လံာ်မးသဲ 26:63 - Sgaw Karen Common Bible

⁶³ ဘၣ်ဆၣ်ယ့ၣ်ၡူးအိၣ်ဘှီၣ်ကလာ်လီၤ. မၤကဒီးတဘျီပှၤလုၢ်တၢ်အခိၣ်အဒိၣ်ကတၢၢ် ကတိၤတၢ်လၢယ့ၣ်ၡူးဒီးစံး, “အခဲအံၤယမၢနဆိၣ်လီၤနသး လၢကစၢ်ယွၤလၢအမူဝဲတဂၤအမံၤအပူၤလီၤ. တဲဘၣ်ပှၤ, မ့ၢ်နမ့ၢ်ခရံာ်, ကစၢ်ယွၤအဖိခွါန့ၣ်ဧါ.”

လံာ်မးသဲ 26:63 Iomraidhean Croise

လံာ်စီၤပၤအခီၣ်ထံးတဘ့ၣ် 22:16

ဘၣ်ဆၣ်စီၤအၤဃာ်စံးဆၢဝဲ, “ဖဲနကတိၤတၢ်ဒီးယၤလၢယွၤအမံၤ အပူၤန့ၣ်, တဲတၢ်မ့ၢ်တၢ်တီတက့ၢ်. ယကဘၣ်တဲနၤတၢ်အံၤပှံၤဘျီလဲၣ်.”

လံာ်ကွဲးနီၣ်တၢ်ခံဘ့ၣ်တဘ့ၣ် 18:15

ဘၣ်ဆၣ်စီၤအၤဃာ်စံးဆၢဝဲ, “ဖဲနကတိၤတၢ်ဒီးယၤဖဲ ယွၤအမံၤအပူၤန့ၣ်, တဲတၢ်မ့ၢ်တၢ်တီတက့ၢ်. မ့ၢ်ယကဘၣ်တဲနၤတၢ်န့ၣ်ပှဲၤဘျီလဲၣ်.”

စံးထီၣ်ပတြၢၤ 42:2

ကစၢ်ယွၤလၢအမူဝဲတဂၤဧၢ, တၢ်သူယသးလၢနၤလီၤ. ယကလဲၤဒီးဘူၣ်ထီၣ်ဘါထီၣ်ဘၣ်နၤအခါဖဲလဲၣ်.

တၢ်ကတိၤဒိ. 29:24

ပှၤလၢအဒီတံၤဒီသကိးဒီးပှၤဟုၣ်တၢ်ဖိန့ၣ်, သးဟ့လီၤအသးဒၣ်ဝဲလီၤ. အဝဲမ့ၢ်တဲတၢ်မ့ၢ်တၢ်တီလၢကွီၢ်ဘျီၣ်ဒီး, ကဘၣ်တၢ်စံၣ်ညီၣ်အီၤလီၤ. ဒီးအဝဲမ့ၢ်တတဲတၢ်မ့ၢ်တၢ်တီဘၣ်ဒီး, ယွၤကဆိၣ်အၢအီၤလီၤ.

လံာ်ယၡါယၤ 53:7

အဝဲဘၣ်တၢ်မၤအီၤနးနးကျံၤကျံၤလီၤ. ဘၣ်ဆၣ်ဒီးတူၢ်ဝဲလၢ တၢ်ဆီၣ်လီၤသးအပူၤကစုဒုလီၤ. တကတိၤတၢ်နီတဘီနီတစုဘၣ်. ဒ်သိဖိတဒုလၢအကဘၣ်တၢ်မၤသံအီၤအသိး, ဒ်သိတဒုလၢပှၤကတံာ်အဆူၣ်အသိး တကတိၤတၢ်နီတဘီနီတစုဘၣ်.

