသးန့ၣ် ကူၣ်ထီၣ်ဖးလီၤတၢ်အၢတပူၤဃီထီဒါယၤလီၤ.

လံာ်မံကၤ 2:1

ပှၤလၢအဆိကမိၣ်ထီၣ်တၢ်တတီတလိၤဒီးကူၣ် ထီၣ်တၢ်အၢလၢအလီၢ်မံပူၤတဖၣ်န့ၣ်, လီၤပျံၤလီၤဖုးဆံးဒိၣ်လဲၣ်. တုၤမုၢ်ဆ့ၣ်ဝါထီၣ်ဒီးအဝဲမၤန့ၢ်ဘၣ်တၢ်ခွဲးတၢ်ယာ်တဘျီဃီန့ၣ်, မၤတၢ်အၢဒ်ကူၣ်ကျဲၤပာ်ဝဲအသိးလီၤ.

လံာ်မးသဲ 23:13

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီ, ဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုကးတံာ်ဃာ်မူခိၣ်အဘီအမုၢ်အတြဲၤဒ်သိးပှၤဂၤ အသုတလဲၤနုာ်ဘၣ်တဂ့ၤအဂီၢ်လီၤ. သုနီၢ်ကစၢ်ဒၣ်သုဝဲသုတလဲၤနုာ်ဘၣ်ဒီး, သုတပျဲနုာ်စ့ၢ်ကီးပှၤလၢအကျဲးစၢးလဲၤနုာ်ဝဲတဖၣ်ဘၣ်.

လံာ်မၢ်ကူး 15:1

လၢဂီၤဂီၤဖဲမုၢ်ဟဲထီၣ်အကတီၢ်န့ၣ်, ပှၤလုၢ်တၢ်အခိၣ်အဒိၣ်တဖၣ်, ဃုာ်ဒီးပှၤယူဒၤဖိကရၢအခိၣ်အနၢ်တဖၣ်ဒီးပှၤသ့တၢ်ဘူၣ်တၢ် ဘါအတၢ်သိၣ်တၢ်သီတဖၣ်, ဒီးကီၣ်ကးဒီဖုညါအိၣ်ဖှိၣ်သကိးဒီးကူၣ်ထီၣ်ဖးလီၤတၢ်လီၤ. အဝဲသ့ၣ်စၢဃာ်ယ့ၣ်ၡူးဝံၤ, မိၤထီၣ်အီၤ, ဒီးလဲၤဟ့ၣ်လီၤအီၤလၢစီၤပံၤလးအစုပူၤလီၤ.

လံာ်လူၤကၣ် 13:1

ဖဲဆၢကတီၢ်အဝဲန့ၣ်, ပှၤအိၣ်ဝဲဒၣ်တနီၤလၢအစံးဘၣ်တဲဘၣ် ယ့ၣ်ၡူးဘၣ်ဃးဒီးပှၤကၤလံၤလါဖိတဖၣ်လၢ စီၤပံၤလးမၤသံတ့ၢ်ဝဲဖဲအဝဲသ့ၣ်လုၢ်ထီၣ်ပာ်ထီၣ် တၢ်ဆူကစၢ်ယွၤအအိၣ်အဖၢမုၢ်အဂ့ၢ်န့ၣ်လီၤ.

လံာ်လူၤကၣ် 22:66

ဖဲမုၢ်ဆ့ၣ်ဝါထီၣ်န့ၣ်, ပှၤယူဒၤဖိကရၢအခိၣ်အနၢ်တဖၣ်, ပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါ အတၢ်သိၣ်တၢ်သီတဖၣ်ပာ်ဖှိၣ်ထီၣ်အသးတပူၤဃီ, ဒီးယ့ၣ်ၡူးဘၣ်တၢ်ဟဲစိာ်ထီၣ်အီၤဆူအဝဲသ့ၣ်အကီၣ်ကးန့ၣ်လီၤ.

