လံာ်မးသဲ 26:58 - Sgaw Karen Common Bible

⁵⁸ စီၤပ့းတရူးပိာ်ထီၣ်အဝဲသ့ၣ်အခံလၢအယံၤ, ပၢၢ်တုၤလၢပှၤလုၢ်တၢ်အခိၣ်အဒိၣ်ကတၢၢ် အဟံၣ်အကရၢၢ်ပူၤန့ၣ် လီၤ. အဝဲလဲၤနုာ်ဆူကရၢၢ်ပူၤတၢ်လီၤပျီအလီၢ်, ဒီးဆ့ၣ်နီၤသကိးဝဲဒီးပှၤခိးတၢ်ပၢၤတၢ်ဖိတဖၣ်, ဒ်သိးကသ့ၣ်ညါတၢ်ကမၤအသးလၢခံကတၢၢ်ဒ်လဲၣ်အဂီၢ်န့ၣ်လီၤ.

လံာ်မးသဲ 26:58 Iomraidhean Croise

လံာ်မးသဲ 26:3

အကတီၢ်ဖဲန့ၣ်, ပှၤလုၢ်တၢ်အခိၣ်အဒိၣ်တဖၣ်ဒီးပှၤယူဒၤဖိကရၢ အခိၣ်အနၢ်တဖၣ်ထံၣ်လိာ်အသးလၢပှၤလုၢ်တၢ်အခိၣ်အဒိၣ် ကတၢၢ်စီၤကၤယါဖၤအနီပူၤ,

လံာ်မးသဲ 5:25

ပှၤတဂၤဂၤမ့ၢ်လိာ်ကွီၢ်နၤဒီးမၤဘၣ်လိာ်က့ၤနသးဒီးအီၤဖဲ တၢ်ဆၢကတီၢ်အိၣ်ဒံး, တချုးနလဲၤဘၣ်ဆူကွီၢ်ဘျီၣ်ပူၤန့ၣ်တက့ၢ်. နမ့ၢ်တုၤဆူကွီၢ်ဘျီၣ်ပူၤဒီးအဝဲကဟ့ၣ်လီၤနၤဆူပှၤစံၣ်ညီၣ်ကွီၢ်အစုပူၤ, ဒီးပှၤစံၣ်ညီၣ်ကွီၢ်ကဟ့ၣ်လီၤနၤဆူပှၤပၢၤကီၢ်အစုပူၤ, ဒီးနကဘၣ်တၢ်ဆှၢနၤဆူဃိာ်ပူၤန့ၣ်လီၤ.

လံာ်လူၤကၣ် 22:54

တုၤနုၤတစုအဝဲသ့ၣ်ဖီၣ်ယ့ၣ်ၡူးဒီးစိာ်ကွံာ်အီၤဆူပှၤလုၢ်တၢ် အခိၣ်အဒိၣ်ကတၢၢ်အဟံၣ်ပူၤ, ဒီးစီၤပ့းတရူးပိာ်ထီၣ်သကွ့ၤအခံလီၤ.

လံာ်ယိၤဟၣ် 18:25

စီၤပ့းတရူးအိၣ်ဆၢထၢၣ်ဒံးဖဲန့ၣ်ဒီးဆူးမ့ၣ်အူန့ၣ်လီၤ. အဃိ, ပှၤအဂၤတဖၣ်သံကွၢ်အီၤ, “နမ့ၢ်စ့ၢ်ကီးပှၤအဝဲန့ၣ် အပျဲၢ်အဘီၣ်တဂၤတမ့ၢ်ဘၣ်ဧါ.” ဘၣ်ဆၣ် စီၤပ့းတရူးသမၢတၢ်ဒီးစံးဝဲဒၣ်, “တမ့ၢ်ဘၣ်.”