လံာ်ဒၤနံးယ့လး 3:16

စီၤၡၤဒရး, စီၤမ့ၤၡး, ဒီးစီၤဧဘ့ၤဒနကိၤစံးဆၢဝဲဒၣ်, “စီၤပၤနဘူၤကးန့စၢ်ဧၢ, ဘၣ်ဃးဒီးတၢ်ဂ့ၢ်အံၤပစံးဆၢနၤ အလီၢ်တအိၣ်ဘၣ်.

လံာ်တၢ်ဘူၣ်ထီၣ်ဘါထီၣ် 5:1

ပှၤတဂၤဂၤမ့ၢ်ဘၣ်ကဲထီၣ်ပှၤအုၣ်အသးလၢတၢ်လၢအထံၣ်ဘၣ်ဝဲမ့ၢ်ဂ့ၤ, သ့ၣ်ညါဝဲမ့ၢ်ဂ့ၤ, အဂ့ၢ်ဒီးတတဲဖျါထီၣ်ဝဲလၢကွီၢ်ဘျီၣ်ပူၤန့ၣ်, ကဘၣ်တူၢ်အတၢ်ဒဲးဘးဒၣ်ဝဲန့ၣ်လီၤ.

လံာ်မးသဲ 16:16

စီၤၡံမိၣ်ပ့းတရူးစံးဆၢဝဲ, “နမ့ၢ်ခရံာ်, ကစၢ်ယွၤလၢအမူဝဲတဂၤအဖိခွါလီၤ.”

လံာ်မးသဲ 26:62

ပှၤလုၢ်တၢ်အခိၣ်အဒိၣ်ကတၢၢ်ဆၢထၢၣ်ဒီးသံကွၢ်ယ့ၣ်ၡူး, “တၢ်ကမၣ်လၢပှၤတဖၣ်အံၤဃုတုာ်နၤခဲအံၤန့ၣ်, မ့ၢ်တၢ်လၢနကတဲဆၢအီၤတအိၣ်ဘၣ်နီတမံၤဘၣ်ဧါ.”

လံာ်မးသဲ 27:12

ဘၣ်ဆၣ်ဒီးယ့ၣ်ၡူးတကတိၤဆၢက့ၤပှၤလုၢ်တၢ်အခိၣ်အဒိၣ်တဖၣ်ဒီး ပှၤယူဒၤဖိကရၢအခိၣ်အနၢ်တဖၣ်အတၢ်ကတိၤဃုတုာ်တၢ်ကမၣ်ထီဒါ အီၤ, နီတဘီဘၣ်.

လံာ်မးသဲ 27:14

ဘၣ်ဆၣ်ဒီး, ယ့ၣ်ၡူးတစံးဆၢအီၤဘၣ်. ထဲတၢ်ကတိၤတဘီဒၣ်လဲာ်တတဲဝဲဘၣ်. တၢ်အံၤဒုးကမၢကမၣ်ပဒိၣ်ဖးဒိၣ်, ဒိၣ်ဒိၣ်အါအါလီၤ.

လံာ်မးသဲ 27:40

“နသါကမၤလီၤပှီၢ်ကွံာ်တၢ်လုၢ်ဟံၣ်ဒီးဘှီထီၣ်က့ၤအီၤလၢ သၢသီအတီၢ်ပူၤဘၣ်. နမ့မ့ၢ်ကစၢ်ယွၤအဖိခွါဒီး, မၤပူၤဖျဲးက့ၤနသးဒၣ်နဲတက့ၢ်. ဟဲက့ၤလီၤလၢထူၣ်စုညါအလိၤတက့ၢ်.”

လံာ်မးသဲ 27:43

အဝဲနာ်န့ၢ်ကစၢ်ယွၤဒီးစံးလီၤအသးလၢအမ့ၢ်ကစၢ်ယွၤအဖိခွါလီၤ. ဂ့ၤလံ. မ့မ့ၢ်ဒ်န့ၣ်ဒီးမ်ပကွၢ်သကိးတက့ၢ်. မ့ၢ်ယွၤကအဲၣ်ဒိး မၤပူၤဖျဲးအီၤခဲအံၤန့ၣ်ဧါ.”

