လံာ်မးသဲ 26:62 - Sgaw Karen Common Bible

⁶² ပှၤလုၢ်တၢ်အခိၣ်အဒိၣ်ကတၢၢ်ဆၢထၢၣ်ဒီးသံကွၢ်ယ့ၣ်ၡူး, “တၢ်ကမၣ်လၢပှၤတဖၣ်အံၤဃုတုာ်နၤခဲအံၤန့ၣ်, မ့ၢ်တၢ်လၢနကတဲဆၢအီၤတအိၣ်ဘၣ်နီတမံၤဘၣ်ဧါ.”

လံာ်မးသဲ 26:62 Iomraidhean Croise

လံာ်မးသဲ 26:61

ဒီးစံး, “ပှၤအံၤစံးဝဲ, ‘ယမၤလီၤပှီၢ်ကွံာ်ကစၢ်ယွၤအတၢ် လုၢ်ဟံၣ်ဒီးလၢသၢသီအတီၢ်ပူၤန့ၣ် ယဘှီထီၣ်က့ၤအီၤသ့လီၤ.’ ”

လံာ်မးသဲ 26:63

ဘၣ်ဆၣ်ယ့ၣ်ၡူးအိၣ်ဘှီၣ်ကလာ်လီၤ. မၤကဒီးတဘျီပှၤလုၢ်တၢ်အခိၣ်အဒိၣ်ကတၢၢ် ကတိၤတၢ်လၢယ့ၣ်ၡူးဒီးစံး, “အခဲအံၤယမၢနဆိၣ်လီၤနသး လၢကစၢ်ယွၤလၢအမူဝဲတဂၤအမံၤအပူၤလီၤ. တဲဘၣ်ပှၤ, မ့ၢ်နမ့ၢ်ခရံာ်, ကစၢ်ယွၤအဖိခွါန့ၣ်ဧါ.”

လံာ်မၢ်ကူး 14:60

ပှၤလုၢ်တၢ်အခိၣ်အဒိၣ်ကတၢၢ်တဂၤဂဲၤဆၢထၢၣ်လၢပှၤခဲလၢာ် အမဲာ်ညါဒီးသံကွၢ်ယ့ၣ်ၡူး, “နတစံးဆၢတၢ်နီတမံၤဘၣ်ဧါ. တၢ်လၢအဝဲသ့ၣ်အုၣ်အသးထီဒါနၤအံၤမ့ၢ်တၢ်မနုၤတမံၤလဲၣ်.”

လံာ်လူၤကၣ် 23:9

လၢတၢ်န့ၣ်အဃိ, စီၤဟ့ၤရိာ်သံကွၢ်ယ့ၣ်ၡူးတၢ်သံကွၢ်အါထံၣ်, ဘၣ်ဆၣ်ယ့ၣ်ၡူးတစံးဆၢဝဲနီတဘီဘၣ်.