လံာ်မးသဲ 26:74 - Sgaw Karen Common Bible

⁷⁴ တုၤနုၤတစုစီၤပ့းတရူးစံးဝဲ, “ယဆိၣ်လီၤယသးလၢယကတိၤ တၢ်မ့ၢ်တၢ်တီလီၤ. ယမ့ၢ်တဲတၢ်လၢအတမ့ၢ်တတီဘၣ်ဒီး, မ်ကစၢ်ယွၤကစံၣ်ညီၣ်ဒၣ်ဝဲယၤတက့ၢ်. ယတသ့ၣ်ညါ ပှၤအဝဲန့ၣ်ဘၣ်.” တကီၢ်ခါဖဲန့ၣ်ဆီဖါကီၢ်အိၣ်အိထီၣ်ဝဲလီၤ.

လံာ်မးသဲ 26:74 Iomraidhean Croise

လံာ်မးသဲ 10:28

တဘၣ်ပျံၤပှၤလၢအမၤသံပနီၢ်ခိဘၣ်ဆၣ်မၤသံပသးတသ့ဘၣ်န့ၣ်တဂ့ၤ. မ့မ့ၢ်ပျံၤကစၢ်ယွၤလၢအမၤဟးဂီၤပနီၢ်ခိဒီးပသးလၢလရာ် အပူၤသ့ဝဲတဂၤန့ၣ်တက့ၢ်.

လံာ်မးသဲ 26:34

ယ့ၣ်ၡူးစံးဘၣ်စီၤပ့းတရူး, “ယစံးဘၣ်တဲဘၣ်နၤ, တနၤအံၤတချုးလၢဆီဖါကီၢ်အိၣ်အိထီၣ်န့ၣ်, နကသမၢဒီးစံးလၢနတသ့ၣ်ညါယၤဘၣ်န့ၣ်သၢဘျီလီၤ.”

လံာ်မးသဲ 26:73

တစိၢ်ဖိဝံၤအလီၢ်ခံ, ပှၤပိာ်ခွါလၢအအိၣ်ဆၢထၢၣ်ဖဲန့ၣ်တဖၣ် ဟဲဆူစီၤပ့းတရူးအအိၣ်ဒီးစံး, “သပှၢ်တၢၢ်, နမ့ၢ်ပှၤလၢအဝဲသ့ၣ်အကျါတဂၤလီၤ. နကတိၤတၢ်အသီၣ် လီၣ်ဖျါထီၣ်နၤလီၤ.”

လံာ်မးသဲ 26:75

တုၤနုၤတစု, စီၤပ့းတရူးသ့ၣ်နီၣ်ထီၣ်တၢ်လၢယ့ၣ်ၡူးစံးဘၣ် တ့ၢ်အီၤ, “တချုးလၢဆီဖါကီၢ်အိၣ်အိထီၣ်န့ၣ်, နကသမၢဒီးစံးလၢနတသ့ၣ်ညါယၤဘၣ်သၢဘျီလီၤ.” ဒီးအဝဲဟးထီၣ်ကွံာ်ဝဲဖဲန့ၣ် ဒီးဟီၣ်ဝဲလၢာ်သးလီၤ.

လံာ်မးသဲ 27:25

ပှၤဂီၢ်မုၢ်ခဲလၢာ်စံးဆၢဝဲ, “မ်အသွံၣ်ကလီၤတီဒၣ်ဝဲလၢပဝဲဒီးလၢ ပဖိပလံၤအဖီခိၣ်န့ၣ်တက့ၢ်.”

လံာ်မၢ်ကူး 14:30

ယ့ၣ်ၡူးစံးဘၣ်စီၤပ့းတရူး, “ယစံးဘၣ်နၤသပှၢ်ကတၢၢ်, တနၤအံၤတချုးဆီဖါကီၢ်အိၣ်အိဒံးဘၣ်ခံဘျီန့ၣ်, နဲဒၣ်နကသမၢယၤသၢဘျီလၢနတသ့ၣ်ညါယၤဘၣ်န့ၣ်လီၤ.”