လံာ်မးသဲ 27:54

တုၤသုးခိၣ်တဂၤဃုာ်ဒီးအသုးဖိလၢအအိၣ်ခိးကွၢ်ယ့ၣ်ၡူးတဖၣ်, ထံၣ်ဟီၣ်ခိၣ်ဟူးဒီးတၢ်ခဲလၢာ်လၢအမၤအသးတဖၣ်န့ၣ်, အဝဲသ့ၣ်အသူၣ်ပျံၤအသးဖုးဒီးစံး, “ပှၤအဝဲအံၤ မ့ၢ်နီၢ်နီၢ်ကစၢ်ယွၤအဖိခွါလီၤ.”

လံာ်မးသဲ 4:3

အန့ၣ်တဘျီမုၣ်ကီၤလံၢ်ဟဲဝဲဒီးစံးဘၣ်အီၤ, “နမ့မ့ၢ်ကစၢ်ယွၤအဖိခွါဒီးခါလီၤနကလုၢ်လၢလၢၢ်သ့ၣ်တဖၣ် အံၤကကဲထီၣ်လၢကိၣ်အလိၣ်တဖၣ်တက့ၢ်.”

လံာ်မၢ်ကူး 14:61

ဘၣ်ဆၣ်ဒီးယ့ၣ်ၡူးအိၣ်ဒၣ်ကစုဒု ဒီးတကတိၤဆၢတၢ်နီတဘီ ဘၣ်. ပှၤလုၢ်တၢ်အခိၣ်အဒိၣ်ကတၢၢ်တဂၤသံကွၢ်ကဒီးအီၤ, “နမ့ၢ်ခရံာ်, ကစၢ်ယွၤတၢ်ဘၣ်ဆိၣ်ဂ့ၤတဂၤအဖိခွါန့ၣ်ဧါ.”

လံာ်ယိၤဟၣ် 1:34

ယထံၣ်ဘၣ်ယဲလံဒီးယစံးဘၣ်တဲဘၣ်သုလၢ အဝဲတဂၤအံၤမ့ၢ်ကစၢ်ယွၤအဖိခွါန့ၣ်လီၤ.”

လံာ်ယိၤဟၣ် 1:49

စီၤနၤသန့လးစံးဆၢတၢ်ဒီးစံးဝဲ, “သရၣ်ဧၢ, နဲဒၣ်အံၤနမ့ၢ်ကစၢ်ယွၤ အဖိခွါ, နမ့ၢ်အံၣ်စရ့လးအစီၤပၤန့ၣ်လီၤ.”

လံာ်ယိၤဟၣ် 10:24

ဖဲန့ၣ်အခါ, ပှၤယူဒၤဖိတဖၣ်ဟဲအိၣ်ဝးတရံးအီၤ ဒီးသံကွၢ်တၢ်ဒီးစံးဝဲ, “နကပာ်ပှၤလၢတၢ်သးဒ့ဒီအပူၤ ဆံးယံာ်လဲၣ်. နမ့မ့ၢ်ခရံာ်ဒီးတဲဘၣ်ပှၤဖျါဖျါတက့ၢ်.”

လံာ်ယိၤဟၣ် 10:30

ယပၢ်ဒီးယၤန့ၣ်မ့ၢ်တၢ်တမံၤဃီလီၤ.”

လံာ်ယိၤဟၣ် 10:36

မ့ၢ်သုကစံးလၢယၤ, ပှၤလၢပၢ်ဃုထၢဒီးမၢလီၤဆူဟီၣ်ခိၣ်တဂၤ အံၤကတိၤဒုၣ်ဒွဲၣ်စံးအၢယွၤ, မ့ၢ်လၢယစံး, ‘ယဲဒၣ်အံၤယမ့ၢ် ကစၢ်ယွၤအဖိခွါ’ အဃိန့ၣ်ဧါ.

