လံာ်မးသဲ 26:69 - Sgaw Karen Common Bible

⁶⁹ ဖဲစီၤပ့းတရူးဆ့ၣ်နီၤလၢတၢ်ချၢလၢတၢ်လီၢ်လီၤပျီအပူၤအဖၢ မုၢ်န့ၣ်, ပှၤလုၢ်တၢ်အခိၣ်အဒိၣ်ကတၢၢ်အကုၢ်ပိာ်မုၣ်ဖိတဖၣ် အကျါတဂၤဟဲဆူအအိၣ်ဒီးစံး, “နၤစ့ၢ်ကီး, နမ့ၢ်ပှၤလၢအအိၣ်သကိးတ့ၢ်ဒီးပှၤကၤလံၤလါဖိယ့ၣ်ၡူး လီၤ.”

လံာ်မးသဲ 26:69 Iomraidhean Croise

လံာ်စီၤပၤအခီၣ်ထံးတဘ့ၣ် 19:13

တုၤစီၤအ့ၤလံယၤနၢ်ဟူဃီၤတၢ်န့ၣ်ဒီး, အဝဲမၤဘၢအမဲာ်လၢ အဆ့ကၤဖးဒိၣ်ဒီးဟးထီၣ်ဝဲဒီးဆၢထၢၣ်ဖဲလ့ကအိအကျဲစၢၤ န့ၣ်လီၤ. တၢ်ကလုၢ်တထံၣ်စံးဘၣ်အီၤ, “စီၤအ့ၤလံယၤဧၢ, နမၤတၢ်မနုၤဖဲအံၤန့ၣ်လဲၣ်.”

လံာ်စီၤပၤအခီၣ်ထံးတဘ့ၣ် 19:9

ဖဲန့ၣ်အဝဲလဲၤနုာ်ဆူလၢၢ်ကအိတခါအပူၤလၢကမံဝဲလၢတနၤအဂီၢ် လီၤ. သတူၢ်ကလာ်ယွၤကတိၤဃီၤတၢ်ဒီးအီၤစံးဝဲ, “စီၤအ့ၤလံယၤဧၢ, နမၤတၢ်မနုၤဖဲအံၤန့ၣ်လဲၣ်.”

စံးထီၣ်ပတြၢၤ 1:1

ပှၤလၢအတတူၢ်လိာ်ပှၤတတီတလိၤသ့ၣ်တဖၣ် အတၢ်ဟ့ၣ်ကူၣ်ဟ့ၣ်ဖး, ပှၤလၢအတလူၤပိာ်ထွဲပှၤတၢ်ဒဲးဘးဖိသ့ၣ်တဖၣ် အတၢ်သိၣ်လိသီလိအခံ, ဒီးပှၤလၢအတမၤဘၣ်ထွဲလိာ်အသးဒီး ပှၤလၢအဒုၣ်ဒွဲၣ်ကစၢ်ယွၤတဖၣ်န့ၣ်, မ့ၢ်ပှၤဘၣ်ဆိၣ်ဂ့ၤနီၢ်နီၢ်လီၤ.

လံာ်မးသဲ 21:11

ဒီးပှၤဂီၢ်မုၢ်တဖၣ်စံးဆၢဝဲ, “အအံၤမ့ၢ်ဝံယ့ၣ်ၡူးလၢဝ့ၢ်နစၤရ့းဘၣ်ဃးဒီး ကီၢ်ကၤလံၤလါန့ၣ်လီၤ.”

လံာ်မးသဲ 26:3

အကတီၢ်ဖဲန့ၣ်, ပှၤလုၢ်တၢ်အခိၣ်အဒိၣ်တဖၣ်ဒီးပှၤယူဒၤဖိကရၢ အခိၣ်အနၢ်တဖၣ်ထံၣ်လိာ်အသးလၢပှၤလုၢ်တၢ်အခိၣ်အဒိၣ် ကတၢၢ်စီၤကၤယါဖၤအနီပူၤ,

လံာ်မးသဲ 26:58

စီၤပ့းတရူးပိာ်ထီၣ်အဝဲသ့ၣ်အခံလၢအယံၤ, ပၢၢ်တုၤလၢပှၤလုၢ်တၢ်အခိၣ်အဒိၣ်ကတၢၢ် အဟံၣ်အကရၢၢ်ပူၤန့ၣ် လီၤ. အဝဲလဲၤနုာ်ဆူကရၢၢ်ပူၤတၢ်လီၤပျီအလီၢ်, ဒီးဆ့ၣ်နီၤသကိးဝဲဒီးပှၤခိးတၢ်ပၢၤတၢ်ဖိတဖၣ်, ဒ်သိးကသ့ၣ်ညါတၢ်ကမၤအသးလၢခံကတၢၢ်ဒ်လဲၣ်အဂီၢ်န့ၣ်လီၤ.