လံာ်မၢ်ကူး 14:68

ဘၣ်ဆၣ်ဒီးအဝဲဒၣ်သမၢတၢ်ဒီးစံးဝဲ, “တၢ်လၢနစံးန့ၣ်ယတသ့ၣ်ညါဒီးယတနၢ်ပၢၢ်ဘၣ်.” ဒီးစီၤပ့းတရူးဟးထီၣ်ကွံာ်လၢတၢ်လီၢ်လီၤပျီတကဝီၤန့ၣ် အပူၤဒီးလဲၤနုာ်ဝဲလၢကျဲတဘိလၢပှၤကဟးထီၣ်ဆူတၢ်ချၢ အဂီၢ်လီၤ. အကတီၢ်ဖဲန့ၣ်ဆီဖါတဘ့ၣ်အိၣ်အိထီၣ်ဝဲဒၣ်လီၤ.

လံာ်လူၤကၣ် 22:60

ဘၣ်ဆၣ်ဒီးစီၤပ့းတရူးစံးဆၢဝဲ, “ပှၤတဂၤဧၢ, နတဲတၢ်မနုၤလဲၣ်န့ၣ်ယတသ့ၣ်ညါဘၣ်.” တဘျီဃီဖဲအဝဲဒၣ်ကတိၤဒံးတၢ်အဖၢမုၢ်န့ၣ်, ဆီဖါကီၢ်တဘ့ၣ်အိၣ်အိထီၣ်ဝဲန့ၣ်လီၤ.

လံာ်ယိၤဟၣ် 18:27

စီၤပ့းတရူးစံးကဒီးဝဲ, “တမ့ၢ်ဘၣ်.” ဒီးတဘျီဃီဆီဖါကီၢ်အိၣ်အိထီၣ်ဝဲဒၣ်န့ၣ်လီၤ.

ရိမ့ၤ 9:3

လၢအဝဲသ့ၣ်အဃိ, ယဆၢယဲဒၣ်လၢယကအိၣ်လၢကစၢ်ယွၤ အတၢ်ဆိၣ်အၢအဖီလာ်ဒီးအိၣ်လီၤဖးဒီးခရံာ်န့ၣ်လီၤ.

1 ကရံၣ်သူး 16:22

ပှၤတဂၤလၢ်လၢ်လၢအတအဲၣ်ကစၢ်န့ၣ်, မ်အဘၣ်ဆိၣ်အၢတက့ၢ်. မၤရၤနၤသၤ - ပကစၢ်ဧၢ, ဟဲတက့ၢ်.

လံာ်လီၣ်ဖျါ 3:19

ပှၤလၢယအဲၣ်န့ၣ်, ယသိၣ်ဃီၣ်သီဃီၣ်, ဒီးစံၣ်ညီၣ်အီၤကိးဂၤဒဲးလီၤ. လၢတၢ်န့ၣ်အဃိ, ပာ်နသးသပှၢ်ပှၢ်, ဒီးဃၣ်ကွံာ်လၢနတၢ်ဒဲးတူာ်ဒဲးဘးတဖၣ်န့ၣ်တက့ၢ်.

လံာ်ပှၤစံၣ်ညီၣ်ကွီၢ် 17:2

ဒီးအဝဲစံးဘၣ်အမိၢ်, “ဖဲပှၤတဂၤဟုၣ်စ့နီၢ်တကထိတကယၤဘး လၢနအိၣ်န့ၣ်နပာ်တၢ်ဆိၣ်အၢလၢပှၤဟုၣ်တၢ်တဂၤန့ၣ်အဖီခိၣ်လီၤ. ယနၢ်ဟူတ့ၢ်နမၤတၢ်န့ၣ်လီၤ. ကွၢ်ကွၢ်, တိၢ်န့ၣ်အိၣ်လၢယအိၣ်လီၤ. ယမ့ၢ်ပှၤတဂၤလၢအဟံးန့ၢ်အီၤလီၤ.” ဒီးအမိၢ်စံးဘၣ်အီၤ, “ယဖိခွါဧၢ, မ်ယွၤဆိၣ်ဂ့ၤနၤတက့ၢ်.”

လံာ်ပှၤစံၣ်ညီၣ်ကွီၢ် 21:18

ဘၣ်ဆၣ်ဒီးပပျဲအဝဲသ့ၣ်ထီၣ်ပှၢ်ဒီးပဖိမုၣ်တဖၣ်တသ့ဘၣ်. အဂ့ၢ်ဒ်အံၤ, ပပာ်တၢ်ဆိၣ်အၢလၢပှၤတဂၤလၢ်လၢ်အလိၤလၢအပျဲပှၤဘံၣ်ယၤမံၣ်ဖိထီၣ်ပှၢ်ဒီး ပဖိမုၣ်တဂၤဂၤန့ၣ်လီၤ.”