လံာ်ယိၤဟၣ် 18:37

လၢတၢ်န့ၣ်အဃိ, စီၤပံၤလးသံကွၢ်အီၤ, “မ့မ့ၢ်ဒ်န့ၣ်ဒီး, နမ့ၢ်စီၤပၤတဂၤဧါ.” ယ့ၣ်ၡူးစံးဆၢတၢ်ဒီးစံးဝဲ, “နစံးလၢယမ့ၢ်စီၤပၤတဂၤလီၤ. ယအိၣ်ဖျဲၣ်ထီၣ်ဒီးဟဲဆူဟီၣ်ခိၣ်ချၢအံၤလၢတၢ်တိာ်ထဲတမံၤဧိၤ အဂီၢ်လၢအမ့ၢ်တၢ်ကတိၤတၢ်မ့ၢ်တၢ်တီန့ၣ်လီၤ. ပှၤတဂၤလၢ်လၢ်လၢအဘၣ်ဃးဒီးတၢ်မ့ၢ်တၢ်တီန့ၣ်, ဒိကနၣ်ယကလုၢ်လီၤ.”

လံာ်ယိၤဟၣ် 19:7

အန့ၣ်ဒီး, ပှၤယူဒၤဖိတဖၣ်စံးဆၢတၢ်ဒီးစံးဝဲ, “မ့ၢ်လၢအဝဲစံးလီၤ အသးလၢအမ့ၢ်ကစၢ်ယွၤအဖိခွါအဃိဒီး, ဒ်ပတၢ်သိၣ်တၢ်သီတထံၣ်အိၣ်ဝဲအသိး, အဝဲကြၢးသံဝဲဒၣ်န့ၣ်လီၤ.”

လံာ်ယိၤဟၣ် 19:9

အဝဲက့ၤနုာ်ကဒါက့ၤဆူနီပူၤဝံၤသံကွၢ်ယ့ၣ်ၡူး “မ့ၢ်နဟဲလၢလဲၣ်.” ဘၣ်ဆၣ်ယ့ၣ်ၡူးတစံးဆၢအီၤဘၣ်.

လံာ်ယိၤဟၣ် 20:31

ဘၣ်ဆၣ်တၢ်သ့ၣ်တဖၣ်အံၤဘၣ်တၢ်ကွဲးဃာ်အီၤ, မ့ၢ်ဒ်သိးသုကနာ်လၢယ့ၣ်ၡူးမ့ၢ်ခရံာ်, ကစၢ်ယွၤအဖိခွါ, ဒီးခီဖျိသုတၢ်နာ်အီၤန့ၣ်, သုကန့ၢ်ဘၣ်တၢ်မူအဂီၢ်န့ၣ်လီၤ.

လံာ်ယိၤဟၣ် 6:69

ဒီးခဲအံၤပနာ်ဒီးသ့ၣ်ညါလၢနမ့ၢ်ပှၤစီဆှံတဂၤ လၢအဟဲလၢကစၢ်ယွၤအအိၣ်န့ၣ်လီၤ.”

လံာ်ယိၤဟၣ် 8:25

အဝဲသ့ၣ်သံကွၢ်အီၤ, “နမ့ၢ်မတၤလဲၣ်.” ယ့ၣ်ၡူးစံးဆၢ အဝဲသ့ၣ်, “မ့ၢ်ဒ်ယစံးတ့ၢ်သုလၢအခီၣ်ထံးလံၤလံၤအသိးန့ၣ်လီၤ.