လံာ်ယိၤဟၣ် 18:28

ဖဲမုၢ်ဆ့ၣ်ထီၣ်ဂီၤဂီၤအဆၢကတီၢ်န့ၣ်, ယ့ၣ်ၡူးဘၣ်တၢ်ကိးထီၣ်အီၤလၢစီၤကၤယါဖၤ အဟံၣ်ဒီးဘၣ်တၢ်ဆှၢအီၤဆူရိမ့ၤအပဒိၣ်ဖးဒိၣ် အနီပူၤန့ၣ်လီၤ. ပှၤယူဒၤဖိအခိၣ်အနၢ်တဖၣ် တလဲၤနုာ်ဆူနီအပူၤဘၣ်. မ့ၢ်လၢအဝဲသ့ၣ်အဲၣ်ဒိးအိၣ် ကဆှီအသးဒ်အလုၢ်အလၢ်အိၣ်ဝဲအသိး, ဒ်သိးအီၣ်ဘူၣ်လဲၤကပာ်ကသ့ဝဲအဂီၢ်န့ၣ်လီၤ.

မၤတၢ် 5:21

ပှၤတၢ်မၢဖိတဖၣ်ဒိကနၣ်ဝဲကလူးန့ၣ်အကလုၢ်, ဒီးဖဲမုၢ်ဆ့ၣ်ဝါထီၣ် အကတီၢ်န့ၣ်, အဝဲသ့ၣ်လဲၤနုာ်ဝဲဆူတၢ်လုၢ်ဟံၣ်ပူၤဒီးသိၣ်လီၤသီ လီၤတၢ်လီၤ. တုၤပှၤလုၢ်တၢ်အခိၣ်အဒိၣ်ကတၢၢ်ဟဲတုၤဝဲဒီး, အဝဲဒၣ်ဒီးပှၤမၤသကိးတၢ်ဒီးအီၤတဖၣ်ကိးဖှိၣ်ဝဲကယဲၢ်ပှၤ ယူဒၤဖိကရၢအခိၣ်အနၢ်ခဲလၢာ်လၢကအိၣ်ဖှိၣ်ကီၣ်ကးဒီဖုညါ အတၢ်အိၣ်ဖှိၣ်အဂီၢ်, ဒီးမၢလီၤပှၤလဲၤဆူဃိာ်ပူၤဒီးမၤလိာ်ဝဲပှၤ ကဆှၢဃီၤပှၤတၢ်မၢဖိတဖၣ်ဆူအဝဲသ့ၣ်အအိၣ်လီၤ.

လံာ်ပှၤစံၣ်ညီၣ်ကွီၢ် 16:2

ဒီးပှၤဂါစၤဖိတဖၣ်သ့ၣ်ညါဝဲလၢစီၤၡံၣ်ၡိၣ်အိၣ်ဖဲန့ၣ်အဃိ အဝဲသ့ၣ်ကဝီၤဃးတၢ်လီၢ်န့ၣ်ဒီးခိးအီၤသီတနၤကျၢၤလၢဝ့ၢ်အပဲတြီန့ၣ်လီၤ. အဝဲသ့ၣ်အိၣ်ဃိကလာ်ဒီနၤဒီးဆိကမိၣ်လၢအသးပူၤ, “ပကခိးတုၤမုၢ်ဆ့ၣ်ထီၣ်ဒီးပကမၤသံကွံာ်အီၤလီၤ.”

လံာ်စီၤၡမူၤအ့လးအခီၣ်ထံးတဘ့ၣ် 19:11

မုၢ်တနၤဃီန့ၣ်, စီၤစီလူးမၢလီၤပှၤလဲၤခိးကွၢ်စီၤဒၤဝံး အဟံၣ်ဒီးမၢအမၤသံကွံာ်အီၤလၢမုၢ်ဆ့ၣ်ထီၣ်န့ၣ်လီၤ. စီၤဒၤဝံးအမါနီၢ်မံကၤလးဟ့ၣ်ပလီၢ်အီၤ, “နမ့ၢ်တဟးထီၣ်ကွံာ်တနၤညါအံၤန့ၣ်, ခဲမုၢ်ဆ့ၣ်နကသံလီၤ.”