လံာ်မးသဲ 26:70

ဘၣ်ဆၣ်ဒီး, အဝဲသမၢဝဲလၢအဝဲသ့ၣ်ခဲလၢာ်အမဲာ်ညါဒီးစံး, “မ့ၢ်နတဲ တၢ်မနုၤလဲၣ်န့ၣ်ယတသ့ၣ်ညါဘၣ်.”

လံာ်မးသဲ 26:71

ဝံၤဒီး, အဝဲဟးထီၣ်ဒီးလဲၤထီၣ်ဝဲဆူတၢ်လီၢ်လီၤပျီအံၤအကျဲစၢၤ လီၤ. ကုၢ်ပိာ်မုၣ်ဖိအဂၤတဂၤထံၣ်အီၤဒီးစံးဘၣ်ပှၤပိာ်ခွါတဖၣ်လၢ အအိၣ်ဖဲန့ၣ်ဒ်အံၤ, “အဝဲအိၣ်သကိးတ့ၢ်ဒီးပှၤနစၤရ့းဖိယ့ၣ်ၡူးလီၤ.”

လံာ်ယိၤဟၣ် 1:46

ဒီးစီၤနၤသန့လးသံကွၢ်ဝဲ, “တၢ်ဂ့ၤတၢ်ဝါတမံၤမံၤဟဲထီၣ်လၢ ဝ့ၢ်နစၤရ့းအပူၤဘၣ်ကသ့စ့ၢ်ကီးဧါ.” စီၤဖံလံးပူးစံးဆၢဝဲ, “ဟဲဒီးကွၢ်တက့ၢ်.”

လံာ်ယိၤဟၣ် 7:41

အဂၤတနီၤစံးဝဲ, “အဝဲဒၣ်မ့ၢ်ခရံာ်န့ၣ်လီၤ.” ဘၣ်ဆၣ်ပှၤအဂၤတဖၣ်စံးဝဲ, “ခရံာ်တဟဲထီၣ်ဝဲဒၣ်လၢကီၢ် ကၤလံၤလါန့ၣ်ဘၣ်.

လံာ်ယိၤဟၣ် 7:52

အဝဲသ့ၣ်စံးဆၢတၢ်ဒီးစံးဝဲ, “မ့မ့ၢ်ဒ်န့ၣ်ဒီး, နမ့ၢ်ပှၤလၢအဟဲလၢကီၢ်ကၤလံၤလါစ့ၢ်ကီးဧါ. ဃုမၤလိက့ၤတၢ်ကွဲးအသးစီဆှံတဖၣ်ဒီးနကထံၣ် သ့ၣ်ညါလၢဝံတဟဲထီၣ်လၢကီၢ်ကၤလံၤလါအပူၤနီတဂၤနီ တဘျီဘၣ်န့ၣ်လီၤ.”

မၤတၢ် 5:37

အဝဲန့ၣ်အလီၢ်ခံ, ပှၤကီၢ်ကၤလံၤလါဖိစီၤယူဒၤဟဲပၢၢ်ထီၣ် ကဒီးဝဲဖဲတၢ်ဟံးန့ၢ်ထံဖိကီၢ်ဖိအနီၣ်ဂံၢ်စရီအကတီၢ်န့ၣ်လီၤ. အဝဲဒၣ်ထုးန့ၣ်ပှၤဂီၢ်မုၢ်အသးသတးဒီး, ပှၤအါဂၤပိာ်ထီၣ်အခံလီၤ. ဘၣ်ဆၣ်ဒီးတၢ်မၤသံကွံာ်အီၤစ့ၢ်ကီး, ဒီးပှၤပိာ်ထီၣ်အခံတဖၣ်လီၤပြံလီၤပြါကွံာ်ခဲလၢာ်လီၤ.