လံာ်ယိၤဟၣ် 19:6

တုၤပှၤလုၢ်တၢ်အခိၣ်အဒိၣ်တဖၣ်ဒီးတၢ်လုၢ်ဟံၣ်အပှၤပၢၤတၢ် တဖၣ်ထံၣ်ယ့ၣ်ၡူးဒီး, အဝဲသ့ၣ်ကိးပသူထီၣ်ဒီးစံးဝဲဒၣ်, “ပျၤထီအီၤလၢထူၣ်စုညါအလိၤ, ပျၤထီအီၤလၢထူၣ်စုညါ အလိၤတက့ၢ်.” စီၤပံၤလးစံးဘၣ်အဝဲသ့ၣ်, “မ့မ့ၢ်ဒ်န့ၣ်ဒီး, ဟဲဟံးန့ၢ်အီၤ ဒီးပျၤထီကွံာ်အီၤလၢထူၣ်စုညါအလိၤလၢသုကစၢ်ဒၣ်သုဝဲ တက့ၢ်. ယဲယတထံၣ်န့ၢ်တၢ်အဂ့ၢ်အခၢးလၢယကစံၣ်ညီၣ်အီၤ အဂီၢ်နီတမံၤဘၣ်.”

လံာ်ယိၤဟၣ် 7:32

ပှၤဖၤရံၤၡဲတဖၣ်နၢ်ဟူပှၤဂီၢ်မုၢ်ကတိၤကသွံကသွါတၢ် ဘၣ်ဃးယ့ၣ်ၡူးအဂ့ၢ်အဃိ, အဝဲသ့ၣ်ဒီးပှၤလုၢ်တၢ်အခိၣ် အဒိၣ်တဖၣ်မၢလီၤတၢ်လုၢ်ဟံၣ်အပှၤပၢၤတၢ်ဖိတနီၤလၢ ကလဲၤဖီၣ်န့ၢ်ယ့ၣ်ၡူးအဂီၢ်လီၤ.

လံာ်ယိၤဟၣ် 7:45

ဖဲတၢ်လုၢ်ဟံၣ်အပှၤပၢၤတၢ်ဖိတဖၣ်က့ၤကဒါက့ၤဝဲန့ၣ်, ပှၤလုၢ်တၢ်အခိၣ်အဒိၣ်တဖၣ် ဒီးပှၤဖၤရံၤၡဲတဖၣ်သံကွၢ် အဝဲသ့ၣ်, “ဘၣ်မနုၤအဃိသုတဟဲက့ၤဖီၣ်အီၤန့ၣ်လဲၣ်.”

မၤတၢ် 5:22

ဘၣ်ဆၣ်ဒီးတုၤပှၤပၢၤတၢ်ဖိအခိၣ်တဖၣ်လဲၤတုၤဝဲဒီး, အဝဲသ့ၣ်တထံၣ်ဘၣ်ပှၤတၢ်မၢဖိတဖၣ်လၢဃိာ်န့ၣ်အပူၤဘၣ် အဃိ, အဝဲသ့ၣ်ဟဲက့ၤကဒါက့ၤဆူကီၣ်ကးတဖုအအိၣ်ဒီးဟ့ၣ်ထီၣ် တၢ်ကစီၣ်ဒီးစံးဝဲ,

မၤတၢ် 5:26

အန့ၣ်ဒီး, ပှၤပၢၤတၢ်ဖိအခိၣ်ဒီးအပှၤပၢၤတၢ်ဖိတဖၣ်လဲၤဝဲဒီးဟဲက့ၤ ကိးပှၤတၢ်မၢဖိတဖၣ်န့ၣ်လီၤ. အဝဲသ့ၣ်တမၤဆူၣ်မၤစိးတၢ်မၢဖိ တဖၣ်ဘၣ်. အဂ့ၢ်မ့ၢ်လၢအပျံၤဘၣ်ဝဲပှၤကကွံာ်ဘၣ်ဖုးအဝဲသ့ၣ် လၢလၢၢ်အဃိန့ၣ်လီၤ.