၂ ကရံၣ်သူး 1:19

အဂ့ၢ်ဒ်အံၤယ့ၣ်ၡူးခရံာ်, ကစၢ်ယွၤအဖိခွါတဂၤ, လၢအဘၣ်တၢ်စံၣ်တဲၤတဲလီၤအဂ့ၢ်လၢသုသိးသုကျါလၢစီၤစံလၤ, စီၤတံၤမသ့းဒီးယနီၢ်ကစၢ်ဒၣ်ယဲန့ၣ်တမ့ၢ် ပှၤတဂၤလၢ အ “မ့ၢ်” ဒီး “တမ့ၢ်” လၢတဘျီဃီအတီၢ် ပူၤဘၣ်. အခိၣ်တလိာ်, အဝဲဒၣ်မ့ၢ်ဝဲယွၤအ “မ့ၢ်” န့ၣ်လီၤ.

၁ ပ့းတရူး 2:23

ဖဲအဝဲဘၣ်တၢ်ကတိၤဒုၣ်ဒွဲၣ်အီၤန့ၣ်, အဝဲတကတိၤဒုၣ်ဒွဲၣ်ဆၢ က့ၤတၢ်ဘၣ်. ဖဲအဝဲတူၢ်ဘၣ်တၢ်နးတၢ်ဖှီၣ်န့ၣ်, အဝဲတမၤ ပျံၤမၤဖုးက့ၤတၢ်ဘၣ်. မ့မ့ၢ်တခီပာ်အတၢ်မုၢ်လၢ်တဖၣ်လၢ ကစၢ်ယွၤ, ပှၤစံၣ်ညီၣ်တီတၢ်တဂၤအပူၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:24

ပှၤအံၣ်စရ့လးဖိတဖၣ်အဂံၢ်အဘါစၢ်လၢမုၢ်နံၤအဝဲန့ၣ်မ့ၢ်လၢ တၢ်သၣ်ဝံၤအသးအဃိလီၤ. အဂ့ၢ်ဒ်အံၤ, စီၤစီလူးမၤတၢ်ဆိၣ်သမှံၤသပှၢ်တမံၤဒီးဟ့ၣ်လီၤ အကလုၢ်လၢ, “တချုးလၢယဟ့ၣ်ကၣ်ဒံးဘၣ်ယဒုၣ်ယဒါတဖၣ်အမုၢ်တနံၤန့ၣ်ပှၤတဂၤ လၢ်လၢ်လၢအအီၣ်တၢ်အီၣ်တမံၤမံၤန့ၣ်တၢ်ဆိၣ်အၢတမံၤကအိၣ်လၢ အလိၤလီၤ.” မၤသးဒ်န့ၣ်ဒီးလၢမုၢ်နံၤအဝဲန့ၣ်ဒီနံၤညါန့ၣ်, ပှၤတအီၣ်တၢ်နီတမံၤနီတဂၤဘၣ်.

လံာ်စီၤၡမူၤအ့လးအခီၣ်ထံးတဘ့ၣ် 14:26

သ့ၣ်ပှၢ်န့ၣ်ပှဲၤဒီးကနဲစီလီၤ. ဘၣ်ဆၣ်ဒီးပှၤတအီၣ်ကနဲစီန့ၣ် နီတစဲးဘၣ်. အဂ့ၢ်ဒ်အံၤ, အဝဲသ့ၣ်ပျံၤစီၤစီလူးအတၢ်ဆိၣ်အၢအဃိလီၤ.

လံာ်စီၤၡမူၤအ့လးအခီၣ်ထံးတဘ့ၣ် 14:28

ဘၣ်ဆၣ်ဒီးလၢပှၤဂီၢ်မုၢ်အကျါတဂၤစံးဘၣ်အီၤ, “ပဝဲကိးဂၤဒဲးပဂံၢ်ပဘါစၢ်လၢတၢ်သၣ်ဝံၤပသးအဃိလီၤ. ဘၣ်ဆၣ်ဒီးနပၢ်မၤပျံၤမၤဖုးပှၤဒီးစံးလၢပှၤတဂၤလၢ်လၢ်လၢ အအီၣ်တၢ်အီၣ်တမံၤမံၤန့ၣ်တၢ်ဆိၣ်အၢတမံၤကအိၣ်လၢအလိၤတနံၤ အံၤလီၤ.”